سلالة العنفوان ..(ذنب عيناك)

الذنب 22ج2

الذنب 22

رواية...ذنب عينيك...سلالة العنفوان
منقوله لكاتبه...نور سمو العراق

💔💔💔💔💔💔💔💔

بعد كُل خلاف بيننا يزداد تعلقنا ببعض كأننا خيط كلما تشابك أصبح أكثر قوه. ♥️
.
......................
ص

رخت بصوت عالي واني اشوف اديه كلها تنزف دم وشعري كله دم بطني وضهري موتني ...
هي من شافتني هيج انرعبت ضلت ما تعرف شنو تسوي ضلت محتاره تروح وتجي واني واكعه بالكاع واصرخ من الوجع ..
دخلت خالتي ام ذياب تركض الضاهر حسيت بيها من اجتنه حفصه
من شافت الوضع متخربط وشافتني واكعه وابجي وحفصه بس صافنه لطمت علئ،وجهها خالتي وهي تصرخ...صخام الصخمج يحفصه شسويتي بالبنيه الله ينتقم منج
ضربته علئ،وجهها عدة مرات وحفصه جانت تبجي وتتفاده ضرباتها...
عافتها وهي تغلط عليها وتسب بيها واجت عليه تركض وجهي كله دم واديه بيها دم ما ادري منين هل دم هي فلشتني بالطاوله الكزاز
شكد جنت اخاف منها هاي الطاوله حتئ اكول لذياب المن جبتها انوب كزاز اخاف علي يوكع عليها ويصير بي شئ يا سبحان الله جنت متخوفه منها بسبب علاوي تاليها انكسرت بيه
خالتي رفعتني وهي تحجي ويايه بخووف...هااا قربى يمه يمه شبيييج شوجع
رديت عليها واني فاتحه عيوني وضهري احسه انقسم نصين...خاله فدوه خاله الحكيلي خاله ضهري راح امووت راسي يمه جسمي كله يوجعني
حاولت توكفني وهي دكول بكل غضب...الله ينتقم منج يا حفصه والله اذا ما خليت اخوج والشامخ يكسرون ايدج فلا اطلع ام ذياب ول عليش تضربينها مصكوعه انه الج...
وحفصه ترد عليها...يمه والله مو قصدي انه ردت اكضبها قبل لا تكع والله
جانت تبجي وتحجي وترجف ما تعرف شسوي
شويه واجه سيف هو وحذيفه يركضون اني ما عرفت شنو الصاير عندهم بحيث هم اجو علينه بس اجت حفصه
ركض عليه حذيفه وشالني وهو يصيح علئ سيف...سيييف حضر السياره بسااااع يله يوووول بسرعه...
ركضو بيه وحفصه تركض ورانه وتبجي صعدوني بالسياره وحذيفه رجع علئ حفصه وهطرها براشدي عمه عينها
امه كلتله...حل حيل وياها هل مصكوعه هااااي متخبله علئ الرجل الحيوانه يوولي هذا باعج ما يريدج عليش لازكه بي هي عوووبه
صعدت بالسياره جان سيف يسوق وحذيفه بالصدر واني بحث خالتي اتلوئ،وأتألم وخالتي حاطه الربطه مالتها علئ راسي شعري صار بي قطرات دم و وجهي كله دم...
وصلنه علئ المستشفئ اخذوني بالطوارئ عاينو حالتي كالو...عندي جرح بليغ براسها ينراد خياط لازم يتخيط ...وجرح بيدها هم خياط الجرح الي بيدي عشر خياطات والي براسي سته
وبعدها اجت دكتورو نسائيه فحصتني لان صار عندي نزف كالت...المشيمه مثقوبه ينراد الج علاج وراحه ولازم تربطين حتئ يثبت الطفل
اني جنت ما اعرف شنو تربطين خفت حيل كلتلها...زين الطفل مات
ردت عليه...لا ما ميت بس مهدد هاي الاشهر الاولية خطرة لذلك لازم واحد ياخذ حذر لهذا السبب لازم تربطين ...اردفت بتنهيده...منو سوه بيج هيج اذا حابه اكتب تقرير وقدمي بي بلاغ
جانت بس دموعي تتسابق ما اعرف شنو اسوي بس من سابع المستحيلات اقدم بلاغ ضد حفصه تضل اخت ذياب وعرضه وذياب هو الي حفظ عرضي وشرفي بعد ما قريب دنسه وطعن بيه...
