#القدر❤️
#الحلقه_28❤️
.
.
.
.
.
.
.
.
.
.
.
.
.
.
.
.
.
.
.
.
ومن معاذ وسيف ..انتشر الخبر للعيله ..🍃💔
الحزن غيم ..والفراق معاه ..واه من مشاعر الكسر من مشاعر الفراق ..واه من لحظات الجديات للحزن ..من لحظات العزاء اللي ماحد يحبهن ..من لحظات البكاء العياط الوداع ..من جميع اللحظات اللي شفنا فيها الشخص قبل موته ..من اللحظات اللي يخطرن ع العقل ..حنانه ..تعامله ..كلامه ..حبه ..عطفه ..من لحظات كان فيهن مع احبابه مستحيل ينتسن ف يوم💔واه واه ..وميه اه ..
لو كان الشخص هذا ياسين ..💔
.....
ماحد مصدق ..وماحد صدق ..كيف ياسين مات؟ ..كيف معش في ياسين ..؟ كيف معش في طيبه ياسين ..قدعنته ..حنانه ..؟! ..والاسوء من هك ان مافضلش من ياسين غير يده ..اللي فيها دبلة ميرال ..وخاتمه والحديده ..مش تثبت لميرال راه انا يد حبيبك ..راه انا يد راجلك ..راه انا اخر ماقعد منا ..💔
....
فتحت عيونها ..تبحت حواليها ..بعيون مغبشه ..ردت ف وذنها اخر كلمه سمعتها قبل مااطيح .."سيدي ياسين مات .."
قمعزت ..وفكت التغذيه ونزلت ..قبل ماتطلع نفتح الباب ..وخشت تقوى ..
ميرال>>جا ياسين؟ ..قلتلوله اني مريضه؟ ..عدي قولي لمعاذ يقولها له ..مش يجي ..له اسبوع غايب عليا بالك بعد يسمع اني مريضه ايجي ..
تبحت فيها تقوى بعيون مليانه دموع ..
ميرال>>تي كنك عدي ..
تقوى>>ميرال ي ماما ..ادعيله ياسين ..
ضحكت ..بصوت عالي ..تضحك وتضحك وتضحك ..وكأنها نقالتلها نكته ..من جدها تضحك ..
ميرال>>"تاخذ ف نفس .."ااه هههههههههههههههههههههههههههههه ..
تبحت فيها تقوى بخوف ..فجاءة بكاها كله تحول لبكا ..
ميرال>>"بعياط.."ماااسيبببنيييش ماااامتتتتش ياااسيييين ماااخلااانيييش مسستتتتحيل تكذبووو كذاااابيييين ..
ودفت تقوى ..وطلعت تجري وهيا تبكي وتعيط بأسمه ..
حست بيد شدتها من خصرها ..
سيف>>وحدي الله ..
ميرال>>"بعياط وهيا تضرب فيه .."حووووووول نبييييي يااااسيييييبين ..حوووووول يااااااااسيييييييييين ..ياسيييين حووول ييدددددك ..نبييي ياااسين ..مستتتتحيللل يسيبني مستتتحيل يخللليني ..قالللي ي انتي ي الموت .."وسكتت ..وبحتت ف سيف .."وينه ..ويييييييينه ..سييييبني صااااح عددده مااااه ..وولده ..وولللللده ..لااااااا يااارربببييي لاااا لاااا ياربي ماذوقنيييي نااار فراقه ..لاااا ياااربي لااااا"وهيا ادف ف سيف .." ياااااسيننن وراس حبيبي لااااااااا ..لااااا والنبي لااااا وغلاوتي ف قللبببببك لاااا ..
سيف>>اهدي ميرال اهدي ..
ميرال>>"بحتت فيه وبعلو صوتها تعيط .."كيفففف نهداااا كييييف هذاااا ياااسين هذااااااا حبيبيييي هذاااا باااات وليدي ..هذاااا ياسسيييين اللي شراني بعد بعتونييي ..حوووووول يدددددك ..حووووول ..
وقعدت ادف فيه ..حضنها زين وهيا مستمره ف الدف لعند نهد حيلها وطاحت ع اركابها وهيا تبكي بالصوت ..
ميرال>>ااااااه ااااااه كسررررت ظهررري كنت نستنا فيككك ..كتت نراجي فيك ويييين غبتتت ي عيون ميرال ..وين خذاتك مني الدنيا ي قلب ميرالل ..وين مسيبني ي ياسين وين ..وين بعد تعبت عليا وين ..وين ونحنا مازالنا مافرحنا ببعضنا وين ياسين ..ااااه ااااه ي نااار قلبي ع فراقك ..ااااه ي وجع قلبييي بلاك ..ااااه ي حررقتيييي فيك ..اااه ي كسرت ظهرررري فيييييك ي قلبي انا ..اااااه ي يتمي قيك ..اااااااااه ي ياسين مقوى ناااارك ..اااااه يا ياسين مصغببببهااا من ناررر ..ياريتها فيا ياريتها انااا ولا انت ..وعدتني تكون نعايا وتجيني ..وانت وينك توا انا بحاجتك ف كسرتي انا بحااااحتك ي ياسين بحاجتك ..
