#القدر❤
#الحلقه_9❤
....
.
.
.
.
.
.
.
.
.
.
.
.
.
.
.
.
.
.
.
.
.
مش قتلكم القدر يلعب ف لعبته ..تحسوه يلعب ف لعبه خفيه اثرها القلوب ..لعبه مدسوسه يطلع فيها الخبايه اللي مش عارفينها اصحاب الحق ..وتمشي الدنيا والقدر مازال يلعب ف نفس اللعبه ..
......
كيف لعبة سيف ..وهو يشوف ف سجود حب عمره طايحه بين يديه تنزف من كل مكان ..وجها كان حرفيا مش باين من الدم شكلها مضروبه ..بعد حق الدم نازل منها ..فطن وشالها ولين وراه ..حطها ف السيارة وطلع ..
سجود وسيف ..كانو حب قديم والكل يعرفه ..بعد كبر ماصبرش بكل وخطبها ..لعند ماصارت هالقصه ..وهيا بطلب من وليد فسخت بعد ماطلعت قصه رغد ..
كيفها قصه حسام اللي قلبت كيان عيله كامله ..مش زمان يقولو الهبل يمسكوه هله ..لا توا يطلقو فيه ع العرب ..
بعد عيط ياسين ..هدا وفطن لروحه شن حكا ..كانو يبحتو فيه عيال اخته الاثنبن بصدمه ..بس سالم ماكانش مصدوم ابدا ..وكان عارف وشاك وتوا تأكد ..رغم هذا كله جوفه يحرق مازال ..وطيف خوه بين عيونه مش قادر يغفر لأي حد كان السبب ف موته ..
قدم ياسين وركب داره بدون اي حس ثاني ..
عمر>>سالم ..
سالم>>واقسم بالرحمن اني نحرق قلوبهم كلهم ..كيف ماخلوني هك .."وطلع .."
سند>>تي استنا"وصبا يجري وراه .."
......
صبا معاذ شاهين ولبسه جاكته ..وسكرها له ..
شاهبن>>مانيش مشلول راه ..
معاذ>>"رد فتحله الجاكه .."سكرها بروحك معناها ..
بحت فيه ماقدرش يمسك ابتسامته وابتسم ..ابتسم معاه معاذ وطلعو ..
مفتاح>>واقسم بالله ولد عم خرا ..
شاهين>>طالع لولد عمي ..
ضحك مفتاح وسلم عليه وسلمو عليه الباقي وطلعو بيه ..
شاهين>>أدم وين ..
رياض>>عنده امتحان اليوم ..
هز راسه واتكا ع الروشن وهو يذكر ف كلام معاذ ..
أدم اللي يحكي عليه كان حياكل فرح بعيونه ..
انتبله رمزي برم بحت فيه ..
رمزي>>اوووو أدم ..
أدم>>"بعصبيه يحاول يخبيها .."رمزي شن الاخبار "وهو يبحت ف يده اللي ماسكه يد فرح .."
فطن رمزي لروحه وفك يد فرح ..
رمزي>>والله تمام شن اخبارك انت ..وشن حال الشباب ..
أدم>>ف نعمه والله .."وقرب كر فرح من يدها وصباها ..جت جنبه .."كيف امتحان ..
رمزي>>اه والله بديت .."وبحت ف فرح .."مستغرب ان ماشفتكش عند هلك ..
كيف جت بترد رد أدم ..
أدم>>عليش كنهم هلها ..
رمزي>>كيف ماتعلموش ..لين خذاها وليد واليوم المحكمه للحصانه ..
بحتت فرح ف أدم بصدمه وزادت تبكي ..
أدم>>"بصدمه .."شن تحكي انت ..وشن صار ..
رمزي>>الله اعلم توا ماشي للحوش مش نعرف شن صار ..تبو شي ..تبي شي ي اوحا ..
رفع أدم حاجبه ..
فرح>>"ببكا .."سلامتك ..
شيرلهم وعدا ..
أدم>>"بحده .."انتلفي قدام وجي خير مانخليك عبرة للكليه كلها ..
ودفها من يدها قدمت قدام ..قعدت تمشي ولتوا تبكي وهو وراها ..
أدم>>بطلي فقفقه ..
وصلو للسيارة ..فتحلها ركبت وهو جنبها ..
فرح>>كيييف ادس عليااا ان هلي عندهم مشكله ..
أدم>>"بعياط .."وانتي نعن .......... ايييي واحد يجي يمسك ف امها يدك هذي"وقرص يدها اللي حاطتها ع كراعها .."اخرلك مره نحقك تحكي مع راجل ولا مصبيه مع ررراااااجل ..وحسابي معاك مش هنا ف الحوش ..
فرح>>"غمضت عيونها بألم من قرصته .."كيف الامتحان اللي جايبه ..اااااااه اطلق يدي ..
نفضها وولع السيارة بدون صوت بس اعصابه واضحات لدرجه يجري ..مسك نقاله ورن ع سيف ..
..
اللي خش يجري بسجود ولين ماسكه ف سرواله ..خذوها من بين يديه ..قمعز ف الاستقبال وخذا لين ف حضنه وهو يبوس فيها ..وهيا تبكي بأنهيار ..
سيف>>خلاص حبيبي خلاص ..
لين>>نبي ماما ..
سيف>>توا نمشو لماما اهدي بس .."رن نقاله طلعه ..تنهد ورد..'ايوا ..
أدم>>"بعصبيه .."واقسم بالله انك كلب ..
سيف>>"ضحك غصب عنا .."طالعلك
أدم>>وين قاعد وشن قصه وليد ..
سيف>>نحلت القصه والبنت خذيت حضانتها ..كيف كنت ماشي نجيبها ..
أدم>>"أستغرب .."تحكي بالقطاعي شن في ..
