ليه اسم شركة فيس بوك اتغير الي ميتا ؟
سؤال مطروح بشكل كبير الفترة دي ، وفي المقال دا هجاوبكم ان شاء الله ، عايزك بس تصحصح دماغك معايا وتركز لكل معلومه هقولهالك ،
من فترة كان فيه اشاعه علي السوشيال ميديا كلها بتقول ان مارك هيغير اسم الشركه من فيسبوك الي ميتا ! وطبعاً مش عايز اقولك كمية السخرية اللي من الناس ،
اللي يقول هو اتهبل ولا ايه 🤔 ، وكوميكسات بقا ، واللي يقولك هيغير اسم الشركة من ميتا الكلام دا 😅 ، وانا ميتا علي نفسي من الضحك ومنتي القلش اللي في الدنيا ، ودا مش حاجه غريبه علينا كمصريين 😃
لحد ما مارك ذات نفسه اعلن بشكل رسمي عن تغيير اسم الشركه من فيسبوك الي ميتا !!
وبعيداً عن الهزار تعالوا ناخد الموضوع بجد ونشوف السبب خاصة ان واحد زي مارك مش عبيط مثلا وانت اكيد مش انصح منه ومن فريقه الخاص بيه واكيد مش هيتصرف بعشوائيه 😉
بداية قبل ما اقولك واكلمك عن تغيير اسم الشركه حابب افكرك انه من فترة مش كبيرة حصل عطل في فيسبوك استمر قرابة 6 ساعات وبعدها كل شيء رجع تاني لطبيعته ،
ايه بقا سبب العطل ؟
الحقيقة كل المعلومات المقدمة لينا كلها توقعات او افتراضات عن الاسباب لان مارك وشركته محدش افصح عن الاسباب الحقيقية لتعطل الفيسبوك ،
اما التوقعات كان منها اللي بيقول انها هجمة من مجموعة من الهاكرز ، او فشل في تحديث معين للتطبيق ، ومنهم اللي قال ان السبب يرجع للادارة نفسها والسبب دا انا بميل ليه اكتر وهعرفك السبب ،
بس قبل ما اقولك علي السبب هجاوب علي سؤال كان مطروح ، ليه شركة فيسبوك خسرت ما يقارب 7 مليار بسبب العطل ؟؟!! ، والسؤال دا ليه علاقه بردو بتغيير اسم الشركة ،
اولا شركة فيسبوك بتستحوز وبتحتكر التواصل الاجتماعي في العالم ، اشهر واكبر تطبيقات التواصل اصبحت ملكها ( فيسبوك – انستجرام – واتساب – ماسينجر – اوكولوس )
والتطبيقات دي بيتم صنعها بلغات البرمجة المختلفه وبيتم التحكم فيها عن طريق ما يسمي ( الخوارزميات )
والخوارزميات هي عبارة عن مجموعه من القوانين البرمجية الموضوعه بشكل مسبق لحل المشاكل المتكررة ، يعني مثلا انت لما بتستخدم برنامج الورد للكتابة ، لما بتكتب كلمة غلط بيحطلك تحتها خط احمر ،
هنا انت كتبت بشكل خاطئ ودي بالنسبه للكمبيوتر مشكلة ، عشان يحلها بقا يعمل ايه ؟ هي دي الخوارزميات ، بيقوم الكمبيوتر حاططلك خط احمر ينبهك ان فيه شيء غلط ، وكل مرة هتغلط هيعمل نفس التصرف ،،، وابسط تصور للخوارزميات دي هو ، ان بيبقا فيه ناس كتير عندهم نفس المشكلة ، فـ اكيد موظفين شركة فيسبوك مش هيقعدوا يحلوا مشاكل كل واحد لوحدة ، فبيصنعوا خوارزمية لحل مشكلة معينه لجميع الاشخاص ، كل ما المشكله دي تحصل معاك او غيرك التطبيق هيتصرف معاك علطول زي ما هو متبرمج ،،
أنت تقرأ
كلام من الاخر 😅😘
Poetryهنا هتلاقي قصص جميله جداً وكاتبات عسل بجد تسلم ايدهم وأفضل ما اشتغلت به كتاب جليل نفعه حلو المذاق فمن لم ير إلا بلده يكون قد قرأ الصفحة الأولى فقط من كتاب الكون فيقول لك المرشدون إقرأ ما ينفعك، ولكني أقول بل أنتفع بما تقرأ وما النسيان سوى قلب صفح...