خشت فريحه تجري ووراها وسام بعد خبرهم سيف ..بحتو ف تقوى اللي حاضنه معاذ وتبكي وهو بروحه مش صابر ..وسيف حاضن ميرال اللي تعيط ..
قربت منها ..
فريحه>>ادعيله ي ماما ادعي ..ادعيله ماتعيطيش ..
وكرتها من سيف ..
ميرال>>رراااح ي ماما راح ..راح كان خاطره ديما يشوفك ..من كثر مانحكي عليك ..يقولي مانبكيش حتشوفي امك وتشبعي منها ..وهو عده ي ماما عده تيتمتت من جديد ي ماما ياااناا ع بنتتك ي ماما عده حبيبها عده باتها عده قلللييهاا اااه ي ماما ناااره ماتطفا هذاا ياسييين هذا حبيبي ي ناااس عدهه ياااسيننن ياااعالللم ..عددده قعدتت بلاه..بللاااه ..كيف بنعيش بلا حنانه ..كيف بنعيش بلا حبه ..كيف بنعيش بلا حضنه وهو اللي كان مايتحمل بعدي ..اااه ي مامااا ااااه معش نبيكم انا نبيه هو ..معش نبيييكم نبييي ياااسييين جيبولييي باات وليدي ..جيبولي بااتتتتي انااا عيوني انا قلبب ميرال اللي مايحلف غير بيها وبغلاها ..اكسررر اللي كسرني فيكك ي عيوون ميرال اكسرر اللي كسرني فيكك ي قللب ميرال ..
حضنتها فريحه زين وهيا نهدت بكا بالصوت ..ما خلت عزم ف حد حتى خوتها ..معاذ ..خوته ..غفران ..امها ..ماحد ..
وسالم ..سالم اللي كان يعيط بعلو الصوت ..سالم اللي كان يكسرر ويبكي ..ولا سند ولا عمر ..من بيصدق غاب الحنين ..غاب ..
سالم>>"ببكا .."يكذبو عليا ي منصور يكذبو ..تي انا عرفته هو ماعرفت حد بعده ..عرفته هو الحنون اللي يفوتلي ف كل حاجه ..ماااكنش قصدي ي منصور نقوله ياريتك متت انت هذك اليوم ..يكذبووو عليا ي منصورر باااتي ماطق شييي ..قعدتتت بروووحي من جديد ..حسااام وياسين مره وحدههه كسر ظهررر ف جرت بعصهم ..
حضنه منصور وهو بروحه يبكي ..وسالم يبكي بعياط كيف الصبايا ..
ومن صبر عليه ومن مابكش عليه ..ياسين الضحكه السمحه ..الحنون ..الصافي ..الصادق ..من مابكش عليه ..
صبوها بالسيف ..من الارض وانسندت ع امها وهيا تمشي .. حقت سالم خاش ..ووراه سند وعمر ..بحتو فيها وهيا بحتت فيهم ..
قربو منها ..ووراهم منصور ..
قرب سالم وباس راسها ..وهيا منهاره بكا ..
سالم>>"دموعه ينزلن .."ديري بالك ع ولد ياسين ..ديري بالك عليه وع روحك ..تجيبي وتجي ف حوشه .. مايطلعك منا حد ..هو مايبيكش تسيبي حوشه ..ورد بالك تبكي ي ميرال مايتحملش دموعك عارفتيه ..هو غاب بس ولده حيجي ..وحبيبته قاعده ..هو عده وكسرنا صح ..بس هو مايتحملش بكاك ي ميرال"ونهار بكا .."
مسكا منصور من يده وابتعد بيه ..وزاد صوت بكا ميرال لعند طلعو بيها خوتها ..
طلعو بيها ع حوش هله اللي حيكون فيه العزاء ..صوت عياط غفران كان برا ..تعيط عليه وع اسامه اللي ماعنده حد ..تعيط بالصوت العالي ..
غفران>>ااااه ي نجاااة كسرررت بابا مانننجبررررت ااااه ي نجااااة مااافرحتت بخيييي دوبببني بديت نتعود عليييييه ااااااه ي ياااااسيييين ااااااه ي حنوووون اختتتك ..ااااااااه لمن خليت وليدددك يكلللم فيااااا فرحاان بيه ي عمري يقولي بتقعدي عمة ي غفررااان ..رااه خطببك مني اسااامه ي غفران وانا عطيتك ي غفران ..نعيطط عللليه ولا ع روحي اللي نحبببه يعدييي ..
خشت ميرال وف جرتها خواتها وامها ..
برمن بحتن فيها ..ومشتلها غفران تجري وهيا تبكي وحضنتها والاثنين شن يمسكهن شن بس ..
.......
ركبت بعد فقدت معاذ من بينهم ..
لقاته ف الدار ..يبكي كيف الصبايا ..بنحيب ..وهيا تبحت فيه بحزن ..
حاط يديه ع وجه ..وهو يبكي بالصوت العالي ..
معاذ>>فقدتك تاريتها ناررك وواعره نااارك تحرق ..تاااريتها تقسم الظهر ..تقسمممه من ليا انا بعدك صاحب من ليا بس ..💔
قربت منا وحولتله يديه من وجه ..بحت فيها ..ونهار من جديد ..
