#القدر❤️
#الحلقه_25❤️
..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
10/2/2020❤️
متكيه ع الكرسي وتغني مع الاغنيه اللي ف السياره ..وهو ماسك يدها زين ومبتسم ..
معاك مطمنة أوي بيك ومغمضة عينيا
رفعت يده وباستها ..
وأنا وياك ولا حاجة في الدنيا بقت فارقة وأنا وياك
إيه تاني أفكر فيه
خدني معاك لو فين حبيبي مش هقول لأ خدني معاك
خد قلبي وإبعد بيه
وأنا وياك ولا حاجة في الدنيا بقت فارقة وأنا وياك
إيه تاني أفكر فيه..
"كملتي .."
"نحبك .."❤️
بحت فيها وهو مبتسم وتنهد ..ضحكت ..
.......
الصدمه ..ممكن ف صدمات تكون ساهله بالنسبه لنا ..يعني شنو ..تسمع ان فلان مش قريب منك مات ..سقطت ف امتحان ..انصدمت من لقطه من حد قريب منك ..زعلت صدماتك ردة فعل حد ..هذينا نقولو عليهن صدمات يترممن ..يتجبرن ..ينحط عليهن ملح ويمشن او يصلحن عادي ..بس الصدمه وين ..ف فقد الاب ..
باتك .. حبيبك ..صاحبك ..رفيقك ..سندك ..مات ..حتى لو كنتي صغيره ف العمر بس فقدته تقعد متخلده فيك لعند تموتي لان هو الصدمه اللي ماتجبرش ..ماينحطش عليها ملح وتمشي بالعكس ..كل ماتحطي ملح تزيد تلتهب ..ويزيد وجع قلبك اكثر ..
وفوق من هك تسمعي ان مات مقتول ..مش موته طبيعيه ..شعور ميرال ..اشبه باللي خذا كف ..ف جرته كف ..ف جرته كف ..
من كف جدها اللي طلع تاجر ..لموت باتها مقتول .. وبعد طلع جدها القاتل ..
لا وفوق من هك اللي كانت تذم فيه ..يطلع بريء والعار من هلها ..
حست بيده مسكت خصرها ..منعاً منها انها اطيح ..اطيح! ..
طاحت هيا اصلا ..طاحت من فوق سحاب كبير ..كسر كل جزء ف جسمها ..
يتردد كلامه ف وذانه .."راجي بس يكملن ثلاث شهور ونطلقك .."
"عرفت من وقتها انا انا وياك مستحيل يسير منا .."
تبحت ف عيونه زين ..وكأنها اتأكد ان كذبه ..عيونه اللي كانن خايفات عليها من هول الصدمه ..عيونه العاشقات اللي كانن مخبيات حاجات واجد ف قلبه عليها ..وهيا ..بس ادور بين عيونه اللي لقت فيهن الصدق والحنيه ..ف كذب صغير للي سمعاته ..
مستحيل ..
مش ممكن ..
مش اكيد ..
كيف علاقة جدو ب بابا ..مستحيل ف حياته يأذيه ..
غالطين ..هو كذاب ..نصدقه هو ونكذب جدي ..
بيديها ..حولت يديه ووخرت ..
ياسين>>ميرال افهمي .."وقرب منها .."
ميرال>>"بعيطه .."ماتلمسنيش ..
ياسين>>"رفع يديه .."مش لامسك تمام ..تمام بس افهمي قبل ..
بحتت ف علي ..متجاهله ياسين ..
ميرال>>حقير من يومك تحكي هكي ع جدك؟ ..
بحت علي ف ياسين اللي غمضله عيونه بمعنى فوت ..
ميرال>>"بعياط .."ردوووو عليااا كيف تحكو هكي ع جدو ..
علي>>ياسين بينا تليفون ..
هز ياسين راسه .. طلع علي ..
بحت ياسين ف ميرال ..
ياسين>>شن اخره ..زيدي عيطي في شن تراجي ..
ميرال>>مااادخلللكش ..مالكش علاقه ..
قرب منها ..وخرت ..وهيا حاطه يديها قدامها ..دموعها نزلن ..
ميرال>>تكذب ..مستحيل انت انت هو اللي ..
قرب بسرعه و حط يده ع فمها منعا من انها تحكي شي يجرحه ..
ياسين>>هذي الحقيقه ..هذا الواقع ..هذا جدك ..
دفاته ..وهيا تبكي بأنهيار ..
ميرال>>مستحيل لو شفته بعيوني مستتتحيل ..من انت مش تحكي ع جدو هكي ..منننن انتتت ..واحد متبري منا باته وعازقه ..واااحد تربىىى بروحه ..منننن انتتتت اللي تحكي ع جدووو هكي ..الشي هذا يطلع منك مش منا مننننك انت مش مناااا ..
رفع حاجبه .. هالمره جد ..خلاص ..
ياسين>>"بضحكه هزوة .."تعزري فيا بهلي؟ ..منتبها لروحك شن تحكي ..
ميرال>>منتبهاا ..فاااطنههه ..شن فييي بينك وبينه اللي تحكي عليه هكككي هاااا ..انااا ..انااا مستحيل نحبك ي ياسين ..مستتتتحيلللل ..اناا الحلم البعيد اللي مستحيل توصل فيه ..
