كسرة عشق

الحلقه ال21

السلام عليكم راح نبدأ بالبارت ال21
  بس الي أطلبه منكم أنو من تكملون البارت كتبولي تعليق حلو مثلكم وصوتوا الي حتى أستمر بالكتابه
الحلقه ال21
_____________

  
سديم:حسيت احس ضربني راجدي قوي كلبي بلش يدك سريع عطت وحجيت بصوت عالي واني ارجف من العصبية شنو وليش ينهي علية وبأي حق ينهي علية وهاي العادات انقرضت
اطياف:ولج يمة صمي حلكج استري علينة بس اسكتي لايسمعج ويتخبل عليج
سديم:بصوت يرجف وعالي وميسمع المخبل والله وحق السماوات ما ازوجة لو ادري ازوج كلب بقيت ارجف من العصبية وابجي
شيخة زهرة:هايسديم شمالج تصرخين
سديم:يمة شوفي ابنج ناهي علية
شيخة زهرة:اي اولة بيج من الغريب شنهي الناكصة وماراضية بي بنات السلف يحلمن بطرفة
سديم:بس يا شيخة اني ما احلم بي ولا مفكرة ميناسبني ولا اناسبة حسيت الشيخة ضاجت مني بس صدك ما الة حق يسوي هيج ع الاقل جان سألني هزت راسها وكالت يصير خير وطلعت الجو متكهرب ماصبرت شوي ورحت للشيخ
شيخ ابراهيم:هابوية شني رايج بمحمد
سديم:بابا اني معتبرة محمد اخوية ومستحيل اوافق بي
شيخ ابراهيم:لاجن يسديم مو اخوج هوة ابن عمج ولزوم توافقين عيب بحكي وبحك ابني ترفضين شنهي القصور البية
سديم:بجيت جنت عبالي ناس فاهمين ومثقفين صرخت بدون وعي وما جنت اعرف بهاي الصرخة جنيت ع روحي وراح انسجن بيت الشيخ ابراهيم طول حياتي...
اني مو بكيفك ولا بكيفة وما اوافق بي لو الدنية تنكلب بس صرخت هيج كام الشيخ والشياطين تتطافر من عيونة والشر بين بية  هيام رئسن جرتني واني اسحل بروحي وابجي
هيام:الله لاينطيج ولج شلون تصرخين هيج شلون راح يطيح حضج
سديم:عوفيني خليني انهزم فدوة
هيام:اي عيدي الغلط مرة ثانية ديذبحوج عكس القبلة امشي امشي شسويتي بروحج
سديم:صعدتني وقفلت الباب علية وكالت لتفتحي لأي بشر راحت واني بجيت ياربي كافي ليش تحملني شي ما الي طاقة بي كعدت ودموعي يتسابقن ع خدي كل وحدة تكول اني احرك خدها اكثر..

