السلام عليكم راح نبدأ بالبارت ال15
بس الي أطلبه منكم أنو من تكملون البارت كتبولي تعليق حلو مثلكم وصوتوا الي حتى أستمر بالكتابه الحلقه ال15
_____________---------------_______________
-" غُرفة ميتّة "
الجُدران الأربعة تُشيع السقف القتيل.
محمد:ابقي هنا هسة اجيج لتتحركين ولتخافين ماشي
سديم:هزيت راسي راح شوي واجتي هيام رحت حضنتها وطكيت بجي الى متى حبقه هيج منين ما أمر يضروني عبالك عدوة الجميع
هيام:يروحي لتبجين انعل ابو هسة محمد يطيح حضة لتخافين
سديم:لبستني عباية واني ارجف بحضنها
محمد:كلتي لأمي
هيام:اي كتلها سديم تمرضت شوية هية وامير راح اخذهم واروح ويمكن لو يجون لو يباتون
محمد:ماشي يلا امشي جبت السيارة
سديم:طلعنة لكيناة موكفها بعيد شوية صعدنة واني ابجي ومقهورة همزين هيام جايبة غراضي نهاريت بجي بالسيارة مادري حسيت اجة جبل صراخ وبجي طلعت كل طاقتي السلبية وكل ماذكرة شون جان فوكاية اختنك وصلنة نزلتني هيام ودتني لغرفتي وخرت العباية والشماغ رجعت ع الحايط لميت رجلية ومتت بجي ليش هيج ليش هيام
هيام:سودة علية ولج والله مادري صارت من وجهي
سديم:مو انتي شعليج قابل تدرين بس ليش هيج حضي
هيام:يلا كافي والله هسة محمد يطيح حضة لتخافين كومي اسبحي وبدلي اني عدنان اجة راح اروح لبيتي امير صدك مريض بطنة سهال واي شي تحتاجين بس تصلي بية ماشي
سديم:ماشي
هيام:تردين ابات يمج خاف بعدج خايفة
سديم:لاروحي مابية شي والله راحت كمت نزعت الفستان والتراجي والملابس الداخلية دخلت جوة الدوش ابجي واصرخ بحركة لييششش هيج ليششش كمت افرك بجسمي وحلكي واريد اطلع لمساتة القذرة مني اوف الى متى أبقه ماعندي حظ هواي تعبت وين ماروح حضي ميكد الله لايوفقك ياقحطان يعني أني منين اتلكاها من ابويه لو من أمي لو من زوج أمي لو من علي الي تركني وبعد مسئل عني لو ع تركت دراستي هاي السنه الى متىىى راح انتحر بعد ماكدر والله تعبت من صدوك والله واحد وين يروح مدكولولي لامن أهلي ولاعمامي من الله لايوفقك ياقحطان ولاشوف شي بخير
محمد:وصلتهم ورجعت دورت لقحطان لكيتة بلبيت لاف راسة لزمتة نهيتة نهي افشر واضرب بي لك شون تتحرش بيها شلون ياعار شلون تلزم شي يخصني شكتلك اني ابن ال** مو كتلك اذا شفتك تباوع لخيالها انهيك طاح جوة ايدي شلتها وحطيتة بلصندوك رحت للمركز شمرتة بلسجن
احمد:شكو محمد شنو هاذا الولد
محمد: تذكر من فزعتلك اني هسة اجة دورلك تردها اريدك تنهي بالكتل ماريد تموتونة بس عذبو وباجر الصبح اني اجي جرني جنت ارجف من الاعصاب منتهي ادخن جكارة ورا لخ كتلة هيج وهيج طبعا احمد صديق طفولتي ويعرف اسراري كلها حجيتلة وكال يمي اطمئن صعدت بالسيارة وتوجهت لبيتنة لكيت البوب مسدودة طلعت مفتاح نسخة فتحتهن ودخلت صعدت فوك صوت سديم ماكو وغرفتها ضلمة فتحت الباب ع كيف ودخلت فزت وجانت تبجي عرفتها رحت كعدت يمها ع طرف الجرباية
سديم:طلعت ونشفت جسمي كعدت مشطت ورحت لجربايتي بقيت ابجي لحد ماتعبت غفيت شوي وفزيت رجعت ابجي حسيت الباب نفتح باوعت طلع محمد كمت كعدت زيت وجريت البطانية علية وخنست بيها اجة كعد يمي جان وجهة شاحب ومبين مقهور وعيونة حمر جان دم مطفر ع دشداشتة شغلت الضوة رجعت كعدت محمد شسويتلة
محمد:ماسويتلة شي هاي هيج كتلة زغيرة باجر اني اعلمة
سديم:لاهاهية عوفة عيب من عمو سلمان
محمد:انعل ابوة لابو الخلفوة عيب على شنو سكتي بربج سكتي يعني لازم كلشي يفعلة مانحجه ولله شنهي عيب
سديم:حطيت راسي بين رجليه وبجيت
محمد:قهرتني من رجعت بجت حطيت ايدي ع شعرها وحركت ايدي ع شعرها لتبجين تمام احرك الدنيا ومابيها لخاطرج والله ارجعلج حقج بس لتبجين كافي عيني ميصير هيج بس تبجين كافي بنيتي