ياسين>>وانا من هاللحظه عفته ومعش نبيه ..
وبرم بيطلع ..
ميرال>>"بعيطه .."ياااااااااسسسييييين ..نكررررهككككككك ..وان شاء الله تحس بنااااري وانت تكذب عليا ..
بحت فيها ..تنهد وبرم ركب سيارته وطلع طول ..
ام هي طاحت ع اركابها وهيا تبكي بالصوت ويديها ع وجها ..
........
نزلت فرح من فوق ..بحتت فيها نجاة ..ومعاها رياض اللي مقمعز ع مسافه من امه ..
مش عارفه ليش شافت فيهم ادم ..ممكن لها زمان عليه ..ممكن رايفت عليه ..ممكن تكون متمنيته توا جنبها ..مش فاهمه ..بس اول ماوصلت ف نجاة حضنتها ومعش مسكت روحها ونهارت بكا ..
كأنه المدسوس من طلاقها كله حطاته عندها حستها حاسه بيها ..حاسه بنارها ..فاقدته كيف ماهيا فاقدته ..
نجاة>>ريحته ..حبيبته ..
كلامها زاد بكا فرح ..اللي كانت تحس بنفس الشي ..تحس ف روحها تحضن ف ادم مش ف امه ..
نجاة>>ضيعك والله جوهره وضاعت ..
هدت وخرت منها وسلمت عليها ..وبرمت سلمت ع رياض ..وقمعزت جنبها ..
فرح>>كيف حالك عميمه وكيف حال عمي منصور والشباب ..
نجاة>>في نعمة الحمدلله . انتي شن دايره وشن داير حملك ..
ابتسمت بحزن ..
فرح>>الحمدلله ع كل حال .."وبحتت ف رياض ..'شن داير رياض وكيف حال سهام ..
رياض>>الحمدلله ف نعمة تسلم عليك كثير السلام ..
فرح>>سلمها يارب ..معش شفتو ادم ..
نجاة>>"تنهدت ..بحزن .."يانعلي وليدي وين بنشوفه ي فريحه بس ..خوته الرجاله ومش قادرين يوصلو فيه ..كان رن سمعوني التسجيل متاع المكالمه وخلاص ..لا ليلي ليل ولا نهاري نهار من يوم غاب وزادها بيك ..
فرح>>نصيب حد ماياخذه حد مقدر ومكتوب ..الحمدلله ..ممكن من البدايه كانت خطوتنا غلط ي عميمه ..
نجاة>>ماعندي مانحكي ..لا عارفه نلوم عليك ولا عليه ..هو اللي خله روحه هكي ..لو خذا حقه بالقانون خير ..الله يسامحه ويسامح اللي كان السبب ..
تنهدت فرح وسكتت ..
خشت ايه بسفره القهوه ..
نجاة>>تعبتي روحك يمي ..
ايه>>مافيهش تعب صحيحه ..
مدت لرياض وطلعت ..
خشت للمطبخ بحتت ف لين اللي تلعب ف سيف ولد سجود ..ابتسمت ..
.......
وصل وهو كله اعصاب ..نزل من السيارة توقعو الباب حول من مكانه من تسكيرته له ..
خش جوا وقمعز ع الكرسي وولع دخانه يدخن ..
رفع ياسر حاجبه ..واسامه يبحت فيه بأستغراب ..
اسامه>>كنك شايط ..
ماردش ..
ياسر>>اللفعه السوده معناها ..هذا عليش شايط هكي ..
ياسين>>ترا سكرلي فمك ..
ضحك وقمعز كراع ع كراع ..
ياسر>>اشكيلي همك ..كنك ..
ياسين>>خاطا ............
اسامه>>ياسين وين ي معلم ..
ياسين>>"بعصييه .."معناها يخطاني ..
اسامه>>عليش جاي دبانك ماتبيش تحكي ..
ياسين>>حرررر مزااااج دين امي قالي تعال ..
وصبا ..فتح باب الرمايه وخش ..
ياسر>>صدقني منها التسه ..
ضحك اسامه. .
اسامه>>حتى انت تافه فكنا منا😂😂
ياسر>>كاسره رقبتي ..من ايام علاقه رغد بحسام ..
اسامه>>انت عطيني جنس حواء واحد مش كاسر رقبتك ..
ياسر>>اختها ..
اسامه>>"غمزله .."احيييه ..
رفع ياسر حاجبه وبحت فيه بنص عين .. ضحك اسامه ..
اما ياسين ..حول سوريته ..وطلع سلاحه ..وسحبه وبدا يضرب ف اللي تجي قدامه ..
وهيا ..رفعوها سند وسالم ..خششوها جوا وتهدي فيها ام السعد وهيا منهاره بكا ..ماهدتش ابدا ..
.......
علي>>تطلع توا ..
سيف>>انت مش جاي للعزاء ..
علي>>"تنهد .."جاي جاي ..غير بنمر ع ادم قبل ..
سيف>>بسيارة من جاي ..
علي>>كورسه ..
سيف>>طالعلك هي ..
وسكر منا طلع ..عزق علي الدخان وقرب منا ركب ف سيارته ..ركب سيف ..