سيف>>سجود طاحت عليا ي أدم قاعد بيها ف المستشفى ..
أدم>>"بعياط .."وانت شن دخل بجد امها طاحت ولا ماتت ..
سيف>>"مسح وجه بتعب .."أدم!
كيف جا أدم بيحكي سمع صزت الدكتور ..
سيف>>بنسكر نحكو بعدين ..
وسكر قبل مايسمع الرد ..
أدم>>متهور كيف اخته ..
فرح>>"بعصبيه .."نسسسمممع راه ..
بحت فيها وفنص ..سكتت برم بحت ف الطريق ..
أدم>>اوحا قالك اوحا ..
بحتت فيه ..
أدم>>"بعياط .."نزززززلي غيونك معش تبحتي هكي ..راه واقسم بالله ندرس نركك طريحه ..
فرح>>نبي هلي بنشوف تقوى"وردت تبكي .."
مابش يحكي وهيا تبكي وخلاص ..
......
وصلو بشاهين اللي خشو بيه يبيبو تقول زفه وهو يضحك من ورا قلبه ..
خشو للجنان ونزل جاته نجاة تجري تضبط فيه وتبكي ..
شاهبن>>كويس يمي والله كويس ..
نحاة>>"ببكا .."كان صارلك شي راني متت ..
شاهبن>>بعبد السو"وباس راسها .."
غفران>>اه ي شاهو اه ..
ابتسم وباس راسها ..
عيشه>>ماعندكم ماتفعلو ي عيال منصور غير متعبين امكم ..
شاهين>>ومتعبينك انتي ي متعبنه .."وباس خدودها . "
عيشه>>حيد ي ليد بلا قله ادب ..
ضحك وهو حاضن نجاة بيد وعيشه بيد وخشو كلهم ..
قابلتهم تالين فم الباب اللي تبكي ..بحت معاذ ف شاهين اللي حس وجه تغير بعد حق تالين ..تنهد ..
شاهين>>هكي تبكو ف فلونه ..
تالين>>"ببكا .."مافيش حد يبكي فيا قدك ف هالدنيا ..
ابتسم ..قبل مايحكي قربت منا تالا سلمت علبه ..
تالا>>كان صار فيك شي راه عيت اوفر قصفو الشارع ..
أيمن>>سكري فمك اه ..مازالت مش رايق ..
تالا>>وامتى رقت انت بس ..
منصور>>حولو خلونا نخشو وتناقرو لبكره ..
سمير<>"جد ادم .."لا حشم ولاجعره ..
رياض>>خش ي جدي خش ..
خش سمير ووراه رياض ومنصور وعمامهم الثانيين ..
تالا>>بنخش انا كملو سلام جوا ..
أيمن>>غير خشي
وخش هو راكب طول ..ووراه معاذ ..
شاهين>>بطلي بكا وراس جدك بتسلمي تعالي كان هذا اقلبي وجك جوا ..
نجاة>>طاح سعدك البنيه خايفه عليك ..
عيشه>>صدق فيها وهي تفقفق من صبح ربي تقول راجلها ..
خدود تالين توردن ..وتحشمت ..لدرجه خشن الصبايا وهيا مازالت مصبيه وشاهين مصبي مقابلها ..
شاهين>>"ضحك .."تي هيا ..
ردت تبكي وقربت تجري منا حضناته ..لدرجه هو استك ..صاح دلاله ويسلمو بالخد بس ماعمرهش حضناته ديما يحضن فيها ادم لان مربيها ..وايمن بس هو لا ..
حط يده ع ظهرها ..ومسح عليه بشوي ..
تالين>>"بصوت مخنوق .."خفت عليك خفت نخسرك ..شاهين نموت انا لو صارلك شي ..
عيونه دمعن وحس روحه نخنق ..خطر عليه كلام معاذ ..
شاهين>>"بضحكه يخفي بيها ف دموعه اللي ع طرف عينه .."قاعد ع قلبك ي فلونه ..
وخرت وبحتت فيه غمزلها ..تحشمت ..
ميار>>قلت بالك يتحشمو شي شي ..
برم بحت فيها ..ضحكت وجاته تجري حضناته ..ميار متعود عليها وغير هك اخته ف الرضاعه ..بس حضن تالين كان دافي وحنوووون بكل ..
ضحك وهو يخبط ع ظهرها ..
ميار>>ياانعلي بوي ناس يمسح عليهم وناس يخبطهم ..
شاهين>>فلونه قرعتي انتي اللي كلبه ..
ميار>>طالعه لخويا ..
شاهين>>"بحت فيها .."عصام معروف ان كلب ..
ضحكت ..وباست راسه ..
تالين>>بالك خلاص ..
ميار>>وااااغااار اغااار اغار ..
غفران>>"من جوا .."تعالي ي كلللبه ع شن دازتك ..
ضحكت وخشت تجري ..
شاهين>>نبي داري ..نخش ولا"ورفع حاجبه .."
تالين>>وعليش تاخذ ف اذني ..
شاهين>>ماهو مصبيه ع الباب ..
نحرجت ووخرت ..وهو ضحك وسيبها وراه وركب من الدروج ..
معاذ>>معش تجري ..
بحت فيه ..
شاهين>>مش جاري بس كنه ايمن حوه مش تمام ..
معاذ>>الله اعلم ..خش انت دير حمام وتريح اشوي مازال بدري..
شاهين>>"وهو ماشي شور داره .."حمام ولا مطبخ ..
بحت فيه معاذ بنص عين ونزل وهو ضحك وخش للدار ..
لقا ايمن راقد بدون ماليه ويدخن ..بعد شاف شاهين طفا الدخان ..
أيمن>>افتح الروشن قبل ماتخش ..