فتحت تلفوني شفت رقم غريب دخلت شفت بالأفتار كاتب اسمة محمد عرفتة نصدمت من الكلام مالتة شلون صلف كتبتلة تحلم اوافق بيك مو عبدة عندك اني وتأمرني وحضرتة ثاني يوم دز علية الشيخ وجان وجهة وصوتة متغير جذرياً دخلت سلمت وكعدت وهيام جانت توصي بية ما ارادد
شيخ ابراهيم:اطلعي هيام وسدي الباب وراج عندي جم حجاية وي البت
سديم:طلعت هيام بقينة اني وياة
شيخ ابراهيم:كربي صوبي
سديم:كتلة شنو
شيخ ابراهيم:تعاي يمي
سديم:رحت كعدت مقابيلة
شيخ ابراهيم:اي يبت كاضم طلعتي تتمعشكين وتلعبين شاطي وباطي وجذبتي علية ودخلتج بيتي وشفقت عليج كلت خوش بت طلعتي استغفرالله اني هسة اكدر اذبحج ومايرفلي جفن شوفي يبت كاضم توافقين اعلة محمد اهلا وسهلا ماترضين اذبحنج انتي وابن الحرام الي شردتي وياة
سديم:نصدمت شلون عرف راسي عقلي بعد ميستوعب لمن جاب طاري علي روحي نحركت حجيت بصوت عالي لتحجي علية الضاهر الي جابلك الاخبار زمال علي توفى لو موجود جان اجة واخذني منكم غصبا عن الكل ضحكت ضحكة انكسار حسبالك يشيخ لزمت ايدي التوجعني لا علي ومات تريد تذبحني اذبحني وخلصني
شيخ ابراهيم:رفعت ايدي
سديم:اي اضربني ليش ماضربت بقة رافع ايدة جان الخوف متملكني بس احاول ابين روحي قوية واني بداخلي ارعد خوف من صوتة العالي وتهديداتة
شيخ ابراهيم:نزلت ايدي تنوعيلي يبت كويضم اكتل اهلة كلهم لون فكرتي ترفضين محمد واكتلج وياهم
سديم:هلمرة لزم ايدي التوجعني حجيت لا همة ما الهم دخل انتة ليش تهددني انتة شيخ اكبر من هل شي
شيخ ابراهيم:لمن السالفة تمس شرفنة اتحول لمجرم لون جنتي وحدة من بنياتي الله يسترهن  وشردت وية حبيبها اذبحها ومايرفلي جفن جاي انطيج فرصة وحك رب السماوات اكتل اهلة واكتلج وياهم
سديم:دنكت بجيت حجيت بصوت عالي عوف اهل علي ارجوك ما الهم دخل اكتلني اني باوعلي بنضرة كلها شر سحبني من ايدي ومن ورا المضيف للمخزن شمرني وسد الباب قوي دنكت بجيت سديم انتي جبتي النار وحركتي اديج وروحج بيها ضربت الكاع وصرخت صرخة ألم ضاكت الدنيا بية علي وينك لحكلي ولك لحك راح يذبحوني ليش عفتني وكسرت ضهري شوي واجة الشيخ دفر الباب واجة شخص وراة
الشيخ ابراهيم:يلة يلضبع اذبحها
سديم:جنت اسمع بأسمة بالبيت وجان اليد اليمنى للشيخ ابراهيم بعد ولدة ويثق بي كلش جان طويل وضخم يخوف سحلني من شعري وجاب مثل التختة مال نص شجرة مقطوعة جانت ملطخة دم
شيخ ابراهيم:هاي نكطع اعليها لحم الطليان والدجاج هسة انتي اول وحدة ينهدر دمج عليها يلة يلضبع شوف شغلك
سديم:حط راسي وجان شايل ساطور يلمع لمع وكأنو يكول راح اقطع راسج وانهي حياتج جان يباوعلي الشيخ بنضرة انتصار دموعي موكفت لمن توصل للصدك ويجي الموت تكون روحك غالية والله شكد جنت اتمنة الموت واحاول انتحر بس لكيت نفسي فقط اريد اعيش واريد انجو من الموت صرخت موافقة وصوتي يرجف وابجي ضحك الشيخ شكد كرهتة دموعي تحرك بخدودي وبروحي حجة بصوتة الجهوري والي اول مرة اسمعة وكال للضبع اطلع طلع الضبع دنة وكعد يمي وكال توافقين بدون مشاكل واله اذبحج هلمرة وما اعفو عنج
سديم:حسيت بأنكسار وذل تمنيت ميتة ولا هل ذل اي أي شخص يتمنه الموت ولاكبريائة تنجرح ولاينذل اني بهاي لحضه تمنيت اموت  كلي يلا ولي للبيت كمت ركضت رحت للبيت وكعت بلمطبخ وبجيت بصوت عالي نكسر جناحي بعدك يا علي لحكني اطلع من الكبر ولك اوكف بوجهم كوللهم سديم الله خلقها الية اطلع اجتي هيام تسد بحلكي الشيخة تباوعلي بنضرات ماعرفت افسرها سحلتني هيام كوة فوك جانت تبجي وياية
هيام:يمصخمة شسوالج شورطج وصرختي بوجهة
سديم:ولج عرف كلشي لزم ايدي التوجعني هددني يكتل اهل علي وراد يذبحني هيام خليني انهزم الله يوفقج ولج والله اموت اذا اتزوج غيرة
هيام:بجيت ماكدر يلكونج خاصتا محمد بلمح البصر يلكاج فدوة استري علة روحج واكعدي
سديم:روحي نسحنت جريت قميص علي وبستة ولك علي ليش خليتني ابوس بثيابك ولك ضلت بكلبي حسرة شوفتك راح يزوجوني من كد ماروحي شاطت ونقهرت صعد ضغطي وخشمي طك دم هيام تخبلت ركضت ورا شوي واجتي حطت حباية بحلكي وبلعتها كوة قاست ضغطي كامت تلطم ركضت جابتلي بطل مي وكامت تشرب بية
هيام:اشربي خل ينزل ضغطج ولج راح تموتين يمصخمة كافي
سديم:روحي ختنكت شربت بطلين مي شوي وصرت احسن بس دايخة كعدت ع جرباية شوي وندك الباب اجتي اطياف حضنتها وبجيت ماما لحكيني مو كلتي اني امج فدوة يمة لحكي بنيتج
اطياف:ولج شكو شسويتي
سديم:حجتلها كلشي هيام بقت تلطم ع صدرها
اطياف:الشيخ خابر كاضم وكلة اخذ بنيتك خاطر نخطبها الجمعة التجي وكافي زعل ورضة وجوة ينتضرنة
سديم:ماريد ماريد كمت اضرب ع رجلية وروحي شايطة صارت صدك ولج سديم راح يحكمون عليج بالاعدام خاف بقت شوي روح بية جرت الجنطة هيام حطت كل غراضي وشاحنتي وتلفون ونزلت اسحل بروحي شفت بابا بلصالة ركضتلة حسيت بي امان الية شمرت روحي بحضنة بادلني الحضنة وكمت ابجي بصوت عالي وهو يبجي وياية
كاضم:بسج يروحي كافي بنيتي
سديم:بابا لتعوفني راح اموت قهر بابا بنيتك مشلوع كلبها بابا لاتخليني ذليله الشخض بدونك ماسوة شي ماعندي سند غير الله يخليك لاتعوفني اموت والله
كاضم:عسا هل تعب بية يبوية لتبجين بسج شلعتي كلبي
_______/______//_____//___/_/__/___/_/___/___/__
هنا انتهى لبارت لاتنسون التصويت والتعليق