هزيت راسي بنفي...لا محد بس دخت و وكعت علئ طاوله كزاز وتكسرت بيه محد ماذيني...
ردت عليه...عجل اخذي هذا العلاج ونخليج شويه تحت المراقبه وبعدها تجي الدكتورة الثانيه تربط الج وتطلعين ان شاء اللة ما بيج غير العافية
اجه الدكتور خيط راسي واني من الوجع حسيت الطفل طلع من خشمي ولازمه ايد خالتي ام ذياب واتوسل بيها يعوفوني
كملو خياط واجت الدكتورة ربطتلي ما كلت بس،حسبنا الله ونعم الوكيل
وضربوني ابر مهدئه وشكلولي مغذي
شكول عليج يا حفصه جنت مرتاحه قايمه بواجب نفسي،وابني وزوجي وبيتي هيج سويتي بيه هسه حتئ بعد وكفه ما اكدر اوكف...
كعدت خالتي يمي كالت...عليش ضربت حفيصه الحيوانه
جريت نفس واني امسح بدموعي...دكول من وراج انفسخت خطبتي وضلت تغلط عليه وتفشر وتطعن بيه عاد اني كلتلها اطلعي برا وهي دفعتني...
تنهدت خالتي،ام ذياب كالت...هاي وحده متخبله جثير عمن شلون فسخ الخطبه منها قتيبه حتئ تكاونت ويه حذيفه ودكله طلك وفاء مثل ما اخوها طلكني شلون الك عين تلفي اختو وانه اخوها جرحني وفسخ الخطوبه مني...
ما كدرت اجاوبها و راسي يوجعني حيييل احس شريان حيطك براسي سكتت ما حجيت ولا كلمه
كالت بتوسل...خاله لا دكولين لذياب عليها والله يموتها جتل خليها تولي وحسابها عندي انه اعرف شلون اربيها واسكطها تسكط انه الها ...
جريت نفس حزين...اجه يموت الطفل خاله والله لو ما متلاحكه علئ نفسي جان هسه اني ميته
وحفصه هاي مو اول مره هيج تسوي حفصه من زمان اسلوبها هيج وياي مره دكول اني وحده عاهره مره دكول علي ابن حرام وهسه تهددت عليه ببيتي وجان موتتني واني ما الي ذنب بلي صار
لزمت ايدي بحنان ومسحت عليها كالت...ادري بيها ادري تجرحج بكلامها بنيتي واعرفها خبيثه وتحارب الواحد بعيشتو بس ميخالف هل مرة اسكتي الخاطري
جاوبتها بحنية..تتدللين خاله ان شاء اللة ينكطع الساني اذا فتحت حلكي بكلمة وحجيت عن حفصه
خاله انتم هم اهلي والي ما ارضاه علئ اهلي اكيد ما رضاه عليكم واكيد ما اريد العلاقه بين ذياب وحفصه تتوتر ان شاء اللة تعرف كل الي سواه ويايه قتيبه واخته وعمته هو ظلم اليه ...
الله يبعث الها ايام زينه وان شاء اللة تعترف بذنبها ويبعث الها ابن الحلال
ردت عليه خالتي متفاجئة...تدعيلها
جاوبتها بحسرة...تضل اخت ذياب
اردفت بتنهيده...كل شئ يخص ذياب ما اريده يتاذه واحب الخير اله حتئ لو كان عدو حتئ الشامخ ما ردت علاقته تضل سطحيه بذياب افرح اصلا من يحمدني
تدرين خاله احجيله لذياب اكوله جدك يحبني جدك حباب يحبك دائما اريد اصفي الگلوب لان ما اريد اي مشكله لذياب بسببي ما اريد اشوفه مهموم ولا اشوفه تعبان يوجعني كلبي عليه حييل اذا شفته متكئب وضايج والله
تنهدت باست راسي كالت...اي ذياب ما يستاهل كل شئ يصير وياه بس تدرين انه جثير فرحانه بيج لان تحبينه من صدك مو الخاطر منصب وفلوس وتحبين تشوفينو مرتاح انه هذا عشمي بيج ما احب المره التنكد علئ زلمتها وهو ما مگصر وياها...
جاوبتها..لا ذياب ما مقصر حشا من التقصير...
