سلالة العنفوان ..(ذنب عيناك)

الذنب30ج2

البارت30

رواية...ذنب عينيك...سلالة العنفوان
منقوله للكاتبه...نور سمو العراق

💔💔💔💔💔💔💔💔💔💔

............................‏علمونا ونحن صغار أن طائر البوم شؤم .. وأن الغراب يأتي بالخراب .. وأن الثعلب ماكر ..والذئب غدار  .. والجمل يحمل الغيظ في قلبه .. علمونا أشياء عن الحيوانات لم نجدها فيهم .. بل وجدناها فقط في البشر حين كبرنا.

.....................
ص

رخات وشهكات ودموع فايضه لحضات من الصمت الصارخ اي فعلا رغم سكون المكان لكن احس الحيطان تصرخ الاثاث يصرخ احس بضجه مو طبيعيه واذاني تدوي ...
رفعت راسي بحذر شفته واكف والمسدس يهتز بيده بشكل ملحوظ وملامحها جااامده وقاسيه
لحضه من الضعف والخوف والجنون الي انتابني وشرهان لحد الان راسه وواكع علئ صدري ودمه الحار تعمق لاعماق جسمي
صرخت بخوووف من شفته مثل الذبيحه المذبوحه وراسه متهشم كله من وره تشنجت اعصابي وازركت شراييني  صرخت بعلو صوتي....لااااااااااا يمممممه لااااا ذياااااب ذيااب وخره مني
هو بعد ما فقد الحياة جسمه ثكل وارتخئ صار مثل الحاااايط وجسمه تصلب و تيبس صار صلب مثل الحجر...
ما حسيته الا انرفع من صدري و وكع علئ الارض بقسوه ارتطم وجهه بالكاشي البارد ودمه يتسابق علئ الارض ويتحرر من جسمه
رمشت بعيوني بكل رعب وخوووف الخوف طوقني جنت بحالة صدمه لحد الان اني ما راح من بالي من شفت يضربون باخويه تميم المشهد راعبني بس هل مشهد طغئ علئ كل المشاهد المرعبة الي ببالي
حطيت اديه علئ اذاني و وجهي واصرخ بصوت هستري...لاااا لاااا ماااات ماااات لا يموووت عزززاا ذياااب كتلته لااااا
جان باللحظه صكت ما حرك ساكن ولا نطق بحرف واكف والمسدس بيده ويباوع الشرهان بنظرات ما عرفت افسرها
صرت بدوامه الاطفال يبجون ضلو علئ صوتي واني محتاره شنو الاسوي لحد الان ممستوعبه شرهان مات من اول لحظه ولا مستوعبه ان الي قتله هو ذياب
لطمت علئ صدري...عزاااا لاااااا مااااات ماااات مات ليش ذياب ليييش؟
دار وجهه عليه وتقرب مني وحضني وهو بهدوء ورد عليه ....اششش يستاهل الكتل هذا يستاااهل كلب حيوان
تعلقت بقميصه ورديت عليه بانهيار واني اعاتبه...شلووون ذياب هذا قتل تعرف شنو قتل
ارجف ارجف مثل السعفه وسط اعصار طيرها من مكانها وارجف والثوب مالتي كله دم وريحة الزفر قرفتني رغم خوفي ورعبي ركضت بسرعه للحمام وانئ اتقيئ فتحت الدوش وكعدت جوه واني افرك بعيوني اكذب الحقيقه
اندك الباب مالت الشقه بقووه تفلش تفلش  وبعدها حسيت بشخص يصيح ويغلط وصارت ضجه بحيث ما اسمع بس الصياح والغلط والفشار
طلعت من الحمام كلي مي واركض ملهووفه وخايفه شفت عمي فياض وذياب صايره الهم مطاحن ...
ذياب طايحله وبوكسيات وذاك هم ما مقصر ويغلط ويصيح...كتلته كتلت شرهاااان والله اليوم اسويها عشاير والله لو تنطي الف زلمه مكان
وذياب يرد عليه...هذا الحيوان الفطس الي انت وديتو تا يعتدي علئ قربئ اجتلو واجتل الخلفو ول عاااار داز واحد يعتدي علئ،بنت اخوووك انت شنو من مله انتم شنو من بشريه والله ما متندم انه جتلتو  والله ما رف مني رمش
تركه عمي فياض وهو يركض بارجاء الغرفه بخوف وقلق مثل المرعوب ويدك علئ راسه يصيح...راح شرهان راح احزام ضهري راح ابن اختي بعز شبابه كتلو الما يخافون من الله
كعدت علئ الارض واحتضنت نفسي واشهك من البجي...
