#القدر❤️
#الحلقه_30_الجزء_الاول❤️
#والاخيره❤️
.
.
.
.
.
.
.
.
.
.
.
.
.
.
.
.
.
.
.
.
بحتت ف التليفون بعد سكر ..عقلها ماهنهش ..كرت وشاح ..وطلعت بسرعه ..وامها اضبحلها ..
صبت بصدمه من اللي شفاته ..حوش عيت جدها والعه فيه النار بالكامل مش فاضل منا شي ..
دموعها قعدن ينزلن ..وهو النار تاكل فيه ..بعد مانتشر الكلام ..مافيش حد جا وطفاه ..وهيا مصبيه صنم تبحت بس ..
لعند حست بيديه عليها ..برمها عليه ..
"ميرال ..بنوتي ..تعالي ي جدو تعالي اجري .."
"والله ي بااتي ميرال متعبه امها .."
"اوبااا حبيبة عمها .."
ياسين>>ميرال ..
عيطت بوجع ..وهيا حاطه يدها ع صدرها ..
ميرال>>والنبييي ماتخلليييه ينحرق ي ياسين والنبي لااا حتىى لووو هووو شنو ..ذكرياتتناااا ي ياسيييننن ريحه بااابااا فيه يااااسييين والنبيييي لاااا ..
غمض عيونه زين ..وحضنها وهو يبحت ف الحوش اللي معش قعد منا شي من الحريقه اللي ركبت فيه ..
تبكي بالصوت ..
ميرال>>ليش وصلتنا للحاله هذي ي جدووو ليش درتتت فينااا هكي ي جدو .. ليش خليتنااا هكييي لييششش ..
ياسين>>تمام حبيبي تمام ..
بكاها كان يسمعن فيه الصبايا جوا ..
بكت فريحه بحرقه ..ونجاة تسكت فيها ..
دق باب الحوش ..فتحت غفران ..
بحت فيها ياسين بحتت ف ميرال اللي ف يده ..ووسعت الطريق ..
زاد ضم ميرال لصدره ..وخش بيها ..بحتت فيه فريحه ..
فريحه>>دلي ياسين ع دارها ي غفران ..
هزت راسها وركبت وهو لحقها بميرال اللي مستمره تبكي ف حضنه ..
فتحت باب دار ميرال ..خش وحطها ع السرير ..مسكت فيه ..
ميرال>>ماتخلينيش ..
زاد ضمها ..
ياسين>>قاعد معاك حبيبي قاعد ..
ابتسمت غفران وطلعت وسكرت الباب ..
وهو حول لميرال وشاحها وفك المساكه ..وحوللها جاكتها خلاها بالكت اللي لابسته ..
اتكا وحط يده رقدت عليها ..قعد يحول ف شعرها من عيونها وهيا تبحت ف صدره ..ردت تبكي من جديد ..
ميرال>>انا خايفتك حتى انت تطلع حلم ...
طبس باس خدها ..وحك لحيته عليه ..
ياسين>>تحسي بهذا كله ولا ..
هزت راسها ..
ياسين>>معناها انا معاك ديما وجنبك ونحبك لين نموت ..
حضناته وهيا تبكي وهو لفها له ..وهو يبحت ف الفراغ ..
........
بحت ف تقوى اللي جت من بعيد ..
علي>>تقوى ايه ..
تقوى>>مانخافش مافيش شي خطير ..
وفتحت الباب وخشت ..وهو قمعز وحط يديه ع راسه ..
تشوف ف سكرها ..
تقوى>>ويه تسمعي فيا ..
هزت راسها بتعب ..
بحتت تقوى ف الممرضه ..
تقوى>>سكرها كويس ع العمليه ..كل اشويه قيسيه وقيسي الضغط تمام ..
هزت راسها ..
طلعت بحتت ف علي ..
تقوى>>خشلها نص واعيه ونص لا ..
هز راسه وصبا بسرعه خشلها ..
بحتت نقوى نهايه الممر لقت معاذ يبحت فيها ..عزقلها بوسه ..طنشت ومشت وهو ضحك ..
...
مصبيين الثلاثه ع القزاز متاع الحضانه ..
وسام>>البنوته شقره مش شور ايه بكل ..
سيف>>وطشه عسل تتاكل ماكله ..
فرح>>ان شاء الله ف كل شي تطلع تشبهلي مش تجلط علي ..
ضحكو خوتها ..وهما يبحتو ف البنوته وفرحانين بيها❤️
....
قرب منها وقمعز ع السرير ..
فتحت عيونها وبحتت فيه وردت غمضتهن ..
مسك يدها زين ..
علي>>الحمدلله ع سلامتك ي اجمل ماما ..
كانت مازالت مدوشنه من البنج ..ردت فتحت عيونها ..وابتسمت ..
ايه>>الله يسلمك ..
ركزت عليه عيونه مليانات دموع ..
رفعت يدها وحطتها ع خده ..
ايه>>"بتعب .."اهو حبيبي بعد تعب فرحنا ..انا معاك ماتخافش ..
