حبيتو جلدي قوي جثيرر لونو اسود ومنقوش عليه بلابيض وعريض وجاي ويا بنفس السير مشگل علك اخضر رفيع مثبت بي وماشي ويه طولو
بنص همي وقهري ابتسمت وحسيت گأنو فراشات ديطيرن بداخلي من استشعرت اسماء اهل البيت جسمي اقشعر وحسيت براحه تمنيت بحياتي ازورهم واروح لكربلاء وللنجف ولبغداد وازور واحس بالشعور الحلوو اللي يحسـو الناس من يزوروهم واتنفس هوا الحظره وعطر الظريح واورد ريتي واسكيهه اتمشى بضريهم واحس بلامان اللي يحسو كل الناس بحظرتهم اكضب الشباج وتهل دموعي وادعي واطلب مرادي منو وازيح همومي كلها والشي اليوجع كلبي وابجي واقره قران وادحك كمية الناس اللي تتعنالهم طالبه مرادهم ويوافوهم وما يقصرون وياهم حاشاهم من التقصير غمضت عيوني بقوه واني ادعي اللهم هاللحظه اللهم هالاحساس الحلو اللهم التقاء عيني بنور الگبه اللهم امتلاء رئتي بهواء وعطور الحظره اللهم الدعاء اللهم الاستجابه للدعاء اللهم هذه اللحظه العظيمه يا ذا الجلال والأكرام
نزلت دموعي واني ادعي يجي يوم تتحقق هالأمنيه وازورهم يا ربي حققهه الي خليني حالي حال كل الناس ازورهم واكعد بضريحهم واحس بلأمان اللي فاقدته وما يوم حسيت بي انه احبهم جثير والله ودايم اقرالهم كتب واقوال
دوم اطلب من ابوي هالطلب بس ماجان ياخذنه ولا يقبل گل ما جنت اكلو او اطلب من امي تكلو نروح نزور يزمخ بينه ويسكتنه ونضطر نسكت وما نعاندو
مسحت دموعي حبيت السوار بس منين وصل لشعري هذاا؟
لفيتو على ايدي ولبستو ابتسمت يالله جبير علي وخرتو عدلتو ونلف على ايدي مرتين وصار شويه ضب جريت السلسال الجنت لابستو فتحتو وطلعت حلقات منو دمجتهن ويه حلقات السوار الاخيره الينسد منها بعدهه لفيتو مرتين على ايدي وقفلتو صار حلوو وباين بأيدي
توجيت وكمت رجلي صلن عليه احسهن متيبسات يابه الضرب الاكلتو صكطني بيش ادعيلكم
بلكوه اتحرك دحكت احنه وين انه وين هاي مو غرفتي صديت جنطة سفر مركونه تكلطت عليها فتحتها بيهه ملابسي والثانيه بيهه غراضي شني هاي ناكلين غراضي كلهن احنه وين؟
شني طلعنه من بيوتنه تهجرنه لغير محافظه وتركنه محافظتنه!!
بدلت ملابسي بالف ياويل ادور على مرايه ماكو بلغرفه شوي ودخلت عليه بسمه جت كعدت يمي معبسه بوجهي
- بسمه مسكن الام جسمي كلو يون عليه
كامت مني شويه ورجعت نطتني بونستان
- ماعندي بس هذا
- عادي المهم يسكن وجعي
دحكت عليه بتأنيب وعتب
- بسمه لا تصيرين انتي والزمن عليه لا تصيرين ضدي صدكيني يا اختي
- خاله ام حازم متجذب يا ناز متجذب علينه وقابل هي ليش تجذب عدهه عداوه وياج لو تكرهج من تجذب علينه وتكول مو عذراء انتي غلطتي ياختي وراح يدفعوج ثمن هالغلط غالي
YOU ARE READING
الاشاوس و الشقراء
General Fictionطغت ضحكه خفيفه على مبسمو وهو يسمعو لخالو من يگلو - ول يابه اشاوسي انت الياس و رب العزه رفع أيدو وهو يعدل بشاربو وبنبرة غرور گلو - عجل يابه شعبالك اعجبك انه دردمت بيني وبين نفسي على الغرور الشايله الديره گلها ما عدها منو ....... طلع وما حسيت الا...
البارت الرابع
Start from the beginning