الاشاوس و الشقراء

البارت الـرابع و الأربعون ( نهاية الجزء الاول )

اخير شي كال

- اشهد ان علياً امير المؤمنين

باوعت للگبه والمناير

- اشهد ان علياً امير المؤمنين

بعدهه ظل يحجي ويفهمني بامور الدين كلها ميدريني فاهمتها كلها من فارس بس زادني علم لاشياء كثيره اخير شي سحب ايدي ليمه خلا بيها سلسال فضي ناعم بي ميداليات ناعمه اثنين وحده على شكل القران الكريم والثانيه شكل سيف الامام علي (عليه السلام) " ذو الفقار " وسبحه وتربه

ابتسمت وتشكرته وفارس هم تشكر منه وكالي

- بارك الله بيج على هذه الهدايه والخطوه العظيمه لدخولج الاسلام

- شكرا الك ولمساعدتك الي بدخول الاسلام ربي يحفظك ويطول بعمرك سيد

- والكم بالمثل والتوفيق للجميع ان شاء الله بويه

مشينه بعدها رجع فارس عليه طلب منه يجدد عقدنه نوبه لاخ خاف هذاك الاول بي غلط او شي وجاب شهود من يمه وعقدنه مرا لاخ بموافقة الطرفين

مشينه صرنه كبال الكبه ضبط وكف وطلع حلقاات وابتسم

- شكد ما جنت احبج هسه احبج اكثر كبرتي بعيني اضعاف بخطوتج هاي

ابتسمت

- حاسب حساب الحلقات

ضحك

- فارس انه بويه اكو شي يصعب عليه

وكف ديلبسني الحلقه ما نطيته ايدي سحبت ايده واعد باصابيعه

- اوعدني تحبني للدوم

- اوعدني ما تعوفني ابد لان مالي بالدنيا بشر غيرك

- اوعندي ما تتخلا عني

- اوعدني اذا صار اي شي بيناتنه مشكله او سمعت كلام ما تعوفني وتصدر عليه احكام وتسمع مني

- اوعدني نعيش حياتنه بتفاهم وبحب ونجتاز كلشي سوا ايدك بايدي

 لزمت ايده الثانيه

- اوعدني انو يكون فارس لـ آن للابد وما يصير لاحد غيرها

- اوعدني ما تخذلني وتكسر خاطري بيوم

- اوعدني تصير الي بحنية ابو وخوف اخو

- اوعدني ما تحتل كلبك وتسكنه وحده غيري

- اوعدني انو راح اكون مرتك وام اطفالك وتوكف وياي بكلشي وتسندني

هذن الاريدهن منك اني ما يهمني مهر ما يهمني فلوس بيت ولا كلشي انه اريد فارس اليحبني واحبه اريد سند يسندني واسنده ونكمل حياتنه كلنه سوا

اديه اللي بايده اخذهن باسهن كدام الكل

- انطيج وعد للموت كل الكلتيهن الج وما يحلن لغيرج انه ابوج واخوج واصيرلج كلهم يبعد فارس وهله يحفظج الله الي وما يحرمني منج ام جهالي