#القدر❤
#الحلقه_12❤
.
.
.
.
.
.
.
.
.
.
.
.
.
.
.
.
.
.
برمت وهيا مفجوعه ..
حمزة>>"ضحك .."كنه وجك اصفر ي بنت ..ليا ساعه نضبح ..
بحتت فيه برعشه ..ومسكت فيه طول ..
ميرال>>شكلي رحت ..
حمزة>>تعالي من هن ..
هزت راسها ومشت معاه ..برمت بحتت وراها لقت ياسين مصبي حاط يد ع شعره واليد الثانيه ع خصرة وثانيها ..ركزت ع يده فيها خاتم حلو بس الباين له معنى وحديدة تبان فيها اسم ..فطنت انها طولت وهيا تبحت فيه وهو مانزلش عينه ..برمت وزادت مسكت ف حمزة من خصره اللي ياسين قريب ينجن من لقطتها ..
برم وطلع ..فتح باب السياره وقمعز فيها خبط الدومان كم مره بعضبيه ..
ياسين>>نعن بوكم وبووو شغلللكم ..شن سمعتتتي ي ميرال اللي وجك نخطف لونه شنو بس ..
رن تليفونه بحت فيه وبعصبيه عزقه ع القزاز طاح منكسر ..
ياسين>>حياة ......... بكل"وعلق وطلع ..فتح قجر السيارة وطلع تليفون واحد ثاني ..اشوي وحطه ع وذنه .."الكلب اللي ف المستشفى مانبيش نسمع بسيرته اليوم تسمععع يمووووت ولا واقسم بالله نقلب ام المستشفى ع روسكم ..
وسكر وعزق التليفون جنبه بعصبيه ..وهو يتنفس بأعصاب وبين عيونه مسكت ميرال لحمزه ..ونظرتها له ..
..
وصل بيها لعند رياض اللي صبا ..
حمزة>>صباخ الخير ..كيف قاعدات هنا ..
رياض>>صباح النور ..اها معاهن الشباب جوا .."وبحت ف ميرال .."كيف حالك ي ميرال ..
ميرال>>الحمدلله ي مستر وانت ..
حمزة>>تعرفها؟..
رياض>>"ابتسم.."طالبه عندي..
حمزة>>سيبت الاعلام ولا كيف ..
رياض>>اهو التدريس جو بس ..
هز حمزة راسه ..
ميرال>>بنخش انا .."وسيبت يد حمزة وخشت .."
لقت علي مقمعز جنب آيه اللي مغمضه عيونها ..وأدم حتى هو مقابل فرح اللي تبحت ف سيف اللي يهدرز معاها ..
ميرال>>خززززييي خيااانه مع بعضكن حطولي سرير حتى انا ..
فتحت آيه عيونها ويحتت فيها فرح وضحكن ...
صبا علي بعد حقها جت تجري لآيه وحضنتها ..
ميرال>>كلبه خوفتيني عليك ..
آيه>>مافيا شي اهو قدامك ..
ميرال>>"بحتت ف علي .."مانبيش نحكي ..
ابتسم أبتسامه صفره ..
وخرت وبرمت ع فرح ..
ميرال>>وانتي ي حنه ..
فرح>>انا كني😂..
ميرال>>"عيونها دمعن
.."ليش ماقلتي انك كنتي حامل ي كلبه ..بعد قالتها لنا تاتي هزبتك ف سري ..
بحتو فيها سيف وادم ..
فرح>>نصيب"وابتسمت .."
قربت منها باستها ع خدودها ..وصبت جنبهم ..
سيف>>وانا ماليش بوسه؟..
قلبت شواربها ..
ميرال>>اممممم ..نبوس وخلاص .."وقربت منا بساته ف خده وهو يضحك .."
دق الباب وخش حمزة ..
حمزة>>سلام ..
"عليكم السلام .."
علي>>"قرب من آيه .."انا ماشي نغير دبشي وجاي تمام ..
هزت راسها ..
علي>>سيف رد بالك منها ..
ماردش عليه ..تنهد وفتح الباب وطلع ..
وإيه بحتت ف سيف ..بحزن ..اللي ماقربش منها بكل ..وبحتت ف فرح اللي يحكي معاها حمزة ..
تنهدت وردت غمضت عيونها ..
.....
حاول يمسك روحه ..مسك ف الدروج زين وصبا ..
وخر بشويه وركب ..ركب وهو متحطم دارتها مره ونخطبت ي شاهين ..اديرها مره اخره ..الاولى ستر ربي وفسخت هالمره بتفسخ؟! مش ديما هي ..
بحت ف أيمن اللي راقد ..فتح روشن الدار وطلع راسه ياخذ ف نفس ..ويده ع قلبه اللي ينبض زين ..
عارفتك مالكش مستقبل معاها تي وينه مستقبلك انت احمد ربي كان عشت لبكره! ..انت تحبها اعترف نحبها اه ..نحبها ..نحبها من زمان مش يوم ولا اثنين بس دفنته ..دفنته لان انا مايحقليش شي ف الدنيا هذي ..مايحقليش حتى نحب ..وخر من الروشن ..رفع بطانيته وخش تحتها ...وهو يفكر ..دق الباب غمض غيونه وعطاه بالظهر ..
فتحت الباب وخشت ..
تالين>>مونه ايمن ..ايمن .."وهزاته .."