شاهين>>مش قوي دخانك .."وخش سلح ماليته .."كنك انت شن في ..
أيمن>>بعد كلمتني ع ولد هذوم مشيتله دقيته طريجه ..
ضحك شاهين وهو يطلع ف دبش ..
شاهين>>عارفك تريحني الحقير هذ ..بس في موضوع اخره شن هو"وبحت فيه غمزله . "
أيمن>>امك حامل ..
شاهين>>"استك .."ام من ..نجاة؟
هز ايمن راسه ..
شاهين>>شهاده من دينك ..
أيمن>>والله تحساب روحها صغيره ..و
قبل مايكمل كلامه كان شاهين طالع من الدار ..
ونزل من الدروج بجريه خفيفه ..
خش للصاله ..
شاهين>>اااميييي ..
بحتت فيه ..
نجاة>>تي كنك مش لابس صقع توا تحصل برد ..
شاهبن>>"خش وطبس عندها .."غير خلك مني ..قوليلي صاح حامل ..
تحشمت نجاة وسكتت ..
عيشه>>حامل ي باتب حامل ..
ضحك شاهين بفرحه ..
شاهين>>واخيرا حد نكسد عليه غير فرخات ادم ..
غفران>>"ضحكت .."عرفتك توا تفرح ..
شاهين>>يارب بنت ..
غفران>>شمعنى ..
شاهين>>مش تقعد دلال خوتها .."وباس راس امه .."ربي ينوضك بالسلامه ..
ابتسمت وهيا مازالت متحشمه ..
عيشه>>عدي البس عدي ..
ضحك وصبا ..وهو طالع خبط ف تالين اللي خاشه ..
حطت يدها ع صدره من قوة الخبطه ..وهو صبا ..
شاهين>>ديري عيون ..
هزت راسها وهيا مصدومه ..
تالا>>"بحتت فيه .."طرزان بتقعد خو اخره ..
شاهبن>>حانطه عرفتها .."ونزل يدين تالين اللي مازالت مستكه .."شوفي اختك انتي بس اللي اليوم غايبه ع الدنيا ..
ضحكت تالا ..وهو طلع ركب لداره من جديد لقا ايمن راقد خش للحمام طول ..
.....
صبا سيف وشمر لين ..
الدكتوره>>انت زوج المريضه ..
لا ارادي هز راسه ..رن تليفونه سكره ..
الدكتورة>>حنضطر نخششها للعمليات ولادة مبكره ..
سيف>>"بخوف .."وهيا شن حالها ..
الدكتورة>>محصله ضرب الباين لان وجها كله مورم وحتى بطنها فيها خبطات ..
هز راسه بحزن ..
الدكتورة>>ان شاء الله خير ادعيلها ..
هز راسه ..وهو عارف الدكتوره تحسابه ضاربها ..
حق وليد خاش يجري بعد خبروه الجيران ..
وليد>>"بعياط .."انت بأي حق تجيبها بأي حقققق تاخذ اختي ..ويحقك الصاحب والعدوو مننن قالك اقربها ..
حط سيف لين ع الكرسي وصبا بعصبيه ضربه طاح ..
سيف>>انت مش بني ادم ووااااحد يضرب حامل بالهمجيببه هذي ي همجي ..
قبل مايصبي وليد جا الامن بسرعه وطلعوهم ..خذا سيف لين وطلع ..
سيف>>مردوده ي وليد وبينا الايام ..
مسكو وليد اللي يعيط بعلو صوته ..
ركب سيف طلع بلين ..
......
نكر التليفون من يدها ..
فريحه>>"بعصبيه .."عارف ي فرخ الربى كان ماتخطاها نحط فيها رجاله وانت عارف شن يديرو فيك ..
علي>>"بوقاحه.."نحبها ماعندهم مايديرو ..
فريحه>>وقح .."وسكرت عليه وهذت التليفون .."
برمت ع آيه طول بكف وقبل ماتحكي سمعت الباب يدق ..
فريحه>>توا ايجي سيف يصرف معاك ..تعبتنيييي بعاركن تعبتتت ..تعبببتت"وردت ضربتها .."حنقولها لسيف مش يريبك من حديد ..
وآيه تبكي من علي اللي سمع الكلام ومن امها ..طلعت وسيبتها بعد ضبحتلها ميرال من تحت ..
نزلت لقت تقوى مضبطه فرح ويبكن هن الاثنين وادم مصبي ع الباب يبحت فبهن ..
فريحه>>اوحا ..
بحتت ف امها وسيبت تقوى ومشتلها تجري تحضن فيهل وتبوس ..
فرح>>رايفتلك ي ماما رايفتلك ي قلبي ..
حطت ميرال يدها ع فمها وهي تبكي ..
تقوى>>"تمسح ف وجها .."سامحنا ي ادم تفضل ..
ادم>>مافيش حد من الشباب ..
تقوى>>ع وصله ..
هيا كيف كملت كلمتها سمعت بيبات ..
سيبت كل شي وطلعت تجري للشارع ..بدون وشاح بتوته ..حقت سيف نازل وف يده لين ..رغم ان دبشه فيه دم ..وطول وراه درس وسام وجمزه ..
حمزه>>توا يهزبو هذا وين جينا ..
وسام>>به كملنا قصص عرم النقه ف سيف ويت كان ..
ونزلو ..
نزلت لين من يد سيف ..طبستلها تقوى جتها تجري حضنتها وهن الاثتين يبكن ..
لين>>"بشهقه .."ماماا مااما ..
تقوى>>"تبوس ف وجها ..'يعمر ماما انتي ي قلب ماما انتي ي غلا ماما انتي ..
فطن ادم انها بلا وشاح ..قرب سلح جاكته وحطها ع راسها ..
سيف>>خشي ي تقوى جوا الناس اتفرج وانتي طالعه هكي ..
