الاشاوس و الشقراء

البارت الخـامس و الثـلاثون

- تسودنت على زلمتهه حكهه مو هين بعدهه بعز شبابهه تترمل

تجاهلت كلامهن دحكت ع السوار بايدي مسحت عليه جان مكطوع سويته ولبسته بأيدي ابتسمت

مـرت ايام انه مصفنه واسمع الكل يبجي وينعى وحته عمـو فقد الامـل بعد ما دور ودز معارف اشگـال للموصل يدورون عليه ما لگـو فص ملح و ذاب

جمره هالايام مدري شبيهه حالتهه صفنتني ادخل عليهه للغرفه الكاهه كاعده وحدهه وكبل تفزع ووجهه يصوفر من تشوفني راقبتها ما لكيت شي

بيوم دخلتلهه رأسا لكيت مدري شنو بأيدهه كبل خلته بحلكهه وشربت ورا ماي خزرتهه وركضت عليهه هي وجهه صوفرر وكبل ضمته ورا ظهرهه زمخت بيهه

- شنيييي هاي شدتشربين

- اااا شبيج بندول مالت راااس

- جيبييي جيبيي البندول خل اشوفه

لويتهه وسحبته منهه صدك بندول كعدت هي وانه بلبشت بلمجرات و بغرفتهه مالكيت شي دحكت لايدهه لكيتهه زراك كلهه طكع فزعت مثل ذيج الايام

لطمت على وجهيي

- لجج هاي شنيييي رجعتي تشربين لو شنيي شو نفس ذيج الايام رجعتي

- لا والله بس انه بسرعه اتحسس هاي شبيج يمعوده ماصدكت خلصت منه وتعالجت نوب ارجع اشرب

ظليت احجي وياها بعدهه طلعت كلت اخاله ولعمو ولشمم وشمم كالت

- انه هم لاحظتهه الايام المضت ما تنام الليل كله تظل على فرد كعده مادري شبيهه والله

بهالوكت ابو صكـر جان يمنه يسمع وما مهتم بس بعدين دحك عليه عمـوو

- ابوو صكرر شصايبك

رفع راسه اله وابتسم

- خويه انه جمره من يوم اللي تعنيتلهه وكتلهه امشي وياي من دنعل ابو ايمن لابو منبعه وصدتني وظلت ويااا كدامي بكل عين صلفه وكالت انه على ذمته هساع عوفني بعد محيتهه من بالي وشلتهه من كلبي شكد ما جنت احبهه كرهتهه انه المايريدني ويصدني لو يصير ذهب بعد ما اريده صح بلبدايه تعذبت وعانيت من وراهه وبخلافهه بس هساع احلفلك بالله وبرسوله جمره ما انظرلهه غير نظرة بت عاديه وبمعنى اصح بنظرة اخت

گالـو عمـو

- زين سويت عين العگل گمل حياتك بويه

مرت اسبوع والياسي هم ماگـو ما رجع نفطر كلبي وصرت ابجي بدل الدمع دم عليه مشتاكتله كلبي طاك عليه اريده وما متحمله فراكه احس نفسي عايشه عدم عايشه لل لاشيء بعده هو كلشي بحياتي اخوي ابوي حبيبي ضحكتي فرحتي اريده يردلي وراح اظل ب أمل انو يجي يوم واكحل عيني بشوفته كلبي ما يرضى يصدك ان باشتي مات استشهد وبعد ما اله وجود بعد ما ادحكه مو راضيه اصدك واتقبل هالفگـره ابد