طبس عليها وضمها زين ..وهيا غمضت عيونها وحطت يدها ع ظهره ..
دق الباب ..رفع روحه علي وبرم وجه وهو يمسح ف عيونه ..
سيف>>ماما ويه ..
بحتت فيهم وضحكت ..فرح قدامهم ماسكه البنوته وهما وراها مبتسمين ..
برم علي بحت فيهم ..
وسام>>البكاي هنا ..
ضحك علي ..وصبا ..
فرح>>بنوتتكم ..
قربو خوتها حمدولها بالسلامه ..
فرح>>خوذها ..
دموعه عبن عيونه من جديد ..ومد يده وخذاها ..
ضمها له زين .. ودفن وجه ف بطانيتها ..ونهار بكا ..
تقولولي مبالغ علي ..نقوللكم لا ..علي عاش مع ايه جميع انواع الوجع والفراق ..يعني لحظه كيف هذي ماكانتش متوقعه لاثنين ..دموعه كانن الوحيدات اللي يعبرن ع فرحته ..ان وصل وقعد بات بنوتت ايه ..اللي ياما تعب مش وصل فيها ياما ضحو وياما عانو وياما وياما ..
تبحت فيه ايه بعيون مدمعه ..
ايه>>علاوي ..
رفع راسه ..وباس راس بنته ..وخدودها ..
وقعد يبحت فيها ..فتحت عيونها ابتسم ..
وسام>>شن بتسموها ..
ايه>>انا وعلي متفقين ..نبو فرح تسميها ..
بحتت فيها فرح ..
فرح>>اكيده لا بنوتك هذي وانتي تعبتي فيها ..
ايه>>انا عارفه انك تبي تسمي بيبي حد ..وديما خاطرك نبيك تسمي بنوتي ..
ابتسمت فرح ..وعيونها امتلن دموع ..
علي>>"بخنقه .."سميها هيا مش نكبرولها ..
فرح>>نيهان ..❤️
سيف>>نجي حبيبت خالها ..
ضحكو ونيهان تبحت ف علي اللي يبحت فيها ومبتسم ..
.......
صبا بعد رقدت ميرال ..يبرم ف دارها ويبحت فيها ..
دارها كانت طفوليه للحد الاقصى😂❤️
رغم انها ماترقدش فيها الا ف الضرورة ..وديما مع امها حتى ايام باتها حي ترقد معاهم ..
العاب ..ولونها ع الوردي الهادي ..وهو يبحت فيها ومبتسم ..
نفتح الباب ..وخششت غفران راسها ..برم بحت فيها وضحك ..ضحكت وجاته تجري حضناته ..وقعدت تبكي بدون صوت ..
ياسين>>مثلتي صح ي طشه ..هذي حبيبت خوها ..
غفران>>خوفتوني بعد نقطع الاتصال بيكم ..
ياسين>>خلينا ف الحق خفتي عليا ولا ع المنجوه متاعك ..
ضحكت بخجل ..ابتسم ..
وخرت باس راسها ..
غفران>>كنها رقدت ..
ياسين>>خليها ترقد احسن ..لو مافيهش حاجه حنقعد معاها اليوم ..
غفران>>انت ادلل بس ..
ضحك ..
غفران>>خلاص نخليك توا ..تصبح ع خير ..
ياسين>>قدامك الخير ..
طلعت غفران ..وياسين رد اتكا جنب ميرال ..
وهو يذكر ف اخر لقاء بينا وبين غفران بعد طلع من عند ميرال يوم المهمه ..
تلاقه معاها برا ..باس راسها ..
ياسين>>غفران ..ديري بالك ع ميرال وع روحك تمام ..
غفران>>شن في ياسين ..
ياسين>>حبيبتي انا توا مانقدرش نحكي ..حنحكيلك بأختصار ..انا ضابط ف قسم المكافحه .. حالياً قاعد ف مهمه ..وكنه مخططين شي وصار شي ثاني ..بعد اسبوع حيجيكم خبر وفاتي ..انا حي وقاعد بس مش نكملو مهمتنا ي عيون خوك لازم نديرو هك ..
تبحت فيه بصدمه وعيونها مليانه دموع ..
غفران>>ياسين ..
ياسين>>حنقعد نرن عليك برقم غير رقمي ..نطمن عليك وع ميرال ..وعلي حيجيبلك الاخبار تمام ..انا لازم نمشي توا الشباب برا ..
وباس راسها وطلع بسرعه قبل ماتحكي شي ..
بعدها رن عليها فهمها كل شي .. وأنها لازم تبين روحها متأثره مش ماحد يحس بشي ..وغفران لبت النداء بدون اي اعتراض ..❤️
......
مر الوقت لعند الساعه 1الليل ..روح وسام مش يقعد مع الصبايا ف الحوش وسيف روح شور حوشه وسجود عند هله ..
تعاود احساسها اللي تحس بيه وقت يقعد هو جنبها..الحنيه ..الامان اللي تحس بيه ..الدفاء ..هالمره فتحت عيونها ..معش غلبها النوم كيف قبل ..
سريرها فردي ..هو دوبه راقد والباقي واخذته هيا ..
