LOVE ME,OK![Complete]

Episode-22

♡Unicode version♡

"ဓာတ်မတည့်တာစားမိလို့ လူနာက အသက်ရှူရခက်ခဲသွားတာပါ...အဲ့ဒါကြောင့် သတိမေ့သွားတာမို့အများကြီးစိတ်ပူစရာမလိုပါဘူး...ဆေးလည်းထိုးထားပေးပြီးပြီ...တခါတလေအရည်ပြားယားယံတာတွေဖြစ်တတ်တယ်...ဒါလေးလိမ်းပေးလိုက်ရင်အဆင်ပြေသွားပါလိမ့်မယ်..."

ဖေရှီးလက်ထဲလိမ်းဆေးဗူးလေးထည့်ပေးပြီးဒေါက်တာပြန်ထွက်သွားမှရှောင်းကျန့်အပါအဝင် ဖေရှီးနဲ့ဖန်းဝေလည်းစိတ်အေးသွားဟန်သက်ပြင်းချမိတော့တယ်။ရိပေါ်ကတော့ခုထိလူနာကုတင်ထက်မှာလှဲလျောင်းအိပ်စက်နေတုန်းမို့ရှောင်းကျန့်ကအရိပ်တကြည့်ကြည့်။

"ကောင်လေး မြေပဲနဲ့ဓာတ်မတည့်တာအကိုမသိခဲ့ဘူး..."

"အဆင်ပြေပါတယ်စီနီယာ...ရိပေါ်လည်းသက်သာနေပြီပဲ..."

"မဟုတ်ဘူး!...အစောကတည်းက အကိုသိခဲ့ဖို့ကောင်းတာလေ...ခုတော့ကောင်လေးကကိုယ့်ကြောင့်နဲ့ ဒီ ဒီလိုထိ..."

ရိပေါ်လက်တစ်ဖက်ကိုထွေးစုတ်လျှက်ခေါင်းငိုက်စိုက်ချကာကိုယ့်ကိုယ်ကိုအပြစ်ဖွဲ့နေသည့်ရှောင်းကျန့်ကိုဖန်းဝေရောဖေရှီးပါနှစ်သိမ့်ပေးရင်းအချင်းချင်းမျက်နှာမကောင်းစွာအကြည့်ဆုံမိကြတယ်။ရှောင်းကျန့်လုပ်ရပ်ကရိပေါ်ကိုချစ်တာကြောင့်မို့ ထိုလုပ်ရပ်ကအပြစ်ဖြစ်ခဲ့ရင်တောင် အပြစ်ဟုမဆိုသာတဲ့ ချစ်အပြစ်ပဲဖြစ်ပါလိမ့်မယ်။

"အကို..."

"ကောင်လေး!..."

နိုးနိုးချင်းမိမိကိုတသည့်ရိပေါ်ကြောင့်ရှောင်းကျန့်မျက်လုံးတွေလက်ခနဲ။ထထိုင်ဖို့ဟန်ပြင်နေတာမို့ကျောဘက်မှာခေါင်းအုံးနှစ်လုံးဆင့်ထောင်ပေးပြီးအသာလေးထူမပေးလိုက်တယ်။

"ဘယ်နေရာနေမကောင်းဘူးလဲ...ကိုယ့်ကိုပြော...ကိုယ်ဒေါက်တာ့ကိုသွားခေါ်လိုက်မယ်လေ..."

"အာ!...အကို အလုပ်ပိုနေပါ့မယ်...ကျွန်တော်အဆင်ပြေနေပါပြီ...အိပ်ထားလို့ခေါင်းနည်းနည်းမူးနေရုန်ပဲ..."

"အင်း...တခုခုဆို ကိုယ့်ကိုချက်ချင်းပြောနော်..."

နှစ်ယောက်တကမ္ဘာတည်၍အချစ်နလန်ထနေသည့်နှစ်ယောက်ကိုကြည့်ပြီးဖန်းဝေမျက်နှာမဲမှောင်နေသလိုဖေရှီးမှာလည်းအပိုလူတစ်ယောက်လိုမှုန်သုန်လျှက်။ရှောင်းကျန့်ကလည်းရိပေါ်နိုးလာကတည်းကအဆင်ပြေပါ့မလားတတွတ်တွတ်မေးနေသလိုရိပေါ်ကလည်းရှောင်းကျန့်ကိုကျော်ပြီးသူတို့စီအကြည့်တချက်ပင်ဝေ့မလာသေးတာမို့။