ضليت شويه بالمستشفئ و اجه ذياب وجهه محتقن ومتعصب بس جامد وهادئ كال...شبيها قربان
وكفت خالتي بتوتر وهي تفرك باديها..ما بيها شئ مسكينه داخت من الحمل و وكعت وتخربطت وكعت علئ الطاولة الكزاز ووتكسرت بيها...وانجرحت براسها وايدها بس طفلك ما بي شئ ربطو الها...
مسح وجهه بتوتر وعصبية كال...الله كريم يصير خير
تقرب مني ولزم ايدي كال...الحمد لله علئ سلامتج ام علي
رديت عليه بغصة...الله يسلمك ذياب
مسح دمعتي همس بهدوء...موجوعه ؟
شهكت ببكاء...شويه بس الحمد لله احسن
جر نفس كال...اكيد وكعتي محد اذاج
جاوبته...اي محد
ضل يمسح على شعري بحنيه وبعدها نمت شويه جابلي عشا اكلت وضربوني ابر مثبتات مسح خدي بحنيه ويوكلني مداريني مثل الطفل...
طلعنه للبيت باتت يمنه خالتي واني بس نايمه ما اتحرك كله علئ ضهري
لكينه البيت نظيف لا ضال كزاز ولا دم تالي عرفت الشامخ داز وفاء و وحفصه منظفات البيت كله ولازم حفصه وكاتلها كتله معدلة...بس اني بصراحه ضجت ما احب تصير مشاكل من وراي احب اعيش بسلام بعيده كل البعد عن المشاكل والتوتر
جنت بغرفتي نايمه فزيت ذياب مو يمي ودنيا اليل خفت وين يروح هل رجال بعدت الغطا مني ومشيت بحذر اخاف علئ طفلي...
فتحت الباب لكن استوقفني الصوت وهو يكول لامه...لا بعد هذا هو كل شئ انتهئ بيني وبين حفصه خليها تنسئ ان هي اختي
ردت عليه امه بحنية..فدوه اروحلك يمه ذياب كول يا الله بعدها زعطوطه ما تفهم مقهورة علئ حياتها
جاوبها بغضب...حياتها شنووو يمه لا تكعدين تبررين الحفصه ولا دكولين زعطوطه ما بينها وبين قربئ فرق اصلا هي اكبر من قربئ ...
بس هاي فد وحده من دون كرامه ول انه اريد افهم علئ شنو خابصتنه بقتيبه عديمة الذوق هاي وتضرب قربان وتهدد طفلي لخاطر واحد باعها بتراب شكد تافهه وحماره
بس والله لو ما جاي ولاكني الشامخ جاتلها جان عرفت شلون اتصرف وياها هل حيوانه هاي يعني اريد افهم انه ما وكفت بعينها ما تذكرت الي موقف
عجل هساع ميخالف حرمتي غلطانه وبيها الصوج تعاي وكولي يا ذياب حرمتك هيج سوت وشوفي انه شلون راح اتصرف بس مو تتصرف من راسها ومقلله من احترامي وعادمه وجودي بحياة عائلتي ...
انه اذا عائلتي غلطانه احاسب واعاقب واكاتب واضرب تعرفيني ما ارضه بالغلط لو قربان الها سبب واحد بطلاگها من قتيبه والله العظيم احاسبها واجتلها واطيح حضها
بس مرتي ما غلطانه اصلا هم الي ضلموها وانه من صوبته من قبل لان تعده علئ حرمتي وتصرف من راسو وهي لو عندها عقل وتفكر
جان كالت هذا واحد حارب اخوي واتعده علئ عرضه شلون اوافق بي شلون اامنه علئ نفسي شلون اعيش ويه واحد يمشي برأي اختو
هو قتيبه كلو فد واحد تافهه فريال تجيبو يمنه وتخلي يسرئ وشورو مو بيدو
شلون تأمن نفسها بيد رجال شورو مو براسو ول ول والله عجيب
انه ما احب هيج احب الرجال يكون كفو كد كلمتو ومحد يسيرو علئ كيفو
خالتي جاوبته..ميخالف يمه هي تندمت وتريد رضاك
جر نفس...لا يمه خلي تولي خليها تتادب شويه ما صارت هاي قتيبه فسخ الخطبه وحفصه انكلبت علينه عنتر ابن شداد...ول
خليت ورجعت المكاني...يااا عزا يدري منو كله احتمال يكون حذيفه لان هي حفصه هم هددت حذيفه اذا ما طلك وفاء فهو مو رجال شلون اخوها طلكها...
