كسرة عشق

الحلقة ال27

السلام عليكم راح نبدأ بالبارت ال27
  بس الي أطلبه منكم أنو من تكملون البارت كتبولي تعليق حلو مثلكم وصوتوا الي حتى أستمر بالكتابه
الحلقه ال27
________________---------------____________

عدلت الفراش وفتحت الباب شافني محمد أبتسم وباباسني بخدي  ولزم ايدي ونزلنة بلمصعد سلم وطلع لكيت خطار سلمت عليهن وباركلي لويت رجل ع رجل وكعدت ورقية وودق يريد يطكن نفس الحقارة كمت احجي واضحك شفت اطياف اشرتلي تعاي ترخصت وكمت
اطياف:بنيتي راح نروح هاهية بعد وعلياء جايتها مشية دنشوف اذا خوش اودام ننطيها
سديم:لا خطية شكد عمرها هية
اطياف:راح طب 16 بكدج
سديم:خطية ماما خل تكمل دراسة
اطياف:يمة هية تريد الولد ودراسة مفالحة بيها جا شسويلها بعد
سديم:ها لعد بيها الخير انشاءالله سلمت عليهم وراحن
رقية:صايرة هدف للثور
سديم:ي حبي صرت الج هدف متشوفين نفسج هايجة وغمزتلها وضحكت بصوت عالي
هيام:هههه خرب عرضج
عبير:هههه بوية فلك يفلكج
سديم:باوعتلهت بطرف عيني وكمت امشي بطيئ بس حتى تنجلط اجة محمد صاحني وهاي ودق تريد تاكلة هية ورقية ستغليتها فرصة جريته كدامهن وحضنتة وهو هم
محمد:شبيج تردين تموتين
سديم:اسكت وصم حلكك احضني واضحك سوي نفسك تشاورني
محمد:ضحكت بصوت عالي ع خبالها وشاورتها احبج يا طفلة
سديم:يلا روح ولضل كلشوي وجاي لو اصعد لو انزل وخزرتة
محمد:هوب هوب اكلتيني رايح للماركت شنو تردين اجيبلج
سديم:باوعتلة بأستهزاء وحجيت بشقة جيب الماركت كلة ضحكت ومشيت ما عبالي حيسويها صدك بقيت مكضية وكتي هيج ب7 ونص اجة محمد شايل 7 علاليك صاحلي
محمد:مريتي تعالي جبتلج الماركت وابوة هم
سديم:يااا كمت متفأجاة صعد وكلي انتضرج فوك اني كيفت وكتلة ي حبيبي جيت  لأن سمعن ودق ورقية تعمدت اصعد من يم الدرج حتى يشوفني صدك صعدت عقجت وجهي هف شوكت ينكلعن فتحت باب الغرفة لكيتة كاعد ويحط بثلاجة وكفت وحطيت ايدي ع خصري وميلت روحي ع الميز هاي كل عقلك عود ترا جنت اشاقيك
محمد:فداج يروحيتي تعاي كمليهن حبيبي اريد انزل اودام جوة
سديم:هزيت راسي وباس خدي ونزل مسحت خدي واخذت نفس بقهر كعدت اصفط وابجي جان جايب اشكال اللوان مخلصتهن اله واني ميتة كمت طلعت صورة علي ضميتها جوة الكنتور باوعتلة بحزن دموعي طكطت ع صورتة رجعتها ونزلت سوو عشة تعشيت وشربت جاي جرتي هيام
هيام:شلون صرتي خومت بقيتي متأذية
سديم:تنهدت وباوعتلها بقهر
هيام:اوف حبيبة الله يساعدج ع هل قهر خوما تعاندين حميد
سديم:نزلت فراشي بلكاع
هيام:يا ولج يامخبلة ليش
سديم:احسن هيام ما طايقتة والله روحي مخنوكة ترا لو ما انزل والتهي وياجن اموت بحسرتي اريد انتحر هيام اريد اموت من صدك
هيام:دكافي سكتي ولج
ذهب:هاشبيجن
هيام:يمكن حبلت خية
ذهب:يا فلككك ولج شحبلت
سديم:نعسانة
