" စာချုပ်စာတမ်းအရမဆိုင်တော့ပေမယ့် သွေးသားအရတော့ဆိုင်တယ် ဝန်း မိဘကမိဘပဲ "
ရန်းစကားကိုဝန်းကလက်ခံသည့်ပုံမပေါ်။ရန်းကိုမျက်နှာလွှဲကာ ကြမ်းပြင်ကိုစူးစိုက်ကြည့်နေသည်။ ရန်း သက်ပြင်းမော ချက်လိုက်သသည်။
" ငါ့ကိုဆေးရုံပို့ပေးခဲ့တာကို ဘယ်လိုသိတာလဲ "
ရန်းသိချင်နေတဲ့မေးခွန်းကို မေးလိုက်တော့ ရန်းကိုတစ်ချက်မော့ကြည့်ပြီး ခေါင်းပြန်ငုံ့သွားသည်။
" မခက်ပါဘူး "
" ဘယ်လိုသိတာလဲလို့ ! "
မဖြေဘဲအင်တင်တင်လုပ်နေတာကြောင့် လေသံမာမာထပ်မေးလိုက်သည်။
" CCTV တောင်းကြည့်လိုက်တာ "
လေသံမာလိုက်မှဆောင့်ကြီးအောင့်ကြီးဖြေလာသည်။
CCTV တောင်းကြည့်တာလောက်ကတော့ ဝန်းအတွက် အလွယ်လေးပင်။ပြောသလို မခက်ပါဘူး။
" ငါ့ကိုဘာလို့မပြောတာလဲ "
သူတစ်ယောက်ထဲ CCTV တောင်းကြည့်သည်။သူတစ်ယောက်ထဲ ဘယ်သူဘယ်ဝါဆိုတာကိုသိထားသည်။သူတစ်ယောက်ထဲသွားတွေ့သည်။သူတစ်ယောက်ထဲ ပိုက်ဆံသွားဆပ်သည်။သူတစ်ယောက်ထဲ သိုသိုသိပ်သိပ်အကုန်လုပ်သည်။ဘာကြောင့်လဲ မေးရင် သေချာပေါက် ရန်းကြောင့်လို့ ဖြေလိမ့်မည်။
" ဝန်း အဲ့ဒါမင်းအမေလည်းဟုတ်သလို ငါ့ကျေးဇူးရှင်လည်း ဟုတ်တယ်နော် "
နှုတ်ဆိတ်နေတဲ့ ဝန်းက ဘာကိုမှဖြေချင်ပုံမရ။
အဲ့ကျေးဇူးရှင် မွေးသမိခင်ဖြစ်နေလို့ကို မပြောတာလို့ ဝန်း စိတ်ထဲမှပြောလိုက်သည်။
" ကျွန်တော် ပိုက်ဆံပြန်ပေးလိုက်ပြီပဲ "
ပိုက်ဆံပေးလိုက်ရုံ နဲ့ ပြီးသွားရောလား။
" ဒါဆို သစ်ခက်လွှားရဲ့ဆေးရုံစရိတ်ငါပေးမယ် မင်းသူ့ဆီမသွားနဲ့တော့ "
ဝန်း မျက်မှောင်ကြုတ်ကာ အစ်ကို့ကို ကြည့်လိုက်သည်။
" အခြေအနေချင်းမှ မတူတာ "
" မင်းအမေသာ ငါ့ကိုဆေးရုံမပို့ခဲ့ရင် အခုချိန်ငါ ရှိချင်မှတောင်ရှိတော့မှာ "
Part - 28
Почніть із самого початку
