#القدر❤
#الحلقه_4❤
.
.
.
.
.
.
.
.
.
.
.
.
.
.
.
.
.
.
.
فتح عيونه وبحت ف خوه اللي يوشوش ..
شاهبن>>"وهو شبه راقد .."امم امس عرس خويا ..
"عقبالنا حبيبي .."
شاهبن>>ان شاء الله حبيبي ..
عزق فيه المخده بحت فيه ..
أيمن>>"فنص .."
شاهين>>هيا حبيبي بنسكر توا ..نحكو بعدين ..
"سلام نحبك .."
شاهين>>حتي انا .."وسكر وبحت فيه .."كنك ازخ ..
أبمن>>مش قتلك معش تكلم جنبي ..
شاهبن>>دار معاذ فاضبه امشي ارقد فيها عليش قاعد قدام وجي هنا ..
أيمن>>انت امشي ليش انت قاعد قدام وجي هنا ..
بحت قيه هك😒 ..
صبا أيمن طلع من الروشن ..
أيمن>>"بصوت عالي .."ميااار ي فيفي عبدو واطي صوت دين ام صحكتك ..
بحتت فيه وصحكت ..
غفران>>صبح ي مونه صبح ..
بحت فيها ..
أيمن>>الجيران يسمعو ازح اشتغلن وانتن ساكتات ..
فيحاء>>غير خش سمعوك انت ..
منصور>>أيييييمن خلي عنك البنات وخش اندفس ..
ضحكن البنات وهو بجت ف باته وخش وطبق الروشن ..
شاهين>>مهزب😂😂😂
أيمن>>"بعصبيه .."تصبي من وجي ولا كيف ماهو هذا صبحك مع الصايعات متاعك ..
ضحك شاهين ضحكة استفزاز عارفينها😂وطلع للحمام ..
سيب أيمن رد رقد😂..
......
طلعت تطنقش ..لقاته مقمعز ع البار ..
رفع حاجبه بعد حقها لابسه توته ..
أدم>>شن قلت انا ..
فرح>>"خشت للمطبخ وفتحت الثلاجه .."والله ي عسل انا مش خدامه جايبني اولا ..ثانيا عيب عروس وننزل نساعدهم بعدين يقولو راجلها مايخافش عليها ..
أدم>>"بنفس نبرتها .."والله؟
فرح>>آه .."وخذت طرف شوكلاطه ..وقمعزت جنبه .."
أدم>>ماتستفزينش ..
فرح>>ماحد قربك من صبح ربي ..
أدم>>"بحت فيها .."انا مانحبش نعاود كلمتي مرتين ..
فرح>>كيفف؟..
أدم>>مانحبش نعاود كلمتي مرتين ..
فرح>>شكلي ماسمعتش ..
فنص فيها ..
قبل مايحكي دق الباب ضحكت وهي تكمل ف الشوكلاطه بعد صبا يفتح ..
لقاها امه ..خذا منها الصفرة وسلم عليها ..
أدم>>عليش متعبه روحك يمي بس ..
نجاة>>تعبك راحه حبيبي البنات لاهيات ف الحوسه قلت انا نجيبلك فطورك ..مراتك وين؟ ..
أدم>>جوا خشي..
نجاة>>عيب ماتجيش ناديها ليا ..
أدم>>"ضحك وبحت قيها .. "غير خشي يمي بس ..
ابتسمت وخشت وهيا تذكر ف الله ..
بعد شافاتها فرح خاشه ..نزلت من الكرسي وقربت منها ..
نجاة>>صباح الخير ..
فرح>>صباح النور .."وسلمت عليها وباست راسها .."توا غير كنت نقول لأدم بننزل نساعد عميمه والبنات صوتهن حايسات ..
فنص أدم عيونه وبحت فيها ..ابتسمتله ..
نجاة>>لا ماتعبي روحك سلم بنيتي البنات متعودات ..وقربن يكملن ..غير جيت بنقولك راه ف الليل جايات صبايا مش تلبسي يمي وتنزلي ..
أدم>>عندها امتحانات ..
نجاة>>هو يوم خلي حتى اتعرف ع العيله ..تمام بنيتي ..
فرح>>حاضر اللي تبيه ..
نجاة>>هي مانعطلش عليكم ..نتلاقو بعدين ..
