الاشاوس و الشقراء

البارت السـابع و الثـلاثون

عصب وكالهم

- وشنييييي انه ما تكلولي وتتصرفون من كيفكم ويه ابن اخوكم وانه شني هنااا رجل كرسي ما ينوخذ وينمشي برايي

- العفوو بويه مو هيج بس بوكتهه انت جنت مريض كثيرر وما ردنه نكلك ونتعب صحتك وناخذك ويانه والدرب طويل

سكت وعاين لصادق

- اذا فارس ما ياخذ منسه انت التاخذهه

طفر صادق

- شنيييي شنييي اخذ هالجاهله المسودنه بالعباس لو شمهما يصير فلا اخذهه جدي اتقي الله ايامك معدوده بسك تسلط وطغيان تريد الكل يمشي بأمرك

- بويه ما يصيرر هيج شنيي تفرض البت على صادق مو هيج خلهم كلمن ياخذ اليريدهه

ما حجيت ظلو يتناقشون وانه كاعد مرجع جسمي لورا حاط رجل على رجل فنجان الگهوه بأيدي اشرب واعاين عليهم لحد ما كملو عاينت لجدي وكلت بثبات و حده

- لا انه ولا صادق النه غرض ب منسه وما نعتبرهه الا اختنه وما تصير مره لواحد بينه وشتريد تسوي سوي

اشرت لصادق نكوم طلعنه وكبل ما اطلع رفعت ايدي لعمامي

- مضيف العامر بويه

ضحكو وكالو

- الله وياك يالحبيب

طلعت دخلت للكعده لكيتهن خالاتهه بنصهن ومارداتهه عاينت عليهه الدمعه حازه بعينهه عكدت حاجبي ورحت سحبتهه من بينهن

 كلهن خزرني

- خيرجن شكوو تخوزرن

- اهو اكو واحد بهالطريقه يتزوج يا فارس مو....

قاطعتهه

- كلامج مكطوع بخير حجيه بس هالحجي لا تحجي مريتي واحبهه وكلتهه كدام عمامي وجدي وهاي كدامجن اكولهه والحاظر يبلغ الغايب هذي مريتي احترامهه من احترامي واليمسهه بكلمه انه رداده وان عاينت دمعه بعينهه مره ثانيه تصير السالفه مو خوش

كضيت ايدهه و سحبتهه وياي لفوك دخلنه للغرفه مسحت على وجهه

- لا تهتميلهن شيحجن لا تديريلهن بال علاج الجاهل التجاهل

ابتسمت و هزت راسهه بمعنى اي

شوي وندكت الباب دخلت رونق ابتسمت

- خويه انه احبهه لمرتك كثير لانهه حلوه انه مو مثلهم

ضحكت

- عفيه بعد اخوج اخيتج هذي تديرين بالج عليهه

- تدلل

كعدن سوه هن وانه طلعت عفت السياره مالي خلكهه تمشيت لالياس لكيته كاعد بلبستان ويدخن كعدت يمه

- الله بلخير خويه

- هلا حبيبي

- خيرك الياس شو جنك مو على بعضك