كسرة عشق

الجزء الثاني الحلقة38

السلام عليكم راح نبدأ بالبارت ال38
  بس الي أطلبه منكم أنو من تكملون البارت كتبولي تعليق حلو مثلكم وصوتوا الي حتى أستمر بالكتابه
الحلقه ال38
________________---------------___________

مر شهرين ومحمد ماراح للدوام مكابلني وكاعد يهتم بية كأنما طفل جانت اسوء فترة تمر علية كل يوم ابجي بكل زاوية ابجي لحد ما كالو راح يبيعون بيت ابوية تخبلت عليهم من صدوك نجنيت يعني هيج بهالسرعة بعدة منشف ترابة يريدون يبعو ولله على كص ركبتي يعبيعونه اخر ذكرى من بابا بقتلي هيج يريدون يبيعوها بالهسرعا  وتعاركت اني ومحمد كتلة ممنوع تبيعة اريدة كال ورث خواتج ومادري شنو اني قفلت كتلة مينباع جانو ناوين يبيعو وينطون الفلوس لأطياف تعاركنة اني ومحمد عركة جبيرة والشيخ رزلني نوب تخبلت بلزايد جانت بوقتها المغربيات هيج من كد شوطتي والقهر البية هبدت لبيت ابوية جان المفتاح عد محمد بكتة بوك وجريت عباية عمتي ورحت بدون ميدري محمد ولا احد لبست عباية ع الراس وتلثمت ومشيت جنت اندل الدرب واصلا هو قريب من دخلت للفرع وشفت البيت تذكرت اول ما اجيت ونطردت تذكرت لمن رجعت مكسورة وتذكرت من نزفيت منا دموعي طاحن وكلبي يأذي بية هيج ينعصر حيلللل بحيث تصير شلون القعشريرة بكلبي  مشيت بثكل وقهر فتحت باب الشارع ودخلت سديت الباب كلشي جان باهت بي وفارغ بس المرجوحة بي رحت كعدت عليها وبجيت بحركة اااخخخ ربي ارحمني راح اموت كمت جان البيت مقفل بحوشت بالمفاتيح لحد مانفتح باب المطبخ مشيت ودخلت للصالة كعدت بلكاع ولك بويييةةةة مو جنة نكعد هناااا وييننن رحت وين راح يبيعون بيتك يبوية كوم جان البيت فااارغ وبس صدى صوتي يطلع بصياح وقهر وألم وجع وكولشي التم بيه بهاي الحضات...

بقيت افتر واحجي هنا بجيت وهنا صار عرسي وهنا حضنتك وهنة ضحكنة ليش اني كلشي أحبة يروح مني حبيت علي مات وهستوني بديت اتعلق بابا مات ليش شنو مسوية بحياتي حتى هيج يصير بيه عمري وحياتي مأذيت أحد ولاقهرت احد طول عمري اساعد العالم وابد مغثيت احد  لحد ماروحي فرفحت والدنيا ضلمت قفلت البوب وبجيت باوعت للبيت من برا هاي اخر مرة اجي باوعت بحسرة جبيرة ومشيت كوة احس روحي تعلكت هنا احس بابا روحة تتجول بالبيت وعطرة وكلشي يخصة طلعت وقفلت باب الشارع لمن اجيت جانت الشمس توها تريد تكسر لمن طلعت جان ضلام دامس حجيت وي روحي حححيللل شكد طولت لعد مشيت ودموعي تصب..

وصلت للفرع واشوف العالم ملتمة يااا شكو بس لا احد مات خفت اروح يربي هسة حسو ع غيابي يبببوووو هسة شلون بية شون ارجع بين هل زلم بالقران الة محمد يدمغني بقيت واكفة شوي والسيارة رادت تتحرك طكيتها بركضة قوية شلت عباتي الي اتعثر بيها واركضض بس اريد اوصل بيت ابوية نوب الشارع اضلم ويخوف تعثورت وكعت ع عضام القفضط الصدري صرخت بألم حسيت الصرخة نكتمت مطلعت كلها ونفسي نقطع اريد بس اتلاكف الهوة بقيت مددة واشاهك بقوة ألم مو طبيعي بصدري لاني اكدر اكوم ولاني اكدر ابقه بس ابقه مددة احسن...