تبحت ف وجه ..كيف حاضنها وحاط يده ع بطنها ..رفعت يدها وحطتها ع خده ..نومه خفيف عكسها هيا ..فتح عيونه بفجعه ..بعد حقها هيا ابتسم ..
وزاد ضمها ..
ميرال>>عيوني ..
ياسين>>قليب ياسين ..عمره انتي ..
وخرت وردت ع المخده ..
حول شعرها من عيونها ..
ياسين>>"ببحه .."احسن توا حبيبي ..
هزت راسها ..
ميرال>>طول ما انت معايا وانا احسن ..
ياسين>>"ابتسم ..",شنو حبيبي ..اه شنو ..
ضحكت ..
ياسين>>هذي دار طفله ي بيبي راه انتي طفله بتقعدي ام ..
ميرال>>اصلا مانرقدش فيها نرقد بين بابا وماما ..
رفع حواجبه وضحك ..
ياسين>>طفله انتي ..
ميرال>>اها هذا ليش بعد اتجي من قبل دروحك مش انت وترقد جنبي ..نحضن فيك عادي لان كنت ندير فيها لبابا ..
ياسين>>"باس خدها .."وانتي مستوليه ع السرير كله ي طشه ..
ضحكت وهزت راسها ..
باس راسها ..قربت رقدت ع يده ..وهو يمسح ع شعرها ..
ياسين>>اتقلبي واجد راك ..مش كويس للي ف ببطنك ولا لظهرك التقلب وأجد ..
ميرال>>انت عارف نومي ..
هز راسه ..وزاد ضمها ..
ميرال>>بنرقد ..
ياسين>>ارقدي هي ..
غمضت عيونها وهو تنهد ورد راسه جنبها ع المخده ..
.......
وطول الليل وعلي قاعد فوق راس ايه ..وف يده البنوته ..مره مره تنوض تبحت فيه وترد ترقد ..وفرح معاهم ..
اما تقوى ف قعدت ف مكتبها بين المرضى ومعاذ معاها وهيا اطنش ..وسيف قاعد ف شقته مسكر ع روحه ويفكر ف كل شي صار اليوم من احداث ..
ويمر اليوم ..ويمر اللي بعده ..
طلعو من المطار ..ركبو طول لسيارة ايمن اللي كانت ف المطار ..وطلعو ..
البنات من التعب رقدن ..اما هما ف كانو ملهوفين ع امهم ..
وصلو ..
نزل شاهين الاول يجري ..خش بسرعه من برا ..
شاهين>>وينها الطشه وين ..
كانت نحاة تراجي فيهم ..ضحكت وهيا تبحت فيه بعيون مليانه دموع ..وزغرتت ..وهو ضحك ..
وقرب شمر اخته ويبوس ف خدودها ..
شاهين>>وأخيرا نورتي دنيتي واخيرا اللقاء ي حبيبت خوك ..نورتي حوشنا ..❤️
ايمن>>"بلهفه.."ترا عطيها ليا ..
مدها له ..وبرم ع امه ..
شاهين>>نجووووته الحب ..
نجاة>>"ببكا.."الحمدلله اللي جيتني ونورت حياتي ي عيون امك ..
ضحك وحضنها زين وهيا تبكي ..
قعدت تبكي معاها منى ..ضحك ..
شاهين>>بتسرقك مني يمي هكي راه ..تعالي ي طشه هذي امي بروحي افطني لروحك ..
....
طلعت ايه بعد ثالث يوم من المستشفى معاها نيهان ..اللي قعدت عشق علي وفرح ..وفرحة خوالها بيها فاقت كل شي ..
ف اسبوعها قررو الشباب انهم ينخطبو خطبه جماعيه ..شاهين وايمن واسامه وياسين ..
وقررو انهم يديروها ف جامع منها فاتحه اسامه وشاهو وايمن ومنها خطبة ياسين ع مراته😂❤️
.....
كان يوم المحكمه .. اللي نفسه تكريم ياسين وياسر واسامه ..واللي نفسه بالضبط اسبوع نيهان وفاتحه الشباب وخطبة ياسين ..❤️
تقدرو تقولو يوم بميه يوم ..من التعب ..كأنهم ف اليوم هذا اللي اذاهم ينحرق وهما سعيدين ..
اللي حاضر المحكمه كانو شباب القسم اللي تعبو ف المهمه ومن بينهم بطلنا الحبيب ..ومن ضمنهم محمد ..
كانت النيه من المحكمه للتكريم ..ومن التكريم ع حوش المزرعه متاع بات ياسين ..مش يديروه شيله بيله ..اقتراح من منصور ..
المحكمه كانن فيها دلائل واجد ..بذات ضد فخري ..واللي زادهم لما خش الشاهد واللي هو مازن ..ووراه علي اللي كان حاضر مقتل رغد ..
واخره زاد ياسر سلمهم الاوراق اللي خذاهن من حوش فرج يخصن رغد ..والتسجيلات اللي مسجلتهن .. وياسين حتى هو عطاهم مذكرات حسام اللي كان يحكي ع كل شي يسير معاه وهو مع فخري ..