فتح عيونه وبحت فيها ..
أيمن>>تي كنك ..
تالين>>صبي وقت ع الشغل مش وصيتني نواعيك ..
هز راسه وقمعز ..بحتت ف شاهين ..
تالين>>غريبه شاهو راقد لتوا ..
أيمن>>شكله سهر يكلم امس .."وخش للحمام .."
رفعت حواجبها وهيا تبحت فيه ..قربت قمعزت عند راسه ..وبتردد حطت يدها ع شعره ..
تالين>>حبيبي .."وضحكت بشويه .."خاطري نقولها لك بكل ..بس "وتنهدت .."معش عرفت انا خطر عليك ولا انت خطر عليا كلهم يبعدو فيا منك ..مانبيش نحكي شي مانبيش شي غير نحبك بس ..نبي نحبك ديما وتقعد معايا ديما ..
قبل ماتكمل كلامها سمعت صوت باب الحمام صبت بسرعه وهيا تمسح ف دموعها ..
تالين>>شاهين ..شاهين ..
أيمن>>"وهو يمسح ف وجه .."ماوعش ..
هزت راسها بلا ..
أيمن>>"بصوت عالي .."شاااااهين ..
تالين>>ي غجري بشويه تخلعه ..
ابتسم ع كلمتها ..وبرم بحت فيه داير روحه هذا وين واعي ..
شاهين>>تي كنك يرا ..
أيمن>>صبي هيا خلاص سادك ..
شاهين>>"برم وجه .."خمس دقايق اخره وتعال ..
أيمن>>انجيك راه ..
شيرله بيده معنى روح ..
ماحسش الا بأيمن فوقه لعند شهقت تالين ..
تالين>>حي عليا تقتله ليا حول ..
رفع عيونه ف عيونها ..لين تحشمت من نظرته نزلت عيونها ..
أيمن>>تصبي توا ..
شاهين>>"بضحك .."تي حول بس قتلتني ..
أيمن>>صبي ..
شاهين>>تي حول راك فيل ..
تالا>>"من برا .."تيس وانت الصادق ..
أيمن>>توا نورريك ي كلللللللللبه .."وصبالها يجري ..مشت تجري لدارها وسكرتها بالمفتاح .."ماعندك وين هاربه ي جروه ..
تالا>>اننننننن ..
خبط الباب ضحكت ..
بحت ف تالين وقمعز ..
شاهين>>كنك مصبيه هنا ..
تالين>>اه! ..لا شي كنت نواعي فيك ..
هز راسه ..وصبا جا مقابلها ..
بلعت ريقها ..ابتسم وقرصلها خشمها وطلع ..
وهيا مستكه ..
أيمن>>ي هووو اطلعي بنغير ..
تالين>>"فطنت .."اه هيا طالعه .."وطلعت .."
.........
حط راسه ع الدومان وهو تحت العمارة ..رفع راسه وبحت ف العمارة ..وتنهد ..فتح الباب ونزل ..وخش ..
ركب طول للشقه وخش وسكر الباب ..مافيش ولا صوت ..بلع ريقه ..خش ..بعيونه برم عليها برمه سريعه ..حط يده ع راسه بدوخه وقمعز ع الكرسي ..
أبكي ي علي ..أبببكيي ابكي ..
صوت يتردد ف وذنه يقوله هك ..
علي>>ماعنديش عليش نبكي عليش نبكي ..عليش بنبكي ..لان ماعنديش ام ..لان ماعنديش سند ..لان ماعنديش حياة ..
ونهار بكا ..بالصوت ..وهو حاط يديه ع وذانه ..
علي>>ياربي تعبت ..يااربي صوتها ف وذاني ..يااربي ..يااربي قلبي يارب اي شي شين حطه فيا بس هيا خليها كويسه يارب يارب ...يارب انا اللي عشت يتيم بلا قلب يارب انا اللي تعذبت يارب يارب هيا امي واختي وحبيبتي ..هيا قلبي يارب خوذني انا بس خليها هيا ..
وحط ايديه ع وجه وهو منهار ..
بصوت تعبان .."وينك يميي ..وينك يميي وين ..وين بس خليتيني ف دنيا شينه بروحي ..يمي راني قتلت روحين يمي ..يمي راني قتلت يمي ورواحهم يلاحقن فيا لليوم يمي ..يمي راني تعبان يمي تعبان وجلالة الرحمن تعبان ..قلبي يوجع فيا ..جسمي يوجع فيا ..كل شي فيا يوجع ..يارب يارب والله ماكان قصدي نقتلهم ..يارب والله ماكان عندي نيه نقتلهم ..يارب ماتاخذنيش بذنبهم يارب .."
وحط يديه ع وجه بتعب ..وهو يبكي ..
.......
فتح الباب وخش طبقه وراه بعصبيه ..
بحتو طول فيه وهو خاش ..
سالم>>اووووو ياسين رقيله شكلها بياض الثلج مرقيتها لك ..
بحت فيه بحده ..
ياسين>>ساااااااالم واقسم بالله ..وغلاوة ميرال نجي نحط غلي فيك ..
ضحك سالم ..
سالم>>اوووو بدينا نحلفو بغلاوتها ..
ياسين>>"عض شاربه .."سالم ..راني مضغوط لوذاني اه ..
سند>>فوته واركب دارك امشي ..
