جميع التطبيقات دي بقا بيتم التحكم فيها بالخوارزميات دي ،، يعني مثلا ناس كتير بيجيلهم حظر علي الفيسبوك ، بسبب ان الخوارزميات مسكت عليهم خطأ ،، يعني مثلا واحد شتم في الكومنتات ، هوب تروح الخوارزميات تمسك عليك الغلطه وتتصرف معاك علطول بإنها تديك حظر ، لان التطبيق مبرمج انه لما يمسك عليك كلمة معينة في تعليق يفهم علطول انك بتشتم فيديك حظر ويبعتلك رساله يعرفك السبب ويحذرك من انك تشتم تاني ، وهكذا كل الخوارزميات ،، فهمت ،
طيب بردو ايه سبب خسارة مارك كل الفلوس دي بسبب العطل ؟ ،
بص يا سيدي لو انت فاكر انك بتملك خصوصية علي اي موقع تواصل تبقا غلطان اوي ، انت جميع معلوماتك وبيناتك جميع الشركات بتملكها بمعني الكلمة ، كانك قاعد بتتكلم مثلا مع واحد صاحبك وبتقوله هقولك سر متقولوش لحد وهو يقولك ماشي ، وانت بتتكلم زي الاهبل وهو بيسجل ليك كلامك ويروح موصله بميكروفون يسمع كل الناس اللي انت بتقوله ، يعني بيفضحك بمعني اصح ،
بس طبعاً الشركات مش عايزين يفضحوك ولكن بيعملوا الاسوأ للاسف ، وهو انهم بيستغلوك 🙄
مسألتش نفسك مرة ليه الفيسبوك بكل الامكانيات دي ومجاني ؟ ليه ؟ هجاوبك بحكمة اتقالنت قبل كدا بس فيها الاجابه ،
الحكمة بتقول ، ( اذا رأيت منتجاً مجانياً فاعلم انك انت السلعه ) 👌
انت السلعه ومعلوماتك هي السلعه الكبيرة ، طب ازاي ؟
كام مرة بحثت علي جوجل علي حاجه وبعدها لقيت اعلان عنها علي فيسبوك ؟ كام مرة سجلت رقم لواحد صاحبك وبعدها لقيت الاكونت بتاعه علي فيسبوك بردو ، مسألتش نفسك هو عرف منين انه صاحبك ؟ او عرف منين الحاجه اللي بحثت عنها علي جوجل ؟ والاجابه بسبب تسريب المعلومات بتاعتك ✋
،، طب سؤال تاني ،
اي الفايدة لما يعرفوا معلوماتي 👀 ؟
انت ناسي ان فيه ناس بتستخدم الفيسبوك بشكل تجاري ؟
يعني ناس بتبيع منتجات وبتروج لمنتجات علي فيسبوك ؟ اهو الناس دي بقا اهم منك لانهم بيدفعوا فلوس ،
شوف كان واحد بيدفع وبيدخلهم مبالغ اد ايه كل ساعه من ورا الناس دي ، فمفيش مانع عندهم انهم يسربوا معلوماتك ليهم ، وهقولك ازاي ،هنفترض ان فيه واحد بيبيع كاميرات ، وعمل اعلان عنها علي الفيسبوك ، طبعاً هو عامل الاعلان عشان يبيع صح ؟ ، طب لو عمل اعلان بـ 200 جنيه مثلا والاعلان دا هيوصل لحوالي الف شخص تقريباً وعايز يزود مبيعاته اكيد 👌
، بس فيه مشكلة صغيرة ، وهي اهتمامات الناس !! ،
يعني افرض الاعلان وصل لالف شخص غير مهتمين بالكاميرات مثلا ؟ ساعتها الراجل دا مش هيبيع خالص لان الاعلان وصل لناس مش مهتمين فأكيد مش هيشتروا حاجه مش مهتمين بيها ، ودا هيترتب عليه انه مش هيعمل اي اعلان تاني علي فيسبوك لانه الاعلان مجابش نتيجه 👌
KAMU SEDANG MEMBACA
كلام من الاخر 😅😘
Puisiهنا هتلاقي قصص جميله جداً وكاتبات عسل بجد تسلم ايدهم وأفضل ما اشتغلت به كتاب جليل نفعه حلو المذاق فمن لم ير إلا بلده يكون قد قرأ الصفحة الأولى فقط من كتاب الكون فيقول لك المرشدون إقرأ ما ينفعك، ولكني أقول بل أنتفع بما تقرأ وما النسيان سوى قلب صفح...
ميتافيرس او ما ورأي الكون !!
Mulai dari awal