حضناته طول ..وهو كأنه يدور ف حضنها مش يفرغ فيه باقي طاقته ..
.....
تبكي بعلو صوتها وتعيط ..
ميرال>>قاااالي جااايككك ي ماااااماااا قالللي وعد مااانسيبك نبييييي ياااااسييييين جيبببووولي ياااسين ..
حضنتها فريحه وهيا تبكي معاها ..
ميرال>>اااااه ي ماما ..اااااه ي ماما كان شفتيييه كيف يطبطب عليااا بنتته ي ماااامااا بنته مش مررراااااته عدههه وخلااااني قعدتتتت بروووووحي ويننننك ي حبيبي ويننن مخلينييييييي ي ياسييين وييين ي عمر ميرال وين مخلي طفلللتك ي قلبي ..وييببن نااااار ي نااااس نااااار نااااار مابتتت تنطفااا نااااار ..
قربت منها نجاة وهيا تبكي ومسكت يديها ..
نجاة>>ادعيله ي ميرال ادعي ..ادعيله ي امي ادعي هو محتاج دعاك ..وليدك ف بطنك يحس بيك ي ماما مش هكي حبيبتي ..
ميرال>>هذا ياسين ي عميمه ياسين ..هذا ياسين ياسين اللي نبكي عليه عمرر كامل لين نموووت وانا نبكي عليه ..ياسين حنوني حبيبي ..ياااسين اللي ماتهنيت معاه ..كيف نهدا ..كيف يجي ع بالي نقوله الله يرحمك وهو مش جنبي مش معايا مش حيشوفو وليده ..هذا ياسين ي هو ياااسين ..
نجاة>>تعذبي فيه ي حبيبتي هو مايتحملش دموعك تعذبي فيه ..قولي الله يرحمك ياياسين ويوسع عليك ..
حطت يديها ع وجها وقعدت تبكي بالصوت ..
ميرال>>الله يرحمك ي حبيبي ع قد غلاك الله يرحمك ويوسع عليك كيف ماوسعت عليا دنيتي بحبك ..الله يرحمك ي حنوني الله يرحمك ي قلب ميرال ..رحمة الله عليك ياياسين ..
حضنتها فريحه وهيا تبكي بالصوت ..
طيفه ..حاسه بيه حواليها .. .
معاك ..وجنبك ..ووراك ..ونحميك من الهواء ..ماتفكريش انا نخلقت لميرال ..لحضن ميرال ..وقليب ميرال ..
..
"شن كنه نحكو توا ..هانت والله جايك والله ثم والله ثم والله نديرلك العرس اللي تحلمي بيه ..نزفك عندي من جديد بداييه جديده لا جدك ولا حسام ولا رغد ولا حد انا وياك ..بروحنا ..وراسك عندي وغلاوتك ف قلبي وراس عيوناتك ي عيون ياسين ماحنخليك ف يوم .."
ميرال>>وعد ..
ضحك .."وعد .."💔
حطت يدها ع رقبتها ..ع سلسلته ..مسكتها زين ..وهيا تبحت ف الفراغ ..
دموعها ينزلن بدون صوت ماكأنهش اللي توا كانت منهارة ..
"ماتبكيش ي بكايه .."
"نحبك .."
تنهدت ..ونزلت يدها ع بطنها ..
......
خش علي من برا وجه منقلب ..
علي>>ويه ..
ايه>>هنا قاعده ..
خشلها للدار لقاها اطبق ف الدبش ..بحتت فيه وجه منسود ..
ابه>>بسم الله وجك كنه ..
علي>>صبي وتي روحك ..
ايه>>"صبت قدامه وبخوف .."حي عليا ف من؟ ..
علي>>"عيونه لمعن بالدموع .."ياسين راجل ميرال توفى ..
فنصت عيونها ..
ايه>>"خبطت وجها.." حي عليا خيتي ..
ومشت تجري تغير ف دبشها وهي تبكي ..
نزلو مع بعضهم ..حطها علي قدام الباب ..ونزل للشباب ..
خشت ..بحتت ف ميرال اللي متكيه ع كتف امها .. ويدها ع بطنها ..وتبكي ..
قربت منها تجري ..
ايه>>طشه ..
بحتت فيها ميرال معش عرفت تصبي ..بعدت من امها .. حضنتها ايه طول ونهدت بكا بالصوت وايه تبكي معاها ..
.......
وبدن مراسم دفن ياسين ..دفن يده اللي بقت منا بس ..
نزل معاذ مش يمشي معاهم ..ومشو كلهم للجنازة ..
جنازة ياسين ..مافيهش حد غير احبابه ..اندفنت يده ..مع اللي لقوه متقطع منا ومن اسامه ..وكيف ماديما يتمنوا يندفنوا جنب بعضهم اندفنوا مع بعضهم ..
بكا سالم ماخلا ف حد عزم ..مقمعز ع اركابه وحاط يديه ع وجها وهو يعيط عياط ..وجنبه معاذ اللي يبكي معاه حتى هو ..
من مابكش عليه ..عيال اخته سند منسند ع عمر ويبكي بالصوت ..وحتى خوته اللي مش متعودين ع وجوده يبكو ..
