الاشاوس و الشقراء

البارت الحـادي و الأربعون

ضحكت وهزت راسهه شمته وبوسته بعدهه سحبت ايلين وراحت بدلتلهه وجابتلهه التحتاجهن ونطتهن الي

- احلفك بـ الله لا تحرمني من ولدي رجعهم الي ولا تخلي يزوجني محد سندني لا ابو ولا اخو ومالي غيرك هساع انت فكدت ابنك وتعرف اللوعه انه ام فكدت ابني ومتت بليوم الف موته ونحرمت منو وما بقالي بس هذولي لا تحرموني منهم

- كلمة زلمه ما احرمج منهم والله دكيتلج صدري وكتلج احل هالسالفه لا يظل بالج

اخذتهم وطلعت صعدت بلسياره طلعت الفون شمرته لمهاب

- مكنك يوول العب بي

ضحك وظل يلعب لحد ما نام وايلين شعلت صفحتي متعوده الا بلحظن تنام اخليهه ع الكشن تكلب الدنيا ببجيهه ارجعهه لحظني تنام وتسكت ظليت منومهه بحظني واسوق الساعه 12 بليل دخلت للانبار جنت متفق ويه بسمه وعامر الكاهم بلبيت لان انه الفجر ارجع وحته تبقه يم ايلين ومهاب ورائد

وصلت ركنت السياره بلكراج هم ع حسهه طلعوو دحكت عليه واجت اخذت ايلين مني جانت نايمه نزلت غراضهه نطيتهن الها وصديت ع الجهه الثانيه شلت مهاب ودخلته جوه نومته وطلعت صار عامر بوجهي

- ابشررر

- شبشرر يخوي اخوها ميريدهم ويريد يزوجها وهي مفرفحه روحها ع ولدهه وما تريد تتزوج ونطاني مهله منا لباجر اشوفلهه حل وانه مادري شسوي كتله اتكفل بيهه ببيت وكلشي ما يقبل

- تزوجها انت محمد

نصدمت و زمخت بي

- شتحجييي انت يول عويمرر مرت اخووي هذي بحسبة اخيتي شلوون اخذهه شكول لاخوي باجر عكبه لو متت بيا وجه وبيا عين ادحكه

حجت بسمه

- عجل بيا عين تدحكو من تهجول عائلته بيا عين تكابل ربك من راح تفرك ام عن ضناها انتو صح تحبون اطفالكم ومستعدين تفدوهم بروحكم بس متدري الام شيصير بيها من تفارك ولدهه اهلها ظلام وما مستعدين يتكفلون بيها اتزوجها انت ياخويه البت ما رايده شي بس ولدهه واذا ما تريدهه انت اخذهه هيج بس اجمعهه بوليداتهه وتكفل بعيشتهه عمهم انت وكمل حياتك اخذهه من هالسالفه هي بنفسهه كالتلي ماريد لا زواج ولا شي بس اريد ضناي وانت ما راح تفاركهه عن ضناهه اتزوجهه وجيبهه لهين ماكو كدامك بس هالحل

ناز :

دحكت عليه تعت بيه وتحجي

- يلاااا لج امشي كدامي خل ساهر يعقد عليج لا عبالج اخليج تسيرين وتطيرين وهاي السالفه الطلعهه عمج مالت حامل ما تمشي علينه وخرت ايدهه ودفعتهه منيي وزمخت بيهه

- وخرررري مني شنيي تايهتلج انه هيج تجين تهدين عليه انتي و ولدج , انه سويت هيج ما حسيت الا براشدي فر وجهي صديت عليه ولن هو ساهر وكعت بلكاع كضب ايدي وعتني منهه دا يطلعني دفعته وركضت ع المطبخ ركض وراي