မဟာအကြီးအကဲ လန်ယွဲ့က စိတ်ထဲမထားပေ။
"တစ်သီးတစ်သန့် မိသားစုက သခင်လေးနှစ်ယောက်က နက်ရှိုင်းကောင်းကင်ဂိုဏ်းကို တစ်ချိန်တည်းမှာ လာရောက် လည်ပတ်ကြတာဆိုတော့ အထက်ပိုင်းဘုံကနေ ညွှန်ကြားချက် တစ်ခုခုများ ရှိလို့လား?"
လျှိုကျောက်ယွဲ့နဲ့ ကျန်းယွင်ရှီတို့က တစ်ယောက်နဲ့တစ်ယောက် ဖျတ်ခနဲ ကြည့်မိကြသည်။ တစ်ဖက်လူက အရင်စကားပြောတာကို အသီးသီးစောင့်နေကြခြင်းပင်။
သူတို့နှစ်ယောက်လုံးက တစ်သီးတစ်သန့် မိသားစုကဖြစ်ကြပြီး ငယ်စဉ် ကလေးဘဝကတည်းက တွေ့ဘူးခဲ့တာ ဆိုပေမယ့်လည်း တကယ်တမ်းတော့ နှစ်ယောက်သားက သူငယ်ချင်းများ မဟုတ်ကြပေ။ အချင်းချင်း စောင့်ကြပ်ဖို့ လိုအပ်နေသည်။ နှစ်ယောက်စလုံးက တစ်ဖက်လူရဲ့ အကြောင်းကို ပိုမိုလေ့လာဖို့ ကြိုးစားရင်း သူတိုရဲ့ ကိုယ်ပိုင်ပန်းတိုင်ကို ဘယ်လိုမျိုး ဖုံးကွယ်ရမလဲ ဆိုတာအား တွေးတောနေကြသည်။
လျှိုကျောက်ယွဲ့က အကြည့်ကို လွှဲဖယ်လိုက်ပြီးနောက် မဟာအကြီးအကဲလန်ယွဲ့အား အပြုံးဖြင့် ကြည့်လိုက်သည်။
"မဟာအကြီးအကဲလန်ယွဲ့, ကျွန်တော်တို့ မိသားစုတွေနဲ့ အထက်ဘုံရဲ့ ကြားက အဆက်အသွယ်တွေက လွန်ခဲ့တဲ့ နှစ်ငါးဆယ်လောက်ကတည်းက လုံးဝပျက်ပြားသွားခဲ့ပြီးပါပြီ, ကျွန်တော်သိသလောက်ဆိုရင် ကျန်းမိသားစုကလည်း ဆင်တူတဲ့ အခြေအနေပဲ ဖြစ်ပါလိမ့်မယ်, အကြီးအကဲလည်း သေချာပေါက်သိနေမှာပါ!"
မဟာအကြီးအကဲလန်ယွဲ့က ခေါင်းညိတ်သည်။
"အထူးအခြေအနေအတွက် တရားဝင်ကြေညာချက် မထွက်လာဘူး"
ကျန်းယွင်ရှီက ကြားဖြတ်ပြောသည်။
"အကြီးအကဲ သတိပြုမိမလားတော့ မသိပေမယ့် လွန်ခဲ့တဲ့ နှစ်တစ်ရာအတွင်းမှာ ဘယ်သူကမှ တိုက်ကြီးငါးတိုက်ကနေ အောင်အောင်မြင်မြင်နဲ့ တက်ရောက်နိုင်သွားတယ် ဆိုတာ မရှိသေးဘူး,တစ်စုံတစ်ယောက်က နက်ရှိုင်းဘုံအဆင့် ထိပ်ဆုံးရောက်သွားပြီး ကမ္ဘာအဆင့်ဘုံကို ချိုးဖြတ်နိုင်ခဲ့မယ်ဆိုရင်တောင် ဆင်းရဲဒုက္ခ ခံရတဲ့အချိန်မှာ သေဆုံးခြင်းနဲ့ပဲ အဆုံးသတ်သွားတာပဲ"
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
Chapter(311) - နီစွေးရောင်သတ်ဖြတ်ခြင်းအမိန့်
Start from the beginning