بعد فخري حق مازن ..كانت ضربه قاضيه له ..
صبا مازن ..ومعاه علي ..
وكل شي صار وحكاه ياسين نحكا بالحرف الواحد ..
"ياسين ..هل كنت ع علم بأن خوك حسام من ضمن المجموعات اللي ندورو عليهن لنا مده طويله .."
صبا ياسين ..
ياسين>>لا ماكانتش عارف ..نعرف ان هو يشرب اه ونهيته كم مره ع الشي هذا ..وكنت ع علم ان باتي تبرا منا للشي هذا ..بس ماكانش عندي علم ان يبيع حتى هو ..
مازن>>ماكانش يبيع ..حسام كان بس متاع الحسابات اما يستلم شحنه وياخذ فلوسها او يصبي حارس عليها مش اكثر ..
"يعني تقول ان حسام بريء من التهم اللي موجها ضده .."
مازن>>حسام لعبوله لعبته كيف عيال الذيب ..رغم ان هما عكس وكانو معروفين وحتى باتهم معروف بس حسام كان مخه مغسول وكان ذراع فخري اليمين من حيث الحسابات وغيره ..بس ماعمرش مره مشا معانا مش استلمنا بضاعه او بعنا بضاعه ..الشغل كان عليا وع عمر الذيب ..وفادي الذيب والاثنين توفو ..اللي قاعد الوحيد فيهم ..دليت الافندي ياسر ع مكانه وتم القبض عليه ..
"عصابه وحده .."
ياسين>>ان انا نعلم بهذا كله لا ..
شيرله القاضي ان يقمعز ..قمعز ياسين ..حط ياسر يده ع ركبته بحت فيه ..
ياسر>>عين العقل ..
ابتسم ياسين بحزن ..ورد يبحت ف القاضي ..
......
ف الحوش كانو الشباب زايطين ..
مابش حد منهم يمشي للمحكمه ..ذبحو لنيهان وذبح منصور لردة شاهين بالسلامه هو وياسين ..وعشان العشاء ..اما البنات لاهيات يتناسن ف القصه ..
تقوى>>عارفته انا من يوم اللي صار وانا مضايقه عرفته مضايق ..
سجود>>مايرقدش طول الليل تسمعي الولاعه .. ومضايق مش طايق حد ..
تقوى>>مش ساهل اللي صار ي سجود ..ساد غير حوشنا اللي قبل حرقوه لولا لطف ربي ..وغير هك حوش جدي اللي كل مايطلع ويخش يشوفه رماد موضوع صعب توا يتخطاه ..
سجود>>يارب لان مش هاين عليا نشوفه هك ..حتى موضوع وليد مافكرتش فيه معاه ..نفكر فيه هو بس ..
تقوى>>وليد مات ماعندك ماتفكري ف موضوعه ادعي ربي يرحمه بس ..
تنهدت سحود وهزت راسها ..
لين>>ماما ..
تقوى>>نعم ي ماما هنا ..
خشنلها ..وقربت مدتلها ورده ..
تقوى>>من وينلك هذي ..
لين>>من الامير قالي قولي لسندريلا حرام عليك ..
ضحكت سجود ..كيف لين جابتها وذبلت عيونها ..
وتقوى هزت راسها بأسف وهيا مبتسمه ..
تغير ايه لنيهان ..وراقده جنبها فرح جنابها ..
ايه>>مرات من التعب بس ..
فرح>>ممكن ..غير ميرال خلوها تقمعز هيا وتالين فريب يفرن السماء ..
ضحكت غفران اللي ادير ف جمتها بالفير ..ومعاها تالا ..
تالا>>انا الوحيده اللي مبرده ..
فرح>>عادي صارتلي انا ...توا بعد تحقيه ترتبكي ..
تالا>>مانظني ..
غفران>>فانص ماه😂
تالا>>بعد اعترفتله مافيها ..هو بارد مابش يتلحلح ..
فرح>>"ضحكت .."اقوى حاجه درتيها حكتلي عليها تالين ..
تالا>>قلت توا ننخطب ..نقرا فاتحتي يكلم يقلب الدنيا ع راسي وراسه ..الراجل بارد ماعدل بكل ..بلعاني خليت تالين تمشي مع خالو ومصعب مش يشوفه ..ولا كأنه ..تي نوريك ي حيوان ..
ايه>>كله انتي😂 ..
تالا>>خلاص كتبت ورقه دروحها غفران كتبتها ..وهو تخضر وتصفر عرفتها صح ..خلاص اعترفت بعد ماخليت هذك يطلقني بعد اتفاق جميل عقدته معاه ..
فرح>>بنت امك ..
تالا>>ها يخيه ناكل كبدي بروحي لا كول معايا ..
ضحكن البنات ..
خشت ميرال ..
ميرال>>انتن هنا صبن هيا ..
فرح>>اهي جت المغرومه ..بسي شلقم ع قولها ..
ميرال>>نجه ليا عيون مراته ..
تالين>>ميرال واصله لأقصى مراحل الحب ..