سالم>>سلم ع الاحباب كلهم ي ياسين ..سلم عليهم ..سلم ع حسام وامي ..راكم كسرتوني ..وقعدت بروحي ..راني بنعيش بروحي ..بنقعد بلاكم ..بنعيش برووحي ..سلم ع حسام واجد ..قوللهم افتحو الباب جاكم الغالي جاكم ياسين الحنون ..الله يرحمك ي خيي ..الله يرحمك ي خيي ..الف رحمه ونور تنزل عليك ي ياسين الف رحمه ونور ..الله يوسع عليك كيف ماكنت موسع عليا ..راح ي معاذ صاحبك راح ي معاذ صاحبك رااح ..
حضنه معاذ من ظهره وهو يبكي ..
.......
تبحت ميرال ف الفراغ ..وجنبها امها وايه ..اللي حاطه راسها ع كتفها ..
قربت منها غفران اللي تمسح ف عيونها ..وهيا مادتلها حليب وتمر ..
غفران>>هيا ميرال كولي لقمه سلم خيتي ..
هزت راسها بلا ..
غفران>>مايسيرش ميرال هكي ..فكري ف وليدك ميرال هيا ماتخليش ولد ياسين يموت هيا ..
بحتت فيها ..
ميرال>>مانبيش وكال نبي ياسين ..نبي نمشيله ..بنشمه بنبوسه بنخصنه ياسين حبيبي اللي نخاف عليه من الهواء ..جيبلي ياسين ي غفران ناكل ..جيبيلي راجلي ناكل ..
ونهارت بكا من جديد ..وغفران قعدت تبكي معاها ..
غفران>>مش هكي ي ميرال مش هكي ..اهو انا مات خويا وخطيبي ..اصحي ع روحك سلم خيتي ولده ف بطنك كبري وليده ..
تنهدت ..ونزلت عيونها ردت تبحت ف الفراغ ..تنهدت غفران ومشت ..وايه تمسح ع كتف ميرال وتبكي معاها ..
ميرال>>يودع فيا حبيبي يقولي ردي بالك ي ميرال ..وراني مسيبلك فلوس وخليك عند معاذ لعند يجيك سيف ..ردي بالك تطلعي هك ولا هك ..عند هلك وحتى علي توا يجيبلك اللي تبيها ..كلهم موصيهم عليك ..كلهم كان حاس ..كان عارف ان معش بنشوفه .."ودموعها نزلن .."عذبته واجد مش قعدت نحبه ..تقول كنت حاسه ان بعد نحبه يريح مني ..ااه ي ياسين شن درت فيا ..كيف بترقد الليله بعيد عليا معش بنشوفك وتقولي بنرقد عندك ع صدرك ..معش عرفت نرقد وانتي مش ع صدري ..كيف بيرقد اليوم وهو مش عندي ..مش جنبي ..كيف بنتحمل من كانن ثلاث شهور قعدن عمر ..عودني عليه وعده ي ايه ..حنون حنون لين بكل ..شن تبي ي ميرال ..يغار من الهواء ..يغار من شكارة شبس تصدقي ..ماكانش راجل دنيا ..دايرلي كتاب حاكي قيه قصه حبه ليا ..ااه ي ايه قعدت بلاه .."ونهارت .."ااه ي ايه قعدت بلا ياسين ..اااه ي ايه معش نوعا ع عيونه ونرقد عليهن ..قولولي شن يبي يصبرني بلاه ..صبروني قولولي كذبه وحللم ..ياارب حلم ..يارب انوض منا وياسين جنبي ..يارب حلم وياسين يقعد معايا ..ياربيي خفف عليا ناااره يااربي نار مابت تنطفا ..حي عليك ي ميرال بنقعدي بلاه بتنوضي بلاه وترقدي بلاه ..
حضنتها ايه زين وهيا تبكي ..
خشت ام السعد ..ووراها مناب ..
بحتت فبهن ميرال وصبت ..حضنتها ام السعد زين ..
ميرال>>اااه ي خالتي عدده ياسين ..قعدت بلا ياسين ..حي علينا ي خالتي عده وسيبنا ..عده ياسين عده الحنون ..
ام السعد>>"وهي تبكي .."ادعيله ي امي ادعي ..ادعي ..
ميرال>>مش قادره نصدق مش قادره كان يكلم فيا يكلم قيا والله كان معايا ع الخط ..قلتها لمعاذ قتله غيبه ياسين وتسكيرته مش بالساهل ..تاريته واخذته الموت ..لحق بابا حتى هو ذوق ولده اليتم قبل مايجي ..
حضننها ام السعد زين ..وهيا منهاره بكا ..
....
شن نقوللكم ..مستحيل تهدا مستحيل تهدا حرفياً ..اللي مات مش شخص عادي ..
