الاشاوس و الشقراء

البارت الثاني

جِئتُكَ من سلَّمِكَ المكسـورْ 
من مِخْلبٍ مُدَجَّنٍ ، 
وشَهْقَةٍ جائعةٍ للنورْ 
من شَفَةٍ تذْوى ، 
على زهورِكَ الَّميتَةِ العطورْ 
لا بَرَدى يشِفُّ في النبضةِ من خُطاى 
ولا صهَيلُ النيل يشدُّني ، 
من قدمي العاثرِ في التيهِ 
ولا النخيل يَبُلُّني ، 
من شَفَةِ الفراتْ 
جئتُكَ كالهاويه كـما تَرَى 
وموحِشَـاً أعودُ ، 
كالنَسْغِ الى فروعك الذاويه . 

نـاز ..  

كعدت من الفجر اراجع بلامتحان لانو اول محاظره عدنه كملت بدلت وتهيئت للدوام وجنت بيومهه لابسه توربان اسود ضارب حيل على وجهي لان جبير وعندي خدود لايكلي طلعت من غرفتي دا اصبح على ابوي وامي واطلع  

وصلت الهم بس نصدمت من حجيهم گبل نزلت دموعي واديه اللي كاضبه الملازم رخت و وكعن مني جسمي رجف والقهر اكل كلبي اكل !!؟؟؟؟ 

- بنتك هاي شيخ اتقي الله بهالمصباح لا تسويله كاله 

- مووو بنتي هاذي انه ماعندي بنوات غير بسمه يا مره استجني وكعدي ومالج غرض انتِ ناز هالايام ازفهه لمظفر ابن الشيخ علوان 

- لا ياشيخ بنيتي ما نطيهه وماقبل انه تزوجهه لواحد مايسوه ضفرهه دكتوره والمفروض ترفع راسك بيها بس انت ما ناوي بخيرر   وما تنطيهه الا على جثتي واذا ما تريدنه اخذهه واطلع واخلي البيت الك 

عصب وزمخ بوجهه 

- عجل خلهه خلهه تظل هين مكفخه ولا تحسبين يجي يوم واعتبرهه بنتي واعاملهه معاملة ابو لبتنه احلمي انتِ وهالعار 

صحيت من كلامهم وانه دموعي تنزل مشيت من الربعه وطلعت والقهر ياكل بكلبي اكل ليش هيج كارهني ومايحبني انه مو مثل بسمه مو هم بنته ليش يحبهه وما يحبني انه شنو معناتها يكلها هذي مو بنتي ؟؟؟ 

ظل القهر يحرك بيه ومهومه من هالسالفه شحلاتهن صديقاتي من كل وحده من تتاخر يتصل عليهه ابوهه يتطمن لو يجي ياخذهه الا انه ابوي ميحبني ليش 

اجه الخط صعدت واني كلبي محروك ومتأذايه من هالحاله دتتسببلي اذى وتراجع نفسي جثير دحكت ادي يرجفن ليش هيج صارن وصلنه للجامعه نزلت ونبأ هي كضبت الملازم مالتي مشيت دخلت للجامعه صار بوجهي معتز 

- صباح الخير ناز 

- صباح النور 

راد يحجي بس ترخصت منو لان مالي خلك كعدنه اني ونبأ 

- ناز الباشا هين والجامعه كلها حرس مدري حاطين واجبو هين مع انو هو مو هنا واجبو بس نقلو مدري شكو وعلى يا منطقه صاير هجوم من داعش 

صديت عليهه 

- شتحجين نبأ يعني شكوو ترا خوفتيني وشجاب التنظيم علينه للأنبار 

كضبت ايدي
- لا نازو لتخافين بس مادري شنو الهجوم الصاير مدري عركه وسئلت اخوي كال داعش هذولي ويمكن هم يخافون عليه لهذا شددو بلحرس ع الجامعه للحمايه بكل اقسامهه وبما انو كلية الطب تبعد عن الجامعه يجوز صار الباشا عليها