ميرال>>مرات العميد ماتغلطيش ..
ايه>>نعليا ..
ضحكت ..
ميرال>>تعالن بلا براده قريب يجيبو التكريم متاع ياسين ..وغير هكي بنغلفو الفواكه ..
ايه>>جينا هي ..فرح ديري بالك ع نيهان ..
ميرال>>واشربي النعناع بلا سماطه ..
فرح>>باهي سكنتن اطلعن وطفن الضي ..بترقد انا وبنتي
ضحكن البنات وطلعن ..
وفرح ضمت نيهان ورقدت ..
......
خذت وقت طويله المحكمه ..بذات باللي حكا عليهم حمزه ونطق بيهم عمار وفخري حتى ..وخذت وقت واجد بذات بأن الاعترافات ع فخري زادت ..ومن فخري طلعو عيال الذيب وغيرهم ..خذا القاضي قريب ساعه مش ينطق بالحكم ..
وبعدين خش من جديد ..
"تم الحكم ع كلاً من فخري ال..... بالشنق حتى الموت وحمزه ال..... وعمار .... وكل من شارك معهما بالسجن مدى الحياه ..ومازن خالد ال.... بعد تعاونه معنا حكمة المحكمه عليه بالسجن 10 سنوات ..رفعت الجلسه .."
ضحكة ياسين ف هاللحظه وسعادته ماتوتصفش ..ولا ياسر اللي واخيرا رد حق صاحبه ..
ياسر>>سامحني لو زعلتك ف المهمه هذي كلها ..
ياسين>>"ضحك .."تي زعلتني بكيتني المهم ف الاخر كل حق رد لأصحابه ..
اسامه>>مش وقت غرامكم توا ..هيا ورانا تكريم وترقيه ..وخطوبه ..
ياسر>>فرحان الاخ ..
اسامه>>بنطير ..
شلفطه ياسين ع رقبته ..ضحك وهو يتحسس فيها وطلعو ..
....
ميرال>>تعاللللي ي ماما بدو ..
جت فريحه تجري ووراها نجاة ..وصبن عند الباب يتفرجن ..
ابتسمت ميرال بعد جت الكاميرا ع ياسين وهو بارم يضحك مع اسامه ..
تالين>>معفن ماشفتش من يوم روحت ..
ميرال>>مش فاضي بكل حتى انا يالله كان كلمني يطمن بس ..حتى عمر وسند وخالتي ام السعد مازال ماشافهم ..
قعد الرئيس متاعهم يلقي ف كلمه ..وبعدين بدا ف التكريم ..
"العميد ياسين سمير ال......"
دموع ميرال نزلن ..بعد صبا ياسين شور المسرح وركب وسلم عليهم وضربوله التحيه ..
تالا>>اللي يجيبو عليه ف الكاميرا الاسمراني هذا من ..
غفران>>اكيد ضابط معاه ..
عيشه>>عرفتيه ي نجاة هذا من ..محمد ولد سميره ..
نجاة>>والله .. ماشاءالله كيف قعد غزال ..الله يرحم مينته ..عز الناس والله ..
وسكتن يكملن ف الباقي ..حطو لياسين رتبه اخره ف بدلته ..وشهاده وسلسله وجو هذا ..
ونزل وكيفه اسامه واخرهم ياسر اللي قعد لواء❤️
..
كيف البنات كانوا يتفرجوا الشباب ..رغم وجع سيف ووسام ع جدهم ..الا انهم فرحوا واجد لياسين واللي حصله من تعب لقاه ..
..
محمد>>نهنيك فندي ياسين ولا العميد توا ..
ياسين>>"بضحكه .."اللي تريحك ي باشا ..
محمد>>الف مبارك انجاز كبير تستحقو عليه الشكر والثناء ..
اسامه>>هيا ياسين وراك حلاق ..
ضحك وبحت ف محمد ..
ياسين>>بارك الله فيك ..وسلم كثير السلام ع الافندي اوس وقوله سلامات ..
محمد حط يده ع راسه ..
اسامه>>'جا يكر فيه . "سامحنا ي فندي عنده خطوبه مسعحله ..
ضحك محمد وهز راسه ..
كر اسامه ياسين وطلع بيه ..
اسامه>>وقت ي راجل خطبتك انت وخطبتي وخطبه ايمن وشاهين ازح ..
ياسين>>سكنت راه نقول مافيش اختي اه ..
اسامه>>والله ماصارت هرمنا ي راجل ..
ياسر>>استنا انت وياه ..
بحتو فيه ..جاهم بسرعه ..
ياسر>>من غيري مايسير شي ..
اسامه>>احا ..
ضحك ياسين وركبو للسيارة وطلعو
.....
من الحلاق ..طول للحوش ..دوبهم تغدو ..واذن العصر ..وماحد سأل ف المحكمه شن صار فيها ..
جا المأذون ..
وكانت اول فاتحه فاتحة شاهين ..
وكلهم مصبيين معاه ..
من وسطهم كلهم ..فقد أدم ..بانت ف وجه وعيونه ..لدرجه طلع بكل من المربوعه ..وياسين معاه بعيونه ..