كعد عمي علئ جثتة شرهان ورفعة الصدره وهو ينوح .كله بسببي،اني السبب بلي صار الك اني السبب جان لازم اكتلها اني ما اوديك انت تكتلها اورطك
ما انصدمت من كلامه لان فعلا جان شرهان كتال ياخذ روحي ويكون سبب بموتي بس الله هو المنتقم اخذ عمره قبل لا يتجرء وياخذ عمري...
ذياب سحبني واخذ علي وغدير وصعدني بالمصعد واني ابجي ودموعي تتطافر ...
نزلنه بالمصعد تاركين الجثه ويه عمي اول ما نزلنه واشوف سيارة ذياب سافطه ركبني بيها وعاط بيه بصوت خلاني جفلت بمكاني...كاااااافي اسكتي ولا حرف لا تبجييين
كعدت وره وحضنت اطفالي واني اشهك مثل المخلوسه وارجف وجان يسوووق بسرررعه بحيث سوه الطريق مسافه نزلنه عند بيت اهل سوزان
وكف وفتح باب السياره عاط بيه بسرعه...انزليييي
نزلت من خوفي ورجليه وحده تضرب بالثانيه ونزلت علي وهو شال غدير دك الباب علئ بيت اهل سوزان بسرررعه وقوه
فتحت الباب مرة ابو سوزان بتذمر وهي تحجي...علئ كيفكم فلشتو الباب يمعودين
من فتحت الباب وشافت ذياب استحت وردت عليه..اهلا ابو علي اعذرني ما ادري بيك انت
رد عليه بتنهيده...هاي قربئ ديروا بالكم عليها عندي مشوار اخلصه وارجع
جاوبته بقلق...اي اي اهلا وسهلا تفضلي قربئ تفضلي اهلا و سهلا بيج
هو راح واني كلبي طار وياه  درت وجهي عليه بحيره وروح ذايبه شفته بسرعه ركب السياره وشخطها ما اعرف وين راح
ثقتي بذياب عاليه ادري بي ما راح ينهزم ويعوفني واعرف مستحيل يتخلي عني،بس الي خوفني هو وين راح وخلاني عند ناس غرب ما اعرف عنهم شئ
والادهئ من هذا كله ..هو شلون شراح يصير بي وهو قاتل قتل اكيد الدوله ما راح تسكت تورطنه وحتارينه حيره بس الله يطلعنه منها
راح ينكشف كل شئ للدوله مثل ما انكشف كل شئ للناس
كعدت علئ القنفه ثنينهم بحضني والطفل الي باحشائي ما اعرف شصار بيه اكيد انمرد من وره هل موقف المرعب...
نادين من شافت رجفتي وخوفي كالت بقلق واضح علئ ملامحها...خيير قربئ صاير شئ صاير بينج وبين ذياب شئ
شهكت من بين دموعي ورديت عليها...ذياب قتل ابن عمتي شرهان
من سمعت كلمة قتل وكفت مصدومه ومفزوعه من مكانها كالت...شنو قتله يعني موت حلال؟
احتضنت وجهي وبجيت بحرگة...اييي مات بحسه
لطمت علئ صدرها...عزاااااا شلون ورطه هاااي لا اله الا الله ليش وشلون قتلة
هزيت راسي بنفي وبانهيار...ما اعرف ما اعرف لا تسأليني...