كيف جا بيحكي فنص فيه سند ..
بحت فيهم ياسين ..وركب من الدروج ..
سالم>>بنقولك بس ..خلي المصنع مسكر"وغمزله .."بنديرله زياره ف هاليومبن ..
بحت فيه ياسين ..وكمل ركوب بدون مايعيره اهتمام ..
وسالم مبتسم بأنتصار ..
......
خش علي ..لقاهم يفطرو وآيه تبحت ف السقف ..
بحتو فبه بعد خش ..بحت فيهم بدون مايحكي شي جا جنب آيه ..
اللي بحتت فيه ..ابتسملها ردتها له ..
آيه>>"بصوت واطي .."شن في ..
علي>>شي ..تحسي ف حاجه ..
هزت راسها بلا ..
حط يده ع بطنها مكان الجرح ..
استغفر سيف بصوت فيه علوه ..بحت فيه ..وابتسم ونزل يده ..
حمزة>>تعال افطر علي ..
علي>>صحه دخنت معش عندي نيه ..
تقوى>>"بحتت فيه .."نيتك منسده من عمايلك ..
علي>>"ابتسم وعيونه دموع .."واقسم بالله مضغوط راه ..واقسم بالله واصله بيا لهن"وحط يده ع خشمه .."فوتيني تقوى ..
بحتت فيه آيه ..وبرمت عليه فرح اللي كانت ع سريرها ..صوته كان فيه وجع واضح ..صوته مش طبيعي قبل يحن ويرن بس هالمره ..لدرجه كلهم بحتو فبه بأستغراب ..وهو برم بحت ف آيه وبلع ريفه وصبا ع الروشن وطلع سبسي ..
بحت سيف ف أدم ..اللي هزله راسه صبا ..
أدم>>علي؟!..
ماردش ..
أدم>>علاوي اوي .."وحط يده ع كتفه .."
بحت فيه ..ومسح وجه وتنهد ..
أدم>>شن في ..؟
علي>>مش فاهم .."وبحت ف الروشن .."مش عارف ..بس صدقني اني محتاجكم واجد ..قبل اي وقت ..
مسكه أدم من كتفه ..وهو طول برم حضن أدم ودفن وجه ف كتفه وقعد يبكي ..بحتو فيه كلهم كيف يبكي ..
رغم ان دافن وجه الا ان يده ع عيونه قاعده ..
صبا سيف طول طلع ..وتقوى تبحت فيه ..وميرال حضنت وسام وهيا تبكي ..
وفرح تبحت فيه بحزن ..اما آيه دموعها ف عيونها ..
وخر وهو يرشف ..ومسح وجه بيديه الاثنين وتنهد ..
أدم>>كنك احكيلي ..
علي>>اليوم سنوية امي ..مرات باتي اختارت امس تقعد الفاتحه مش"وسكت وهو يبلع ف عبرته .."مانبيش شفقه من حد انا ..عادي مش اول واحد تموت امه ..
أدم>>علي ..رفيقك انا ..
علي>>"بحت فيه .."زمان ي ادم ..زمان وقت مايبعدنا شي لا انت ولا انا ولا سيف ولا وليد ..بس توا ياما بعدنا ..وياما مازال ..
برم وبحت ف آيه وقرب منها ..قمعز جنبها وابتسم ..
علي>>مامرتش الممرضه ..
تبحت فيه ..بحزن ..غمزلها ..ابتسمت ..
علي>>نحبك..
حمزة>>اوي ..
بحت فيه ..وضحك ومسك يدها زين ..
صبت تقوى ..
تقوى>>هيا اطلعو خلوني نكشف ع فرح ..
أدم>>تطلع اليوم!..
تقوى>>ان شاء الله ..
فرح>>لقني متريحه خليني يومين اخره😂
تقوى>>مصح وجك😂"وبحتا فيهم .."هيا اطلعو ..
ميرال>>طالعين .."وبحتت ف وسام .."تروحني عندي قرايه ..
وسام>>هيا ..من بيروح اخره ..
آيه>>انا خوذني معاك ..
ضحك ..وطلعو ..
بحتت تقوى ف علي ..
علي>>طالع تمام ..
وصبا طلع ..
آيه>>وراس تقوى بشويه عليه ..
تقوى>>عدي ي مهزبه ..
فرح>>حتى انا وحعني مش غير انتي ..
تقوى>>سكري فمك انتي ..
آيه>>بعدين انتي كنك مامشتش عليا حامل راه ..
فرح>>حاحات منزوجات مش شورك ..
آيه>>حتى انا متزوجه راه ..
فرح>>مازالتي فرخه😂
تقوى>>خلااص عاد ..
فرح>>تاتي شن رايك ف معاذ سلفي ..
تقوى<>ماشاء الله عليه كنه؟
فرخ>>لا شي بس حسيت ف حراره بينكم ..
تقوى<>تركبك الحرارة سكري فمك واسكتي ..
ضحكت وآيه تضحك معاها ..
......
متكي ويبحت ف التلفزيون ..وحط يده ع لحيته يلوي فيها ..
نجاة>>كنك ي شاهو هادي اليوم ..
شاهين>>"بحت فيها .."لا ماشي ..غير خالطه ..شن حال فرح ..
نجاة>>توا نراجي ف بوك ماشيه عند هلها قال أدم مروحه اليوم بالك غادي ..