فرح>>مع السلامه ..
وسقدتها لعند نزلت وخشت ..
بحت فيها ادم بنص عين ..تجاهلاته وقمعزت تفطر بكل برود ..
......
فتحت عيونها بتعب ..تنهدت وهيا تحول ف شعرها من وجها ..
وهيا تذكر ف خشه علي امس ..مسحت وجها ..بحتت جنبها شكله خواتها رقدن معاها ..هيا من كثر البكا معش فطنت لشي ..بحتت ف نقال تقوى اللي ع الفراش يهز ..قربت خذاته لقاته مش مسجل ..قرت الرقم ..رجفت ..
آيه>>ياربي💔
فصل وعاود رن ..فتحت وحطاته ع وذنها ..
علي>>تقوى بدون نقاش عطيني آيه نبيها ..
آيه>>شن تبي ...
ابتسم وهو قاعد ف فراشه ..
علي>>نبي نصبح عليك ..
سكتت ..
علي>>ويه احكي حبيبي ..
آيه>>"نهارت بكا .."خطااااني حل عني ..خطاااني معش نبيك عفتك ي بني ادم افهم ..راك مرمرت حياتي راك سيبتني ف اعز وقت بحاجتك ..الله يربحك خليني ماتخليش الموصوع يوصل في سيف ..
وسكرت عليه قبل ماتسمع كلمه اخره منا ..وحذفت الرقم بعد ماحطاته بلوك ..
ورنت ع فرح ..
اللي بعد فطرت غسلت الماعين وخشت تختار شن تلبس وهيا متجاهله أدم تماما ..
رن نقالها ..
ابتسمت بعد شافتها تقوى وردت ..
فرح>>تاتي ..
آيه>>"ضحكت من وسط دموعها .."هذي انا آيه ..مبروك ي عروسه ..
فرح>>اهلا ي حنه الله يبارك فيك عقبالك ..
آيه>>"ضحكت .."شن جوك ..
فرح>>"تنهدت وقمعزت ع السرير .."زي الزفت ..
آيه>>"عقدت حواجبها ومسحت عيونها .."كنك ..؟
فرح>>صارن حاجات يقهرن امس ي آيه ..تخيلي يبكي ع مراته الميته قدامي ..
آيه>>طاااح سعده ..
فرح>>واقسم بالله ويعامل فيا تقول قاتله بوه ..معش فهمت بس بصمت ان مش طبيعي مريض نفسي ..
آيه>>"ضحكت .."ي حقيرة😂الراجل هذا وين ميته مراته راه ..
فرح>>وشدخل امي انا يوم عرسي ليا بس ..بس حنربيه وراس ماما توا يشوف ..ايوه انتم شن الجو عندكم روحو الكلط ..
آيه>>مانعلمش انا راقده من ال10 امس مش فاطنه ..
فرح>>وكنك ..
آيه>>جا علي امس ..
فرح>>مررض المريض الثاني عطه دا ..فوتي التيس ..
آيه>>حتي انا فايته غير هو يفوتني ..
قبل ماتكمل آيه خشت تقوى ..
تقوى>>وعيتي ..فرح!
هزت آيه راسها ..
تقوى>>اسأليها شن جوها تمام ماما تسأل عليها ..قبل بنجي نكلمها ..
آيه>>سمعتيها ..
فرح>>قوليلها راجلي طلع مش راجل خاطي وجي😂 ..
آيه>>"ضحكت .."قليله الادب😂 ..خلاص وجك ..
فرح>>استني شن نلبس ..جت امه قال جايين ناس ..
آيه>>قفطانك الاسود ..
فرح>>صاح حتي انا عيني فيه ..وجك نوتي روحي معناها ..
آيه>>اوكي .."وسكرت .."قالتلك الحمدلله ..
تقوى>>الحمدلله ..هيا صبي ..
آيه>>هي ..
طلعت قفطانها ع السرير وخشت للحمام تدوش ..
.......
نمشو لمكان جديد اشويه ..
مقمعز ويفطر بكل هدوء كعادته ..
فطن لخوه وخر الكرسي وقمعز جنبه بدون مايحكي شي ..
ياسين>>"بحده .."امتى روحت امس ..
بحت فيه سالم ..ومد يده خذا خبزة بدون مايجاوب ..
خبط ياسين يده ع الطاوله ..