سديم:سكتت بس الشهكة متروح كلي رايح انام اي شي تردين تعاي لتستحين تمام ولتخافين نامي
سديم:هزيت راسي صدك ورا ماراح نمت حلمت بنية تخوف تركض وراية تريد تكتلني فزيت ابجي والغرفة ضلمة كمت اكمز واعيط شفتها كدامي فرفحت نفتح الباب رئسن كمت جان محمد حضنتة واني اكمز واعيط محمد تريد تكتلني راح تموتني فدوة هذيج واكفة هناك
محمد:عفتها تنام وطلعت سبحت لبست تراك بقيت ادخن ومقهور عمرت نركيلة طلعت فلم خلص الفلم دخلت كيم ببجي بنص الكيم سمعت صريخ همزين حاط هيتفون وحدة شمرت التلفون رحت لغرفتها ركض فتحت الباب جانت خاتلة بزاوية وتبجي بس شافتني اجتي تركض وتبجي اسم الله لتخافين حلمانة جانت تكمز وتصرخ تريد تكتلني شوفها شغلت ضوة ماكو احد جريتها لحضني اشش لتخافين ماكو
شي يحيلي تعاي امشي جريتها لغرفتي كعدتها ع جرباية جبتلها مي شربتها وهية تبجي وترجف
سديم:جان فلم رعب متت خوف شربت مي وابجي باوعت لمحمد خايف ومتوتر مبين حجيت محمد لتعوفني وحدي اخاف
محمد:ماعوفج لتخافين تنامين يمي
سديم:لالا ما
محمد:جا شلون نامي لتخافين راح ابقه كاعد
سديم:لالا ما وديني يم غرفتي
محمد:كومي بوية كامت جلبت بايدي ضحكت بخفة دخلت للغرفه نامت رئسن غطيتها بقت تباوع هيج وهيج ادري بيها خايفه شوي وثبتت عرفتها نامت كمت كعدت يم راسها مديت ايدي ع وجها خليت اطراف اصابعي ع خدها وامشيهن بخفة دنكت بستها فدوة لخدها الترف تجنن احبها حيل حبيتها لهلبنيه اني عندي طبع ماعرف اعبرن عن مشاعري اعبر عنهن بس بغير طريقه ماتوقع اكو شخص مثلي اني اعبر عليهن بالصياح والعياط شوي وراحت ختلت يم الحايط جان مكان جبير كمت تمددت كلت يلا شوي واكوم خطية خاف تفز ماحسيت ع روحي الة واني نايم كعدت ساعة 5 باوعت لكيتها داحسة نفسها يمي يمكن جانت بردانة ضحكت عليها كمت بهدوء غطيتها وفتحت الباب طلعت نزلت شربت مي رحت لغرفتي نمت
سديم:نمت نومة عميقة كعدت ساعة 10 هيام تكعد بيا
هيام:يلايلا كومي يحلوة اجوي البنات حتى تحضرين العرس
سديم:ماريد عوفيني اريد انام
هيام:يا فلك وج كومي انسي الصار يلا
سديم:هيام روحي ماريد والله روحي طالعة من دنيا
هيام:ماشي بكيفج
سديم:طلعت كمت قفلت الباب صليت كابلت صورة علي بابا أنتَ مو كلت ماعوفج ليش هيج رحت وعفتني ها مو اني انتضرك ومتجي مو اني بنيتك ومشتاقتلك بابا اذوني وكسروني يلا تعال اخذني ادري بيك ماراح تعوفني وحبقة انتضرك سمعت شغلو الديجي كيفت حتى ابجي واصرخ براحتي صدك طلعت كل قهري ضربت المراية بكل قوتي صار بيها فطر كعدت اباوع لروحي شلون متغيرة سديم شوفي نفسج ماتوقعتج بيوم من الايام توصلين لهل مرحلة دنكت وصرت اضرب بالكاع نقهرت ع روحي نقهرت ع كلبي الي نكسر وع شبابي الي ضاع بالضيم والحزن كمت غمضت وحاولت انام صدك نمت فزيت ع صوت الديجي جان مزعج كلش باوعت ساعة 2 ونص كمت سبحت وتعطرت كلت خل انزل كافي اسوي بروحي هيج فتحت كنتوري جان عندي فستان طويل ومخصر كلش ضيق وردان طويلة والفتحة مال الصدر مربعة لونة ذهبي وبي لمعة خفيفة رهمت وياة شال زيتوني طوخ وخليت مكياج وردي خفيف وحمرة لونها وردي كويت شعري وسويت بي بيرما وتعطرت لبست حذاء كريمي لأن اصلا الفستان طويل كلوش وبي من جوة كسرات فميبين اخذت قراصة وشال ودنابيس حتى بس يجون البسهن لأن اكيد حيدخلون زلم
___________________♧____________________
لهنا ونتهى البارت ان شاءالله يعجبكم لاتنسون التصويت
ESTÁ A LER
كسرة عشق
Mistério / Suspenseشنو وليش ينهي عليه ومنو كللكم اربد ازوج ها وبأي حق ينهي عليه وهاي العادات انقرضت (بصوت كوللش عالي) مرت ابوية:سديم نصي صوت لايسمعج استري علينة بس اسكتي سديم:وميسمع المخبل والله مازوجه والله لوادري ازوج كلب (وهم بصوت عالي) كاعدة تخيلت علي واكف كدامي...