يجوز هو الكال لذياب عنها دينتفض لنفسه وهو هماتين ضربها لخاطري
صارت منو يجي يضربها بس شو احسها خطيه رغم السوته بس تضل انثئ يارب تستوعب ان قتيبه زواجه منها ما بي صالح
وتستوعب انو الي يبيعي ابيعه ..تذكرت نفسي من طلكني شرهان وفسخ الخطوبه رغم ظروفي التعيسه بس جنت صاحبة كرامة فدوه الگلبي
شلون تفلت بوجهه ورزلته وبعته بالرخيص رغم جان يدعي الحب ولا اهتميت اله ولا الحبه
وبعد الصبر ربي عوضني بأحسن انسان ذياب والي خلفت منه علي وحامل بطفلة الثاني فعلا الصبر مفتاح الفرج
والايام الحلوه تتذكر واحضان ذياب الرجولية نستني،الم السجن والطفولة
................. .............
فاروق
من بعد ما رجعنه لبيتنا اني وسوزان حسيت بيها مسحوره لان مجاي تستجيب للعلاج واصلا ماكو تحليل ما سويناه ونفس الحاله
سوزان من النوع الي تحب الحياة وايجابية ما تحب تكون نكديه ولا سلبيه بس شخصيتها تغيرت صارت تنام هواي تفز من نومها مرعوبه
وانه هل شئ حيل مضوجني والمشكله مو هنا المشكله ابوها مضوجني شلون
انه ردت اكله ان سوزان مسحوره لان وضعها مو طبيعي وهو ابوها من النوع الي ما يثق بهاي الاشياء ولا يامن بيها والي يحجي اله هيج حجي يضحك عليه
زين يا عمو يا ابو سوزان علئ شنو تضحك وما تصدك اذا القران ذكر السحر باكثر من سوره
اكو ناس تشتغل بالشعوذه وعندهم دراسات عنها والسحر دمر هوايه بشرية انه اعرف وحده مات رجلها من وره السحر
اشك بصبيحه التجئت للسحر حتئ تبعدني عن سوزان لان سوزان سدت عنها كل الابواب وما خلت الها منفذ ان تخربنه سوه
وخاصه بعد ما صرت مقاول ودخلت كلية وهي جانت مايسه مني ادخل كلية
جانت اعتقد مسويه اليه لكن وكع بسوزان سوزان طيوبه وشفافه نجمها خفيف هي حاليا صبوحه ما نحس بسوزان بس اذا وكعت وكعه مميته اكيد ولا بد ان تعترف...
كعدت من النوم لكيت سوزان كاعده بباب الشقه وتبجي جريت نفس وكعدت يمها حضنتها بدلال وبستها...حبيبتي سوزانه ليش تبجين
ردت عليه بصوت حزين...ما ادري فاروق اريد اموت وانتم محد يحس بيه
تنهدت...شلون يروحي ما نحس بيج والله كلبي متكطع عليج بس شسوي جاي اخذج للدكاتره ونفس الحاله
دارت وجهها عليه بلهفه كالت...هاي نادين خدامة ماما دكول امها تقره علئ المريض ويتشافه اخذني الها...
تنهدت بهدوء...سوزانه يبعد كلبي ترا الوقت متاخر
ردت بتوتر وتوسل...ميخالف فاروق فدوه لا تخليني هيج اموت والله جاي امووت ياريت تحس بيه والله متت مختنكه
جريت نفس يله بدلي خليني اخذج بدلت وانه هم بدلت ورحنه بسيارتي هي جانت ما تندلهم
بس البنبه موصفه الها المكان دخلت المنطقتهم وسألت الضاهر حالتهم حيل تعبانه والعالم تتصدق عليهم فبسرعه بس سألت رجال جان كاعد بالركن مال الفرع وصلني الهم..