حط يديه ع وجه وقعد يبكي ..ادم قريبه منا واجد ..وكان متمني ان يحضر معاه فرحه ويصبي معاه ..
كانت طالعه من جوا ماشيه للحوش الثاني ..بعد حقاته مشت شوره تجري ..
تالين>>شاهو عيوني ..
بحت فيها وهو يمسح ف عيونه ..
تالين>>كنك حبيبي شن في ..
شاهين>>ادم مش قاعد وسطهم ي تالين ..
ونهار بكا من جديد ..قربت منا ..وحضناته ..وهو لف يديه عليها وهو يبكي ..
بحت منصور ف ياسين اللي غمضله عيونه لمعنى خليه ..
اللي كان وكيل تالين عمها فادي ..ومنصور وكيل شاهين ..
مقمعز ياسين ومربع يديه ..ومصبي جنبه سالم ..
سالم>>الشباب بيشوفوك راه ..
ياسين>>كنهم ماجو معاك ..
سالم>>باتهم تعبان قاعدين معاه ..
هز ياسين راسه ..
وبعد ماحكوا مع الشيخ اللي مطلوب منهم وهما يردوا وراه ..
"اللهم بارك لهما وبارك عليهما واجمع بينهما بالخير .."❤️
واتوجت تالين مرات شاهين ..
كلم معاذ نجاة وخبرها ..وزغرتن الصبايا جوا ..
بعد سمعهن شاهين ضحك وهو مازال حاضنها ودموعه ف عيونه ..
تالين>>راجلي ..
شاهين>>"وخر وبحت فيها .."مدامي عيوني ..
ابتسمت ..باس راسها بعمق ..وباس يديها ..
شاهين>>نحبك ..ومبروك علينا ..
تالين>>نموت فيك ..الله يباركلي فيك ..
ياسين>>ي هوووو انتم اوووي خشيي جواا انتي ..
بحتت فيه وضحكت ..
شاهين>>مرررراتي ..
ياسين>>جواااااااا .."وماسك ضحكته بالسيف .."
ضحكت ومشت تجري جوا ..وبحت شاهين فيه ..
شاهين>>لقنه مافيك جو ..
ياسين>>"ضحك .."عيب ي بابا عيب تعال خش هي😂 ..
كشخ عليه ..وكيف جو بيخشو ..
ميرال>>بو رتبه فوق اكتيفاته حالف ماننسه غياته ❤
ضحك ياسين ..
خشت تالين تصفق وترقص ..
تالين>>مـا عـمـري عــينـي نـڪـسـرهــا
ديــما فــوق الــعــز نــظــرها❤️💃
"وخشت وسطهن .."التمو عقاله وعقالي
بشرع الله قعد حلالي 💗
بين شهود اليوم ختمنا 💗
صوبك يـ غالي تممنا ..
"ووووووووووووه .."
تالا>>فـرح وزهـا يا العيـن يامـا ريـتي♥️
الغالـي قسـم يلـي وراه شقيتي♥️
غفران>>"ترقص بكتوفها .."ماراحتت ياعيين الغيه ، جاب شيوخه وتما ليا🔥♥️
ميرال>>نور العين غزال الوادي
ضابط ماهو جندي عادي💕 ..يوم عليا عندي فيهم ضباط اسماح بداليهم🤤♥️
"ي ترقص هي وجنينها ..ان شاء الله المولى يعينها .."
ضحك ياسين وهز راسه ..وخش ووراه شاهين اللي يضحك حتى هو ..
يصفقن ويزغرتن ويغنن ويدربكن ..
ناسيات الزعل ..ناسيات التعب ناسيات كل شي ..يعيشن ف اللحظه بلحظتها ..
نسن تالا وتالين امهن ف وجود العيله كلها ..امهن اللي رفضت رفض قاطع انها اتجي وتحضر العرس ..
ونسن بنات فرج جدهن ..وجدتهن اللي حتى هيا رفضت انها اتجي بعد مانحبسو عيالها وراجلها وماجش حد من هلهن ..💔
ونست غفران للحظه باتها وتعايشت مع الوضع ..
نسا ياسين وهو بين هله حسام واللي صار الصبح من وجع ..
كلهم نسو ..بس نجاة مانستش ادم اللي تبحت ف فرح اللي ترقص مع اختها وهيا متحسره ..
منصور مانسش ولده وهو يشوف ف مكانه فاضي بين خوته وهم يباركو لخوهم ..
سيف مانسش بااته ف اقرب يوم لبنته .. ميرال اللي ياما حلم بزوجها ..وزاد حقد ع جده ..
الشباب مانسوش خوهم ويفكرو فيه كيف عايش بعيد عليهم ..
كلهم ف قلوبهم وجع بس حاولو يعيشو اللحظه ويخفو كل شي ..
وجعهم نسوه للحظه بس بيعيشو كل يوم بيومه ..❤️
......
علي>>ذبح منصور الصبح قبل جيتكم ..وجبنا طباخات ..
ياسين>>باهي ي سي اتربى ف عزك ..