تخيلو تعيشو ايامكم ف دلال وفجاءة يختفي هالدلال ..💔
شعور ميرال ..شعور غفران ..شعور سالم ..معاذ وغيرهم ..واقعي واقع نعيشو فيه ف حياتنا الواقعيه ..عشناه ف فبراير مع احترامي الشديد للخضر ..كيف مافبراير عيالنا كانو حتى الاخرين عيالنا والاثنين زعلنا عليهم ..عشناه ف الكرامه الفقد الغير محتسب ..تقولولي كيف ي فافي الفقد الغير محتسب هو الفقد اللي مش متوقع ..كيف حد يحي يواعيك من النوم ..حي نوض نوض فلان مات ..فلان مات! امتى وهو كان معايا امس ..كان يحكي معايا ..يعشقني ..يدلل فيا لعند اخر لحظه معاه ..مات كيف؟! تكذبو ..الاغلب منا عاش هالمرحله ولو مش من هذوم ..عاش مرحله الفقد بشتى طرقها .. ومهما كانت حتكون صعبه ..سوى زوج ..اخ ..احت ..ام ..اب ..صعبه ..ونعيشوها بكل المها ..وف اللي يتخلد معاه هالالم لين ربي ياخذ امانته ..
كيف ميرال ..
ميرال واه من ميرال ..بياض ثلج ياسين وبياضه ..قلب ياسين وعشقه ..راح ياسين ..بس الذكرى اللي خلاها ف عقل ميرال مستحيل تريح ..راح هو ..بس خلالها قطعه منا كيف ماقاللها بالضبط ..لو مات قبل ماتعترفله كانت ارتكتب اكبر خطأ ف حياتها ..
هيا توا ..ونادمه ..نادمه انها مش من اول مره حضناته وطبطبت عليه ..وهو اللي كان لها حضن دافي ..ليش لان هذوم نحنا مانحسوش بالشي الا لما نفقدوه ..🍃💔
وشخص كيف ياسين من ينساه؟ ..ماحد...💔
......
مصبيه تراجي ف العمليه ..وهيا نبرم ..
لعند توا هل بريطانيا ماعندهمش علم بشي ..
تالين>>ياربي خير يارب ..
قرب منها راجل تالا ومدلها قهوه ..
تالين>>صحيت ..
مصعب>>باين عليك التوتر ..قتلك الدكتورة شاطره ونعرفها ..والبنت شفتيها بروحها تبي تنهي حياتها ..
تالين>>يارب جسمه هو يتقبل بس ..
مع خشت ايمن ..بعد حق تالين استغرب وقرب منها ..
ايمن>>ف شن اديري انتي هنا ..
برمت بحتت فيه ومشتله تجري حضناته وهو حضنها ويبحت ف مصعب ..
وخرت وبحتت فيه ..
تالين>>ليش ماشفتكش من مبدري ..وين كنت بعد خش..
ايمن>>كنت تحت مابيتش نشوفه وهو خاش ..انني شن جابك من ايطاليا لهنا ..
تالين>>البنت نعرفها اللي تبي اتبرع لشاهين وانا اللي كلمت ياسين ع الموضوع ..
ايمن>>امك وين مع من جيتي ..
تالين>>مع خالو ومصعب راجل تالا ..
بحت ايمن طول ف مصعب ..اللي يبان عليه الرقي ..طويل واسمر ..عيونه واسعات سود ..وداير لحيه خفيفه شعره امشيه لاوره ..ولابس كاجوال سوريه وسروال ..وساعه وخاتم ف يده ..
ايمن>>باهي قمعزي وبطلي بكاء ..
هزت راسها وقمعزت وصبا جنبها ايمن وهو متكي براسه ع الساس ..ومصعب مش معاه اصلا لاهي بتليفونه ..
رن تليفون ايمن ..ابتعد ورد ..
منصور>>شن صار ف خوك ..
ايمن>>خش توا للعمليات ..انتم شن صوت الهرجه اللي جنبك ..
منصور>>"صوته نخنق .."سيدك ياسين عطاك عمره ..
سكت ايمن بصدمه ..
منصور>>ياسين طلع ضابط ف المكافحه ..وكان ف مهمه واليوم الصبح توفى هو واصحابه نحرقت بيهم سيارة ..
ايمن>>"بصدمه..'لا اله الا الله ..لا اله الا الله ..عظم الله اجرك ..
منصور>>اجرنا واجرك ع الله ..طمني بعد يطلع خوك ..
ايمن>>تم .."وسكر وبحت ف تالين .."
تالين>>كنك ..؟
ايمن>>ياسين ..
تالين>>"صبت بخوف .."كنه؟ ..له مده مايردش عليا ..
ايمن>>توفى اليوم الصبح ..
تبحت فيه بصدمه ..
تالين>>مستحيل صاح ..
هز ايمن راسه بلا ..
قمعزت وحطت يدها ع وجها ونهارت بكا ..
تالين>>واقسم بالله تعلقت بيه ف كم يوم ..طيبك ياسين ومتفاهم وعسل بكل ..قالي بيجيني وليد ي ايمن مراته حامل ..
تنهد ايمن بوجع ..وهيا زادت تبكي ..ومصعب يبحت فيها وخلاص ..
........
كل مره خاش حد ويسأل ع مرات ياسين وين ..وتعزي ميرال ..
قاعده ومش قاعده ..اللي رفعت راسها بيها صيت ياسين ..