هز راسه ورد بحت ف التلفزيون ..
خشت تالين ..
تالين>>شاهو ..
بحت فيها ..
تالين>>خاتمي امس خليته عندك عطيه ليا ..
شاهين>>"بحت ف التلفزيون .."ماعنديش حولت دبشي ف الغساله وفتشته بالك طايح مانعلمش ..
خش رياض ..
رياض>>سلام ..
"عليكم السلام .."
نحاة>>كنك روحت ..
رياض>>مافيش شي مستحق ..جا معاذ ..
نحاة>>لا ي باتي لتوا ماجش ..
رياض>>غريبه طالع من مبدري بالك عنده شغل ..
نحاة>>بالك ..وانت مراتك وين ..
رياض<>"قمعز وهو قالب وجه .."حرجانه يمي عند هلها ..
نحاة>>اسم الله كنكم ..
رياض>>خلي عنك دوا فارغه .."وبحت ف تالين .."وراس فلونه كبايه اميه ..
تالين>>من عيوني ..وانت نبي خاتم ..
ماردش ..بحتت فيه ..مش معاها بكل ..
مشت ..مع خشت معاذ ..
"خير .."
بحتو فيه وردو ..
معاذ>>ترا عطيني رقم ياسين ..
رياض>>شن تبي فيه ..
معاذ>>هاته بس ..
نجاة>>معاذ فكنا منهم جدك محرم ان حد يحكي معاهم ..
معاذ>>باهي يمي به هات انت ..
مدله التليفون ..خزن الرقم وطلع ..
نحاة>>عارفه انا بتهبلوني فكونا منهم متاع مشاكل مش ناقصنا ..
شاهين>>النيه جايه ف شفطه حشيش ..
بحتت فيه وعزقت فيه سبحتها ..ضحك ورياض هز راسه وهو يضحك ..
قمعز ف الحنان ورن طول ..
تقلب وهو راقد ..ومد يده خذا التليفون ورد ..
"ايوا .."
معاذ>>ياسين! ..
ياسين>>ايوا من معابا ..
معاذ>>انا معاذ ..ولد منصور خوك ..
سكت وهو يحاول يستوعب ..قمعز بعدها ..
ياسين>>اه معاذ اهلين ..
معاذ>>ياسين نبي نتقابل معاك ..
ياسين>>شن في ..
معاذ>>موضوع ضروري ..
ياسين>>امتى مايناسبك ماعندكش اشكاليه بكل ..
معاذ>>اصلي ..بعد ساعه ف كافي ....
ياسين>>تم هي..
معاذ>>سلام ..
سكر وصبا خش للحمام ومعاذ حش بسرعه ركب يغير ..
.....
يبرم بلا هدف عارفينه ..
زمان كانت علاقه علي بأدم ووليد وسيف قويه بكل ..خوت واكثر قراب من بعضهم بكل ..رغم ان المواليد مختلفه بس جمعهم مكان دراسه واحد ..الهندسه كانت مكانهم ..هذوم سيف وادم قرو مع بعضهم ..علاقه سيف بعلي ولد عمه وهك انتقلت لأدم من كثر مايتقابلو اما وليد فكان ولد جيرانهم ..
قمعز برا ..وحط ايديه ع عيونه ..
سحود>>ديما مهموم ي سيف ..
بحت فيها ..لقاها مصبيه وحنبها ممرضه ..قمعزت حنبه ..
سيف>>كيف صار ..
سحود>>جبت ف السابع ..مازال ف الحضانه اما انا تقوى خلتني لعند تطمن ..
هز راسه وبحت قدامه ..
سجود>>في شن تفكر ..
سيف>>هالدنيا ..
سحود>>قهرتنا كلنا والله ..من قال انا نزوج غيرك ..ونطلق ..
بحت قيها بألم ..
سيف>>ومن قال انا واصحابي نتفارقو ويموت باتي ونخسرك ..
سحود>>تصدق ..كنت خايفه طول هالسنين نرن عليك ..
برم بحت قدامه وعيونه دموع ..
سجود>>بعد عملت وليد مع تقوى ..وجبرني نرن عليك نفسخ ..تعبت واجد ..مرضت وياما صار فيا ..وبعدها خسرت بابا حتى انا ..بابا وعمو فرج وعمو منصور ماكانوش اصحاب بس ..ماتحملش بابا خبر موت عمو فرج وتوفى وراه طول ..قعد وليد مسيطر ..خلانا نبيعو حوشنا اللي حنبكم بعد ماحولنا ع اساس ..وشرينا الحوش اللي اجرناه بعد اطلقت تقوى ..كنت متابعه اخبارك ..سافرنا فترة برا بس برضو الوجع وجع ..خطبني صاحب وليد مذكره اللي تغار منا من قبل"وضحكت ودموعها ينزلن .."مختار ..وبعد طقيت عنده شهر طلقني ..بعد خطبه اربع سنوات ببرود بعد ازوجني طلق طول ..بكيت وعيطت وقلت لوليد هذا عشم تقوى ..طلعت حامل هيا اللي روحنا من كم شهر ..وعشت حياة ذل ..ماما تشتغل الصبح وانا نعاني ..لعند تروح مسكينه ..وليد مش وليد زمان بكل ي سيف ..وليد هذك اللي يحب تقوى اللي يحبني ويخاف عليا ..وليد اللي بعد عرف بعلاقتنا خطبني هو لك ..تؤتؤ ماكانش هو بكل رد ع سريب الشرب ..وقعد انسان ثاني بكل ..