علي>>من في جوا ..
سيف>>وسام وحمزه وجدي كان قاعد ..
علي>>فوت مانبيش توا يعلم حد لعند نمشيلهم بروحي ..
سيف>>تم ..بس شن في عليش هذا كله ..
علي>>امور وتنحل ..
سيف>>يستر الله ..
درس سيف قدام المصحه ..ونزل ومعاه علي ..لاحظ سيف ع علي ان يحك مره ف يده مره وجه مره عينه ..
خشو ..سألو ع أدم وخذوا الاذن ..وقمعزو ف الحديقه يستنو فيه ..
.......
سالم>>مدله التليفون ي اسامه بس ..
اسامه>>واقسم بالله والع ماقدر حد يهديه ..
سالم>>قوله ميرال معش هدت شن صاير بينكم البنت بتموت من البكا ..وع كلمه يكذب ..
تنهد اسامه وفتح الباب ع ياسين اللي قمعز وحط ايديه ع راسه بعد فش غله ..
بحت ف اسامه بحده ..
اسامه>>سالم يسأل ..قالك شن صار بينك وبين ميرال البنت تبكي و..
ياسين>>"قطع عليه بصوت عالي .."معششش تجيبوليييي سيرررتهاااا خلااص ..
استغرب اسامه ..وحط تليفونه ع وذنه ..
اسامه>>سمعت ..
سالم>>ي را ماكان فيهم شي كانت بايته حتى معاه شن صار ازح ..
اسامه>>مش فاهم ..
صبا وكر التليفون من اسامه ..
ياسين>>حطه ع وذنها ..حطه ..
سالم>>شن صاير ي ياسين ..
ياسين>>حط الخرا ع وذنها ..
قرب سالم من ميرال اللي حاصنه ام السعد ..وحط التليفون ع وذنها ..
ياسين>>مازال يومين ويخش الشهر الجديد ..بينا هالايام ي ميرال وتردي لهلك وعهدا عليا ..ماعاد لامسك ولا جاي شورك ..بس وعد وعدته لاختك اني نحافظ عليك ..ثلاث شهور ي ميرال ومعش تشوفي وجي ..خسارة القدر اللي درته لك خساره حبي اللي حبيته لك ..
تسمع فيه ..وهيا تبكي ..
ياسين>>خسارة ..والله ولا نقولك عليش نبررلك ..انتي مش نظيفه من جوا لعند تشوفي ف الناس كلهم سيئين هكي ..مش نظيفه كيف ماانا كنت متخيل ..
وسكر الخط ..وهيا زادت بكا ...
ميرال>>ي عميمه ناار ي عميمه نار ..نااار مابتتتش تنطفااا وهو مااطفهش ..هووو ماريحنيش يزيددد ف نااااري تقولولي يحببببككك تقولولي ميت فيكككك هووو وينننن تواااا يززيد ف ناااري وينه ..
زادت ام السعد حضنتها وهيا اطبطب عليها وميرال تبكي بالصوت ..
اما هو قمعز وهو ماسك راسه زين ..دموعه نزلن ..معش قدر يتحمل ..واسامه يبحت فيه .. عرفه بيقعد بروحه طلع ..
قعد يبكي على روحه ..وع حبه وعليها ..يبكي لان مش قادر يكون جنبها توا .. يحضنها يطبطب عليها ..كلامها واعر ..كلامها يحرق ..يقتل💔💔
..........
رن تليفون نجاة ..
خذاته وردت ..
نجاة>>الو ..
معاذ>>وينك يمي جيت مالقيتكش ..
نحاة>>عند فرح ي ماما ..كنك شن تبي ..
معاذ>>لا شي غير روحت بتالين راه البنات ماشيات لأمهن اليوم ..
نجاة>>كيف صار شن جد علبهن ..
معاذ>>مش عارف روحي وتفاهمي معاهن وسلمي ع فرح ..
نجاة>>به ساهل .."وسكرت .."يسلم عليك ..
فرح>>سلمك وسلمه ..
نجاة>>بالك هيا ي ريوضه ..قالي البنات بيسافرن لأمهن ..
رياض>>شن صار ..
نجاة>>الله اعلم ..
وصبت ..
فرح>>مازال بدري والله اقعدي للغذا ع الاقل ..
خشت ايه بسفره الفطور ..
ايه>>وين ي عميمه الفطور ..
نجاة>>والله مانقدر سلم بنتي ديما عامر ..نعدي نشوف القصه ومرواحه البنات ..مش اخر جيه ومش حنغيب عليك ولا انتي تغيبي علينا ..
فرح>>ان شاء الله ..سلمي عليهن البنات وع شاهين ومعاذ وايمن وعمو منصور ..
سلمت عليها نجاة ..طلعت معاها فرح لفم الباب ..مدتلها ظرف ..
فرح>>خليه ي عميمه مش مستحقه شي ..
نحاة>>لا يجن ايام تستحقي راك مرات الغالي ..هذا حقك ي امي وشوفي روحك وغذي روحك كويس ..
تنهدت وهزت راسها ..شيرولها ومشو ..
خشت ع ايه حولت وشاحها وقمعزت ..
ايه>>"وهيا تاكل .."تعالي كولي ..انا جعانه تقول ليا زمان ماكليت ..
