Unatengရဲ့အဖေ စိုက်ပျိုးထားခဲ့တဲ့ဟင်းသီးဟင်းရွက်စိုက်ခင်းလေးတစ်ခုရှိတယ်။မြေဆီမြေသားကောင်းလွန်းတာကြောင့် သေချာဂရုမစိုက်နိုင်သည့်တိုင်အောင် အသီးအရွက်တွေက သူ့ဘာသာ ကောင်းကောင်းမွန်မွန်ကြီးထွားနေကြတယ်။တောရိုင်းဟင်းသီးဟင်းရွက်တွေနဲ့
တောရိုင်းသစ်သီးဝလံအမျိုးမျိုးအပြင် သစ်ကြားသီး၊ သစ်အယ်သီး အစရှိတာတွေကို အခြောက်ခံထားပြီး ထိန်းသိမ်းထားတာကြောင့်အချိန်ကြာမြင့်စွာ စားသုံးနိုင်ပါတယ်။အတိတ်ဘဝတုန်းကဆို ဒီလိုအစားအသောက်တွေကို စုဆောင်းဖို့ ခက်ခဲခဲ့တယ်။ဆာလောင်မှုကို ဖြည့်တင်းနိူင်ဖို့အတွက် ကြိုက်တာတွေရော၊မကြိုက်တာတွေရော အကုန်စားခဲ့ရတယ်။တစ်ခါတစ်လေမှသာ ကြိုက်နှစ်သက်တဲ့စားစရာတွေကို စုဆောင်းနိူင်တာပါ...လမ်းလျှောက်နေရင်းနဲ့ မျက်လုံးတွေကို တဖြည်းဖြည်းချင်းဖွင့်ကြည့်လိုက်တယ်။ရင်ထဲမှာခံစားနေရတဲ့ နာကျင်မှု ဝမ်းနည်းမှုတွေကို ဖိနှိပ်ထိန်းချုပ်ထားပြီး ရှေ့မှာမြင်နေရတဲ့ ရှုခင်းတွေကို အာရုံစိုက်ဖို့ ကြိုးစားလိုက်တယ်။
တောင်ကြားချိုင့်ဝှမ်းတစ်ခုလုံးမှာ သစ်ပင်ပန်းမန်တွေစုံလင်စွာပေါက်ရောက်နေတာကြောင့် တုနှိုင်းစရာမရှိလောက်အောင်လှပနေပါတယ်။အတိတ်ဘဝတုန်းက အမြင်အာရုံတွေမဆုံးရှုံးခင်တုန်းက ထွက်ပေါက်ကို အသည်းအသန်ရှာနေရတာကြောင့် ရှုခင်းတွေရဲ့လှပမှုကို သတိမပြုမိလိုက်ဘူး။အမြင်အာရုံဆုံးရှုံးသွားချိန်မှာတော့ ရှုခင်းတွေကို မြင်တွေ့ဖို့ရာ ဘယ်လိုမှမဖြစ်နိုင်တော့ဘူးလေ....
အတိတ်ဘဝရဲ့ အရိပ်ဆိုးတွေထပ်တလဲလဲ ပေါ်လာနေပေမယ့် သူဘေးနားမှာ လော်ရှို့ရှိနေပြီပဲ...လော်ရှို့ရဲ့လက်ကိုဆုပ်ကိုင်ပြီး ရှေ့ကိုပဲဆက်လျှောက်ရပါလိမ့်မယ်.....
လော်ရှို့က မုန့်ရန်ရဲ့မျက်နှာကို ခဏခဏလှည့်ကြည့်နေတယ်။မုန့်ရန်က မျက်စိရှေ့မှာမြင်သမျှအရာတွေကို လေးလေးနက်နက်ကြည့်ရှုနေတယ်လို့ ခံစားနေရတယ်။မုန့်ရန်ဆီကနေ အမျိုးအမည်မသိတဲ့ခံစားချက်တစ်ခုကို ခံစားနေရတယ်။
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
Chapter (83)
Start from the beginning