سلالة العنفوان ..(ذنب عيناك)

البارت 18 ج2

الذنب 18

الذنب الثامن عشر
رواية...ذنب عينيك...سلالة العنفوان
منقول لكاتبه...نور سمو العراق

💔💔💔💔💔💔💔💔💔

اعجبتني تلك الورقة التي سطرها الالم ومزقتها اليتم ونهايتها الهرب

........................

تجيني أوقات روحي تتصف بالطمأنينة وارتاح نفسا انسئ كل الالم الماضي كل العيشه السوده كل شئ يجرحني ...اعيش لنفسي الزوجي الابني

لكن للاسف لازم يجي فد شخص ويعكر مزاجي وهذا الي صار ويايه من شفت السعالو البريه من دخلن عليه

كلبي لزمته بيدي والرجفه اعتلت كل جسمي شيردن مني وشوصلهن لهنا شنو غايتهن وبيا خبث داخلات عليه دقيقه شفتهن بيها رسمت الف فكره وفكره ببالي،

وعقلي يجيب ويودي وهي دقيقه مو اكثر تقربن مني واني مصطكه باسني هنا وهنا واني ما بادلتهن وجنت تحت تأثير صدمتي وقلقي وخوفي...حتئ ما رفعت ايدي...

لزمت وجهي ام بثينه وهي تحجي،ويايه واني عبالك بدوامه بس ارجف كالت...قربى قربى عمه شبيج قربى اني عمتج ام بثينه

رمشت بعيوني وباوعتلها بذبول...شتردن جاييت تردن تصخمن عيشتي بعد ما استقريت

جرت نفس وردت عليه...لا والله اني جايه اصخم عيشة عمج العار الزمال علئ الي سواه بيه اني وبنتي وطردني من البيت

صرخت بيها متعصبه واني شدخلني،بيكم عسى ما تحتركون شدخلني،بيكم والله اكرهكم اموت منكم ليش ناوين تطينونو حياتي اني شمسويه الكم والله ما ضريتكم بشي ...

اني لا اعرفكم ولا تعرفوني ولا الي اي،شغل بيكم انت بمكان واني،بمكان شردت منكم الاخر الدنيا ولحكتوني مو انتي وحده من الناس من طلعت من السجن طردتيني ودكولين يلعبون بيج الضباط

فتحت عيونها مصدومه وئام كالت...عزا عزا شلون وعليش هيج تحجي عنج معقوله هاي المره التحمد بيج هيج تحجي عنج

ضحكت باستهزاء...اي والله هيج تحجي عني وهيج كالت طردتني بالضهريه كلهم طردوني خلوني اتمنى ارجع للسجن اتمنئ اكعد بالسجن ومحكومه اعدام ولا سامعه كلامهم واذيتهم وطردهم اليه ...

بجيت والدمع تطافر من عيوني...ولج والله طردتني واركض بالشارع العالم تباوع عليه والدموع مثل الشلال تنزل من عيوني...وذاك العار هم طردني

خلوني الوحدي واكفه بنص هل عالم شفت العالم موحش اضلم محد بي احس نفسي بغابه واكفه ما اسمع بس طنين الوادم...