قمعزت جنبها ..
فرح>>تصدقي حتى انا ..
ايه>>لين تعالي ي امي كولي ..
لين>>هي ..
......
بحتو سيف وعلي ف اللي جا شورهم ..
مش ادم ..بقايا من ادم ..
ناقص بكل ..وجه لونه شاحب ..لحيته طاوله ..الحزن واضح ع وجه ..
بعد حق سيف وعلي ..اللي صبو ..قرب منهم ..حضن سيف وقعد يبكي بالصوت ..
وعلي يبحت فيه بعيون مليانه دموع ..
حاضنه سيف زين ..وهو دموعه ينزلن معاه .. ماتعاودوش ع ادم هكي ..متعودين عليه بشخصيته وهيبته ..ولسانه ومكانته ..اما هكي لا ..💔
وخر من سيف وحضن علي ..
بعدين قمعزو وهو ف نصهم ..حط سيف يده ع ظهره ..
سيف>>شن داير ي باشا كيف الحال ..
ادم>>حالي ماكيف الناس ي سيف ..حنطرشق من جديد هنا ..لا نومي نوم ولا اكلي اكل ..
سيف>>كفارة ي صاحبي كفارة ..
ادم>>"تنهد .."مش مهم المهم اني قتلتها ..شن دايره فرح بالله ..
سيف>>"بأبتسامه .."فرح حامل ..
بحت فيه ادم بأبتسامه ..
ادم>>سالتك بالله ..
هز سيف راسه ..
ادم>>"تنهد براحه .."الحمدلله .."وبحت ف علي .."وانت ي باشا شن حالك ..
علي>>قاعد ع حطت يدك ..
ادم>>"بحزن .."ياريته وليد معانا ..الله يسامحه وخلاص ..
سيف>>"بحزن .."قول الله يرحمه ..
ارتخن ملامح ادم وبحت فيه ..
ادم>>شهاده ف دينك ..
هز سيف راسه بحزن ..
خبط ادم كفوفه ف بعضهن ..وحط ايديه ع فمه ..
ادم>>لا اله الا الله ..لا اله الا الله ..مات ماحد صلح علاقته بيه ..كيف هك ..
علي>>مكتوب ..
.........
نجاة>>"عيونها مليانات دموع .."توا تعوزني ..من يملا عليا الحوش بعدها ..
تالين>>الله غالب ي عميمه ..
تالا>>بعدين النت ي جوتي قاعد ..
نجاة>>سلمن ع امكن واجد ..
تالين>>يوصل ..هيا عويشه نتلاقو ..
عيشه>>ديرن بالكن ع بعضكن ..
تالين>>حاضر ..
باست راس جدتها ..وتالا حضنتها ..
وحضنن غفران ..وصبن ع الباب ..شاهين متكي ع باب الجنان ويبحت فيهن ..
وايمن جنبه ..
معاذ>>هي بنات ..
تالين>>هي ..
برمت ..بحتت ف شاهين ..جت عينها ف عينه ..
نزلت عيونها وركبت للسيارة ..وتالا بحتت ف ايمن اللي رفع يده شيرلها ..وركبت ..
خطم معاذ من قدامهم ..طبس شاهين ع روشن تالين ..وهيا تبحت فيه ..
مد يده ..وحط ف يدها خاتم ..
بحتت فيه ..وهو مصبي وكأنه يحفظ في ملامحها ..
وخر من السيارة وخبط عليها بيده ..
طلع معاذ طول ..
تنهد شاهين بوجع ..وبرم بحت ف امه ..اللي طبطبت عليه بعيونها
.........
حط يده ع راسه ..مره يدخن مره يتنهد ..
اسامه>>شن صاير ي ياسين ..كنكم ..
ياسين>>عرفت ان جدها تاجر .."وضحك بهزوة .."توقعتها اتجي وتحضني تهرب من همومها ليا ..بس صار العكس ..طلعت انا الغالط ..تعيط عليا وتشتم واخر شي تعزير بهلي ..مش هذي ميرال اللي كنت نتمناها ي اسامه ..معقوله تقعد هيا وانا كنت مخدوع من الاول ولا مش فاهم ..
اسامه>>مرات من الصدمه بس ...
ياسين>>نقولك كانت معايا امس ..عيونها يحكن ف كلام غير اللي ف قلبها .."وغمض عيونه بتعب .."تعبت انا واقسم بالله خلاص ..
تنهد اسامه ..
ياسين>>قول لياسر بنقعد عنده لعند تكمل هالمهمه وسريبها ..
اسامه>>روح تفاهم معاها ..
ياسين>>عافها الخاطر ي اسامه خلاص ..
سكت اسامه ..
.......
كمل الوقت المخصص ..صبو سلمو عليه ..وهو خاطره يطلع معاهم ..خذاته الممرضه لمكانه وهم ركبو للسياره وطلعو ..
علي>>معقوله خوته مايجوش ..
سيف>>قالي معاذ ماحد فينا متقبل قصه ان ادم محبوس ..كلهم يتجاهلو ان يجوه يالله يكلمو فيه بس ..
تنهد علي وسكت ..
سيف>>انت تحس ف شي..