دكينه الباب واجانه الصوت الانثوي الناعم الناعس وهي دكول...منووووو
كلتلها سوزان حاجيها لا تنخلس من تسمع صوتي هسه دكول هذا يا ساقط جاينه نص الليل
كالت الها سوزان...نادين افتحي الباب اني سوزان بنت ام سوزان
فتحت الباب الجينكو وهي تعدل بثوبها كالت برهبه..اهلا وسهلا هله سوزان شكو صاير شئ شو جايه متاخره
سوزان بتعب...اي والله تعبانه وكلت اجي يمكم اريد امج تقره عليه واعتذر اجيتكم متاخره بس شسوي ونبي ممتحملة روحي كلبي يوجعني واريد انهزم من نفسي
ردت عليها...ادخلي ادخلي حبيبتي اهلا وسهلا بيج
سوزان باحراج...ويايه زوجي
البنيه بخجل..خلي يتفضل
سلمت عليها ودخلنه فتحت الفانوس ولمت الفراش مالتها وهي محرجه كعدت امها وسولف الها عن سوزان
حجيت وياه وفهمتها عن الي صار وعن وضع سوزان كالت...هسه اقره عليها وان شاء اللة تصير مثل الورده يمكن هاي نظرة عليها كاتلتها كتل
ويه ما نحجي اجت الكهرباء البنيه قلصت عيونها من ضوه الكهرباء ما شاء اللة حيييل حلوه مدبدبه وبيييضه وعيونها شهله وشكره ...
غضيت عنها البصر بعد ما اخذتلي صفنه ولو ابو الزوز ما مقصره تجنن بس بعدها ما ناضجه...هسه وكت نضوج البنيه مريضه طاح حضك ابو الفوارق..
كعدت المره تقره علئ سوزان وبعدين كالت البنتها موعيلي رصاصه علئ الطباخ وجيبيلي مي
راحت البنيه سوت مثل ما كالت الها امها المريضه خطيه وجابت الرصاصه تفور وخلت المي بطاسه علئ راس سوزان وخلت بي الرصاص المايع علئ علئ المي ورجع تكتل من جديد...
والله شويه سوزان هدئت ضلت تسولف ويه البنيه واني اسولف ويه الحجي كالت الي...هاي الرصاصه اول ما تطلعون اشمرها بأي مكان بي زرع او شجر...
خلينه وطلعنه اني وسوزان كالت...خلي اروح الاهلي شويه
جريت نفس بملل...لا ما نروح يعني شني نتعارك ونرجع نتصالح احنه مو تعاركنه وياهم
ردت بزعل...وكت زعل يا فاروق اني نفسيتي تعبانه مو وكت هل كلام والله تعبانه شبيك
تافئفت بعد ما كدرت اردها كلتلها..يله نروح ليش لا
شمرت الرصاصه بالشجر وخليت واخذتها الاهلها طلعلنه ابوها مرتعب كال...خير شكو سوزان بيها شئ
جاوبته...لا ان شاء اللة ما بيها غير العافيه بس هي ضايجه ورادت تجي يمكم
سحبها الحضنه وباسها براسها كال..كل الهلا بيكم هلا بيج وبفاروق بنيتي تعالو تفضلو جوه
دخلنه جوه كعدنه بالاستقبال هو حاضن سوزان ويحجي وياها مثل طفل صغير وهي ترد عليه بنعومه
يا الله هذا الانسان شكد نظيف ومتفهم ومثقف شلون تزوج صبوح جنه حصيني ما اعرف ويجيك واحد ويكلك لا تحجي علئ خلقة الله ...خلوني ساكت احسن...
راحت سوزان جوه تشرب مي وانه كعدت يم ابو سوزان
كتلة...والله احس سوزان مسحورة وضعها مو طبيعي ابد ليش هيج تغيرت فجأة اذا ما يكون سحر اكص ايدي من الاباط...
رد عليه...ومنو يسويلها سحر
كتله..ما اعرف بس لازم نفكر منو يكره سوزان ويكرهني
كال...ومنو يكرهه سوزان هي مثل الفراشه ما تاذي حتئ يكرهوها يجوز انت عندك اعداء
جاوبته بثقه...اي عندي
باوعلي وعقد حواجبه...منو ؟
جريت نفس...صبيحه
وكف مصدوم كال..بس صبيحه مستحيل تسوي السوزان وتضرها صح تكرهك بس ما توصل بيها المواصيل لهيج سوالف
جاوبته...الي يكره كل شئ يسوي
جر نفس ورجع كعد كال...ابتليت بلوه بهل مره
ضحكت باستهزاء...طلكها واني ازوجك
ضحك ...تزوجني علئ عمتك هاي اول مره واحد يسويها
جاوبته بثقه...اسويها والله عمي