ياسين>>"بعياط .." نحكي معاك انا ..
سالم>>"بحت فيه بنفس البرود .."كنت مع الجماعه ها شن اخره؟ ..
ياسين>>"بحت فيه بحده ..'جماعة من ي سالم منن هااا؟ ..جماااعه السكير والحشيش وقلة الادب!!! ..
سالم>>ع اساس السكير والحشيش ماتبيعش فيه انت ..
ماحسش سالم غير بروحه ع الارض من ضربة ياسين ..
ياسين>>اخرلك مره ترد عليا جواب بجواب ..اخرلك مره ..وحنعرف كيف نربيك من جديد ..
وسيبه وركب لداره وسالم يبحت فيه ..
قمعز ع السرير وحط يده ع وجه ..ورفع راسه ف الصورة اللي مقابلته ..
ياسين>>"تنهد بتعب .."شن سيبتلي ي خيي بس ..شن سيبت ..حمل جبال ماتحمله ..عليش عشان حبك؟ ..شن فيها زايد اللي خلاتك تموت ع سباها شن فيها يس .."وحط ايديه ع وجه بتعب .."
.......
ميرال>>تي طلع بيها يجري اصلا مالحقنش نشوفوه ..
آيه>>أدم متعودين عليه بعدين ..
ميرال>>بس ماعمريش شفته ي بنتي😂 ..قبل بنصور معاهم حتى مالجقتش قتلك طلع يجري ..حتى مامته معش فهمت كنه ..انا كملتها غير نبكي وخلاص ..
تقوى>>تبكي ع فرح؟!
هزت ميرال راسها ..
آيه>>انتي اللي اوفر انا اللي تؤامها ماحسيتش بغيابها😂
ميرال>>"ضحكت .."انتن اللي باردات انا نحس ..
آيه>>امتى روحو عيت جدك ..
تقوى>>فطرو وطلعو ..
وسام>>"خش .."مجتمعات ..
ميرال>>مكسدين ماما جتها وليه تهدرز معاها ..
وسام>>"اتكا جنبهن .."فرح مكسده بالحوش ..
ميرال>>مشصاح ..قلتها لهن قالن لا ..
تقوى>>سيف وين ي وسام ..
وسام>>"حط يده ع عيونه .."برا مع حمزه ومعاهم لين ..
آيه>>عدي وسومي ندزك جيبلي شبس خاطري فيه ..
وسام>>والله ماعندي حيل ..عدي عاطي لين تعرف اسامه توا يدلعها😂
ميرال>>لين ام لسان الشارع كله يعرفها ..صبي ايه بالمره نحصلو افاري منها ..
ضحكت وصبت وتقوى اتكت ..
تقوى>>عندي مناوبه راه اليوم ..
هز وسام راسه ..
طلعت بعد ماحطت وشاح ع راسها ..
آيه>>لين لين ..
سيف>>امشيلها اجري .."ونزل لين من كترة ..'
لين>>ها ..
آيه>>تعالي خويله ..هاكي هذي وامشي لاسامه جيبيلي شبس وتعالي ..
لين>>"بحتت فيها .."وانا؟!
آيه>>ليا ولك اجري ..
هزت راسها وطلعت ..
ردت آيه الباب وبرمت بتخش ..قبل بتعيط بعد شافاته وراها ..
حط يده ع فمها وكرها معاه ..وهيا تبحت فيه ..طول دموعها نزلن بخوف ..
كرها لعند خششها للمخزن وخش وراها ..
وخرت منا ..
علي>>خاطرك ف شبس؟ ..
تبحت فيه وماسكه وشاجها زين وتبكي ..
علي>>"تنهد .."ماتبكيش مش حنديرلك شي اهدي ..آيه اهدي نأذي روحي ولا نأذيك ..
آيه>>"بتقطيع .."س ي ف ..
علي>>ماتخافيش اسكتي بس ..بنحكي معاك وطالع ..
نزلت راسها وترجف ..
علي>>"قرب منها ..رفعت راسها وفنصت قيه .."مش دايرلك شي قتلك .."وبحت حواليه .."مذكرة المكان هذا ..
آيه>>اول مره تضربني هنا ..
بحت في عيونها بكسر ..
علي>>اول مره نعترفلك هنا ..
