بنت 18 بقلم/نرمين السعيد (برنسيس N)

البارت65

البارت (65)🌹بنت 18🌹#بقلمى_برنسسN

مر اليوم بأحداثه العاديه و حل المساء... الجد مجاهد يجلس بالشرفه الكبيره داخل ساجد و هو مبتسم

ساجد : السلام عليكم ورحمة الله وبركاته

الجد مجاهد : و عليكم السلام ورحمة الله وبركاته.. تعاله اجعد اني مستنيك

جلس ساجد : خير يا حچ؟

الجد مجاهد بتوتر قليل : هو اني لو طلبت منك اي حاچه تعملها صوح

ساجد : و اني من امتا كسرتلك كلمه

الجد مجاهد : بالحج عمرك في حياتك ما عرضتني و لا زعلتني عشان اجده هجولك رچع عزيزه

وقف ساجد سريعاً و على وجهه علامات الصدمه : عزيزه مين اللي ارچعها يا أبوي ده مستحيل يحصل

الجد مجاهد : اجعد بس نتفاهم

جلس ساجد : مفيش تفاهم في الموضوع ده يابوي افهمني اني و عزيزه صفحه و اتجفلت و خلصنا و بعدين اني مش مصدج انت بنفسك بتجولي ارچعها انت ناسي هي عملت إيه؟

الجد مجاهد : لاه مش ناسي بس هي ندمانه و اني اتوكدت من ده و اللي شغلني أكتر هو مصطفى ولدك ظهره مكسور بسبب طلاج امه

ساجد بغضب : يتحرج ولدي على امه على الكل كليله چايه تندم دالوجتي بعد إيه؟

الجد مجاهد : يا ولدي ربنا غفور رحيم

ساجد : اية جولت بنفسك ربنا... ربنا يغفر يرحم لأن دي من صفاته لأن احنا عباده هو العالم بينا و بنجط ضعفنا و جوتنا هو اللي خلجنا بس اني مش ربنا اني انسان عادي بحب و بكره بظلم و بتظلم ليه بتطلب مني أكون ملاك مش طبيعتي أني ممكن اكون شخص كويس بس بحدود اني مش ملاك يابوي عشان أجدر انساه اللي عملته  و اثج فيها تاني ازاي أنام جارها في فرشه واحده كييف مش هجدر مش هجدر اعيش مع واحده اني لا بحترمها و لا بثج فيها هفضل خايف ديماً و بالي مشغول يا ترا بتخطط تأذي مين الخطر على مين يا بوي غلط عزيزه كبير و توبتها و ندمها لازم يكون ل ربنا مش لينا لأني مش هجدر انسا اللي عملته

الجد مجاهد : طب عشان خاطر ولادك

ساجد : ولادي مش محتاچنها في حاچه كلهم اتچوزو و خلفوا و عايشين حياتهم و كله تمام مصطفي عايز أمه يروح ياخدها و ياخد مراته و البيوت حدانا كتييير يرحوا يسكونوا في أي دار منهم اني ممنعتوش عنها اني اتحملتها كتيير عزيزه طلعت أسوأ ما فيا كانت بتخاليني اضربها و اهنها مع اني مبكنش عايز ده كانت ديماً مخليني مش مرتاح بصه للي في ايد غيرها غيرانه من الكل مع انها عايشه أحسن منهم كلهم و حتى لو مكنتش أحسن من حد هي دي ظروفي إيه لو ربنا خد الفلوس دي و افتجرت هتموتي عشان اكفي طلباتها