كسرة عشق

الجزء الثاني الحلقة34

السلام عليكم راح نبدأ بالبارت ال34
  بس الي أطلبه منكم أنو من تكملون البارت كتبولي تعليق حلو مثلكم وصوتوا الي حتى أستمر بالكتابه
الحلقه ال34
________________---------------___________

حسيتة يريد يحجيلي شي توة دينطق اجة محمد صاحة وكال ماكو شي وطلع نضفنة المطبخ وحمينة الجاي جان نسمع صوت دوريات باوعنة من شباج 3 دوريات طبكن يم المضيف ونزلو عساكر اجة فهد يركض
فهد:رواد طلعي الكهوة بساع
رواد:هاك طلعتهة كال فضل من امس
سديم:اخذهة وراح يركض بقو طابين طالعين ولد عمي كلهم موجودين صعدت لغرفتي نزعت شالي ولبست تراك وتمددت جسمي تعبان كمت طفيت الضوة وشغلت التلفزيون تغطيت وطلعت فلم بقيت اباوع للنص وغفيت كعدت ع صوت باب الحمام محمد جان طالع اجة تمدد يمي وطلع جكارة دخنها وصافن دك جهازة وكال اي هسة جاي كتلة شكو محمد
محمد:ماكو شي حبيبي نامي
سديم:باسني وطلع انيهم نمت كعدت العصر ب6 سبحت وحطيت حمرة خفيف ولبست دشداشة لونها مشمشي حطيت شال ع راسي ونزلت كلهم وجوهم صفرة وبعدهم طابين طالعين والعياط موكف لل7 كمنة سوينة عشة بس طبخنة تمن احمر وروبة وزلاطة والولد جابو سمج ودجاج شوي للضباط صبينة وكملنة كعدت اكلت سمج شوية نوب كمت غسلت وكعدت رجعو الاكل ما ماكلين كلش صبينة جاي نضفت المطبخ وعزلتة عزلنة الصالة ومحد يقبل يحجي كلها ذابتها صامت مليت وصعدت شغلت تلفزيون طلعت حلويات وكعدت اكل واتفرج مسلسل كملت فرجت اسناني ولبست تراك وغفيت باوعت ساعة ب9 ونص كلت بيني وبين نفسي شبية هلكد دا انام صدك ماصيطرت ع روحي نمت كعدت ع صوت طركعة بالكناتير كمت بضوجة  باوعت محمد مخبوص بس شافني كعدت كال
محمد:حبيبي كومي ع سريع دوريلي جواريبي السود ومسحيلي الحذاء الاسود عفية بسرعة معندي وقت
سديم:كمت بسرعة لبس العسكري طلعت الجواريب ومسحت الحذاء والخوف ماكلني الساعة ب11 ونص خفت علية ردت اسئلة بس ترددت بالاخير كتلة محمد شكو وين تريد حجيت بخوف والدمعه بعيوني
محمد:ماكو شي حبيبتي شغلة اكضيهة وارجع نامي بوية لتخافين ماشي حبيبي ماكو شي
سديم:محمددد دحجي شنو الشغلة ويامن حتروح كام وهو حاط الجكارة بحلكة سحب المسدس وحطة بخصرة طلع الجكارة طفاها وتقدم علية باس راسي وحضني
محمد:ماكو شي لتخافين يلا يابعد روح محمد نامي
سديم:ماشي باس خدي وطلع لبست فوك ملابسي رداء بي سحاب وشال نزلت وراة كلهم كاعدين والجوة لونها مخطوف كعدت يمهم
باوعت حتى هيام موجودة حجيت بقلق شكو ليش راح محمد شصاير
شيخة زهرة:يمة ماكو شي روحي نامي
سديم:عليج الحسين احجي شكو
هيام:لج هاي ابن خالتي نسجن واجوي ع ابوي ومحمد وهسة رايح داج واحد بسجينة فطلعو