آيه>>"ببكا وترجي .."شن تبي علي والنبي خطاني والنبي راني مش حمل شي جديد ..سألتك بالله ..
علي>>مانبيش شي نبيك معايا .."ومسك وجها بين يديه ..'نبيك معايا بنكمل معاك اللي ماخلتنش اختك الكلبه نكملوه ..
آيه>>"دفاته .."كيييف حتكمل كيييف ..كيييف انت نسيت شن درتت ..انت سيبتني قبل عرسي بأسبوع ..وانا فرحانه ..سيبتني وحتى عزاء بابا ماحضرتششش ي علللي ..انتتت وين كنت خمس سنين من عمري وانا مكملتها مهدءات مانرقدش الا بيهن ..صدقت فينا العار اللي قالوه ..رغد شريفه مش كيف ماقلت انت وغيرك ..
علي>>"دفها لعند خبطت ف الساس اللي وراها وهو يحاول يتحكم ف اعصابه .."مننن قال شررريفه منن ..منننن ي ايه من ..اختك الغلط راكبها لعند دماغهااا ..اختتتك كلبه ماخلتش فينا واحد راجل ..اختتتك نزلتها انا بيديه وهيا ميته ف سيارة راجل ..يوم كامل وهيا ف السيارة ميته ..وهو معاها يوم كامل ..لو مامتتش كنت حنقتلها انا بيديه ..شن منظري قدام الجماعه ويقولولي بنت عمك هذي ..بنت عمك هاربه مع واحد ..هذي اااختتتك ..ااااختك اللي بعد كلنا استنينا تقرير الطبيب الشرعي ..شننن طلللع هاا؟طلعت مش بنتتت ..ي ابله هذي اختك اللي ادافعي عليها ..
آيه>>"بأنهيار ..دفاته .."تكذب كذااببب كذااااببببببب ..
علي>>كذاب ونكذب ..كذاب ..
آيه>>هذا مش سبب انط تسيبني ..مش سببب انك ماتحضرش عزاااء بابا مش سببب ..
بحت فيها ..يبحت ف عيونها ..
آيه>>سألتك بالله سيبني بنعيش حياتي بعيد عليك سألتك بالله ..سألتك بالله ساد ساد ماقلبي خذا عذاب معاك ماصدقت افتكيت من طلباتك ..خليني ف حالي ..
علي>>تحلمي ..
بحتت فيه بحده ..ودموعها ينزلن ..مد يده ونزللها وشاحها ..لان شعرها كان مفتوح ..رفع حواجبه ..
علي>>قصيتيه!؟ ..
دفاته ورفعت وشاحها ..
آيه>>مايحقلكش تشوفه راجلي بس يشوفه ..انا عطيت جدي شهر مهله بس دبانك انت جيت ..موت بالبطيء والله ماننزفلك ي علي طول مافي نفس .."ودفاته وطلعت وهي تمسح ف عيونها .."
لين>>خويله ..
آيه>>"بلعت ريقها وابتسمت .."تعالي ناكلو مع ميرال جوا ..'وخشت بيها .."
وعلي يبحت فيها من الروشن ..تنهد ..وقمعز ف مكانه وهو مش عارف شن يدير ..
......
مقمعزة وتستشور وهيا مازالت بالكاب ..فتح الباب كالعاده بحتت فيه من المرايه ..طفت الاستشوار ..
أدم>>"بأبتسامه .."الغداء ..
فرح>>"برمت علبه ونست روحها .."وكنك تقول فيها بأبتسامه حاطلي فيه سم! ..مانبيش ..
هز راسه بأسف وطلع ..وهيا ببرود كملت شعرها ..
..
مر الوقت لعند العصر كملت شعرها لان طويل ومتعب وصبت صلت وبدت ف الميك اب وهذا كله ادم لا حس ولا خبر ..
كملت مكياجها بسرعه لان ماتحيرش فيه ..دارت مناكير ..وبعدين صبت لبست ..بس مشاكله! ..من بيسكر السوسته ..اللي اسكرت نص بس ..لبست اكسسوراتها ..خذت عيايتها ووشاحها ..ولبست كندرتها ..وبخت عطر وطلعت ..
لقاته مقمعز ع تليفونه ..وف كترة اللاب ..
"أدم .."