سيف>>صار خطبك مختار ووافقتي ..
بحتت فيه وضحكت وهيا تمسح ف دموعها ..
سجود>>من اللي حكيته كله ركزت ع هذي ..
سيف>>"ابتسم وتنهد .."
سحود>>مضايق صاح؟ ..نعرفك من وحك ..
سيف>>كأنه مسؤوليتي زادت بعد موت باتي ..وكبرن البنات ..طلاق تقوى كاسرلي ظهري وآيه حتى ..موت رغد اللي لعند توا حاير فيه حتى هو الكلام اللي طلع ..فراق اصحابي يااااه ي سحود للدنيا غيرتني بكل ..الدنيا شينه لدرجه ان تكسر كسر ..
سجود>>بس شهاده لله مازالت طرف كيف زمان ..
ضحك ..وبرم بحت جنبه ..
سحود>>"ضحكت .."طبع ماقدرتش نغيره ..ووووه كل مايخطر عليا اني اعترفتلك انا نموت ..
ضحك وبحت فبها ..
سيف>>"يزابي فيها .."ي سييف تي انا نحبك موتتتتت ..
ضحكت وخدودها نحمرو ..
سيف>>وانا مش مذكر شن رديت ..
سحود>>قتلي شكلك راقده ..سجود نوضي😂راه انا سيف صاحب وليد ..
ضحك من جديد ..ومط شواربه ..
سيف>>بس والله مازالت مصدون لتوا ..
سجود>>والله وانا مصدومه عليك بو جراءه عندي ..
سيف>>"ضحك .."مرت ف حيينا زارنا فيلا صغير ..
سجود>>"ضحكت بالصوت وحطت يدها ع فمها .."وووووه عليا ذكريات عااار ..
سيف>>بس احلى ايام والله ..
سحود>>ماخششتش ف حياتك حد ..
هز راسه بلا ..وطلع من جيبه دخان وولع سبسي ..
سجود>>بديت ادخن ..
سيف>>مافي من يقولي ي سيف بنتك افي😂
ضحكت وتنهدت ..
سجود>>حسبي الله ونعم الوكيل ف اللي كان السبب ..حسبي الله ..
ابتسم ..وتنهد ..
صبت بصعوبه مسكتها الممرضه ..
سجود>>انتلاقو ..
رفعلها يده ..برمت عطاته بالظهر ..وهو حاط يدبه ع عيونه وشفط الدخان بالقوة وطلعه ..
.......
وصل معاذ قبل ياسين وقمعز بعد طلب قهوه ..ف يده تليفونه ..
لابس ماليه برقبه سودة ..وسروال اسود ..ف يده ساعه فيها قهوي ..وشعره امشيه ع الحنب ..وع رقبته شال ..ولابس كندره واطيه ف كراغه ..يهز ف كراغه ..وهو يقلب ف نقاله ..
نزل ياسين من السيارة ..بخت وراه شيرله واحد من سيارة مدرسه بغيد اشويه ..قلب عيونه وبرم ..
ياسين ستايله شبابي اشوي ..يلبس ف سراويل جينز الشبابيات ..توا لابس سروال اسود ..عليه قميص بدون كمام قهوي ..وجوا لابس سوريه بيضه ..وعليهن جاكه سوده ..
ف يده ساعه وتحتها حديده اسم ..وخاتم ..حول نظارته من عيونه ..شيرله معاذ مشا شوره ..
ياسين>>سلام ..
ابتسم معاذ وصبا يسلم عليه ..
معاذ>>لك وحشه ي العم ..
ياسين>>انت اكثر معاذ والله .."وقمعز .."تي ي مصلحجي اي ريح دفاتك عليا ..
معاذ>>"ضحك .."والله موضوع طويل بكل تبيله قعده ..
ياسين>>وقاعدين احكي ..
معاذ>>شن قصه الرتبه ي ياسين ..؟
قعد ظهره كويس وبحت فيه ..
ياسين>>رتبة شنو؟..
معاذ>>ياسين أيمن ف قطاع الجيش ..مانبيش حاجه تمسا ..
ياسين>>وشن دخل ايمن ..؟
معاذ>>ياسينو ...نحنا عيال اليوم احكيلي"وغمزله .."وشن كنت ادير ف المستشفى اليوم ..
ياسين>>تحقيق؟..تي انا اكبرهم ماقدرش عليا ..
ضحك معاذ ورشف من قهوته ..
معاذ>>مرات يقعد رفيقك مايبيش يخسرك ..
ضحك ياسين ..وبرت بحت جنبه ..
ياسين>>"تنهد .."بياع نبيع ..
معاذ>>واضح من الفلوس والورق ..
ابتسم ..
ياسين>>اطمن أيمن شوري ..
معاذ>>مانبيش اللي مبدري تندارله هو ..
ياسين>>مات ي راحل الراجل قتلوه ..
معاذ>>"ضحك .."اوبا عارفه كانت عندي الحاله ..بس مانبيش ايمن يدخل ف شي ..
ياسين>>قتلك اطمن يرا ..
معاذ>>شن حال القلب"وغمزله .."
ياسين>>راني عمك ي راجل تحشم ..
