හෝරා ගතවිය . ඔහුගේ ඇස එක තත්පරයකට ඇය කෙරෙන් නොනික්මුනි . ඇය ද සැරින් සැරේ හොරැහින් බැලුවේ ඔහු කුමක් කරමින් සිටින්නේ ද යන්න විය හැකි ය . නමුත් ඇයට ඒ සෑම අවස්තාවක ම නැවත වෙනතක් බලාගැනීමට සිදුවූයේ ලැජ්ජාවට පත්වෙමිනි .පෙරහැර බැලීමට පැමිනි තරුන ගැටිස්සියන් පිරිස ගෙවල්වල යෑමට සූදානම් වි ය .එකදාස් නමසිය බර ගනන් වල දිනයක් වූ මෙදින සාමාන්ය දිනයක් වුනේ නම් මේ මහ රෑ කනිසමේ සීනිගම සිට රත්ගම දක්වා ඇදෙන බස් රථයක් තිබීම තැපැල් කන්තෝරුවක හිර කූඩුවක් තිබීම වැනි ය . නමුත් මෙදින සීනිගම දේවාලයේ අවසාන පෙරහැර රාත්රිය වි ය .
ගැහැණුන් පිරිස හික්කඩුව දක්වා ම බසයක් බලාපොරොත්තුවෙන් පයින් ම ගෑටුවත් අවසාන මොහොතේ ඔවුන් බස්නැවතුමට ලගාවත් ම තිබූ එකම බස් රිය ද පණ දල්වාගෙන මහපාරේ ඇදීයන්නට වි ය . ඒත් සමග ම ගැහැණුන්ගේ දෑස් ද ඉදිරියෙන් ඇදෙන්නා වූ බස් රියේ වදුරන් මෙන් එල්ලී ගෙන සිටින මගීන් සමගම ඇදීයන්නට වි ය .
බසයේ සිහියෙන් පැමිනියා වූ ගෑනු පිරිසේ ගැටිස්සියන්ට නම් තම පිටුපසින් තමා සමගම ගාටනා කොලු රැල ගැන අවදානය දීමට අමතක නොවී ය .
බසය ද මගහැරී ගිය හෙයින් ගැහැනුන් පිරිස හික්කඩුවේ සිට රත්ගම දක්වා කිලෝමීටර අටක පමණ වූ ගමන පයින් ම කෙලවර කිරීමට පටන්ගතී ය . මේ අතරතුර ගෑනු පිරිසේ ගැටිස්සියන්ගෙන් සමහරෙක් වෙතින් තම පෙම්වතාට රහසේ කරන ඉගිමැරීම් ද , කොල්ලන් පිරිසෙන් තනිකඩ කෙල්ලන්ට ලැබෙන උසුලු විසුලු ද අඩුවක් නොවිනි .
සුද්දා නොහොත් රන්දික අතට ගල් කැටයක් ගැනුනේ නිරායාසයෙනි . ගල්කැටය ගෙන මද වෙලාවක් හැඩ බලමින් සිටි ඔහු එය ඇය කෙරේ විසිකලේ ය . තමා ම විසි කල ද , ගල් කැටය කෙල්ලන් ගොඩේ මදක් ඉදිරියෙන් සිටි ඇයට නො වදිනු ඇතැයි ඔහු නිවැරදිවම අනුමාන කර තිබනි . සිතූ ලෙසම එය ඇයට නොව ඇයගේ පිටුපස සිටි කෙල්ලට වැදිනි . ඔහු කෙරෙන් යම් පරීක්ශාකාරී බැල්මක් යොමා සිටි ගල වැදුනු කෙල්ල ඔහුට ඇසකින් ඉගිමරා ඈට වැදුනු ගල් කැටය ඉදිරියේ සිටි ඇයට ලබා දී යමක් කොදුරනු පෙනිනි . එය වූ කලී කිසි විටකත් ඔහු අපේක්ශා කළ දෙයක් නොවී ය . ගල වැදුනු කෙල්ල ඇයගේ හොදම මිතුරියක වූවා ය . ඈ තම සුන්දර මිතුරය කෙරේ ඇස් අලවාගෙන සිටි කොලු ගැටයා වෙත ඇස ගසාගෙන සිටියේ හොර ඇල්ලීමට ය .
YOU ARE READING
එක්තරා දවසක
Non-Fictionඑය 1983 සැප්තම්බර් මස මුල් දිනක් විය... සියලු දෙනා ලහි ලහියේ පාරෙ දෙපැත්තේ සුදු ඉර දෙපසින් බැද ඇති කඹය අසලට යෑමට මහත් වූ වෑයමකි . මන්ද යත් එදින පෙරැහර දවසක් විය . සියල්ලන් ම පෙරහැර බැලීමට හොද තැන් සොයද්දී , එක් යොවුන...