علي>>صداع وياخذ وضعه ويحول ..بنرد ايه راه ..
هز سيف راسه ..
درس قدام الخيمه ..ونزلو خشو انصدم وسام وحمزه بعد شافو علي سلمو عليه وقمعز معاهم ..
بس الصدمه الكبيره كانت لفخري اللي خش من برا وشاف علي مقمعز ..
.........
مر شهر ..
من هالاحداث كلهن ..
شهر ..ماصارش فيهن شي جديد ..
بل الكل ع حاله ..
شهر بلا ماتشوف فيهن ميرال ياسين ابدا ..حتى يجي دوبه بس ياخذ ف دبشه ويطلع ..شهر فقداته فيه واجد ..ماترقدش ف الليل وهيا مش حاسه بيه معاها ..
تحس ف الحوش موحش بلاه ..تحس ف روحها غريبه بينهم .. وكأنه هو اللي كان امانها ..
تكمل ليلها بكا ..سوا عليه ولا ع روحها بعد فطنت بروحها شن قالتله ..
اما هو ..لاهي ف الشغل لوذانه ..مش معش يفكر فيها ..مخلي وقته مقسم ف الشغل وبس ..
ياسين>>رايفت عليها مش مارايفتش ..فاقدها واجد ..بذات اني تعودت ع النومه معاها ..بس جرح كبير ي اسامه مايلتمش ..
اسامه>>ماهو مايسير شي تقعد هارب هكي ديما ..روح وتفاهم معاها ..
ياسين>>عارف روحي لو روحت حنضربها ..وانا مانبيش لشي هذا يسير بينا ..تطييح القدر هذا مانبيش ..
اسامه>>ي راجل انا اللي نمشي نوصل فيهم للمدرسه ..كان تشوفها بس العيون محلقات والوجه اصفر ..
تنهد ..
رن تليفونه ..
ياسين>>الو ..
عمر>>مروح ماه ..
ياسين>>كنك شن في ..
عمر>>بنحكي معاك ف موضوع تعال ..
ياسين>>ضروري؟ ..
عمر>>بكل هيا نستنا فيك ..
تنهد وسكر الخط ..
اسامه>>قتلك عارفهم عيال اختك مايقعدوش بلاك هيا بس توا تبوسها ترطب ..
ضحك ..وركب للسيارة ..واسامه ركب جنبه ..
......
ردت ..كل واحد رد حياته عادي ..
رد سيف لشغله واعماله ..وردت ايه لعلي ..اما تقوى ..فهيا من هذك الليله لا مشت للمستشفى ولا زارتها ..تبكي كل يوم ع مخدتها واجعتها روحها ..مابش حد من هلها يضغط عليها ..واجعها وضعها ودمارها واللي كان ساهل بكل ع مازن ان يدمرها بسهوله ..
ومعاذ مش عارف كيف يوصل فيها وهيا قاطعه عليه جميع السبل ..
معاذ>>مافيش اي جهة تواصل معاها ..تصدقي حاس روحي دخيل ..ممكن اللي صار معايا زمان مخليني خايف ..
غفران>>من حيث انها صعبه ف هيا صعبه ي معاذ انتم ماتحسوش بيها بس نحنا نحسوها بالاضعاف ..تاخذ وقتها وبعدها ترد عادي ..
معاذ>>توصل بالشهر ..
غفران>>ممكن اللي ماطلعتش ف طلاقها طلعاته بعد موته ممكن تعبها ماتبيش توريه لحد ..
تنهد ..رفعو عيونهم هم الاثنين ف شاهين اللي طلع من الحوش قمعز ف الجنان ..
معاذ>>واجعني حاله ..حاسه كيف حالتي بعد نخطبت سمر ..
غفران>>هو اللي فرط فيها بيده ..
معاذ>>معش عرف روحه ياخذ بخاطرها ولا يقتل خالها ..واه خالها وتوفى رسمي ..غير خسراته ..
غفران>>"تنهدت .."فيها خيره لهم ..
شاهين ..واه من شاهين ..
شهر طفاه ..غيابه كسره ..معش يضحك كيف قبل ..معش يبصر كيف قبل ..بس عقله ان هو يموت بسرعه لان حس حمل الدنيا اكبر بواجد من ان يتحملها ..
اما هيا ..
تالا>>دزلي ايمن ولد عمو منصور ..
منار>>شبو ..
تالا>>شي يسأل ع احوالنا وحال تالين ..
منار>>واجعني حالها لاختك ..شو صاير معها حتى مخليها هيك ..
تالا>>لو هيا حابه تحكي حتحكيلك ي ماما ..
تنهدت منار ..
منار>>اجاها عريس من طرف خالك ساجد ..الشاب كتير منيح ومافي حد يقدر يعارض عليه ..
تالا>>الشي هذا الوحيد اللي خليها بجوها فيه وراس ماما ..
سكتت منار وهيا حاسه ان ف شي ..
لان تالين منطفيه مش تالين الاولى .. نظرة عيونه يوم اللي سافرت مانستهش ..تحس ف روحها دايره ذنب ان ماخلتش ياخذ القلب ..حستها روحها انانيه بكل ..اول مره تسافر بلا سماطته مل شويه ران عليها ولا كل شويه دازلها مسج ..هالمره حست انها خلاص صح وان مستحيل شاهين يردلها وهذا اللي مخلي حالها لاورة ..