معاذ>>امتى بتعترف بس ..
ياسين>>مش معترف متريح هك ..غير قولي شن خطرني عليك ..
معاذ>>ريح المصلحه عزقتني عليك ..من ايام المانيا ماتلاقينش ..
ياسين>>المانيا قالك ..شن خال العروس الالمانيه 😂
معاذ>>اوبا تبيلها قعده بروحها هذ ..
ياسين>>معاها سكير ولا حشيش؟
معاذ>>حشيش خير الواحد يفقد بكل😂
ضحك وهو يشير للنادل ..
.......
مسك فرح يصبي فيها ..
أدم>>غير قفطانك هذ عارف كيف جبتك بيه ..
سيف>>معش تهزب اختي ..
أدم>>سكر فمك يرا ترا ..
ضحك سيف وقمعز ..
علي>>تقوى شوفيها اتوجع راه ..
تقوى>>طبيعي المهدء حول مفعوله ..
آيه>>"بوجع وتبكي .."ديري حاجه ي تقوى يحرق ..
علي>>"يعصبيه .."تقوى ازح اختك اتوجع ..
تقوى>>"قربت تضربلها ف مسكن .."تعليا ي عيت مشاعر اللي ماتحملو ف بعضكم شي انتم ..
أدم>>تؤام بضمير سبحان الله ..
بحتو فيه تقوى وسيف"شن قصدك.."
ضحك ..
أدم>>شي ..وقفي انتي ..
فرح>>مزطتني راه نعرف نمشي بروحي ..
أدم>>"طبس شمرها .."لا ي ماما قفطانك لاصق ماتخطيش خطوه برا بيه ..
سيف>>استناني مروح معاك سيارتي خذاها حمزة ..
ادم>>وهو بشن جاي ..
سيف>>صاحبه حطه..
وطلعو ..
تقوى>>خلاص توا حترقدي واتريخي ..
هزت راسها ..طلعت تقوى ..ورد علي قمعز جنب آيه ..
آيه>>علي ..
علي>>عيونه ..
آيه>>بكيت مبدري بس عشان مامتك؟..
علي>>انسيها ليا بكيتي مبدري بروحي مش عارف كيف درتها قدامكم ..
آيه>>تحس راك ..لو بكيت ..
علي>>حول الوجع ..
آيه>>"تنهدت .."اه حسيته خف مش كيف قبل ..
مسحلها دمعتها ..
علي>>براحتك توا ..تبيني نطلق نطلق ..بس ماديريش ف روحك هك ..
آيه>>مليت مني ..
علي>>مستحيل بس حسيتك مش متريحه ..اسف آيه ع اللي درته معاك ..والله بس ماكنتش بنخسرك ..ماكانش عندي نيه شينه ..كنت بس نبيك توافقي عليا ..
آيه>>"مسكت يده .."وانا كنت نقهر فيمك اصلا ..
علي>>لئيمه ..
ضحكت ..قرصلها خشمها وضحك ع ضحكتها ..
ركبها ف السياره وركب هو وسيف ..
فرح>>ادم بنروح معاك خلي نشوف ماما اليوم بس ..
أدم<>كيف صار ..
فرح>>هكي ..
سيف>>"بحت فبها .."مانبيش دس ي فرح اي حاجه يديرها قوليلي ..
فرح>>"ضحكت .."نجك ليا ..
ادم>>فتان ..
سيف>>مازالت نلملك راه ..
ادم>>به .."ودرس .."توا انجي ..
سيف>>وين ..
ادم>>"يقهر .."بنجيب لمراتي اللي هي اختك كبده"وغمزله .."
ضحكت فرح ..
سيف>>قتلك هات اثبات انها مراتك انا ..
ادم>>قربي فرخ ..
قربت منا ..باس خدها ..
ادم>>هذا قليل من حاحات اخره ..
رفعت حواجبها وتخزرطت ..وسيف يبحت فيه هك😑..
ادم>>مرررراتي ..
سيف>>انزل انزل ..
ضحك ونزل ..
.......
سميه>>بت ..ماكملتيش مبدري ..
تقوى>>ماعندي مانكمل ..شكلها شكت فيه اخته تفكيت من وجه ..
سميه>>سبحان الله عليك وعليه ..
تقوى>>فكيني من زمانك انتي😂
ضحكت ..
سميه>>لا بس تذكري علاقتكم كانت مفضوحه ف الكليه ..
تقوى>>"تنهدت .."ياريتني سمعت كلام سيف وماوافقتش ..
سميه>>نصيب ..بحتي الدكتور الطرف جا ..
برمت تقوى بحتت من ..قرب منها معاذ ..
معاذ>>"حول نظارته .."دكتورة ..
تقوى>>دكتور🌚
معاذ>>"ابتسم .."قوليلي شن صار ..
تقوى>>فرح طلعت وايه فوق ..
معاذ>>مافيش مضاعفات ..
تقوى>>مش واثق من قدراتك ..
معاذ>>"ضحك .."والله ي دكتورة واثق ..بس مش واثق اللي بربش من ورايه ..
تقوى>>"فنصت .."هييي انا مادرت شي ..
معاذ>>تم تم الحقيني مش نخش لأختك ..
تقوى>>مش ممرضه انا ..
معاذ>>دكتورة تقوى عرفناها هيا ..
