📜
أحياناً البُقع بتكون جميل!
~ ~ ~ ~ ~
كنت قاعده في البلكونة بليل، في هدوء الليل ونسمات الهواء، وقتها بس بنحس بروحنا، بنحس بآخر شظايا فيها من وسط التوها اللي هي موجوده فيها، وقتها كنت ببص للسماء والنجوم اللي بتلمع، وازى أن النجوم دى اتحرقت من الآلاف السنين ودا الشظايا اللي باقيه منها لينا ومع ذلك بالمعان دا، محتفظها بلمعنها ورونقها بعد ما انتهت، واحنا مع أول هزيمه لينا في حياتنا بنبهت ونحس أن خلاص وقعنا ومش هنقوم،
فوقت من شرودي على صوت رساله من رقم غريب:
_يابخت السماء عشان بتتكلمي معاها كتير وتعرف كل اللي جواكي..
قمت ابص حواليا شبه المجنونة من دا اللي شايفني وانا قاعده في الضلمه ومافيش حد موجود حواليا! فجاه لاقيت رساله تانيه مكست الفون بسرعه:
_متخفيش اوى كدا، وادخلي نامي عشان الجو بارد عليكي.
مسكت الفون وأنا متوتره وكتبت:
أنت مين؟
_قولتلك ادخلي نامي الجو بارد، تصبحي على الخير.
إيه الكائن غريب الأطوار دا وجاب رقمي منين وشافني ازى اصلا، فجاه لاقيت رساله تانيه:
_قولتلك ادخلي نامي وبطلي تفكير عشان تعرفي تنامي شويه بدل ما قربتي تبقي زومبي من كتر سهرك.
أبتسمت ودخلت رغم قلقي من اللي حصل ومش فاهمه حاجه فيها دا بس استغربت أن ازى يعرف أن بسهر وهو شايفني ازى اصلا، من كتر التفكير نمت وصحيت الضهر على صوت مسج، نفس الكائن الغريب بتاع بليل:
_اصحي عشان تتعودي تنامي بليل بدل سهرك دا، ومتنسيش تفطري بلاش تشربي شاي على الريق، صباح الخير.
أبتسمت وازى عارف برضه أن مش بفطر وأقوم اشرب شاي، قمت فتحت البلكونة يمكن اقدر اشوف مين دا لكن مافيش حد مافيش أي عماير قصدنا واكيد لو حد في البلكونة اللي حوالينا مش هيقدر يشوفني كويس، طب مين دا؟
بعت مسج تاني:
_متحاوليش مش هتعرفي تشوفيني، وادخلي افطري.
دخلت وأنا محتاره اوى ومش فاهمه حاجه ولابست ونزلت أجيب كتب أو رواية جديدة من المكتبه.
نزلت جبت روايات ورجعت البيت، أول ما وصلت بعد مسج:
_اتمنالك قرايه سعيده، وبالمناسبة كنتي جميله انهارده، وشكراً انك صحيتي ومنمتيش تاني.
لا بقا كدا كتير انا كائن فضولي بطبعه وكفايه أن كل دا ساكته مش هقدر أصبر اكتر من كدا، كتبتله:
_اولا شكراً لك على اهتمامك اللي غير مفهوم دا، ثانياً ممكن اعرف حضرتك مين وعرفت عني كل دا ازى.
بعتها وفضلت مستنيه يرد واتمني يجاوبني ويقول هو مين، لاقيته رد فتحتها،
_اولاً مش محتاج تشركيني على اهتمامي، ثانياً هتعرفي أنا مين في الوقت المناسب.
وقت مناسب أي دا أنا عوزه اعرف دلوقت، بعت:
_لا معلش ممكن أعرف دلوقت بدل ما أعملك بلوك.
_قولتلك الوقت المناسب، والبلوك مش هيمنعني ابعتلك برضه.
أي الاستفزاز دا فاكر نفسك مين طب والله أعملك بلوك، عملت بلوك وقفلت الفون ونمت، انا مش بسمع كلام حد أنا هنام وأسهر براحتي ماله هو، نمت وصحيت على صوت رساله تانيه من رقم غريب برضه بس للحظه حسيت أن هو لا دا أكيد فتحت الرسالة:
_قولتلك البلوك مش هيمنعني أن ابعتلك، وعلى العموم لو عوزه تعرفي أنا مين الساعة 5 هستناكي عند البحر.
أنت تقرأ
كلام من الاخر 😅😘
Poetryهنا هتلاقي قصص جميله جداً وكاتبات عسل بجد تسلم ايدهم وأفضل ما اشتغلت به كتاب جليل نفعه حلو المذاق فمن لم ير إلا بلده يكون قد قرأ الصفحة الأولى فقط من كتاب الكون فيقول لك المرشدون إقرأ ما ينفعك، ولكني أقول بل أنتفع بما تقرأ وما النسيان سوى قلب صفح...