علي>>لعقبه عندك ..
ابتسم ياسين ..وبحت ف منصور ..
اللي كيف جا بيحكي مش يخطب ميرال من سيف ..بعد قرو فاتحة ايمن ..
دق باب المربوعه ..وخش حد ..لا كان ع البال ولا ع الخاطر خشته ..
.....
بعد اربع ايام ..
خش ..واثق ..بعيون ثابته عليها ..وهيا مبتسمه بعد شفاته خاش ببدلت الشغل متاعه ..ابتسامته كانت واضحه بسعاده بهناء ..حلم سنين تحقق ..رفع يده ومسح دمعته اللي نزلت ..وهو يبحت فيها من بعيد ..بفيلوها الابيض حاطه يدها ع بطنها تستنا فيه يقرب ..وهو يراجي ف المصورة تصور ..ملهوف ..ميت ع هاللحظه اللي تكون فيها هيا معاه خلاص ..
رغم ان حامل منا ..مراته ..بس حلم ان هيا لابستله الابيض كان بعيد عليه ..
قرب ..كل مايخطو يخطوه هيا تقرب معاه ..لعند وصلت نهايه الممر اللي ينزل للدروج ..وهو صبا عند نهايه الدروج ..
ركب ..درجه ..درجه ..بعد وصل فيها .. بحتت فيه ..رفعت الطرحه .. وضربتله التحيه العسكريه ..ضحك ..وردها لها ..قرب منها ..وصبا قدامها وقعد يبحت ف عيونها بعيونه المدمعه ..شمرها لفت يديها ع رقبته ..وقعد يبرم بيها ..وهيا تضحك ..
ميرال>>حي عليك دخت ..
ضحك ونزلها ..حاطه يديها ورا راسه ..وتبحت فيه وهو يبحت ف عيونها ..
ياسين>>"يزابي ف صوتها .."انا مستحيل نحبك ي ياسين مستحيل ..انا الحلم البعيد اللي مستحيل توصل فيه ..
ابتسمت ..
ياسين>>وصلت فيه ..حققته ..خذيتك ..مراتي حبيبتي..وام وليدي ..
عيونها تعبن دموع ..
ميرال>>"حطت يدها ع خده .."وانا نحمد ربي مية مره اللي طحت ف دلالك انت وحبك انت ..
حط راسه ع راسها ..وهو مبتسم ..تنهد ..
رفعها لمستواه ..ورد حضنها ..
"وسع باللك ي ياااسين ..😂😂"
ضحك وهو وجه ف رقبتها وهيا ضحكت معاه ..
نزلها ..وباس راسها وخدودها ..ومسك يدها زين ..
ياسين>>نروحوا ..نقطعت من اجل هذه اللحظه ..
ضحكت ..
ميرال>>نرقصو .. ناكلو التورته قبل ..
ياسين>>نديروهن ف حوشنا ..
ميرال>>لالا ..هيا بلا دلع ..جرب كيف خليتني بروحي ثلاث شهور ..
ياسين>>"صبا قدامها ويحوللها ف جمتها من عيونها .."واهو جربت ورايفت وحرمتيني واجد ..
ميرال>>عميد عيب اللي تقول فيه ..
ضحك ..
ياسين>>نجيلي فويمها اللي يقول عميد ..
ميرال>>ياسييين ي باارد بطلل ..
ضحك ..ورد ضمها من جديد وهيا مبتسمه ..
قمعزو ..وقربت فرح تسقم ف ميرال ..
فرح>>طيب فيك ..
ضحك ..
ياسين>>مش غير قطعتنا ..
ضحكت فرح ..سقمت جمت ميرال ..ونزلت ..
وميرال تبحت ف الناس ومبتسمه ..وهو عيونه عليها ..يبحت ف تفاصيلها ..تفاصيل الفيلو .. مكياجها ..شعرها كيف طول ..
عيونها ..رموشها فمها خشمها كل شي ..برمت بحتت فيه ..
ميرال>>كنك ..
ياسين>>نصدق انك جنبي .. حبيبي ..
ميرال>>نحبك ..
ياسين>>عشقي انتي ..
ابتسمت ..ومسكت نقالها اللي جنبها ..ورفعاته ..
ميرال>>سيلفي هبال ..
ياسين>>هي ..
قرب منها ..طلع لسانه وهيا تضحك ..وصورت ..
الثانيه هو لفتاته ضحكتها برم يبحت فيها ..
بعد صورت بحتت فيه ..تعلقن عيونهم ف بعضهن ..ركزت ع صدره كيف يرتفع ويهبط ..وابتسمت ..
انتبهوا ع صوت المصوراتيه مش يصبوا يبدلو الدبل ..
صبو ..وهو ماسكها خايفها اطيح ..
بحت فيها بعد حولت دبلته من سلسلة ف رقبتها ..وطلعتها ..
مسك يدها ..وحول دبلتها اللي ف يدها ..ودسها ف جيبه وطلع وحده ثانيه افخم ..
ياسين>>هذي الدبله الثانيه ..
ميرال>>وهذك ..
