وحياة ابوكي يا شيخه وانت بتتعاملي مع اي موقف في حياتك اتعاملي وانت شكلك زي الاسد مفيش اي حاجه فارقه معاكي، عشان خاطر ربنا اركني احاسيسك بانك شخصية مش فارقه وغير مهمه، علي جانبك، ونظرة انِك واقعة من الدورالعاشر، الاحاسيس دي كلها جواكي انت ومتخرجش براكي، حاولي تنحيها علي جانب،ومتوافقيش علي اي حاجه وخلاص، وانت بتقولي لنفسك، بس ياريت تيجي، يعني طلما هي كده كده خربانه ، يبقا انصاف الحلول انصاف المشاعر انصاف الصحاب، انصاف المحبين، ملهمش اي تلاتين لازمه، الحياة بتعيشها مره واحده يبقا مينفعش تعيشها نص حياة وهي محسوبة عليك حياة كاملة
– – – – – – – – – – – – – – – – –
, لما بتكون “زعلانه” منك بتعمل حاجات كتير, متعرفش عنها حاجه، على سبيل المثال, بتشوف بروفيلك, و كل شوية بتبص على اخر ظهور ليك, على الوتس اب , بتطلع رقمك من ع التليفون وتفضل تبصله بالساعات, بتبص للصورك وبتكلم وياك وبتسرح, ولما بتوحشها اوى, “بتزورك فى الحلم” علشان تصالحها, شغل ملايكة بقا
– – – – – – – – – – – – – – – – –
لو حاسس ان الحالة النفسية عندك مش لطيفة, وحاسس انها فى طريقها انها تكون “مش الطف” وشايف حواليك كتير انت مش فارق معاهم, رغم انهم فارقين معاك, ومن كتر “الهم” مش قادر تعمل حاجه, ولا تقول حاجه, عشان شايف انك مش حاجه, افتكر اصلا, انك اول مشرفت لدنيا “كنت بتعيط” و كنت جاي لوحدك ومتعرفش حد, ومش فاهم حاجه, بس “ربنا” بعتلك حضن ام وعطف اب, والحياة مشيت والايام عدت, وشوية فرح وشوية “غم” وكله بيعدي, بس افتكر ان حالتك دلوقتى هى فترة وهتعدي, وهتقوم منها اقوى, بس اوعى تبعد عن
“باب ربنا” او تبطل متطلبش منه كل اللى نفسك فيه وبتحلم بيه, كل متقرب منه هيقرب هو منك اكتر,عايز ايه اكتر من كده عظمه؟ عرفت انك مش قليل ولا حاجه, عشان انت قدرك كبير عند ربنا, بس انت اللى انشغلت شوية.
الخلاصة: افرح عشان ربنا معاك
– – – – – – – – – – – – – – – – –
اعمل كل حاجه نفسك فيها بجد, وبعد متعملها وتشبع وتحس أنك مبسوط فكر فى الناس!! مش تعتذر لاء ولا تقول مبرارت؟ برضه لاء, تديهم بالجزمه
انت اهبل؟ بتعمل حساب لشكلك ومنظرك قدام ناس عايشين فى خيالك ولنفرض انهم عايشين معاك, لو مضطر تقولهم مبرارات تبقا فعلا اهبل؟ مين دول؟ وتفكر فيهم ليه؟ ما انت بتتوجع وبيداس عليك ومبتفتحش بوقك بكلمه, ليه بقا تنكد على نفسك عشان خاطر شوية شخصيات مكانها الطبيعي جنينة الحيوانات؟؟
الخلاصه: اللى فاهمك بجد بيكون عارف انت بتعمل كده ليه؟ لكن ذوات المؤخرة الحمراء, هما دول اللى دايما لابسين توب العفه
– – – – – – – – – – – – – – – – –
هو احنا ليه مشاعرنا مبتظهرش غير لما نسمع اغنيه؟
غير لما بنكون لوحدنا؟
غير ومحدش شايفنا؟
ليه بنسيب اجمل لحظات في حياتنا تعدي, عشان شوية حاجات عبيطة, شكلى وبرستيجي, او كرامتي
اقولك ليه؟
عشان ساعة الوجع, لما تزورك الذكريات المؤلمه, تفضل تقول ياريتني كنت عملت ياريتني مكنتش اتصرفت بشكل ده؟ مش لو كنت وقتها عملت كده؟ مكنش حصل ده؟
هو احنا ليه مشاعرنا مبتظهرش
غير لما يكون الوقت فات!!
– – – – – – – – – – – – – – – – –
ماذا تقول لمن يرقابك بصمت : طول ما انت صامت, اوعى تزعل طول مانا عامل عبيط
#Quoted
YOU ARE READING
كلام من الاخر 😅😘
Poetryهنا هتلاقي قصص جميله جداً وكاتبات عسل بجد تسلم ايدهم وأفضل ما اشتغلت به كتاب جليل نفعه حلو المذاق فمن لم ير إلا بلده يكون قد قرأ الصفحة الأولى فقط من كتاب الكون فيقول لك المرشدون إقرأ ما ينفعك، ولكني أقول بل أنتفع بما تقرأ وما النسيان سوى قلب صفح...