بعد قالتها له ..بحت فيها ..يبحت ف كل جزء فيها ..وهبا تحشمت حطت عبايتها قدامها ..
فرح>>نبيك تسكرلي السوسته ..
حول اللاب من كترة ..وشيرلها بيده اتجي ..وصبا ..جت قدامه وحولت شعرها ع الجنب ..وهو يبحت ف ظهرها ..
فرح>>"حساته طول .."سوسته راهي ..
أدم>>عارفها ..
فرح>>هيا باه ..
مد يدة وسكرها ..وهيا ارتبكت من لمسة ظهرها ووخرت ..
فرح>>هيا ..
ضحك بخفه ..
أدم>>هي .."وخذا نقاله وطلع قدامها .."
وهيا وراه تعايب عليه"مريض😂"
خلاها لبست عبايتها ووشاحها ونزل وهيا وراه ..
فرح>>خاطري تحترم الانثى اللي معاك وتمشي بشويه ..
أدم>>بعد تقعد معايا انثى ..نزلي راسك الشباب نقمعزين ..
فرح>>وينهم ..
أدم>>"بحت فيها وفنص .."واقسم بالله نكسر سنونك ها ..
ابتسمتله ..كشخ عليها ..
فرح>>انت اللي مطولها راه ..
أدم>>فمك سكريه اسكتي ..
ودق باب الحوش ..
وهيا وراه ..
شاهين>>بحت ادم ي بوها واخذ وضعه ..
مفتاح>>تحسه😂
رياض>>عليك دوارت حس انت وياه فكونا منا😂..
أيمن>>خوك هذا تبيله تربايه اصلا ..
شاهين>>مقهور عاد تحرق فيك😂 ..
بحت فيه أيمن بنص عين ..فطنو ان في صبايا بدن يخشن صبو من الطريق لحوش عيت جدهم ..
غفران>>"سلمت ع فرح ..'تفصلي حبيبتي ..
بحت فيها ادم ومشا وسيبهن ..
خشت فرح مع غفران ..
غفران>>سقمي روحك هنا وحشي ..
ميار>>"جت تحري .."يخيه محلاك ..انا بنت عم ادم ..
ابتسمت وسلمت عليها..سلحت فرح عبايتها ..ووشاحها ..وصبت تسقم ف روحها ..
خذت منها ميار العبايه ..
غفران>>تعالي معايا هي ..
ابتسمت ولحقتها ..
بدت فرح تسلم ..سلمت ع نجاة وباست راسها وع جدة ادم ..
وقمعزت ف كرسي دايرينا لها ..وهيا متوتره ..صح هيا شخصيتها قويه بس ترتبك ف التجمعات لان كانت ديما معاها آيه ..
قربت منها نجاة ..
نجاة>>امي فرح مرتبكه ..
ابتسمتلها ..
فرح>>اشويه ..
نحاة>>"ضحكت .."توا تاخذي حبيبتي ع الوضع ..خليني نعرفك .."وبرمت .." هذك عمتي جدة ادم ..اسمها عيشه .."كانت تحكيلها بوشوشه .."اللي جنبها عامريه ..مرات عمه سلفاي يعني ..وهيا بنتها ميار ..وعندها عصام ..
بحتت فيها فرح ..
نجاة>>الللي جنبها خيريه حتى هي سلفتي .."وبحتت ف فرح .."ماننصحكش تخالطيها ..
ضحكت فرح ..
نجاة>>اللي فتحتلك الباب عمة ادم الوحيدة غفران مش متزوجه شباب ..ايوه .."وشيرت لسهام .."تعالي جنب سلفتك هدرزي معاها ..
سهام>>جيت هي ..
سيبتها نجاة ومشت تشوف ف البنات ..وقمعزت سهام جنب فرح ..
سهام>>يخيه كيف ماقالو عليك ..
ابتسمت فرح ..
سهام>>انا مرات رياض اللي اصغر من ادم وأيمن ..
فرح>>ماعندهش بنات عميمه نجاة صاح ..
سهام>>اها كلهم شباب ..عندها معاذ وهذا مسافر برا معاه بنات عمه الاثنين يشوفن ف امهن ..وبعدها ادم ..وبعد ادم عندها ايمن ..ورياض زوزي😂 واخر واحد ومصماص الكرشه شاهين ..
ابتسمت فرح ..
وقعدت سهام تحكيلها ..