بذات بعد انتشر ان هو ضابط ..وخوته ماكذبوش خبر زادو نشروها ..خوهم اللي كان طول عمره تنافي بصيت معفن ..طلعوه صافي ماعليه شي ..اللي يسمع يجي ..عماته خالاته اللي لهن زمان عليه ..الجيران الاحباب الاصحاب ..
وهيا كل ماتعزيها وحده دمعتها ماتكفش ..حلم وحتنوض منا ..حلم ويحي يواعيها ويقوللها هيا طشه نوضي مليت بروحي ..
تبحت ف الفراغ ..من وقت الجنازة لتوا ..بس قدام ودموعها ماكفنش ..يبحتن فيها خواتها تحط في يدها ع قلبها وتمسك ف بلوزتها زين ..وتبكي .. وكأن قلبها ينعصر زين وتخفف ف المه ..
خش واحد من العيال الصغار ..
"مرات ياسين وين .."
تقوى>>اهي شن تبي فيها ..
بحت ف تقوى ومشا يجري شور ميرال ..
هزها من كتفها مش بحتت فيه ومدلها دبلة ياسين ..
مسكتها من يده ..
ميرال>>من من هذي ..
"عطاها ليا معاذ نعطيها لك .."
ومشا ..وهيا تبحت ف الدبله ..والله دبلته والله ..هيا .. اتأكد بالك مش هيا بالك غالطين .."راجل قليب ميرال .."
نهارت بكا وهيا تبوس فيها ..
ميرال>>هذا ماقعدلي من ريحتك ي عمري انا ..هذا اللي قعدلللي ..من ليا بعدك ي عمر ميرال من ليااا حي عليا عده جديات ي ماما قعدت بروحي ..قعدت بروحي قلبي ي هو قلبي قلبي مش مصدق حاسه بيه بيجيني ..قالي وعد وياسين مايخالفش بوعوده ..ياسين ماعمره كذب ..نااار ي ماما نار ماتنطفش الا بحضنه الا بيه ..
حضننها فريحه وهيا تقرا عليها وهيا منهارة وتبكي بالصوت ..
.....
مر الوقت لليل ..وميرال حالها هو حالها بس سكتت تبكي بدون صوت ..بعد خفت الزحمه قربن خواتها وغفران قمعزن جنبها ومعاهن مناب ..حضننها فرح وتمسحلها ع كتفها وهيا متكيه ع كتفها وتبحت ف الفراغ ..
ميرال>>قبل مايمشي بأيام ..
بحتن فيها البنات ..
ميرال>>وحمي متعب بكل وهو كان يخاف عليا بكل ..يدوش قبلها مش يرقد معايا ..ومايدخنش ..شبه سيب الدخان عشاني ..يومها .."وضحكت ودمعتها نزلت ..يلعب ع شعري ويتفرج ..داير روحه بيغيرلي جوي بفيلم جديد جايبه ..
بحت فيها بعد خشت ف حضنه ..ولفت يديها ع بطنه ..
ياسين>>كنك ..
"ميرال>>نعست ..
ياسين>>هابا دروحي بنسهر معاك ..بكل وحمك هذا راه ..
ميرال>>الله غالب انت وولدك ..
ضحك وهو يبحت فيها .."بس ي بطه بس بحتي فيا .."
بحتت فيه ..
ياسين>>الليل وسماه ونجومه وعيونك ..❤
ميرال>>والليل وسماه ونجومه وبنرقد ..
ياسين>>خزي قالك رومنسيه ..ارقدي ارقدي ..
ميرال>>"ضحكت وزادت ضماته .."نحبك ي شلقم ..
ياسين>>وانا من يوم حملتي وانا ماعارف روحي وين بالضبط ..
ميرال>>قول نحبك وخلاص بلا محاضره ..
ياسين>>نحبك وامري لله .."🙈ضحك ..
صوت ضحكته مازال يرن ف وذني ..كان نحسابه بيموت بعدها راه مارقدتش هذك اليوم راه ماعمري رقدت بس مش يقعد معايا ..حنون لين بكل ..طيب واجد ..نتعارك معاه ويرد يبوسني ويصالحني ..يحضني ننسا اصلا عليش تعاركت معاه ..كان ونعم الزوج والحبيب ..فقدته واعره واجد مستحيل نتقبلها مستحيل ..
فرح>>مش انتي تحبيه ي ميرا ..لازم تدعيله ..ربي يوسع عليه ويسامحه ..تحبيه معش تبكي ..
ميرال>>دموعي مش بيدي دموعي يحكن وجعي ووجع قلبي ..عذبته واجد معايا ..ياما ذليته واهنته وهو متحمل ..ماعمره وجعني انا اللي نوجع فيه ..ياريت يرد يوم والله ماعاد نزعله ابدا ..انتن ماتعرفنش كيفي .. شوفي كيف خلاني من حبه ..سمنتت واحلويت من الراحه معاه ..ماكانش راجل عادي كان بلسم ..الله برحمك ي حبيبي الله يرحمك ي ياسين ..
البنات كلهم يبحتن فيها مافيش وحده قدرت تنطق ..بل كلهن بكن معاها ومن كلامها ..وهيا ردت تبكي من جديد ..وكأنها تعبر ع كل شي جوا فيها ..💔
.......