ادم>>توا نوريك ع عدم تخبيرتي ..
ضحك سيف وسلم عليه ..
خشت تقوى ..تلقن لين خالاتها وقعدن يبوسن فيها ..وميرال تبوس ف فرح معاها😂
بعد هدت ..مسحت عيونها ونزلت وهي تسمع ف الهرجه ..
بعد حقت فرح ..
آيه>>"قعدت تبكي اخره .."اوحااااا ..
بحتت فيها وضحكت ..جرت لعندها وحضنتها ..
آيه>>قديييش فقدتك ..قديييش مرايفتلك ..
فرح>>"تضحك .."خنقتيني ..
ميمونه>>خلي اختك عنك ي بنت ..
لين>>خويله ..
بحتت فيها آيه وطبستلها ..
.....
طاح راسه ع حاشيه السرير ويفكر ..رفع يدخ اللي ماسكه الدخان وحط السبسي ف فمه ..
ياسين>>اااااااااه وخلاص ..شن جيت انت غلط ع دنيا غلط ..
دق الباب وخش سند ..
سند>>خال ..
ياسين>>"قمعز كويس .."خش تعال ..
خش قمعز جنبه ..
سند>>كنك ..
ياسين>>"ضحك بهزوة .."كني جوي سمح ..
سند>>خال نحكي جد ..
ياسين>>"تنهد .."كل شي جاي ع راسي ..كل الدنيا ضدي ..باتي متبري منا ..امي ماتت بحسرتها ولحقتها احتي الوحيده ..كل شي ضدي ..كل شي فوق كتوفي ..زمان لما حسام يقولي فيها نقوله غير بلا طروح توا انا اللي حسيت بيه .."وضحك .."شن بيكون حالي ي سند ..واحد عايش ومش عايش ..
سند>>تحبها جد ي خال ..
بحت ف سند وضحك وهز راسه ..
ياسين>>انا نحكيلك ف موضوع وانت خاش ف موصوع ..
سند>>"ضحك .."ي را الدنيا كلها ضدك واضحه معناها العصفورة واعره وماطاحتش ..
ضحك من جديد ..
ياسين>>عارف ان بيني وبينها واجد ..بيني وبينها عشرين سنه ..
رفع سند حواجبه ..
ياسين>>"تنهد وولع سبسي ثاني .."لما شفتها ..مره كنت مع حسام ..
"فلاش باك .."
حسام>>انت راقبلي الطريق نشوفها ونطلع طول ..
ياسين>>حسام ازح نقولك فكني من سريبك ..
حسام>>وراس ياسو فم الباب نعطيها الهديه وطالع ..
تنهد وهز راسه ..درس بيه بعيد من الحوش ونزلو ..مشو من الباب الوراني ..
فتحت رغد الباب ..وبحتت ف حسام ..
"نردو .."
ضحك ..
ياسين>>مع راس رغد كان راسها ..طالع ..تبحت ف حسام ..هيا توا ماعرفتنيش لان ماشفتنيش بس انا شفتها ..هذي قبل اللي صار بشهور ..احسن انا مواليد ال78 يعني كنت راجل عمري 33 وهيا 13 سنه ..من يومها لخبطت كيان خالك ..عيونها نظرتها لحسام بعد سلم عليها ..خدودها كل شي فيها يتاكل ماكله ..وقعد هالحب ..من نظرة قعدت ديما مع حسام وين يمشي لرغد ..مره نشوفها مره لا ..مره نلحقها للمدرسه خلتني مراهق ..لعند اللي صار ..ومازالت عالقه ومازالت كل يوم نطمن عليها بعد تمشي للمدرسه ..
سند>>ولعند امتى حتقعد هكي ..
ياسين>>ي نموت انا ي تموت هي ..
سند>>"بألم .."اخطبها ي خال ..
ياسين>>بشن نخطبها ي سند ..باتي وينه وامي وين ..بمن نمشي لهلها ..ولا يوافقو عليا ..ع اساس قبلي حسام مش مجرب ..ردوه ي سند خالك بعد مشا يخطب ..حسام عليش هرب مع رغد لان هلها مابوش يعطوها له ..ليش؟لان بياع ..عرفت ليش لان الصيت سابق ..
سند>>شن قصتها هيا الهربه بالضبط ..
ضحك ياسين ..
ياسين>>قصتها لعبه ي سنوده لعبة ي خالي طيحتهم الاثنين .."وتنهد بوجع .."
.......
مر الوقت ..بدون اي احداث تذكر ..
رن ادم ع امه وقللها ان قاعدين عند هل فرح ..
لعند وقت الغدا ..
خشت فرح شعرها مبلول ولابسه توته من عندها زمان ..
فرح>>شن صار جغانه ..
تقوى>>يروحو الرجاله نحط هي ..
فرح>>وينهم هم ..
آيه>>يصلو ف الحامع ..
فرح>>قوليلي انتي شن في وجك اصفر ..
آيه>>قالتها اللي وجها صافي ..
ميرال>>عروس طبيعي ..
فرح>>نظرتك للعروس غلط ..
قلبت ميرال عيونها ..
تقوى>>عدي نشفي شعرك عدي ..
فرح>>هيا ..طالعه "وطلعت دق الباب ..كشت شوره .."هيا لحظه .."وفتحت الباب .."
كانو ف وجها سيف وادم وجدها ووراهم رمزي ووسام ..
بعد شافتهم تحشمت بكل ..
سيف>>طالعه هكي توا تمرضي ..
فرح>>"من الحشمه ..حطت برنوص توتتها ع شعرها وباست يد جدها .."خير ي جدي ..
فخري>>خير خير ..تفضل ي ادم خش ..
وخرت وقدمو ..
وسام>>احراج بربع ازح ..