مسحت وجهها بتوتر وردت علية...اسكتي اهدي لا تبجين ان شاء اللة تنحل كولي يا الله
هزيت ايدي بحيرة ..شيحلها يا نادين شيحلها مصيبه و وكعت علئ راسي اني وذياب وجهالي اني وين انطي وجهي هسه وين اروح
ردت عليه...كولي يا الله خلي عندج امل برب العالمين وبعدين احنه وين رحنه حتئ تحجين هيج ان شاء اللة كل احنه وياج
همست بحيرة ..ونعم بالله اشكرج أكيد ما تقصرون
صاحت عليها امها وهي راحت الها بسرعه بعد ما استاذنت مني
ضليت كاعده محتاره او بالاحرئ مو كاعده متوتره اوكف وارجع اكعد وينعاد عليه موقف شرهان وارجع اتهستر مره ثانيه واكعد اصبر بنفسي واقره ايات احس روحه تحوم عليه احسه روحه هنا متعلگه بملابسي بديه خوف ورعب تلبسني واني اهمس...شرهااان عوووفني شرهان اطلع
ضليت علئ هل حال ونادين كل شويه وتجي عندي جابتلي مي واكل ما كدرت لا اشرب ولا اكل احس مراره بجوفي واحسها بطرانه ويني وين الاكل هسه لازم اصخم وجهي علئ هل سالفه
وهي هم نعم الله عليها ما قصرت وهم ما تعرف شلوت تطيب خاطري وتطلعني من الحاله الي اني،بيها...
دخلت سوزان عليه وهي ملهووفه وتبجي كالت...هاااا قربئ لج احجي شصااار
باوعت الها بخوف ورجفت
كالت وهي تهز بيه...احجي الكلام السمعناه من الناس صدك صدك ذياب كاتل واحد بالشقه
جاوبتها ببكاء...اي اي ذيااااب كتل ابن عمي شرهان كتله موت حلال
دخل فاروق عيونه براسه و وجهه محتقن كال...وين ذياب
رديت عليه بانهيار...مااا ادري والله ما ادري ما اعرغ وين راح
ضرب الباب الخشبي بقبضة ايده حييل كال...صدك كتل شرهان
هزيت رأسي بأي
بلع ريكه بتوتر كال...ليش ؟
مسحت دموعي بردان الثوب جاوبته...دخل لبيتنا وحاول يكتلني وذياب كتله
جر نفس...وهسه ذياب وين
بلعت ريكي بقلق...ما اعرف هو ما اعرف وين راح
تركنا وراح وهو مسرع بمشيته وسوزان تركض وراه...فاروق دير بالك علئ نفسك
دخل ابو سوزان ومن فهم السالفه راح وراهم
كعدت سوزان يمي كالت..اجيت من الجامعه فاروق وصلني ما اشوف بس الإسعاف والخبصه بباب الشقه والشرطه محاوطه المكان من سالنه كالو واحد مكتول
بس فاروق من راح شاف الجثه وشاف عمج خله ورجع يركض وجابني هنا عرفنه ذياب الي قتله لان عمج جان يصيح..وين يروح مني ذياب والله اذا ما دفنته مكان شرهان ما اطلع فياض...
سحبت نفس وعيوني احسها غوشت بعد ما اشوف وكفت واترنحت بمكاني وبعدها وكعت مغمي عليه ما حسيت علئ شئ.....
..................
فاروق
بعد ما تريكت ويه ذياب كال ...فاروق عندي سندات اريدك تحولهن باسم قربئ
جاوبته...ول ول عليش يخووي تحول سنداتك باسمها
ضحك...احبها
رديت عليه بجديه...لا والله صدك
جر نفس كال...لا والله بس كل شئ يصير بهاي الدنيا ما اريدها من دون ملك فلازم املاكي تكون عندها حتئ تعرف شلون تتصرف
جاوبته بمزح...ويجوز يتصرفهن وتضيعهن علئ اشياء تافهه
ابتسمت...لا قربى معدله اكيد ما راح تصرفهن وتطشرهن علئ اشياء تافهه بالعكس تعرف شلون تجمع فلسها وتحافظ علئ املاكنه
رد عليه..هسه المهم هي حامل مسكينه ولو مو مسكينه بهل سالفه خاف يصير شئ حتئ يكون عندكم علم بحملها
استغربت...كلامك يخوفني يا ذياب ليش هيج دكول
جر نفس...الدنيا يوم الك ويوم عليك والاحتياط واجب لذلك لازم اكون حذر ناحية تأمين مستقبلها
هي تعبت وياي جثير وانه هم تعبتها وحملتها فوك طاقتها واريد اصحح البعض من أخطائي تجاههه عشت وياها سنين حلوه وما شبعت منها للاسف
حطيت ايدي علئ ايده طبطت عليها اطمنه...كول يا الله ابو علي ان شاء اللة تعيش وياها العمر كله
رد عليه...ان شاء اللة
اخذت منه المستندات احولهن باسمها وخليتهن بالسياره رحت للدوام ومناك انتظرت سوزان يخلص دوامها واخذها وياي للشقه وبعدين ارجع علئ دوامي مشتغل شوفير عند سوزان
اول ما جبتها واشوف التجمع الصاير والاسعاف اول ما شفتهم نغزنئ كلبي عرفت اكو شئ وهل شئ مو طبيعي خفت لا يكون ذياب انكتل بس الي اعرفه احنه طلعنه سوه ...شرجعه
تقربت منهم واشوف فياض يصرخ ولازم راس ابن اخته المتهشم عرفت ذياب كتل شرهان
ضليت اسأل بالناس كالو ..رائد بالشرطه كاتل هذا الشخص بشقته ومنهزم
عاد انه بسرعه حطيت وطرتلها اخذت سوزان لاهلها وكلت ارجع اشوف وين صار ذياب
وديتها وشفت قربئ وافتهمت منها وخليت ورجعت ادور عليه افكر هو وين يلتقي معقوله يكون سلم نفسه بهل سهولة معقووله ما اصدك
بس احتمال يسلمها لان هو يخاف علئ قربئ لا تتاذه فيسلم نفسه ولا تتاذه قربئ...