قدمن البنات العزومه ..وكان كل شي من احسن مايكون ..
واخر شي تبسي العشاء ..اللي جن جنبها البنات وقمعزن ..
منار>>انا منار😂 وحتى انا بنت عم ادم ..
فيحاء>>وانا اختها ..
فرح>>حسيتكم طشه ..
غفران>>اها عندي ثابع خوت وانا بس ..وحتى العيال ماعندهمش اكثر واحد انظني منصور بس ..
فرح>>ربي يحفظكم ..
غفران>>تسلمي ي خيه ..
خشت سهام اللي صبت ببنت ادم ..
اللي بحتت فيها فرح ..
غفران>>ناضن؟ ..
سهام>>لالا ميرا بس ناضت .."وقمعزت بيها .."
اشويه وبدا اللي هذا يروح معش فضل الا العيله بس ..
شاهين>>يمييييي ..
نجاة>>البسي فرح عبايتك ..
هزت راسها وجابتها لها ميار لبستها ..وحطت وشاحها ..
ركزن عليها البنات انها رفعت منديل وحولت الروج اللي كان احمر دمي ..ابتسمن كلهن ..
نجاة>>خش ي امي ..
خش شاهين ..
شاهين>>جعان يمي جوعه ..جعان جوعه مانحكيلك عليها كان تصبي وحده سمحه اسمها ميار اديرلي حاجه ناكلها ..
ميار>>طويري وكان مادرتله لمن بندير ..
شاهين>>نعليا منك ..
عيشه>>ياااه ع قلة الحياة احترمنا ..
شاهين>>اختي راهي يمي هذي ..
عيشه>>اقطع رضعتكم هذك الرضعه ..
ضحك شاهين وصبت ميار وهي تضحك ..
فطن لفرح ..
شاهين>>تي اوبااا في فرد جديد معاكم ..
نجاة>>تحشم اه ..
شاهين>>انا اللي نتحشم انا .."وضحك وقرب من فرح مد يده .."ي مرحبا بمرات خويا انا شاهين ..
مدت فرح يدها وضحكت ..وبحتت فيه ..
فرح>>وانا فرح ..
شاهين>>اسم ع مسمى ..فرح ..
ضحكن البنات ..
شاهين>>وين لاقيك هالمنجوه بس ع مادورت مالقيت وحده بسماحه هذ ..
ضحكت من جديد ونزلت يدها ..
نجاة>>شاهين تحشم ..
شاهين>>يانا يمي ..نبي نزوز ..
غفران>>ميار اضبحلك اجري ..
شاهين>>نمشي وراد مش ناسيك ي قلبي ..
ضحكت فرح وهو ضحك وطلع ..
نجاة>>ماتخاذيش عليه ي بنيتي بصارته سامطه😂لو سمعه ادم راه قطعه ..
فرح>>عادي ي عميمه متعودة عندي خيي كيفه هك ..
سمعن صوت أيمن خاش يكح وف جرته رياض وادم ومنصور ..
غفران>>ييييه علينا جا الحاصل فروحه ..
نجاة<>خلفتي السودة ..
ضحكن ..
طلق منصور السلام ..ردن عليه
نجاة>>فريحه هذا عمك منصور بات ادم ..
صبت فرح مبتسمه سلمت عليه ..
منصور>>مبروك عليكم بهناك ..
فرح>>الله يبارك فيك ..
سلم رياض عليها ..وايمن مصبي فم الباب ..ردت قمعزت ..
ادم>>البنات وين يمي ..
نجاة>>ميرا اهي راقده جتبي ..وميس ف دارك ..
ادم>>وتيهن بنركبهن ..
منصور>>تركبهن وين ..
ادم>>معايا وين ..
نحاة>>مازالت عريس ي ادم كنك مش واثق فيهن معايا ..
ادم>>نبي فرح اتعود عليهن بس ..
رفعت فرح خاجبها ..
ايمن>>"ركز ع فرح .."ولد عمك علي عمار ال....
بحتت فيه فرح ..
فرح>>تحكيلي ..
أيمن>>"رقص حواجبه .."
فرح>>"هزت راسها بإيجاب ..'
هز راسه ..وبحت ف ادم ..
ايمن>>ترا تعال اشويه ..
