Fall For Me, Eris Abreo (GxG)

Chapter 27: Ms. Intramurals

"Sorry Avi. Ngayon lang natapos praktis."

"Really?" Paguusisa niya.

"Kailan ba ako nagsinungaling?" Ngisi ko at mas lalong lumapit sa kanya.

"Fine pero bakit pawisan ka?" Pinunasan niya gamit ang likod ng kamay niya yung tumulong pawis sa gilid ng noo ko.

"Tinakbo ko mula court papunta dit- Teka nga. Andito ako para sayo. Ano yung sinabi ni ate Chi ah?" Taas kilay kong tanong sa kanya. Nakita ko ang pagbalik nung kaba sa mga mata niya.

"Need lang kita makita bago ako sumalang." Pagbubuntong hininga niya.

"Why? Kinakabahan ba si Avianna namin?" Hinawakan ko ang kamay niya at pinisil ito. Malamig at mukhang kabado talaga siya. Hindi ko alam na marunong pala siyang kabahan. Ang cute lang kasi ang confident niya lagi pero ngayon namukha siyang kawawang pusa.

"Is it bad if I am?"

"Nope. It's okay dahil normal naman na kabahan ka. Isipin mo lang na andito kami ng barkada para suportahan ka." Binigay ko ang pinakasincere na ngiting maibibigay ko sa pagkakataon na'to. I think nakatulong naman dahil nagsoften yung kunot ng noo niya. Nakatitig lang siya sakin. Nagmukha akong mas maliit dahil ang taas niya. Nakatingala lang ako sa kanya habang siya nakayuko sakin.

"Can I hug you?" Out of nowhere niyang tanong. Medyo na caught of guard ako pero naprocess ko din naman agad. Siguro nasasanay na din ako sa pasulpotsulpot niyang clingy side.

"Sure let me hug my kitty." Malambing kong sabi. Binuksan ko ang dalawa kong braso para i-welcome siya. Naglean naman siya agad para yakapin ako. Yung yakap na ramdam ko ang pagrelax niya pero ako naman yung kinabahan dahil sa lakas ng heartbeat ko. Yung effect niya sakin di parin nawawala. Forever na siguro to.

Dahil nga sa mas matangkad siya sakin ngayon, medyo sa dibdib niya ako nakayakap. Dinig ko yung pintig ng puso niya na parang musika sa tenga ko. Akala ko ako lang yung may malakas na kalabog ng dibdib. Para bang sumasabay ito sa bawat isa. Gusto ko na talaga ang babaeng to- Mali, mahal ko na yata.

"Thank you puppy sensei." Ang tono ng pagkasabi niya nung endearment sakin ay nakakatunaw. Yung lambing niya dilikado sa puso.

"Welcome my sexy kitten." Bulong ko pabalik. Humiwalay na kami sa yakap. "Now go and make them see the girl that I fell for." Hinawakan ko ang pisngi niya at tinignan siya ng diretso sa mata. Tumango naman siya habang nakangiti. That smile na nakakabuo ng araw ko. Hindi kami nagkita buong araw dahil sobrang busy niya at ako din sa praktis.

"Baka mas maraming mainlove sakin. Dadami karibal mo." Natawa naman ako sa sinabi niya.

"Asa sila. Hanggang tingin lang sila sayo no. Ako lang Mori Sein Corteza sa mundo na may right para ligawan ka at maging jowa mo. Said by the famous heart breaker na si Avianna Eris Abreo." Confident kong sagot kaya napatawa na din siya. New occupation ko na talaga ang patawanin siya at maganda naman ang sweldo kung nakikita ko siyang masaya diba.