متكي سالم ع كتف سند ويبحت ف الفراغ ..ومقمعز جنبهم معاذ ..
سند>>سالم ..
سالم>>امممم ..
سند>>كيف بنخشو للحوش بلا ياسين ونحنا متعودين ع حسا ف الحوش ..
سكت سالم وبلع ريقه ..
سند>>"دموعه نزلن .."هذي قبضه قلبك حقيتها جت فيه هو ..
عض شاربه ..وقعد يبكي ..وسند يبكي معاه ..
ومعاذ يبحت فيهم وجنبه سيف وعلي ..
سيف>>لاحول ولا قوة الا بالله ..
علي>>لا اله الا الله ..لعند توا مش مصدق ..
معاذ>>"عيونه مدمعات .."ولا انا تصدق ولا عمري حنصدق ..ماكانش مجرد عم ..كان اخ وظهر وسند ..والله كان يداوي ف جرحي قبل مايعرفه ..رحمة الله عليه ..ونعم الاخ والله ..
سيف>>نفكر كيف بنروح بميرال ..وهيا تعبانه هك ..
معاذ>>عارف لعند اخر مره يوصي فيا ..قالي معاذ الله الله ف ميرال ..خلوها تكمل قرايتها وخلوها دكتورة كيف ماتبي ..وكبروا ولدي ع حب باته لأمه ردوا بالكم تخلوها بروحها مش حتحمل ..عارفها ..
ومعش مسك روحه سكت وحط يديه ع وجه وقعد يبكي وسيف يمسحله ع كتفه ..
كسر الرجال عارفينه ..هذا واحد منهم💔
........
مر باقي اليوم ..ف حزن ..ف فراق ..💔
ماحد رقد هذك الليله الكل يفكرو ف ياسين ..معقوله مات ..معقوله خلاص ..
طول الليل وميرال تبكي ..وماغفلهش جفن ..طول الليل وهيا حاضنه بطنها زين ..وسلسلته كأنه معاها وجنبها ..
طيفه معاها مش قادرة اتخطا الموضوع أبدا ..
خششنها البنات لحوش هل ادم ..قمعزنها ع الصالون حولت وشاحها واتكت ..
وتبحت ف الفراغ ..
"ميرال .."
"نعم .."
"ردي بالك تقصي شعرك ف يوم .."
بحتت ف البنات اللي جنبها ..سجود تقرا ف قرءان وجنبها غفران كيفها ..فرح متكيه وتبحت فيها ..وايه مقمعزة وحاطه يدها ع بطنها اللي دوبها طالعه ..وتقوى تبرم ع الصبايا ..
جابت معاها سفره ..بحتت فيها ميرال ..
تقوى>>هيا ميرال ..صبي كولي لقمه اهو انا وايه حوامل بناكلو معاك ..
هزت راسها بلا ..
صبت فرح وقمعزت ..وحطت يدها ع بطن ميرال ..
فرح>>ديري بالك ع ولده ي ميرو ..ولد ياسين توا تجيبي وليد ..وتسميه ياسين ويكبر ويقعد كيف باته ..حافظي ع قطعه ياسين لك ..هذي امانه مأمنك علبها هيا توا تاكلي تقوتي وليدك هي ..
ومدت يدها خذت السفره من تقوى ..غمست ف القشطه ..
خطر طول ع ميرال موقف ..
مقمعز ع الطاوله ويبحت فيها وهيا تبرم ..
ميرال>>مربى وقشطه وزبده ..وشن اخره تحب ..
ياسين>>نحبك انتِ ..
بحتت فبه وضحكت ..
ميرال>>نحكي جديات ..
ياسين>>"صبا مسكها من خصرها .."حتى انا نحكي جديات نحبك انتِ ..
وقرب وجه من وجها ..
ميرال>>ياسين ي نهاري الاحرف توا يخش شي حد ..
ياسين>>ويخشو راجل ومراته لا اله الا الله ..
ميرال>>"حطت من القشطه اللي ف يدها ع صبعها وليستها ع خشمه .."عيب مايسيرش ..
ياسين>>"ضحك ..وهو يمسح ف خشمه .."بس ي طشه ..ماتضحكيش علبا قولي نحبك ي ياسين نحول ..
ميرال>>نحبك ي ياسين ..
ياسين>>بصدق ..
ميرال>>نموت فيك ي ياياسو قلبي ..
ضحك وقرب منها ..خشت ام السعد ..
ام السعد>>احم ..
تحشم وخر من ميرال وهيا تضحك ..
دمعتها نزلت ..ونهارت بكا ..
ميرال>>مانبيش مانبيش ..
فرح>>لا تبي هيا عشان ولده هيا ي ماما هيا ميرال ..
فتحت فمها وهيا تبكي ..
حضنتها فرح زين ..وهيا منهاره والبنات يبكن معاها ..
....
صبح الصبح ..
مغيم عليه الدموع والبكا ..
مقمعزه تصلي وهيا مقمعزه ع الارض ..وبعد كملت تقرا ف قرءان ودموعها ينزلن ..
والبنات تحت يبرمن يطلعن ف فطور الرجاله ..