سديم:هيام تحجي وتصفن وتمتمت ماقتنعت بس كلت يجوز صدك ها ماشي عبالي اكو شي اكلج يمة خل احد يروح ع ماما اطياف يشوفها محتاجة شي
شيخة زهرة:راحولها فضل وفهد متحتاج شي
سديم:ماشي لعد تصبحون ع خير صعدت نزعت ردائي بقيت اباوع يوتيوب لل1 حسيت روحي مخنوكة نفس الخنكة الي اجتي بيوم وفاة علي صدري مقبط وممرتاحة كلبي لاجمني طلعت صورة علي كابتلهة وبجيت اوف بابا شمشتاقتلك اخ هاي تاليتي احجي وية صورتك وماراح اشوفك ابد ضلت حسرة بكلبي شوفتك والحسين بستهة ورجعتها لمكانهة بلكوة نمت اله سمعت قرأن حلمت بقفص جبير بي طير واحد وميت جان القفص مزنجر واسود كعدت ع لمسات بشعري فتحت عيوني طلع محمد يلعب بشعري من شافني كعدت رئسن نزل عيونة حسيتة ديبجي شغلت التيمبلام
محمد:طفي كملي نومتج
سديم:صوتة مخنوك بلكوة يحجي كلبي نغزني محمد شبيك شكو ليش عيونك حمر
محمد:من الدخان لأن منايم
سديم:هاا رجع راسي بحضنة سكتنة شوية
محمد:بابا بعدج صلين
سديم:ي جنت بس هسة قطعت لمن تمرضت
محمد:حلو يعني انتي تؤمنين بالقضاء والقدر
سديم:ي طبعا
محمد:تدرين انتي قوية وسباعية
سديم:هاا ي صح اني قوية
محمد:عفيه بوية يلا نامي
سديم:بس ليس سئلتني
محمد:ماكو شي ياروح محمد نامي
سديم:سمعت صوت عياط جوة فزيت من حضن محمد لزمني بقوة
محمد:شبيج حبيبي
سديم:صوتتت عيياااططط دتسمع
محمد:لالا ماكو شي هاي يتهيئلج نامي عمري
سديم:محمد شنو انام داكولك عياط امشي شوف شكو يمعود لتخوفوني
محمد:جريتها لحضني وحضنتها بقوة سديم اريد اكولج شي بس اريدج تبقين قوية ماريد تضعفين
سديم:شكو محمد بابا بي شي اطياف بيها شي حاجيني شكو كلبي نعصر وروحي شاطت اريد بس يحجي
محمد:ضميتها بحضني والعب بشعرها البقاء لله كلنا ع هذا الطريق عمي كاضم توفة
سديم:خبر مثل الصاعقة نزل ع راسي راجدي وفززني صرخت بقوة من اعماق كلبي حسيت روحي طلعت محمممددددد لتحجييهااا فدوة ككوليييي جذبببب فدوة
محمد:اااششش اهدئي لتسوين هيج حرام يتعذب
سديم:فقدت بالصراخ والبجي صوتي وصل لسابع جار كمت اضرب بي بقوة ولكككك وخخخررر خل اروححح وخخخررر
محمد:قيدتها بحضني احاول اهدية تخبلت علية كاااافييي اااشش ولج كافي بابا اصبري خل احاجيج
سديم:شلوونننن يعوفننييييي والله ادري جذب تريد تقهرني مو كولي والله ماسوي شي بس احجيلي دجذب هوة اني وين شفتة ميعوفني والله العظيم  دموعي موكفت ماعرف شحجي ماعرف شسوي الدنيا وكفت بعيني كلبي وكف روحي شاغت بقيت اطلع حركة كلبي بالصراخ والبجي بس عوفني خل انزل حباب
محمد:اهدئي خل احجي وياج حبيبي
سديم:اول مرة اشوف محمد هيج مكسور عيونة ماليهن الدمع ودم جان يتوسل بية بس اسكت هدئت بحضنة بس صوتي شهكتي ودموعي موكفن