سلالة العنفوان ..(ذنب عيناك)

الذنب 12ج2

البارت 12

رواية...ذنب عينيك ...سلالة العنفوان
منقوله لكاتبه...نور سمو العراق

💔💔💔💔💔💔💔💔

الامر محزن هو انه لا احد يعرف حقا كم يعاني الاخرون..يمكننا ان نقف بجانب شخص محطم تماما
ولا نعرف حتئ ما به..

..............................

حريق متصاعد واعمده الدخان تنتشر بكل مكان تبين ان هذا الحريق اندلع بمزرعتنا...

ذياب اول ما فتح الشباك وشاف النيران المتصاعده كال بصوت مرعوب...مزرعتنا احتركت

حطيت ايدي على خدي مرعووبه وكلبي احسه انخطف...عزااا ذيااااب لا نحترك...

بدل ملابسه بسرعه و فتح الباب وهو يركض اني ضليت مرعوبه ومذعورة من الي صار شلت علاوي والدخان احسه ديدخل للغرفة

شويه ورجع ذياب صاح بيه بصوت عالي وغاضب فززني من مكاني...قربى بسرعه اطلعي انتي وعلاوي بسرررررعه بسررررررعه

جنت لابسه ملابس نوم احتاريت شنو اسوي افتح الباب مالت الكنتور واسده ارتبكت حييل وارجف وهو يصيح عليه حسيت رجليه ماتت

عطت بيه بخوف...ذياب لا تخوفني علئ كيفك شنو النار وصلت للبيت

مسح وجهه وهو يهدء نفسه...لا ما يوصل بس الحذر واجب طلعي بسرعه خلئ اخوي يوديج لبيت الشامخ

درت وجهي عليه مذهولة...لااا ذياب احترك هنا وما اروح الهم

عاط بيه بغضب...قربااان مو وكتج ترا الدنيا طالعه من عيني اطلعي بسرعه لا تطك الكهرباء

ويه ما كال هيج طكت الكهرباء بالبيت كله...

تافئف بقهر...استغفر الله ياربي مو كتلج استعجلي هساع شلون اطلعكم

جان ظلام وضوه خافت يحيط بينه حتئ ما اعرف وين اتجهه بس النار المندلعه بالمزرعه شويه مضويه المكان

سمعنه واحد من الاهالي يصيح...ول ذياب طلع العائلة من البيت خليهم يجون عدنا

رد عليه ذياب...مشكور ابو صگر هساع اطلعهم لا تخاف

والله بسرعه لبست اي شئ كدامي ولبست جاكيت وشلت علي وطلعت بس اخذت جنطه بيها الفلوس والسندات كلها واغراض علاوي

طلعت شايله علي وذياب حاط اديه علئ اكتافي طلعني من البيت كله شويه جانت الطلعه من المزرعه صعبه شويه بس الحمد لله كدرت اطلع واني اشوف الحطام الي سببه الحريق...

شفت الاهالي والجيران مطلعين صوندات من بيوتهم ويطفون بالنار واكو بيهم بسطوله يطفون