ياسين>>نصغروها ..ولو جت بنية نلبسوها لها ..
ضحكت وهزت راسها ..
بحتت ف الدبله ..وراها شن مكتوب .."قليب ياسين .."❤️
ابتسمت ..لبسها لها ..وباس يدها ..
وهيا رفعت بدلته ..ولبستها له ..باس راسها زين ..
وشير لفرح اللي ضحكت وهزت راسها ..
مسكها من خصرها وهيا لفت يديها ع رقبته ..
ياسين>>سلميلي روحك توا بس ..
ميرال>>ومسلمتها لك من زمان ...
ياسين>>نموت فيك انا ..
ميرال>>وانا نعشقك ..
باس راسها ..ونزل عيونه ع بطنها ..
ياسين>>يشاركني فيك حتى هنا ...
بحتت ف بطنها وضحكت ...
ميرال>>قطعه ياسين هذا يدلل بس ..
تنهد من قلبه ..ابتسمت ..
بدت موسيقى الاغنيه ..
وماله لو ليلة توهنا بعيد، وسيبنا كل الناس
أنا يا حبيبي حاسس بحب جديد، ماليني دا الاحساس
وانا هنا جنبي أغلى الناس، جنبي احلى الناس
حبيبى ليله
تعالى ننسى فيها اللى راح
تعالى جوا حضنى وارتاح
حطت راسها ع صدره ..وهو ضمها زين ..
دى ليلة تسوى كل الحياه
ومالى غيرك
ولولا حبك هعيش لمين
حبيبى جاية اجمل سنين
وكل مادا تحلى الحياه
حبيبي المس ايديا عشان اصدق اللى أنا فيه
شبكت صوابعها ف صوابع يده اللي ع خصرها ..وهيا حاسه بخفقان قلبه ..بصدرة اللي يرقى وينزل ..ابتسمت ..
ياما كان نفسى اقابلك بقالى زمان، خلاص وهحلم ليه
مانا هنا جنبي أغلى الناس، جنبي احلى الناس
حبيبى ليله
تعالى ننسى فيها اللى راح
تعالى جوا حضنى وارتاح
دى ليلة تسوى كل الحياه
ومالى غيرك
ولولا حبك هعيش لمين
حبيبى جاية اجمل سنين
وكل مادا تحلى الحياه
بدون سابق انذار شمرها ف غمره .. وهيا تضحك ..
ياسين>>هارمنا ي بنتي من اجل هذه اللحظه هارمنا ..
ضحكت وهيا ماسكه ف رقبته .
ميرال>>حبيبي التورته ..
ياسين>>ناكلوها ف حوشنا اسكتي😂
ضحكت ... وهو ضحك معاها ونزل بيها ..وهو نازل
ياسين>>"بصوت شبه مسموع .."عهد عليا ي ميرال مايوم تنزل دموعك الا فرح ..عهد عليا نحبك ونصونك ونكون معاك لين ريي ياخذ امانته ...عهد عليا نقعد لك انتي مش لغيرك ..نكبرك ونفرحك ونسعدك ونكون ديما معاك ..ي قليب ياسين ..
حطت يدها ع خده ..ابتسمت وهو ابتسم ..
طلع بيها ..
فرح>>"تلبس فيها ف الكاب .."ربي يهنيكم ..
ياسين>>لعقبالك ..
ابتسمت طلع طول بميرال بلا ماتشوف حد ثاني .. من لاورة مش مايقابله حد من الشباب ..
ركبها للسيارة ..وركب ..
......
ياسر>>ها موافقه؟ ..
قالها وهيا طالعه من وسط قلبه ..
تنهدت ..وهيا تبحت فيه ..
فرح>>مانقدرش .. انا حبتك اليوم مش نحكيلك ..
ياسر>>عارف اللي مريتي بيه وعارف كل شي ..فرصه وحده بس ليا انا ووعد مني نكون معاك راجل للاخر ..
فرح>>مانقدرش ..لا نفسيتي ولا تقبلي ولا حياتي ولا مشاعري ولا اي حاجه قابله حتى نص راجل ..انت مامريتش ياللي مريت بيه انا جنسكم انتم مادرش فيا خير للاسف سامحني بس نصيبك مش عندي ..
ياسر>>حتى لو قتلك اني نحبك موت ..ونعشقك ونمتمناك ف حوشي اليوم قبل بكره ..؟
....
بعد ثلاث سنوات ..
ايمان>>بابا شنو ..
ميرال>>روووحي ..
ياسين"الصغير ..">>وماما شنو ..
ياسين>>قليبي ..
بحتو ف بعضهم وضحكو ..
ياسين"الصغير ..">>ايمي بابا شنو ..
ايمان>>رروووووحي ..وانت ماما شنو ..
ضحك ياسين ..
ياسين"الصغير ..">>قليبي ..
ياسين>>هوووو هووو قليب امك مش قليبك ..
ضحكت ميرال ..
.....
قبل ثلاث سنوات ..واربع ايام ..🕊️🍃
.
.
#يتبع_ف_الجزء2
#فافي❤️
