နှင်းဆီကထက်မှန်းသိတယ်၊
ဆူးများမှန်းသိတယ်
ဒါပေမဲ့ ဆူးပုံထဲ
ခုန်ချကြည့်ချင်သေးတယ်
နှင်းဆီဆူးက
ဘယ်လောက်ထိဆူးနိုင်မှာမို့လိုလဲ ?
နှစ်နှစ်ကာကာနဲ့
မြတ်နိုးမိခဲ့ခြင်းတွေမှာ
နောင်တတရားတွေဆိုတာ
အလိုလို
ကင်းမဲ့ဇုန်ထဲရောက်ကုန်တယ် ။
မာထန်ပြီးထက်မြက်တဲ့
မိန်းမတစ်ယောက်ဟာ
နုနယ်လှပတဲ့အလှမျိုးနဲ့
ထိုက်တန်ပါတယ် ။
ရူးခဲ့တာ၊ မှန်တယ်
ကိုယ်ရူးခဲ့တာပေါ့
အမည်ဖော်မရတဲ့
ခံစားချက်တွေကြားမှာ
မင်းကိုရူးသွပ်ခဲ့မိတာလည်း
မိုက်မဲခဲ့မိခြင်းတစ်မျိုးပါပဲ ။
နူးညံ့စွာနဲ့ဆိုလာတဲ့
ထွက်သွားပေးဆိုတဲ့စကားဟာ
နားထဲကနေမထွက်နိုင်သေးဘဲ
တည်ရှိနေတုန်း ။
အချစ်ဆိုတာ
ကျော့နှင်းဆီနဲ့စပြီး
ကျောနှင်းဆီနဲ့ဆုံးတဲ့
ဓားသွားထက်က
ပျားရည်တစ်မျိုးပဲ ။ ။
|| ကုဋေကုဋာထက်မြက် ||
°°°
ရယူခြင်းဆိုတဲ့အတ္တ
မင်းမှာရှိနေသ၍
မင်းဟာ မင်းအတ္တတွေထဲမှာ
လှောင်ပိတ်မိနေဦးမှာပဲ ။
မင်းလာနွယ်လိုက်တဲ့ မိန်းမက
မင်းအပေါ်
ဘယ်လောက်လွှမ်းမိုးနိုင်တယ်ဆိုတာ
မင်းမမေ့နဲ့ ။
မှတ်ထား၊
ကျော့နှင်းဆီဆိုတာ
အဲ့လိုမိန်းမမျိုးပဲ ။
|| ကျော့နှင်းဆီ ||
°°°
Mini Story လေးဖြစ်ဖို့များပါတယ် ။
ဖတ်ပေးကြဖို့မျှော်လင့်ပါတယ် ။
{ 210127 }
သာယာသောနေ့လေးကိုပိုင်ဆိုင်နိုင်ကြပါစေ။ 💭
YOU ARE READING
ကုဋေကုဋာထက်နှင်းဆီ || 𝑹𝒐𝒔𝒆
Teen Fictionငယ်ရွယ်ပြီးထက်မြက်လှတဲ့ ကောင်မလေးနှစ်ယောက်ကြားက မာနအားပြိုင်မှုတွေနဲ့အတူ ရရှိခဲ့တဲ့ခံစားချက်တချို့၊ နူးညံ့လှတဲ့ချစ်ခြင်းမေတ္တာအကြောင်းကိုရေးဖွဲ့ထားတဲ့သာမန်ဇာတ်လမ်းလေး တစ်ပုဒ်ပါပဲ ။ • ကုဋေကုဋာထက်မြက် x ကျော့နှင်းဆီ • Start Date >>> { 27.1.2021 } End...
