နှလုံးသားတို့မည်သည်
ခက်ပါပေ့ ၊
ချစ်ခြင်းမေတ္တာ၏
အနှောင်အပတ်သည်ကား
တစ်စုံတစ်ဦးဆီ၏
နှလုံးသားငယ်ထံသို့သာ
စုန်ဆန်စေ၏ ။: ကုဋေကုဋာထက်နှင်းဆီ :
တစ်နှစ်ကြာပြီးနောက် ... ။
In French , Bruniquel
: ကုဋေကုဋာထက်နှင်းဆီ :
ပန်းပွင့်တွေဝန်းရံထားတဲ့ ပြင်သစ်မှရွာလေးတစ်ရွာသို့ ကုဋာတစ်ယောက်ရောက်နေသည် ။ Camera တစ်လုံးအားကိုင်ထားလျက်ပင် နေကြာပန်းခင်းကြီးဘက်သို့ မျက်နှာမူထားလျက်ပင် တိုက်ခတ်လာသည့် လေအဟုန်တွင် လိုက်ပါစီးမျောနေလိုက်သည် ။
Aveyron နှင့် Vère ဟုဆိုသော မြစ်နှစ်ခု၏အထက်ဘက်တွင်တည်ရှိပြီး ကျောက်တုံးအိမ်ကလေးများဖြင့်တည်ရှိနေသော ဤဒေသသည် နွေးထွေးလှသည်ဟု ကုဋာထင်မိသည် ။
"ကျွန်တော်ကတော့ သဘာဝတရားတွေကိုမြတ်နိုးတတ်နေပြီ ၊ ပြီးတော့ ... နှင်းဆီပန်းတွေကိုရောပေါ့ ၊ လူ့အသိုင်းအဝိုင်းထဲလည်း ဝင်ဆံနေပါပြီ ။ ဒါပေမဲ့ ... မပြောင်းလဲသေးတဲ့အရာတစ်ခုက ရှိနေသေးတယ် ၊ အဲ့ဒါကတော့ ကျွန်တော် အစ်မကို မြတ်နိုးနေတုန်းပါပဲတဲ့ ... ။"
"Hey ... Rosellia !"
အော်ခေါ်သံတစ်ခုနှင့်အတူ ပြင်သစ်သူကလေးတစ်ယောက်သည် ကုဋာနှင့်မလှမ်းမကမ်းတွင်ရှိနေသော ပန်းဆိုင်လေးထဲသို့ဝင်သွားလေသည် ။ ထိုဆိုင်အတွင်းမှ အရိပ်အယောင်လေးအား ကုဋာတစ်ယောက်ဖြတ်ခနဲပင်တွေ့လိုက်ရသည် ။
ရင်းနှီးနေဟန်ရှိသော အရိပ်ကလေးသည် သူ(မ)နှလုံးသားလေး၏ ဆိုင်သူသာဖြစ်ခဲ့ရင် ... ?
"Hey ... ကုဋာ !"
ခရီးစဉ်အစမှအဆုံးထိ လိုက်လံကူညီပေးခဲ့သော ပြင်သစ်သူသူငယ်ချင်းလေးမှ လာရောက်ခေါ်ဆိုသံကြောင့် ကုဋာတစ်ယောက် ထိုကောင်မလေးရှိရာဘက်သို့ ခေါင်းအားလှည့်လိုက်တော့သည် ။
"ဘယ်လိုလဲ ? ဓာတ်ပုံရိုက်လို့ဝပြီလား ?"
"အင်း ၊ ဒီဒေသလေးက တကယ်နေလို့ကောင်းမဲ့ပုံလေးနော် ၊ မနက်ဖြန်ပြန်ရတော့မယ်ဆိုတဲ့အတွေးက ဝမ်းနည်းစေတာတော့ အမှန်ပဲ ။"
ВЫ ЧИТАЕТЕ
ကုဋေကုဋာထက်နှင်းဆီ || 𝑹𝒐𝒔𝒆
Подростковая литератураငယ်ရွယ်ပြီးထက်မြက်လှတဲ့ ကောင်မလေးနှစ်ယောက်ကြားက မာနအားပြိုင်မှုတွေနဲ့အတူ ရရှိခဲ့တဲ့ခံစားချက်တချို့၊ နူးညံ့လှတဲ့ချစ်ခြင်းမေတ္တာအကြောင်းကိုရေးဖွဲ့ထားတဲ့သာမန်ဇာတ်လမ်းလေး တစ်ပုဒ်ပါပဲ ။ • ကုဋေကုဋာထက်မြက် x ကျော့နှင်းဆီ • Start Date >>> { 27.1.2021 } End...