فنصت فيه ..ضحك وسام وحضنها وهيا حضناته ..وخر منها وباس راسها ..
رمزي>>"ضحك .."خير ي اوحا ..
رفعت يدها ندبت ..ونزلتها ..برم أدم بعد سقد فخري ..
أدم>>"طبت ف وذنه أوحا ..بحده .."فررح ..
بحتت ف رمزي وسام بحده وخشت لقت سيف مصبي ف المدخل ..ويستنا فيها وحتي هو اشر من ادم ..خش أدم بحت فيها وبحت ف سيف وخش للمربوعه
سيف>>"سلم عليها .."حسابك بعدين ..
بلعت ريقها لحق سيف أدم..وهيا خشت تجري جوا ..
فرح>>انتهيت انا ..انتهيت اليوم طلاقي ..
آيه>>كنك اتفاولي انتي ..
فرح>>ماهو ..
قبل ماتكمل كلمتها ..
سيف>>هاتي الصفره ..وانتي حسابك بعدين ..
بلعت فرح ريقها ..خذا سيف الصفره من تقوى وطلع ..
تقوى>>شن دايره انتي ..
فرح>>"بتبكي .."حي عليا وحي ..
تقوى>>تعالن تغدن تعالن ..
......
نجاة>>حطي ي غفران ادم عند هل فرح ..
غفران>>هيا نجوته هي ..
أيمن>>"خش .."هيا جعان ..
تالا>>جوع الجوع صبي شيل ..
قرب منها ضربها ع راسها ..
ايمن>>بلا قلة ادب حيرلك اه مازالت مابديت تربيه معاك ..
تالا>>غير ربي روحك ..
قرب منها زين ..ومسك حنكها ..بحتت فيه بحده ..
ايمن>>تالا ماتختبريش صبري ..
تالا>>اموت انا ف قل صبرك ..
غفران>>سيبها عنك وخوذ الصفره واطلع ..
بحت ف تالا بحده وخذا الصفرة وطلع ..
بحت ف امه اللي خشت ..وضحك بهزوة بعد بحت ف بطنها وطلع ..😂
نجاة>>واعن شاهين ..
تالين>>توا نواعيه انا ..
ضحكت ميار ..وفيحاء ..ماعدلتش عليهن طلعت ..
ركبت فوق ..قبل ماتخش سمعت صوته يبكي ..
دقت باب الدار ..
تالين>>شاهو ..
شاهين>>دقيقه .."ومسح وجه .."خشي ..
فتحت الباب وخشت ..بحت فبها ..
تالين>>تعال غدا ..
شاهين>>"بلع ريقه .."هي ..
برمت بتطلع وهو صبا ..بحتت فيه ..
تالين>>شاهو فيك شي ..
شاهبن>>لا ..عليش ..
تالين>>لا شي ..
طلعت وهو وراها ..طول غير العاده طلع للمربوعه بدون ماينابش البنات ..
وتالين في وذنها صوت بكاه ..
......
بعد تغدن الصبايا ..خذن ايه وفرح الماعين وبدن فيهن ..وميرال برمت ع الحوش بخراته وحطن شاهي وفواكه ..وقمعزن يهدزرن
خش سيف ..وهو ماسك الصفره ..
سيف>>هاكي ي ايه ..
ايه>>هات .."وبرمت ع فرح .."اقنعي ادم باتي اليوم ..
فرخ>>توا نشوفه اصلا بنحكيلك عرم كلام ..
وسام>>"من برا .."اوحااا ..ادم ..
طلعت فرح تجري .. وقبل ماتطلع ..خذت الصونيه اللي مسلفرتها لأدم وطلعت من بلب المطبخ ..
صبت وهيا تسمع فيه يسلم ع سيف ..اللي خش ..وهو كان يراجي فيها..
فرح>>أدم ..
برم بحت فيها ..شيرتله ام يجيها ..جا شورها ..وكان عاقد حواجبه ..
أدم>>حنتناقشو ..
فرح>>راقيلك مني صاح ..
أدم>>"عاقد حواجبه .."لا عليش بترقالي ي اوحا ..
تحشمت وخدودها نحمرو ..
وهو يبحت فيها بحده ..
أدم>>مرات راجل راك توا ..ي بنت الناس حركات الاطفال هذينا لعند امتى ..؟طلع لولد عمك بدون حجاب ولا تفتحي ف الباب بلاه ..ومش حاسبه جيوان وراك ..
فرح>>"بصوت واطي .."حشاك ..
أدم>>وبعد نحكي تقعدي تبكي واديري ف طروح ..
بحتت فيه ..كيف جايه بتدوي ..
أدم>>فكيني من التبرير ..طالعه قدام وجي وشفتك ..المره الاولى خوتي وسكتت وولد سيدي ..وشروطي نفالن ف المقابله .. وهذي الثانيه وربي مايجيبش الثالثه ي فرح لأن واقسم بالله حنستعمل اسلوب واحد أخر ..ولا الباشا يدلع فيها اوحا قالك ..
زرتها الضحكه ..رفع حاجبه ..
أدم<>عارفه تضحكي حنطربقلك سنونك ف فمك ..وبعدين عليش طالعه خشي جوا هي ..
فرح>>"رفعت عيونها فيه ..وتنهدت .."مش حنحكي لأني طفله ع قولتك ..ونبي نبات اليوم خليني .
أدم>>والسبب ..
فرح>>مرايفه ع هلي والنبي وراس ادم ..
بحت فيها اشويه ..وتنهد ..
أدم>>حنجيك ال6 الصبح ..
هزت راسها بفرح ..
فرح>>اه خطرت عليا .. كنت بنعطيك هذي ..
أدم>>شنو هذي ..
فرح>>حطيتلك من المحشي اكيد ماكليتش كويس ..
