الاشاوس و الشقراء

البارت الثـامن والعشـرون

- الياس والنعم بالله ما اعترض حاشا ان يعترض احد على حكم الله بس شكو اهلي بيهم شي عرفت مكانهم وين

- اخوج احمد مات وجانو ويا ثنين اطفال ولده او لا ما وصلني الخبر بس كل الوصلني مات كبل 7 اشهر ضبط

____

العراق : بغداد

محمد :

نزلت لمطار بغداد من بعد سفره شهرين للاردن كطعت كلبي يلا خلصت اجرت سياره و رحت للبيت الجديد اللي اشترو بعد ما باعو ذاك

نزلت الجنط وياي ودخلت بداخلي شوك جبير ل ناز لامي لابوي لاحمد لولدي

دحكت رائد بلطرم كاعد هو ومصطفى وولد احمد شهاب ومهاب

ضحكت بوجهم واجوي ركض طفرو عليه بحظنه جماعيه دايم يسوهه بوستهم وشميتهم دحك عليه رائد وبرطم

- هاا يابه شبيك

- العاب الي

- اييي جبتلك جثيرر الكم كلكم جبت العاب شوي وانطيهه الكم

دحكت لشهاب

- حبيبي وين بيبي و نازو

- مـاكو بيبي و نازو

كمت لحيلي

- شني ماكو

دخلت لجوه صارت ليان بوجهي

- هلا خويه الحمدلله ع السلامه

دحكت عليهه لابسه اسود

- الله يسلمج شكوو شصاير هينه المن الاسود

دنكت وكالت

- محمد عمتي ماتت

- اهاا الله يرحمهه ويصبركم

مشيت دا ادخل للربعه اريد ادحك امي وناز مشتاكلهن استوقفني كلامهه

- محمد انه ماعندي عمات

صديت عليهه

- شصايرر ليان عجل ياهو المات

صوت بجيهه وصل ليمي

- عمتي اللي ماتت امك الله يرحمهه

دحكتلهه بصدمه

- امي شني ماتت شلون

باد حيلي كعدت ع باية الدرج وعصرت راسي بأدي وزمخت بيهه

- شلوووون شلوون ماتت وانه موو ابنهه عجل ليش محد كلي ليش خفيتوهه عني لحد اول بارحه احجي ويه زلمتج المصون اكله نطيني احجي وياها يكلي دتقره قران شنييي بهالسرعه ماتت شوكت ماتت

- ببداية روحتك ماتت واحمد ما كالك حتى لا تتشوش وانت بسفره وشغل

- من دنعل ابوو الشغل الحرمني من اميي ولكم امي ماتت وانه مادري نعلكم الله بالدنيااا والاخره دفنتوهه وسويتو الفاتحه ببلا ما ادري وبدون علمي ابووووي وينه