هيام:دروحي رتاحي
سديم:صعدت سبحت لبست تراك وجواريب ضفرت شعري طلعت عطر علي واشم بي بقوة تذكرت قميصة ضميتة يم اطياف هية بلكوة خلتني اخذ الصور تذكرتة لمن نحجي من الشباك وكلي دخلي لتستبردين حطيت راسي ودنكت اشهك وابجي تذكرتة لمن سوالي عيد ميلاد وكليوم اسمع صوتة ولك علاااوييييي شتاقيت لصوتك شتاقيت لاسمي وكلمة بنيتي من حلكك بقيت اضرب بلمخدة كلبي راد يوكف من القهر والبجي خنست جوة بطانيتي ودموعي تنزل والشهكة بية سمعت الباب نفتح عرفتة محمد سمعت الحمام نفتح كشفت راسي مبين راح يسبح كمت شربت مي باوعت لعيوني منكلبات دم ختلت بفراشي ودموعي تجري واحس خايفة من محمد مادري شلون النومة اخذتني حلمت اني بيت علي ودا امشي بأتجاة علي وهو فاتح ايدة يريط يحضني تزحلكت وكعت بقوة فزيت وعطت
محمد:اسم الله يروحيہ حلم لتخافين
سديم:متت بجي ليش ماحضنتة
محمد:منو باباتي شبيج اصحي
سديم:بجيت بصوت اقوة شالني وحطني بحضنة ع جرباية هدئت شوية وخرت منة ونزلت لفراشي سمعتة يتأفأف بقيت ابجي ردت انام لزم كلبي دمار وتنفست حسيت بألم قوي نزلت دموعي نوب الدمار تحول من الجهة اليسرى لليمنى من فوك صدري بقة يوجعني رغم اتنفس بطيئ بس عبالك نلوة او نربط الله ليشوف وجعة لبشر بقيت اتكلب واقرة ايات اريد بس يروح روحي نتهت من الألم بلكوة غفيت ساعة ب2 كعدت ع ألم بحيث كمزت لزمت صدري وصرت افتر بلغرفة واون واقرة ايات والوجع يزود ميقل ماتحملت صرخت وبجيت محمد رئسن فز شغل الضوة
محمد:شكو شبيججج بس فهميني
سديم:لازمة صدري واكمز وابجي من الألم
محمد:يحيلي بس فهميني شنو اليوجعج لتبجين ياروحي
سديم:حجيت بصوت مشوش وممفهوم من البجي دمار بصدري يعورني
محمد:لتخافين هسة يروح اششش حبيبي لتبجين ياكلبي
سديم:جرني لحضنة نيمني ع ايدة ولمن نمت شاغت روحي زاد الألم اكثر شهكت بجي حط ايدة ع صدري وبلش يقرة ايات واني اون وابجي ألم فضيع لزمت المكان أبجي بكل قوتي وأشهك حيل عورني مدري شنو عبالك بي جاكوج يظرب بصدري متت وجع متمنيتة العدوي واصلاً اول مرا هيج تجيني حالة بس يمكن لان بجيت حيل هواي ونمت لان أصلاً موزين نبجي ونام بس واحد شلون يرتاح غير بالدموع اذا واحد ميبجي وين يروح  حسيت جوعانة وعطشانة حجيت بصوت مخنوك جوعانة
محمد:هسة اجيبلج اكل يحيلي
سديم:اشرت للثلاجة راح حط بلكوب حليب ابو الككو ونستلة ومكسرات لوز وجوز وكاجو
محمد:اكلي المكسرات اول شي
سديم:كام يوكلني هوة كملتهن وفتح نستلة وكلني وشربني حليب نوب جابلي مي شربني طفة الضوة وجاب تلفونة شغل دعاء الصباح وحضني واني هم حضنتة حيللل جنت أتخيلة علي وقلبي يؤلمني هم محسيت بشي وهو يمشي ايدة ع مكان الألم وايدة الثانية ع شعري طلع دعاء المرض غمضت بألم والشهكة بية احس الألم سكن ماحسيت ع روحي لمن نمت