📜
- قدمى الطلبات دى لتربيزه رقم ١٠
- ما بلاش انا.
- هما طالبينك بالاسم ولو مروحتيش هيعملوا مشكله.
- ما انا لو روحت بردو هيحصل مشكله.
- يعنى اقولهم ايه؟
- اخدت الطلبات منها... انا هروح خلاص.
كنت رايحه وانا ضاغطه ع الصينيه وبقدم خطوه وبرجع التانيه، كان قلبى بيدق جامد، وبدعى ربنا من جوايا ان يخلص كل حاجه ع خير.
- اتفضلوا دى الطلبات.
حطيتها وانا بلتفت حد مسك ايدى.
- ما تستنى يا عسل مستعجله ليه؟
- لو سمحت سيب ايدى عندى شغل.
- ما احنا شغل بردو، ولا فيه شغل احسن مننا؟
- عينى دمعت.. لو سمحت سيب ايدى بقى.
- رفع حاجبه.. ولو مسبتهاش؟
- هنادى المدير واحكيله ع اللى بيحصل دا لان كدا كل حاجه زادت عن حدها.
- قعد وحط رجل ع رجل... تمام ناديه وانا مستنى يلا.
- نعم!!!
- قام فجأه وخبط ع التربيزه ووقع كل اللى عليها... انا عايز اعرف مدير المكان دا فين!
- انت بتزعق ليه هوا مين المفروض يزعق!
- انتى عايزه تزعقيلى كمان!!
- بس انا مقولتش كدا وبعدين....
- وقتها المدير جيه... خير يافندم!
- الانسه بقولها عايز طلب زياده تقولى ما كنت تطلب الاوردر كله ع بعضه ، وبقولها من فضلك وبكلمها بالذوق وقعت كل الطلبات وزعقتلى ، ايه الخدمه الزفت دى؟
- بس انا معملتش كدا!
- قصدك انى كذاب صح؟
- لا بس انا....
- اعتذرى يا حنان فورا.
- نعم؟ ، حضرتك اسمعنى زى ما سمعته طيب!
- الزبون دايما ع حق ياحنان.
- يعنى دا اللى ربنا قدر حضرتك عليه!
- الطلبات كلها مخصومه من مرتبك ، ولو معتذرتيش اعتبرى نفسك مرفوده!.
غمضت عينى ودمعه نزلت منها، انا اتمنيت النهارده يعدى بس ع خير هوا دا كتير، طيب اعمل ايه اعتذر ع حاجه معملتهاش ليه، ليه الناس مفتريه وظالمه بالشكل دا!
- حنان!!!
- طبقت ايدى وضغطت عليها جامد وغمضت عينى
انا... ، ا... انا.....
- هيا مش هتعتذر لانها مش غلطانه!
فتحت عينى والتفت لقيته شاب زبون زى غيره.
- وحضرتك مين ان شاء الله.
- انا زبون والزبون دايما ع حق ولا ايه؟
المدير بص ليه وسكت.
- احنا نشوف كل كاميرات المراقبه ونسأل زمايلها ونشوف مين اللى صح حضرتك.
جمع كل زمايلى. وسألهم وكلهم جاوبوا ان اه كان الزبون دا بيدايقنى دايما حتى كاميرات المراقبه وضحت كل حاجه ، وسال كل اللى في المطعم قالوا ان هوا اللى غلطان، كان رايح جاى وبيدور ويجيب ادله ويسال دا ودا وانا مش سامعه اى حاجه حواليا ولا حاسه بحاجه وعيونى مش مركزه غير عليه ، عليه هوا وبس وهوا بيتحرك ويروح ويجى وانا مش فاهمه طلعلى منين دا!
YOU ARE READING
كلام من الاخر 😅😘
Poetryهنا هتلاقي قصص جميله جداً وكاتبات عسل بجد تسلم ايدهم وأفضل ما اشتغلت به كتاب جليل نفعه حلو المذاق فمن لم ير إلا بلده يكون قد قرأ الصفحة الأولى فقط من كتاب الكون فيقول لك المرشدون إقرأ ما ينفعك، ولكني أقول بل أنتفع بما تقرأ وما النسيان سوى قلب صفح...
