တိုက်ရိုက်တိုးဝင်လာသော ဓားချက်ကိုရှောင်တိမ်းလိုက်ကာ ဓားပိုင်ရှင်၏ လက်ကိုလိမ်ချိုးလိုက်ရင်း တိုက်ခိုက်ရန်ချောင်းနေသော အနောက်ဘက်ကလူကို ခြေတံရှည်ခြေထောက်များနှင့် အရှိန်ပြင်းပြင်းကန်လိုက်ကာ မြေပြင်ပေါ်လဲကျသွားသော ထိုသူအားခြေထောက်ဖြင့်နင်းထားပြီး လက်ထဲကသေနတ်ဖြင့် ညှာတာမှုကင်းမဲ့စွာ သတ်ပစ်လိုက်သည်။လိမ်ချိုးထားသော လက်ပိုင်ရှင်သည်လည်း ထိုနည်းတူစွာ လေပြေရှင်း၏ ရက်စက်မှုကို မချည့်မဆံ့ခံစားရပြီးသော် အကောင်းပဂဓိ ခြေလက်အင်္ဂါဟူ၍ မရှိတော့ပေ။အဆစ်နေရာတွင် အဆစ်လွဲနေပြီး အရိုးနေရာတွင် အစိတ်စိတ်အမွှာမွှာ ရိုက်ချိုးခံထားရသည်။ ရိုက်ချိုးခံထားရသည့် ထိုလူ့ခြေထောက်များသည် လုံးဝဥဿုံပျက်ဆီးသွားပြီဖြစ်သည့်အတွက် မြေပြင်ပေါ်တွင် ဒူးထောက်လျက်ရှိနေပြီး သေဖို့ရန်သာတောင်းဆိုခွင့်ရှိတော့သည်။
အမဲလိုက်တောဘုရင်ထံတွင် ရက်စက်ကြမ်းကြုတ်သည့် မျက်ဝန်းတစ်စုံသာရှိပြီး သနားညှာတာမှုဆိုသည်မှာ ပေါင်းစပ်လို့မရသည့် ကောင်းကင်နှင့်မြေကြီးလိုသာဖြစ်လေသည်။ လေပြေရှင်းသည်လည်း ထိုနည်းအတူပင်။ စိတ်ဆုံးဖြတ်ထားလျှင် ရေဆုံးမြေဆုံးရအောင် အမဲလိုက်မည့် တောဘုရင်လိုလူစားမျိုးဖြစ်သည်။ ဒီနေ့ည ဒီနေရာတွင်ရှိနေသော လူများအား အလွတ်မပေးဘဲ သတ်မည်ဟုဆုံးဖြတ်ထားသည့်အတွက် မိမိ၏ရှေ့တွင် ဒူးထောက်လျက် ဒဏ်ရာဗလပွဖြင့် အရုပ်ကြိုးပြတ်ဖြစ်နေသော ထိုသူအားဖြောင့်တန်းသောလက် သန်မာသောခွန်အားဖြင့် တွန့်ဆုတ်ခြင်းမရှိဘဲ သေနတ်တစ်လက်ဖြင့် အသက်ဖျောက်လိုက်သည်။
" ဖြုတ်လောက်အကွက်လေးနဲ့ ငါ့အပေါ်သက်ရောက်မယ်ထင်နေလား "
အံကြိတ်၍ပြောလိုက်သောအသံတွင် ဒေါသတရားတို့အပြည့်နေရာယူနေပြီး မြေပြင်ပေါ်ရှိအသက်မဲ့သွားသောသူ နောက်ဆုံးကြားလိုက်ရသောအသံမှာ ရှင်း၏ ဇီဝိန်ခြွေသွားနိုင်သည့် အသွားထက်သည့် ဓားတစ်လက်နှယ် စကားများဖြစ်သည်။ စူးရှသည့်အကြည့်အား ပင့်မြှောက်လိုက်ချိန်ဝယ် အယောက်၂၀ခန့်လူများက ရှင်းအရှေ့တွင် ရှိနေခဲ့ပြန်သည်။ နှုတ်ခမ်းထောင့်ကစီးကျနေသော သွေးတို့ကို လက်ခုံဖြင့်ခပ်ကြမ်းကြမ်းသုတ်ပစ်လိုက်ပြီး နောက်တစ်ကြိမ် ရင်ဆိုင်ရန်အသင့်ဖြစ်နေခဲ့ပြန်သည်။
ВЫ ЧИТАЕТЕ
Hate Poem Written With Love࿐
Фэнтезиရင်ထဲမှာ နက်ရှိုင်းစွာနာကျင်စေတဲ့ ခံစားချက်ကို ဆွဲထုတ်လိုက်တဲ့အခါ မင်းကြောင့်ပဲဆိုတာ သိလာတယ်။ " မင်းဟာလေ....စေ့ပိတ်ထားတဲ့ တံခါးတွေကို ဆွဲဖွင့်ပြီး ဒူးထောက်လာအောင် ပြုစားနိုင်တယ်။ " " မင်းဟာလေ.....အကြည့်တစ်ချက်နဲ့ ကိုယ့်အသိစိတ်ကို လောင်ကျွမ်းစေနိုင်...