وسام>>ميرال وين ي فرح ..
تقوى>>اركبلها ف شقتي قاعده هيا وايه ..
هز راسه وطلع يركب من عند الجنان ..
دق الباب فتحت ايه ..
وسام>>وينها ..
ايه>>ف الدار هذ ..
هز راسه وخش ..لقاها تقرا ف قرءان وتبكي ..وجنبها مالية ياسين ..
وسام>>طشه ..
رفعت عيونها فيه ..ابتسم بحزن ..
نزلت عيونها وردت تقرا ..وهو تنهد وجا قدامها ..
وسام>>عظم الله اجرك ..
هزت راسها ..
وسام>>تبيش تحكي معايا؟ ..
ميرال>>وسام ..
بحت فيها ..
ميرال>>مش ديما بعد نقولك جيبلي حاجه تجيبلي فيها ..
هز راسه ..
ميرال>>نبي نمشي لياسين والنبي شيلني غادي ..ع الاقل نشوفه بس ..
وسام>>به وتي روحك وهي ..
سكرت المصحف وباساته وحطاته وصبت ..خشتلها ايه تساعد فيها ..لبستها خمار عشان ربطت ..وطلعت مع وسام ..
.......
ايمن>>مازال ي باتي اطول العمليه ..
منصور>>راك تنسانا ي ايمن طمنه اول بأول ..
ايمن>>ان شاء الله ..هي ..
وسكر ..
منصور>>مازال ماطلع ..
نجاة>>ياربي خير يارب ..
منضور>>شن دايره مرات ياسين؟..
نجاة>>ربي يصبرها ..
تنهد منصور وطلع ..وهيا خشت ..
.....
وصل وسام بميرال للجبانه ..
قعدت تبحت من برا فيها .. دموعها نزلن ..يعني توا حتشوف تراب مش ياسين ..حتحكي ومش حيرد عليها ..
فتحلها وسام الباب ومسك يدها وخش بيها ..
وصل بيها للقبر ..صبت قدامه تبحت فيه ..
ميرال>>يعوينه يقدر يحضنك ويحافظ عليك ..يعوين القبر اللي شالك مني بدري ي بات ميرال ..
وقمعزت جنبه وهيا تمسح عليه ..
ميرال>>درتها وعديت وانت وعدتني ..درتها ي ياسين ..مش كنت تقولي مانعديش ..ووعد نقعد معاك ديما ..وينك ي ياسين وين انا قعدن بروحي ..بنروح لحوشنا الحوش اللي خذيتني منا مقهوره ..وقهرتك معايا ..رد ي ياسو ..والله اسفه وماعاد نزعلك ..رد راك خليتني يتيمه حرام عليك وليدك ي ياسين ولدك ي ياسين ..معقوله انوض ونرقد وانت مش جنبي ..معقوله معش نشوف عيونك ..وخيالك وزولك ي حبيب قلب ميرال ي عيوني ..اه فقدتك واعره ي حبيبي ..نارك ماتطفا ي ياسين شن بيطفيها ..شن بيطفي نار قلبي بلاك ..
قمعز وسام جنبها وحضنها وهو يمسح ع ظهرها ..
وسام>>كلامك هذا حرام ع فكره ..تعذبي فيه ..وتعذبي ف ولدك ..حرام ي ميرال حرام عليك ..تعذبي فيه ..ياسين توا مايبيش الا الدعاء ..مهما بكيتي مش حيرد مهما عيطتي مش حيرد مهما درتي ي ميرال ..مذكره شن درنا ف باتي مذكره شن درنا ندبنا حتى النديب ورد ماردش ..ادعيله ..ياسين مستحق دعاك هو يحبك يجيه ملك يقوله هذي هديه من ميرال تدعيلك ومش ناسيتك ..هذي ميرال حبيبتك ..وتوا تجيبي وليد وتسميه ياسين ويكبر ويقعد كيف باته ..ويقولي اهو ولد ياسين تربايه امه ..الله يرحم باته ..ادعي بس حبيبتي ادعي ..
ميرال>>الله يرحمك ي حبيبي ويوسع عليك الف رحمة وننور تنزل عليك ي ياسين ..الف رحمة ..
ونهارت بكا ووسام خاضنها زين
......
طلعت الدكتورة من جوا ..
جاها ايمن يجري ووراه ..تالين ..
تحكي انجليزي طبعا ..
ايمن>>شن صار ..
"نجحت العمليه ..نستنو لمده 79 ساعه ونشوفو ان يسيرن مضاعفات بعدها ولالا .."
ضحك ايمن ..وتالين ..وحضنها ..
اللي عكرت مزاجه ..بعد ابتعد مصعب من جنبهم ..وقال ..
"ايوا تالا .."
يعني ع ايمن ماتردش وعليه عادي ..؟؟
.......
وصلت ميرال للحوش ..نزلها وسام وقعد يساعد فيها تخش ..
من بعيد كانت ف سيارة تبحت فيهم ..
وطلع علي من الخيمه ..وشيرلها ومشا ..وهي اول ماحقت علي شير ..دارله بالضي وعلق طلع يجري ..
.....
.
.
#يتبع_ف_الجزء_2
#فافي