ادم>>هي..'وعزق المفتاخ لفرح .."اركبي ..وطلع ورا ايمن ..وهيا تبحت فيه بأستغراب ..
سلمت وركبت ..
أدم>>كنك ..
أيمن>>عرفته من ولد عمها ..
أدم>>علي نعرفه ..عليش"وطلع دخان يدخن .."
أيمن>>معناها تعرف قصه اختها ..
أدم>>اي منهن؟ ..
أيمن>>الصغيرة ..اللي مسكوها ميته ف سيارة واحد ..
أدم>>سامع بيها بس مش واجد ..المهم يعني ..
أيمن>>البنت انا كنت مع علي يوم طلعناها ..كانت متوفيه ف وقتها ..وبعد شالوها للطبيب الشرعي اثبت قدامي انها مش بنت ..انت واثق من البي حتربي بناتك ..
أدم>>تمام الثقه ..
أيمن>>وانزيدك من الشغر بيت ..عارف من اللي هربت معاه ..
هز ادم راسه بمعنى من ..
أيمن>>عمك ..حسام ..
أدم>>عمي!..
أيمن>>كيف توا معش نعرفو عيال جدي ..ياسين وسالم وحسام ..
أدم>> ي راجل ..عيت حشو يعني ..
أيمن>>"ضحك .."حشو بجماده ..طاحت ف الكبير فيهم ..
أدم>>"ضحك .."
.....
تغير ف دبشها ..
لفتت نظرها شنطه ع الجنب ف دبش ادم ..مدت يدها وكرتها ..
فتحتها ..عقدت حواجبها بعد شافت تقرير الدكتور ..ومكتوب .."مستشفى الامراض النفسيه بنغازي .."
رفعت حواجبها وهيا تقرا ف حالة ادم ..وحاطه يدها ع فمها ..
من صدمتها مافطنتش بيه اللي مصبي ويبحت فيها وهيا مازالت بالقفطان ..
أدم>>من قالك اقربي حاجه مش لك ..
برمت عليه ودموعها ينزلن ..
فرح>>عليش ازوجتني ..انت شنو انت من ..
أدم>>"ضحك .."كنك انصدمتي ..
فرح>>مررريض نفسي بنكمل حياااتي مع مريض ..
قرب منها ..ومسكها من شعرها ..
أدم>>مش مريض ..
فرح>>مررررييييض وتعبااان اخره مررريض ..علللليش خذيتني عللليييش ..علللييش وانت خاطني مزهريه ف وجك تخبي ف عيبككككك بيااااا ..عللليييش ..
ضربها كف ..طاحت وهيا تبحت فيه ..
أدم>>قتلك مانحبش قلة الادب ..
فرح>>"ضحكت بقهر . "شن نستنا اساسا من واحد مريض ..يطبطب عليا ..
أدم>>نوريك المريض شن يدير .."وسلح سيرة .."
.....
شاهين>>"وهو ياكل .."باهي اللي روحو ازح رايفت ع حوشنا ..
نحاة>="ضحكت .."اسكت وكول ..
عقد شاهين حواجبه ..
شاهين>>صوت عياط يمي ..
نجاة>>"سكتت ..وصبت تجري ..'من شقه ادم حي عليا شن داير ف الوليه ..
صبا وراها شاهين بسرعه ..
......
خش سيف ..
سيف>>آيه جدي برا ..
آيه>>طالعتله ..
تقوى>>هيا وسام ..
وسام>>هي ..
خشت ايه ع فخري وطلعت تقوى مع وسام ..
سلمت وقمعزت ..وكان معاه عمار ..
آيه>>جدي انا قررت ..
علي>>"خش بسرعه .."مافيش بنت من بناتنا تطلع برا منا ..بذات انتي ..
فنص سيف اللي مقمعز وصباله بسرعه وآيه تبحت بصدمه ..
....
وصلها للمستشفى ورد ..
وهيا خاشه كان طالع ..
وليد>>ايوه وخلي الدكتور المناوب يمسك بدالي ..
الممرضه>>حاضر .."وحقتها ..'اهي جت الدكتورة ..دكتورة تقوى..
بحتت فيها تقوى ..وهو بحت فيها ..من صدمتها حست الدميا كلها وقفت ..من خمس سنين ماتقابلوش ..
.....
.
.
.
.
.
#يتبع❤
#فافي❤