مط شواربه ..وعض شاربه التحتاني ..
فرح>>متسرع ديما فاهم غلط ..
أدم>>انا اللي ديما فاهم غلط ماه ..انا؟ ..هاتي ي فرح شهاده ف دينك زخشي جوا ..مانبيش نشوف وجك ..
مدتله الكيس وعيونها مليانات دموع ..
خذا منها وخك رقبته بتوتر ..عطاته بالظهر وبتمشي ..
أدم>>فرح ..
صبت وبرمت عليه ..لقاته يطلع من جيب كبوطه ف شوكلاطه
وقرب منها ..
أدم>>"مدها لها .."
مدت يديها برعشه وخذتها ..وهو يبحت فيها ..
وبرمت بتخش ..
أدم>>سلم يديك ي اوحا ..❤
برمت بحتت فيه وضحكت ..ابتسم ..خشت تجري ..
أدم>>"تنهد .."مجنونه ..ولا انا اللي كبرت ومعش عندي نياط ندلع حد والله ماني فاهم .."وبحت ف الصونيه وطلع .."
.....
خشن للدار ارتمت فرح ع سريرها وايه جت جنبها ..
آيه>>ياما صار وياما"وبدت تحكيلها من يوم زفتها لضربة امها اليوم .."
فرح>>"قمعزت من الصدمه .."نهبببببللللتي انتي ولا شنو ..
آيه>>"ببكا .."بنردله اللي داره فيا ي اوحا مادارش شويه ..من ضرب ومن عذاب ومن شتم ..بنردله اشويه ..
فرح>>شن بتتترردي وانتي عارفه روحك مش قدة ..علي مشكلجي وماحد قدة ..عارفينه متاع سلاح ومايحكيش الا بيديه ..
آيه>>ونسسكت ع سنعتي اللي خلاخا ليا ف الارض ولا ع شنو ..
فرح>>بتحرقيه جد وافقي ع العريس ..
آيه>>يقلتني وربي😭
فرح>>خوافه وطول عمرك حتقعدي هك ..
آيه>>"تنهدت .."ماقهرتني الا لقطه ماما واللي صار قدامها ..
فرح>>بختك جاك فيها ..
آيه>>وانتي احطيلي شن مشكلتك ..
فرح>>"تنهدت .."اه انا يانا انا ..قوليلي شن درتي ف روحك افضل ..شن هببتي بعد وافقتي وسيبتي عصام ..
آيه>>يضرب فيك ..
ضحكت ..وهيا توري فيها ف جنبها من سير ادم ..
فرح>>يضرب ويشتم ..وينوض ولا كأنه داير حاجه ..
آيه>>"بصدمه .."وليش الحقد..
فرح>>"ضحكت بقهر .."ادم مريض نفسي عنده مرض ثنائي القطب ..يعني نفسيته ومزاجه مش ف يده مره يحبك مره يكرهك مره يشك فيك كل مره شي ..
فنصت ايه ..
آيه>>وساكته وقاعده معاه ..
فرح>>لا نروح مطلقه لخوك وامك ونقعد كيف حالتك انتي وتقوى ..انتي لا قرايه لا تليفون وتقوى من المستشفى للحوش ..امتى حكا معاها سيف بعد وليد خذا لين ..امتى عرفنا سيف وهو من موت بابا بعيد ..والنبي نطلق وباهي؟ ..نعيش مع ادم بضرب خير مانروح بلا قدر ..
آيه>>وتحملي؟
فرح>>مضطره ..مش هذا اختياري ..
سكتت آيه ..
تنهدت فرح ..وصبت ..تحط ف روج..
فرح>>"بضحكه قهر وهيا تعاود ف تفس الحمله" ..وهذا اللي عرفته ان هو مريض نفسي ..
إيه>>"بحتت فيها.."كنه مع المرضه نحنا ..
فرح>>مكتوبلنا نعاشروهم ونداروهم ..مانستغربش كان قتلونا ف يوم .."وضحكت بصوت عالي وهيا تسقم ف روجها .."تعالي نطلعو تعالي خلي خوك يشوف اللي معاشرات مرضه نفسيا شن جوهن ..
وطلعت وصبت ايه وراها ..
......
خش أيمن من برا بعد روحو الرجاله ..ووراه شاهين ..
قمعز ف الصاله وين ماامه والبنات ..اللي روحن غفران وعيشه والباقي ..شافن شاهين وروحن ..
شاهين>>"قمعز كويس وبحت ف امه .."ليش كذبتو عليا ..؟
بحتت فيه نحاة ..
نجاة>>في شنو ..
شاهين>>في موضوع مرضي ..ليش ماقلتوش الصح ..وان انا في اي لحظه يوقف قلبي ونموت ..
كان يحكي ببرود عكس البراكين اللي جوا فيه ..خش معاذ ووراه رياض بعد مشا باتهم مع جدهم ..
صبو ع الباب ..
شاهين>>احكيلي يمي ببري موقفك ..ليش خبيتو عليا عليش خليتوني نبني احلام وان غندي عيله وعيال ومراه وانا مش قادر حتى نزوج ..احكيلي يمي قوليلي ليش دسيتو عليا ..ليش علقتوني ف احلام وانا مش قدهن ..ليش خليتوني عايش هكي يمي احكي شهاده ف دينك راني من اول ماعرفت مخنوق لا عرفت نلومك لا نلوم باتي لا قلبي اللي جاا هكي مش قادر نحكي لحد ولا نلوم واحد ..
نجاة>>"تبكي.." كل دكتور نمشوله يقول دسوها عليه وبعد يوصل سن معين يقدر يزرع قلب ..ويعيش حياته عادي ..
صبا وهو يعيط ..