تنهدت ومشت معاه وسميه تغمزلها وهيا تفنص فيها ..
معاذ>>عيونك عيب ..😂
بحتت فيه بحده ..غمزلها ..
.......
وصلو بفرح لحوش هلها اللي لقت نجاة وميمونه وامها ..وميرال اللي توتي ف روحها للمعهد ..
نزلو الشباب تغدو ..وشال وسام ميرال للمعهد ..
خشت طول منأخره ...قمعزت جنب سالم ..وكأنه يتقصد فيها ..
اما عند شاهين ..فكان هادي غير العاده ..مافيش حد ف الحوش غيره هو والبنات ..
تالا>>موسوسه ..
تالين>>والله سمعني باهي رايح متغير ..
تالا>>حتى سمعك فوتي ..تعالي هي ..
خذت الحلو وطلعت ..
قمعزن مع شاهين ..وهو متكي ..
تالين>>سادك تلفزيون من مبدري ..
شاهين>>مش شورك ..
رفعت تالين حواجبها ..
رن تليفونه ..بحت فيها ..
شاهين>>تعالي ردي ع هذي ..
تالين>>"رفعت حاجبها .."من امتى ..
شاهين>>من اليوم قربي ..
تالين>>صبيله ي تالا ..
شاهين>>اننتي ..صببي ..
عيونها امتلن دموع وصبت ..قربت منا وخذت التليفون ..
وردت ..
تالين>>"بصوت مخنوق .."ايوا ..
"شاهو حبيبي .."
تالين>>من معابا ..
"انتي اللي من مش هذا تليفون شاهين .."
تالين>>انا مراته انتي شن تبي ..
بعد قالت مراته بحت فيها ..
مدتله التليفون ..
شاهين>>شن صار ..
تالين>>"خانقتها العبرة .."سكرت ..
تالا>>"شيرلها شاهين تطلع ..صبت وطلعت .."
شاهين>>"قمعز .."قمعزي نبيك ..
تالين>>مش مقمعزه خاطاني وراس امك ..
شاهين>>تاااااااالين ..قمعزي ..
قعدت تبكي ..
تالين>>خاطني مش مقمعزه ..
صبا بسرعه ومسك يدها ..
شاهين>>"بعصبيه .."نحكي انا نعن .........جرررربتي امهن الحركات اللي اديري فيهن ..جربتيييي النااار شن شكلها ..
تالين>>حوول يدك ..
شاهين>>مش محووول مانيش محول ..ترا قوليها ترا قولي راه انا بننخطب من جديد ..
تالين>>"بعياط .."شن دخللللك لو نخطبت شن دخلك ..بعدين ماتحطش فسسك فيا ..
شاهين>>"بصوت عالي .."ماننننك بهيمممه ماتفهميش ..تيييي نحبببك نعععشششقك ..
بحتت فيه بصدمه ..
وهو يبحت فيها بحزن ..
ضحكت تالا ..وبرمت ..
تالا>>فحعتني ..
ادم>>"ضحك .."طيب فيهم اللي اعترفو ..
تالا>>هابا عليك مخنس ..كنت تعرف ..
ادم>>"ضحك .."كنت نعرف اه ..شاهين بصلي وتالين عارفها ..وانتي ي بقه امتى نفرحو بيك ..
تالا>>لقني مطوله ي ولد سيدي ..
ادم>>نزوجوك لأيمن وخلاص ..
تالا>>ظل حيطه ولا ظل تيس ..
حست بخبطه ع ظهرها ..
تالا>>"تألمت .."لقنك حيوان ..
أيمن>>تبي قص لشواربك انتي ..
تالا>>اننننننننن ..
ادم>>مش طبيعين انا مش راقد بنركب نرقد مروحتلي الهرجه حتى انا ..
ضحكت تالا وهي اتوجع ..ركب ادم ..
ايمن>>تعالي سخنيلي غدايا ..
تالا>>روح ..
طبس شمرها حط راسها تحت وكرعيها فوق وحطها ف المطبخ وسكر عليها ..
ايمن>>نصلي ونغير تلقاه واتي ..
تالا>>رررررروووووح..
ايمن>>اقعدي محبوسه معناها ..
وركب ..
كمل شغله ونزل فتح الباب لقاها مقمعزه ..
ايمن>>معانديه ..
تالا>>نديرلك سم دير بروحك ..
بحت فبها بنص عين وقعد يسخن ف غداه ..طلعت وخشت ع تالين وشاهين ..
تالا>>تالين وين ..
شاهين>>ركبت لدارها ..
تالا>>شن صار ..
تنهد ورفع كتوفه بمعنى مش فاهم ..
تنهدت ومشت لتالين ..خشت لقتها تضحك ..
تالا>>اسكنهم مساكنهم ..
تالين>>"حضنتها .."يحبني ي تالا والله قالي نحبك والله ..
تالا>>سمعته وليش ركبتي وسيبتيه ..
تالين>>تحشمت منا بكل ..شوفي شوفي قلبي ورعشت يديه ..
مسكت تالا يدين تالين وابتسمت ..وتالين تضحك بفرح ..
بفرح ..؟!بسعاده ..بهناء ..
ويجي الفرح والسعاده ولهناء لقلب ع وشك الوقوف؟ ..
تعرفوه الحب مع وقف التنفيذ ..مع وقف التنفيذ! ..حب شاهين ..