ضليت افتر وادور بعدين كلت خلي اروح يم نهر دجله هو مرات من يضوج يروح هناك...
خليت ورحت ومثل ما توقعت لكيته كاعد يم الشط ويباوعله بهدوء
حطيت ايدي علئ جتفه فزع من مكانه ولزم ايدي بقووه وبعصبية من باوعلي تنهد وجر نفس براحه
كال...شجابك هينا يوول
جاوبته بحيره...فريت بغداد عليك فر بعدها خطر ببالي هذا المكان كلت انت من تضوج تجي هنا
رد عليه...كتلت شرهان
جاوبته بجمود...اعرف شفت الناس متجمعه كلها والاسعاف شالو بس ليش كتلته وبعدين انت مو رحت للدوام شرجعك
بلع ريكه بحسره كال..ما اعرف انه رحت علئ مكان شغلي اول ما دخلت البوابه اهاجس كلبي نغزني هاجست صاير شئ هاجست قربئ مو بخير
واحد .يكلي ذياب ارجع ارجع قربى مو بخيى تعوذت بله من الشيطان الرجيم وكلت هذي من الشيطان وسوسه
مشيت خطوتين ونفس الصوت والله العظيم يصيح باذني ارجع قربى راح تموت
حبيت اريح ضميري واتغضىعن الشئ الي صار اليه بس ما بيدي ما كدرت ما شفت نفسي الا راكب سيارتي ومنطلق الها
جنت طول الطريق مقتنع ان محد عندها وكل السويته هو مجرد بسحتئ يرتاح كلبي وينزال عني الشك وجنت متأكد ان انه ارجع للشقه والكاها هي وجهالها كاعدين يلعبون
بس اول ما فتحت باب الشقه وانه اسمع صوتها شلون تصرخ وكفت كل ذره بجسمي وكف حتئ عقلي
ركضت للغرفه لكيته معتليها ويحاول يعتدي عليها وهي من قهرها وحزنها تستنجد بيه
الموقف هزني هز الا قربى ما احب واحد ياذيها ولا اريد واحد يتقرب منها
رفعت مسدسه بكل ثقه ما اهتزيت ولا ردعت نفسي عن قتله جنت ناويها براسها حتئ اجتلو بمكانو واخؤي يعرف التعده علئ عرضي شنو مصيرو جتلتو ومات
وبعدها فياض هجم من سمع صوت الطلقه الضاهر متفقين سوه ومنتظرو تا يغتصب قربى وبعدها يجتلها ويضيعون ذكرها مثل ما جتل امها واهلها من قبل ...
