လော်ရှို့က မုန့်ရန်ရဲ့ နဖူးကို နမ်းလိုက်ပြီး...
"ဒီညစောစောအိပ်..မနက်ဖြန်မနက်ကျရင် အပြင်သွားကြမယ်"
"တကယ်လား??မနက်ဖြန် အိမ်ပြန်မှာမဟုတ်ဘူးလား??"
"နေ့လည်လောက်ကျမှပြန်ကြမယ်။ဒီမှာ မနက်ပိုင်းတိုက်တဲ့လေက အရမ်းလတ်ဆတ်တယ်။သားလေးကို ခေါ်ပြီး လမ်းလျှောက်ထွက်ကြမယ်လေ။သားလေးလဲ မမြင်ဖူးတာတွေမြင်ရတာပေါ့..."
"ကောင်းပါပြီဗျာ.."
မုန့်ရန်က အပြုံးတစ်ခုနဲ့ သဘောတူလိုက်တယ်။
မုန့်ရန် နေ့ခင်းဘက်မှာ တရေးတမောအိအ်ထားတာတောင် ညဘက်မှာ စောစောအိပ်ရာဝင်ခဲ့တယ်။ဒါမှ စောစောထပြီး လော်ရှို့နဲ့ အတူ သားလေးကိုပါခေါ်ပြီး မြို့ထဲကို လမ်းလျှောက်ထွက်နိုင်မှာ....
နောက်တစ်နေ့နံနက်မှာ...
လော်ရှို့က မုန့်ရန်ရဲ့လက်ကိုကိုင်ပြီးရှေ့ကနေလျှောက်နေတယ်။နာနီတွေက ကလေးတွန်းလှည်းလေးကိုတွန်းပြီး သက်တော်စောင့်တွေနဲ့ အတူ လော်ရှို့တို့စုံတွဲနောက်ကနေ လိုက်လာကြတယ်။
ဒီမြို့လေးရဲ့ နံနက်ခင်းရှုခင်းတွေက အရမ်းကိုလှပလွန်းတယ်။ကျောက်သားလမ်းလေးပေါ်လျှောက်လှမ်းရင်း ရှေးဟောင်းလက်ရာ အိမ်ခြံဝန်းတွေကိုငေးကြည့်ရတာ တကယ်ကို စိတ်အေးချမ်းဖို့ကောင်းတယ်။ဒီအချိန်က ခရီးသွားရာသီမဟုတ်တဲ့ အတွက် မြို့ခံတွေလောက်ပဲရှိနေတယ်။ဒီနေရာလေးက အေးချမ်းစိတ်ငြိမ်တဲ့ ဘဝအရသာကိုခံစားဖို့ အသင့်တော်ဆုံးနေရာလေးတစ်ခုပါ....
မုန့်ရန်က အရုပ်ဆိုင်လေးတစ်ခုရှေ့မှာ ရပ်လိုက်ပြီး ဂျောက်ဂျက်လေးတစ်ခုကို ယူပြီး သားဖြစ်သူကို ကျီဆယ်ဖို့စောင့်ကြောင့်ထိုင်ချလိုက်တယ်။
"Baby ရေ..ဒါလေးကိုကြည့်ပါဉီး...Babay ဒါလေးကိုကြိုက်လား?"
မုန့်ရန်က ဂျောက်ဂျက်လေးကို လှုပ်ပြီး သားလေးကိုမေးလိုက်တယ်။
နှစ်လသားအရွယ် လော်ကျွင်းရယ်က မုန့်ရန်လက်ထဲက ဂျောက်ဂျက်ကိုလုံးဝစိတ်မဝင်စားဘဲ လေအဝှေ့မှာ ချာချာလည်နေတဲ့ ရောင်စုံလေတံခွန်လေးကိုပဲ စိုက်ကြည့်နေတယ်။
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
Chapter (63)
Start from the beginning