.......
خش من برا ..حك لحيته بحت ف الشقه مافيش حد ..عرفها ف الدار ..فتح باب الدار وخش ..
بحت فيها راقده ولا تندري عليه ..ضحك وجا شور السرير ورقد جنبها ..وقعد يحرك ف يده ع وجها. .
علي>>ايوته خمج ..هذا كله نوم ..
ايه>>هممم ..
علي>>نوضي حبيبي بحتي فيا بس ..
فتحت عيونها بحتت فيه ..
علي>>صباح العسل ع حبيبت روحي ..
ايه>>بارد ي علي ..بنرقد ..
علي>>والله ماصارت نمشي لبثينه راه ..
نطت وبحتت فيه ..
ايه>>نقتلك ..بعدين انت قلت شهر واطلقها ..
علي>>كيف نطلق وانتي مش موفره حاجتي ..
رفعت حاجبها ..
علي>>"ضحك .."نبصر ..هيا اصلا اللي طلبت الطلاق بروحها وطلقتها وشلتها لهلها ..
ايه>>حرام توجع من غباءك انت ..
علي>>"قرب منها حضنها .."الله غالب نحساب حبيبي شرير ومايحبنيش ..لعند امتى الوحم هذا ..
بعدت منا وبحتت فيه ..
ايه>>لعند يكبر وليدك ..
ضحك ..
ايه>>خطرها لقيت عرم ايباري ف درجك شن تبي فيهن؟ ..
علي>>"وجه تغير .."قربتيهن؟ ..
هزت راسها بلا ..
علي>>خليهن ماتقربيهنش .."وطبس شمرها وصبا .."تعالي نتغدو توا وساهل بعدها ..
ايه>>"مسكاته من رقبته. ..'نحبك ..
علي>>وانا نموت فيك ..
رضت ترد معاه ..خافت انها تخسره للابد ..رغم المعارضه اللي جتها من فرح الا انها ماسمعتش ومشت بقلبها ..خافت يموت وهو بعيد ..الشرط الوحيد اللي حطاته ان يطلق بثينه وفعلا دار كيف ماتبي ..بس هو مش علي الاول ..لا عقله ولا فكره ولا حياته ..
عكس فرح ..اللي فات عليها سمستر كامل وباديه تقرا ف قرايتها مش تسجل السمستر اللي بعده ..وكلها ثقه ان اللي ابتعد عليها فيه شر وان هذا اللي جا هو الخير ..لاهيه ف روحها ..وحملها وبس ..نطفت نقدر نقوللكم انطفت بس مش لدرجه الموت ..❤️
.......
سيف>>غير قوليلي شن في ..
تقوى>>"ببكا .."مضايقه ي سيف مانبيش نشوف حد ..
سيف>>لك شهر ي حبيبتي ع هالوضع حرام عليك اللي اديري فيه ..وليد محتاج دعاك توا ..بنتك تشوف فيك انت خليتيني مضايق معاك ..
تقوى>>اللي قهرتني ان طلقني بسبب ظلم ي سيف ومات وماعرفش الصح ..مات وماعشش مع بنته مات ..
حضنها وهو يمسح ع ظهرها ..
سيف>>لعله خير ..حسبي الله ف اللي مان السبب بس ..
......
نزل من السياره وسكرها ..مشا اسامه شور الملحق وسكر الباب ..وهو فتح باب الحوش وخش ..
"استناااا ي سند توا نجيك .."
تنحنح بعد سمع صوتها اما هي ماسمعتش ركبت تجري ..
خش ..
ياسين>>السلام عليكم ..
"عليكم السلام .."
عمر>>لازم ناخذو موعد ازح مش نشوفوك ..
ياسين>>والله مشاغل لدماغي ..كنك شن في ..
عمر>>عدي هديلي روحك ودوش وغير وتعال ..
مناب>>*طلعت من المطبخ .."حي ياسين خيرات ..
ياسين>>اهلين ..
حطت السفره للعيال ومشت ..
شافها نازله من فوق ..هيا ماشافتش ..جسمها امتلا ..
وخدودها طلعن ..ابتسم ع منظرها ..فطن لروحه عطاها بالظهر ..
هيا طول انتبهتله بعد برم ..
ميرال>>سند ..
سند>>تعالي ي ميرال ..هنا قاعد ..
جت شور الدار ..اللي هو عاطي الشباب بوجه ..وهيا بظهره ..خشت للدار ..وبرمت عليه غلبها وبرم مشا ..
وهيا تبحت فيه بعيون مدمعه ..
سند>>تعالي هيا ..
ميرال>>هي جيت ..
وقمعزت جنبه ..
خش للدار ..بحت فيها كيف ماخلاها اخر مره ..دس الاوراق ..اللي كان يشوف فيهن ..مش مايشوفهن حد ..
جا شور الدولاب فتحه خذا توته ..
وخش للحمام دوش وطلع ..
رد ركز ع السرير شكله ف حد يرقد ف الدار ..قرب منا ..ورفع المخده حطها ع خشمه ..فاح عطرها ..