جريت نفس بحيره...بس يا ذياب كون ما كاتله لو كاسر رجله ايده لان هسه راح تصير قضية ضدك
لزمني من ياخة قميصي بكل غضب كال...اكلك هل عااار يريد يعتدي علئ حرمتي ويريد يكتلها وانت دكلي لو كاسره انه عقل ما ضال براسي جنت اتمنئ اكلو باسناني وارش علئ جروحو ملح ول اكلو عقل ما ضل براسي يكلي لو كاسرو
تنهدت...وهسه شلون يا ذياب شلون شراح تسوي
رد عليه بحيرة...ما اعرف يا فاروق ما اعرف
جاوبته...اطلع للبصره وبلكي تطلع تهريب بالبواخر او اي شئ خارج العراق لان اذا سلمت نفسك راح تروح بيها
جاوبني...خوش فكره كل القربئ تحضر نفسها تا اخذها لبيت جدتها حتئ اذا صحتلي فرصه اخذها من هينا للخارج وبلكي نكدر نرتاح ولو انه اهاجس كل شئ صعب وكل شئ ضدي
تنهدت...لا ان شاء اللة ماكو شئ ضدك اطلع للبصره دام بعدها القضيه ما مفتوحه وبلكي السيطرات ما عندهم علم لحد الان لان اكيد فياض هسه ملتهي بالفاتحه وبعدين يبدي يخبر
هز راسه بقبول...كلامك عين العقل ان شاء اللة باجر احنه طالعين شلونها هي؟
جريت نفس...شلونها ؟ يا ذياب بالضيم حالها مرعوبه وبس تبجي
رجع باوع للنهر كال...حقها ان متمرس علئ هل حالات وشايف وعايف وداخل حروب و وادم جثيرة ميته بحضني
هي مسكينه اول مره شخص يموت جدامها والادهئ من هيج مات قريب منها ودمه تطفر عليها...
جاوبته...مسكينه ولا ارتاحت
هز راسه باسئ...اي كله بسببي جنت عبالي الحياة سهله واكدر ادبر امري بس طلع كل شئ صعب وبهذلتها وياي بس والله يا فاروق احبها مو بيدي حتئ لو اشوفها تتعذب ما اكدر ابتعد عنها ولو ينعاد الماضي عليه هم اتزوجها واكعد الوم بروحي
رديت عليه...حقك بس تعرف انت ورطت نفسك من كتلت شرهان ادري دمك حامي بس الكتل مو حل
رد عليه بعصبية...لا حل ويه هييج مناذج مشيطنه حل عجل اشوفو هاجم علئ حرمتي وين يكتل مرتي واكلو عفيه عليك لو اصفك الو ؟
ابتسمت بحزن...لا اكيد ما تصفكله بس ما أعرف احس كتل شرهان راح يفتح عليك ابواب جهنم
جاوبني بعدم مبالاة...ما تضيق الا تفرج وشنو الي يريد يصير اكثر من هيج واسمعني هساع دير بالك علئ قربئ حاولو تنسوها الموضوع وتطلعونها من ازمتها خطيه ما تستاهل
ابتسمت...رغم المشكله الواكع بيها انت ويفصلك عن الموت شعرايه وحياتك مهدده وانت تفكر بيها بمشاعرها جااا شكد تحبها؟
رد بمزح...احبها اكثر منك
ضحكت ..ههه ولك انت صدك ما تكعد بركبتك دم وجاي تضحك عليه وعايش حالة رومانسيه ويه المحبوبه
ابتسم بحزن..وشعندي غير المحبوبه بس كون هي بخير انه دوم بخير....
اتفقنه علئ يوم يجيي اخذها بي ويرحون للبصره وفياض ما نصب فاتحه حسب ما فهمت من صديق الا يشمشم اخبار مناك لان يريد ياخذ دم شرهان من الكتله يله ينصب جادر...
والشقه مال ذياب قفلتها الحكومه وفياض دز ناس علينه اهل الغربية كال الدم بينه كتلتو واحد اكتل عشرة راس شرهان مقابل عشر روس من بيت الشامخ
قدمت اول راس قتيبه وانشوف بعد عارات موجوده بالعشيره....
............. 
قربئ...
مر يومين وين عند بيت ابو سوزان لا اكل ولا اشرب وجهي صار جلد وعظم بس افكر بذياب سوده عليه شلون راح يعيش هيج متشرد
وين ياكل وين يشرب شلون يضل هيج متبهذل عقلي،يودي ويجيب كال فاروق راح تروحون للبصره لبيت جدتي هناك ذياب يامن نفسه هناك وبعد ما اعرف
كاعدين جاي يتغدون صاحت عليه سوزان كالت...يله قربى تعالي اكلي
رديت عليها بدون نفس...ما اريد ما اشتهي والله بس اخلي علي غدي وياج
جرت نفس كالت...قربى