الاشاوس و الشقراء

البارت الـرابع و الخمسون

- يصير خير بس ما اتصور هذا اخوج لان عنده عائله

اجا اتصال باوع عليه و رَد

- حبيبي ابو عون ... جاي ضلعي جاي

ديطلع كاله فارس

- هاااا عضيدد ها طالع ويه ضلعك چا و انه ؟؟ ياهو هذا ضلعك بالله

بخزر باوع عليه وكاله

- شعليك انت شني تغار عليه بويه

وعافه وطلع وفارس تأفأف وكال

- اشتعلووو واحتركو شكد زعله ثگيل هذا شيصالحه بالله وشيراضي

ضحكت ناز وكالتله

- جيبله ورده حمره و يرضى

باوع عليها صفح وكالها

- خاب ما تكومين من يمي لا اكضج اسويج ورده حمره هسه

بنبرة غرور حجت

- لا والله اصلاً انه ورده ماكو داعي انت تسويني

ضحكت وباوعت على فارس

- اليوم الباشا ومريته استلموك اكس مربع

ضحكنه وكالتله

- لا والله انت اخوي وعلى راسي وشتسوي براحتك ويحلالك وانه احبك والياس هم يحبك بس حاول ويا كم مره لحد ما يرضه ويرجع مثل كبل

- عمره الياس ما زعل من واحد و رجع ويا مثل كبل يرجع اي بس وجهه ثكيل اول مره يصير ببينه هيج وانه تسرعت واذيته

- لا يضل ببالك ان شاء الله ماكو شي وترجعون مثل كبل واحسن بعد

شوي ضلينه كاعدين لحد ما دك صادق فتح فارس مايك وشمره ع الطاوله سلم عليه نوب كاله

- خويه چا يمتى تخطبلي

فرك وجهه فارس وزفر نفسه وكال

- خويه صادق بس خل احجي وياك وافهمك شي انت تعرف بـ لارين

بعده ما گمل كلام قاطعه و كال

- خوويه يا لارين صدك تحجي انه ماريد اخطب لارين نتهيت وياهاا ودرب السد ما يرد لا تريدني ولا اريدها لارين ما تحبني اعرفها انه مشاعرها وياي جانت توهم بيها نفسها فقط مو حب ابد ...

اجه يحجي فارس بس صدمنه من كال

- اخطبلي رونق بت عمي

نفزع فارس وكله بصدمه

- شنييييي ؟؟؟؟؟

نـاز :

حطيت ايدي على كلبي وانه ادحك شمم كبالي وهي تريد تحجيله وخايفه جثير من ردة فعله شلون راح تكون مادري هستوها كعدت ورادت تحجيله رن فونه دحك عليه وجاوب وكبل

- هااا بوويه ... چا خوش جاي جاي

كام دحك على شمم خزرها وكاللها