نفتح الباب وخشت ..نزل المخده طول ..وقعد يبطم ف فنيلته ..
مسكت يده وهو بارم ..
ميرال>>ممكن لحظه ..
نفض يدها ..وبرم بحت فيها ..
وجعتها نفضت يدها ..عيونها دمعن طول ..
ياسين>>تفضلي؟ ..
ميرال>>ولا حاحه خلاص ..
وبرمت بتمشي ..صبا قدامها ..
ياسين>>كنك احكي ..محتاجه حاجه؟ ..
ميرال>>لا ..
ياسين>>تمام نحسابك محتاجه شي ..
ووخر عطاها الطريق ..وبرم بيكمل طريقه ..
ميرال>>ياسين ..
برم بحت فيها ..طول جت تجري ارتمت ف حضنه ونهارت بكا ..
وهو كان قلبه يبي يحضنها وعقله لا ..تنهد ..وحط يده ع ظهرها ..
طبس علبها ..واستنشق ريحتها ..تنهد ..وزاد ضمها له ..
ميرال>>طلعت قاسي واجد ي ياسين ..
ياسين>>كيف قساوتك عليا ..حسيتي توا ..
ميرال>>بس انا بحاجتك ..
ياسين>>وانا ك..
ماقدرش يكملها ..بعدت منا وبحتت فيه ..
ميرال>>كملها ..كرهتني؟..
تنهد من جديد ..وهو يبحت ف عيونها ..
ياسين>>ردي بالك تحبيني ..رانا ثلاث شهور بس ونفترقو ..بالك فراق ابدي ..نخلبك ارمله"وضحك .."
تبحت فيه بعيون مليانه دموع ..
ميرال>>اسفه سامحني بدون قصد اللي قلته ..
ياسين>>اللي ينكسر معش يصلح ي ميرال ..عرفتيني مش كذاب ولا اكتشفتي ..
ميرال>>مازالت مش مصدقه ..ليش مش فاهمني ..
ياسين>>انا اكثر واحد فاهمك ..بس انتي مش فاهمه روحك .."وضحك بهزوة .."مانبيش نعيد ونكرر مانبيش القدر بينا يطيح اكثر من هك ..عرفت روحي شنو عندك ..وكلها والله شهرين اخره واتفكي ..
برم فتح الباب وطلع ..وهيا تبحت ف الباب ودموعها ينزلن ..
........
يبرم ف الدار ..حس روحه هلوس من جديد من كثر الادويه اللي يعطو فيهن له ..
يشوف ف طيف سماح ف كل مكان ..حاس روحه بينهبل ..
كر فوطه السرير ..وقعد يربط فيها ع رقبته ..يقنط يقنط وكأنه بيتخلص من كل الم ف جسمه ..كل هلوسه يحس بيها ..🍃💔
..........
خش من برا ضرب بعكوزه ع الوطا ..
بحت فيه اللي كان بارم ..
مازن>>اوووو حاج طولت عليا هالمره ..راني انصبت مش متت ..
فخري>>احكي وبلا كثرت كلام شن كنت ادير مع ولد سمير ..
مازن>>هالعداوه اللي معش كملت بينكم ..عليش هذا كله بس راه مات سمير وقريب تقتلنا ف جرته ..
ضحك فخري ..
فخري>>هو مات لكن عياله قاعدين ..بالواحد لعند يكملو كلهم ..وانت عشان تاخذ ثار باتك اللي مات ع يد سمير لازم تساعد جدك ولالا ..كان هذا معش في جرعات ..
مازن>>هو ثار واحد معاهم عرررم ي جدي عرم ..بس قولي عليوه ياخذ قعد ..
فخري>>متكيف😂 الجايه العبلي ع خو حسام نسيبنا اه ..
.......
رن تليفون معاذ ..
مد يده شاهين وخذاه ..
بعد حق .."تالين بريطانيا .."
رد وحطه ع وذنه ..
صوتها جاه تبكي .."معااذ بنروح ..بزوجني خالي ي معاذ .. بكره قالي الفاتحه بكل برود يزوجوني غير شاهين ي معاذ .."
طاح من يده التليفون ..نقفل ..
حط يده ع صدره ..دموعه معش مسكهن وهو يتردد كلام جده ف وذنه ..ان ماياخذهش ..
نهار بكا ..قعد يبكي ف بكا يقطع القلب ..في بكا عياط ..
ايمن>>هذا اللي حكاته ليا تالا ..
معاذ>>من الاول مش متريحلهم انا ..
سمع صوت بكاه ..
ايمن>>صوت شاهين ..
صبا معاذ يجري ومشا للدار ..حاط يديه ع صدره وكأنه قلبه يبي يطلع منا ..
بحت فيه معاذ وقرب حضنه زين ..
شاهين>>"بأنهيار .."راحت والله راحت ..
تنهد بوحع ع حاله وقعد يمسحله ع ظهره زين ..الوحيد اللي يحس بيه توا هو معاذ هو اللي عاش حالته هو اللي يحس بيه ..💔
.......
نزل بعد ماكان ف السطاح يشوف ف الميه ..
مناب>>يوجع والله .. معقوله مره ماتعلمش ع ر اجلها كم له برا الحوش ..