شاهين>>لااا مانقدرش ..هووو قلب واحد ويوم يموت نموت معاه يمي ..عندي فشل ف العضله يمي يعني موت للقلب بالبطيء ..يعنييي انا نموت بالدقيقه يمي ..يعني انا يووم تنوضو تلقوني ميت يمي ..حسو بياا ي نااس ..يجوك فجاءة يقولولك انت مش حتزوج ..انت مش حتعيش حياتك انت مش حيقعد عندك عيال انت حتقعد بروحك حتموت بروحك ..
نجاة>>"قطعاته .."وانا ويني ي شاهين وين ي امي ..انا معاك ديما ..
شاهين>>ماحد معاايا ماحد ..شن نهايتها حفرة ..نهايتها بروحي .."وخذا نفس .."
وبرم بيطلع ..
نجاة>>"ببكا .."شاهين ..
فاتها وركب داره ..ركب وراه ايمن يجري ..
معاذ>>"قرب من نجاة .."اهدي يمي ماهتاك الا الخير الحمدلله اللي فش غله نفكر فيه من مبدري ..
رياض>>بعدين دوا خير مادسها اهدي مافيه شي كويس ..
يهدو ف نجاة وتالين من الصدمه معش قدرت حتى اتنفس ..حطت يدها ع قلبها وصبت تجري وهيا تبكي ...وتالا تبحت فيها بألم ..بحت ايمن ف شاهين اللي عطاه بالظهر ورقد ..مابش يحكي معاه طلع وسيبه ..
.....
المغرب ..
ميرال>>بديت معهد ناخذ ف موادي ..
فرح>>احسن شي ..
تقوى>>وانتي شن صار ف امتحانك اليوم ..
فرح>>جا كيف وجه الكلب ماقدرتش حتى نسبه مبدري هرب مني ..
آيه>>مشكله بعد يقعد استاذك راجلك😂
فرح>>قالك حيوان هزبني نبدري نسيته بكل طلعت نبكي اخره ..
ميرال>>ماهو كنك شاطره راه طلعتي منا الامتحان قبل ماتمشي ..
فرح>>"بخبث"..مافكرتش فيها ..
تقوى>>هابا عليكن ..
آيه>>بس وين ي حنه عندك سلفك شخصبه ودكتور ..
فرح>>"تشرب ف قهوتها .."اه معاذ ..ماتقوليش عارف ..
هزت ايه راسها وحكتلها شن دار ..
فرح>>كيوت بكل حسيته انا ..
تقوى>>غير رعشته مسكين ..
آيه>>مامسكيته الا انتي ..الا زايط مسك يدين وشمر واهني😂
تقوى>>حقييرة😂
ميرال>>خطرتن عليا ..منو ياسين اللي جا لسيف هذك اليوم ..ماعمريش سمعت بيه ..
ايه>>وين حقيتيه انتي ..
ميرال>>هذك اليوم عطاني ورقه نعطيه لسيف لقيته فم الباب ..
تقوى>>ردي بالك ي ميرال ..
ميرال>>عليش هو مش كويس؟..
آيه>>عارفتبها ياسين خو من ..
هزت ميرال راسها بلا ..
تقوى>>خو حسام ..
ميرال>>"بصدمه .."تكذبن ..حسام كان حنون وطيب ..
ضحكت تقوى بهزوة ..
إيه>>انتي حتى لو شفتي مره اخره معش تجي شوره ..
ميرال>>تمام اصلا وين بنشوفه اخره ..بس كريزمه بكل ..
تقوى>>كريزمه بشنو بفلوس حرام ..اكبر بياعين حشيش هما ..ومايقدرش حد يفتح فمه معاهم ..وكان اكبرهم راس حسام وتوا هو ..
فرح>>ع فكره ان هو عم ادم من وليه احره ..بس جد ادم متبري منهم كلهم ..
آيه>>عليش كم واحد هما ..
فرح>>ثلاثه حسام وياسين وسالم ..
تقوى>>فكنا من سيرتهم جسمي رعش ..
وسام>>"خش ..وجه مقلوب.." ايه صبي يبيك جدي ف المربوعه والبسي حاجه معاه ولد عمك ..
آيه>>من منهم ..
وسام>>علي ..
بحتت ف فرح وصبت ..
تقوى>>ماما طولت هذا كله خمس دقايق عند الجيران ..
ميرال>>هدرزة اكيد ..
طلعت ايه مع وسام ..وخشت ..
طلقت السلام ردو عليها ..
عمار ..علي ..سيف اللي يبان معصب ..فخري ..رمزي ..وحمزه ووسام ..
هيا بين وحوش ماترحمش ..
....
.ف دروج شقق العيال ..مقمعز ويبكي ..حاط ايديه ع وجه ويبكي ..ركب ادم ..نفجع بعد حقه وقرب منا يجري ..
أدم>>كنك تبكي شن في؟
بحت فيه بعيون مليانه دموع وحمر ..
شاهين>>حنقعد طول عمري ناقص ولالا؟
أدم>>"بفجعه "شن صار من حكا معاك .."وقمعز جنبه' ..
شاهين>>"بحت فيه وضحك .."انا نحب ..
برم عليه بجسمه كله ..وهو يبحت فيه بصدمه ..
شاهين>>اه والله كنك نصدمت نحب ..بس طل شي ناقص ..عشت عمري ناقص ..مش كيف الاطفال وتوا بنكمل عمري ناقص مش قادر نعترفلها لان مانقدرش نزوجها ..عشان قلبي تعبان عشان انا عايش بالبركه ..لو نزوج نموت ..لان قلبي مايبيش تعب وجهد ..فهمت انا كني؟💔
حضنه ادم زين ..وهو نهار ف حضنه ..جاته رساله ..رفع نقاله وملامحه يدلن ع العصبيه ..
.......
آيه>>خير ي جدي ..