.......
مر الوقت ..جا ادم خذا فرح ..وامه وروح بيهن ..
تقوى روح بيها وسام ..وميرال روحت من مبدري ..
روح كل حد لحوشه براحه عكس وكانو برا ..
خش ادم للحوش وهو ماسك فرح ..طلقت يدها منا وكملت مشي ..
ادم>>شن صار توا ..
فرخ>>نعرف نمشي والله ..
وسلحت وشاحها وقمعزت ع الصالون ..
وهو حا ونعزق حنبها ..
ادم>>الامتخانات اجلوهن لك راه ..
فرح>>احسن مش الواحد برقد ..
ادم>>اكبر فاشله شفتها ف حياتي راه ..
فرح>>به ..شن صار ف الاوراق متاع الفيزياء ..
ادم>>بكره ماشي نحيب فيهن ..صبي غيري دبشك ..
فرح>>هي بس جعانه راه ..
ادم>>توا نديرلك حاجه تاكليها ..
وصبا خش للمطبخ ..هيا خشت لدارها خشت غسلت ع الخفيف ولبست وطلعت وخلت شعرها مطلوق ..فتحت الباب وطلعت ..
لقت باب الدار اللي جنبها مفتوح ..استغربت فتحاته وخشت ..فتحت فمها بصدمه من اللي شافاته ..
ادم>>"جاي شورها .."فر"وسكت بعد حقها خشت للدار .."..
...........
آيه>>بتاتي واتي كله ..
علي>>ماعزقتيش😂
آيه>>تؤتؤ ماهنش عليا فلوس بابا كملتهن عليه..
ضحك ..
علي>>ناعسه حبيبي ..
آيه>>بكل تعرف ..
علي>>ارقدي باه ..
آيه>>وانت ..
علي>>بنرقد جنبك هن ..
ابتسمت ..حط يده ع شعرها يمسحلها عليه ..وهيا تبحت فيه مبتسمه ..تنهد ..
علي>>نحبك ..
آيه>>"وهيا بترقد .."حتى انا ..
ابتسم وباس يديها .غمضت عيونها ..
وهو صبا يدخن ع الروشن ..رن نقاله ..رد وحطه سبيكر وهو يسقم ف السوريه متاعه..
علي>>ايوا ..
"علي ..؟"
علي>>اي نعم من معايا ..
"قالولي رن ع الرقم هذا تلقا اللي قتل حسام ورغد .."
فتحت آيه عيونها بصدمه ..وبرم علي بحت فيها ..
.........
مبرال>>تاتي قمعزي بنحكيلك حاجه ..
تقوى>>شنو"وقمعزت .."
ميرال>>جاني رياض خو ادم مبدري ..
تقوى>>به ..
ف المعهد بعد كمل الدوام..
رياض>>ميرال معليش دقيقه ..
قربت منا ..
ميرال>>تفضل ..
رياض>>بنختصرلك الموضوع بكل تمام ..لو خطبتك توافقي ..
ميرال>>كيف؟ ..
رياض>>بنخطبك من سيف توافقي؟..
ميرال>>اكيد لا يعني انت متزوج وانا ..
رياض>>فاهم عليك اساسا بنطلق مش متريح معاها ونبي عيال وهيا ماتجيبش ..
ميرال>>برضو لا .."وبجنت ف نقالها .."نستأذن وسام يرن ..
وطلعت ..
..
تقوى>>احسن مادرتي فوتي ..
ميرال>>فجعني بكل بس ..
تقوى>>فوتيه ..ماتخلي شي يأثر عليك كملي قرايتك قبل ..
ميرال>>ان شاء الله ..تصبحي ع خير ..
تقوى>>قدامك الخير ..
صبت خشت فراشها اللي مع تقوى ورقدت ..وتقوى فكرت واجد وغفت بعدها ..
......
سالم>>ياسييين تعال اسمع ..
بحت فيه ..وهو كيف خاش من برا ..
سالم>>ميرال بيخطبها رياض ولد منصور ..
رفع ياسين حاجبه ..
سالم>>وشكلهم حبايب ي عيني ..
ياسين>>كويس ربي يهنيها ..
وركب ..وسالم يبحت فيه ..
سند>>لقنك اع راه ..
سالم>>تي كان مافضت بأمها ونقعد سالم ع شانه هو وع شان حسام ..
عمر>>ليش الحقد لياسين بس ..
سالم>>هك مزاج .."وصبا .."
قمعز ع السرير ..وبغضب طيح الفازه اللي حنبه ..
ياسين>>تبي تبحت فيك يعني غببي وفاشل وحمار .."وبحت ف الحديده اللي ف يده قطعها وحطها ع الزيانه .."
........
الصبح ..
طلعت بعد ودعت امها ..لافه روحها زين لان صقع ..
تحس بسيارة تمشي وراها ..
قعدت قريب تجري ..
كل ماتمشي بسرعه تحس فيها تمشي بسرعه ..كل ماتبطء تبطء ..بلعت ريقها بخوف ..
درست السيارة ..تنهدت براحه ان مش شورها ..
حست بحد يمشي جنبها ..برمت بتشوف من ..مالمحتش منا الا جاكته السودة ..وشاله الابيض ..قبل مايبخ شي يخليها ادوخ عليه ..
......
.
#يتبع❤
#فافي❤