ام السعد>>مش شورك انتي ..
خشت ميرال بحتت ف مناب ..
ميرال>>تحكي عليا؟ ..
ام السغد>>لا ي بنتي مش عليك ..
مناب>>اه عليك ..معقوله وحده تسيب واحد كيف ياسين ..عيونه السماح ولا فمه الكبير ولا طوله واتكبر عليه ..
ميرال>>اللي تحكي عليه راجلي ي امي وين ماشيه انتي ..وبعدين مادخلكش انا حره بيني وبينه ..
مناب>>سيوره مال ومدور برا ..
ميرال>>"بصوت عالي .."شن دخلللك بنفهم مش شورك ..
ياسين>>"خش للمطبخ بحت فيها .."ميراااال ..
بختت فيه مالحقتش تحكي لعند فنص فيها ..
ياسين>>للدار طول ..بدون ولا كلمه ..
كيف جت بتحكي ..
ياسين>>"فنص فيها .."طوووول قلت انا ..
تنهدت ومشت ركبت ..
ام السغد>>مافي شي ي وليدي ..
ياسين>>عارف ي خالتي عارف ..
وتنهد وبرم ركب ..
فتح باب الدار بحتت فيه ..
ميرال>>تهزب فيا قدامها عادي هكي؟؟ ..
ياسين>>عليش شن حكتلك هيا اللي ولعتي هكي ..
تنرفزت ولا شعوريا قعدت تحكي بعياط وهو يبحت فيها ..
ميرال>>شننن تبيييي هااا شنووو ..حرضت الكل عليا ..كلهممم معش قعد لهم سيره غير ياسييين وياااسين ..
ياسين>>"برفعه خاجب .."شن اللي واجعك ف الموضوع ..
ميرال>>انت لشن بتوووصل قولي ترا ..انتتتت ..
قربت منا ..وصبت قدامه وتحكي بأعصاب ..
ميرال>>شن تبي قووولي بتوصل فيا ..اه انا مسلمتلك روحي بس اعتقنيي .."وخبط صدرها .."انا مسلمتلك روحي ..بس خطاني ..تبي توصل انت لشي معين باللف هذا كله نختصر عليك الطريق ونعطيه لك انا ..
بحت ف عيونها زين ..
كرها من خصرها شوره ..وطبس ع وذنها ..
ياسين>>وانا نجيش شور وحده ماتحبنيش ولا تبيني ..ماتعودتش ناخذ حقي بالغصب .."وضحك .."بعدين انتي عقلك خضر لو نبيه اللي تحكي عليه نزوج فوقك ثلاثه شرع ربي ..
بحتت فيه بحده ..
ياسين>>بس كان انتي تبي براحتك ندلعك ..
حست بالاهانه ..ضرباته كف ..وهيا تبكي بالصوت ..
غمض عيونه زين ..وبحت فيها بحده ..
ياسين>>اتقي شري بعد نولع ف حد ي ميرال راك مازالتي ماعرفتيني ..وربي لو نحصلك نكسرك بين يديه ..
ميرال>>"بعياط وهيا تضرب فيه ع صدره .."مانننك حماااار ماتحسسشش ..حماااار ماتتشوفششس ..انا ميته وانت بعيد ولاااهي ..انااا ميتتته ..تي انا نحبككك نحبببك ليش ما شفتهش هذيي ..نغااار عليك ..نحبك انت ..
ونهارت بكا ..وهو يبحت فيها بصدمه ..
بلع ريقه بصعوبه ورفع حواجبه ..
وقرب منها حول يدها من وجها ..
ياسين>>ميرال ..
ميرال>>ان شاء الله نموت ي ياسين مش انتريح من هالعذاب ان شاء الله نموت ..
ياسين>>بعيد السو ..
ميرال>>"ببكا .."داير فيها العاشق المسكين وانت مش حاس بشي ..كم لك مخليني بروحي ..كم لك لا جيت ولا سألت ولا دورت ..كم ها ..
يبحت ف عيونها زين وهيا تبكي وتبحت فيه ..رفع يده وهو مازال تحت تأثير كلمتها ..
مسحلها دمعتها ..ويبحت ف وجها زين ..
ميرال>>"بوجع .."ياسين ..
ياسين>>ي قليبه ..
ميرال>>نحبك ..
مط شواربه ..وعيونه تعبن دموع ..قرب راسها وباسها عليه بعمق ..
وضمها له وهيا كأنها لقت سبله تبكي ف حصنه ..
ياسين>>تمنيتها سنين ي ظالمه ..تمنيتها من زمان ي قاسيه ..وتقولي انت قاسي ي ياسين انا ماحرمتكش منها ..انا اول ماجا وقتها قلتها مش انتي ..انتي اللي قاسيه ..ااااااااه ي ميرال كم مره حلمت بيها ..كم مره تمنيتها منك ..
تبكي ودافنه وجها ف كتفه ..وهو مرفعها مش توصل فيه ..
....
نط من النوم عارق ..تنهد بوجع وحط يديه ع راسه ..
.....
...
قبل الشهر واللي صار بالتفصيل فيه من أحداث مخفيه ..🍃🍃
.
.
#يتبع_ف_الحزء_الثاني_للحلقه ..
#فافي❤️