وسلمت عليه وع الباقي بدون ماتسلم ع علي ..
وصبت جنب سيف ..
جدي>>ي ايه بدون مقدمات ..ولد عمك رايد يردك ..وولد صاحبي يبي الحواب ..والكل بيسمع جوابك انتي ع من موافقه ..
بحتت ف علي اللي يبحت فيها بحده ..
مسكت ف كتف سيف بحت فيها يطمن فيها ..
..
"اطلعي انا برا .."
فرح>>"بأستغراب .."ادم برا ..
تقوى>>مش بتباتي ..
فرح>>هذا ماقاله ..عطيني وشاح ترا نشوفه ..
مدتلها تقوى وشاحها ..
فتحت الباب وطلعت ..لقت السيارة ..فتحت وركبت ..
فرح>>مش قتلي نجيك الصبح ..
ولع وطلع بسرعه ..
فرح>>ادم مش اتفقنا ..
ماردش ..لعند وصل بيها لمكان كيف المزرعه ..
نزل وكرها نزلها ..
فرح>>فهمني ليش جينا هنا ..
ادم>>ماتستعجليش ..
فتح الباب ودفها جوا ..
....
حمزه>>اطمني ي عمي احكي واللي تبيها انتي باه ..
آيه>>انا مانبيش علي ..
بحت فيها وعيونه فنصن ..
سبف>>نزل عيونك ..
علي>>وموافقه ع الاخر .."وضحك .."يتضحكي ع الراجل ولا تحكيله الحقيقه من اول يوم ..
فخري>>علي عندك حاجه مسقمه احكيها ي اطلع ..
علي>>عندي اه .."ورفع نقاله وفتح تسجيل .."
صوت آيه .."هيا حبيبي هذا كله بنرقد راه .."
وصوت علي .."جيت افتحي الباب .."
فنصت ايه ..
"بسرعه قبل مايحي سيف .."
"هيا ي قلب علي .."
علي>>بتحكيله ان طليقك كان داخل عليك قبل ماتنزفو ولا بتخليه غافل ماهو كان غير هك نحكيله انا الموصوع ونفهمه ان غلطه ..
آيه>>"تبكي بالصوت .."كذاااااب والله مافي منا كلامك كذذذذااااب ..
ضحك ع الجنب وبحت ف جده ..بس قبل ماينطق اي حد فيهم كان سيف طايح ف علي ضرب ..
........
فرح>>شن في ي ادم ..
ادم>>عصام لامسك ..
قالها وهو يهدي ف روحه ..حس بخده ساخن من كفها ..
فرح>>"بعياط"بلا قلة اااادب ..
قرب منها بسرعه ..ولوالها يدها ..وراها ..
أدم>>احكي معايا بلا عياط ..احكي بصدق احكي ..
فرح>>مررريض متخللف حووول ..
أدم>>ااااااااحككككككي ..
فرح>>مش حنفولك شيبيييي اصلك تشك ف روووحك غببيييي ..عللليش ازوووحتني عللليش دبانك شاك فيا ..
أدم>>عارفه ليش"ودفها وهو يسلح ف سيرة .."عارفه لييييششش عشااان نقهره بيك ..نوووورررريه الخيانه شن شكلها ..
وشلطها ع فخذها ..عيطت ووخرت ..
أدم>>عشاااان نعللللللمه درس الحاجه اللي مش له معش يحط عينه عليها ..
وزاد يضرب فيها وهيا تعيط ..
أدم>>بس شكللله ماتعلمش ..لا يدزللللللك ف حاجات ف جسمك ويوصف فيك .."ضحك" ..باهي اللي غيرت شفرتك وحطيت شفرة جديده مش شفت العار ..صار ي ام وحمه رايحه متسمحه .."ورد ضربها .."
فرح<>حرررررام عليك وربي حراااام ..
عزق السير وقعد يضرب بيديه بجنون ..
ادم>>حرررراااام عليييك انتتتتتي ي كلللللبه ي رخيييصه ..حرررررام عليك انتتتيييي ي كللللبه ..
حاطه يدها ع وجها والكفوف ينزلن ع خدودها وتعيط وتبكي ..
مافيش مكان ماضربهش فيه ..
أدم>>دبانه الناس تشوف حتى انا بنشوف ..مراتي وحلالي مانقربش منها بس الباقي يعرفو تفاصيلها ..
بحتت فيه بصدمه ..
فرح>>ادم لا ..ااااااااادم لا ..
أدم>>خايفه تنفضحي ماتخافيش ..توا نحرقك باللي فيك حتى انتي ..
عيطتت ..
فرح>>أدددددددددددددم لااااااا ..
....
كيف يقدر حد يقعد بالوحشيه هذ ..كيف يقدرو يكسرو الانثى عادي وبسهوله ..ليش عندهم الالم والبكاء عليهم متعه ..ليش عندهم تعذيبنا حياه ..ليش يكونو بالقساوة هذي وهما ممكن يكونو احن ..معقوله واحد يشك ف اخلاق مراته ..معقوله واحد يغتصب مراته ..معقوله حبيب يفتري ع حبيبه ..ليش؟ ..ليش هما هكي ..
ويجيك ويقولك تحت مقوله الرجال قوامون ع النساء ..فاهمين غلط ي حماعه ..قوامون مش بالضرب ..مش بالاهانه مش بالعنف ..كل شي بالمعروف يمشي صح ..
لو ادم فهم من فرح ..لو علي سمع من ايه سببها ..لو وليد ماطلقش تقوى ..لو حسام تنازل من غروره ورد خطب مره وعشرة ..لو ولو ولو ..ف كل القصه النساء مظلومات ..مهضوم حقهن بس لان هما رجاله ويحقلهم كل شي ..💔
.....
#يتبع💔
#فافي
