البارت(59)🌹بنت 18🌹#بقلمى_برنسسN
ملاحظه انا عايزه رايكم في اللي تعبت و كتابته مش ملصقات و اموشنات و بس انا اي نعم معنديش نت حالياً عشان ارد علي التعليقات بس بشوفها كلها سواء علي الفيسبوك أو الواتباد
ابداو البارت بالصلاه علي أشرف الخلق سيدنا محمد صلى الله عليه وسلم و علي آله و صحبه اچمعين
_______________ #بنت18
تركتهم ونزلت انهارت هاله باكيه ضمتها روحيه
هاله : هي ناويه علي إيه مش ستي جالت كتب كتاب بس اومال دوخلت إيه اللي بتتكلم عليها
نظرت لها روحيه بحيره و حزن : مش عارفه دي واحده دماغها سم ربنا يستر انتي ماكنتش عارفه تخبي تلفونك من عمك
هاله : ما انتي شوفتيه طلع فجأه و جطع سلك التلفون و اخد الموبيلات من غير ما يجول حاچه
روحيه : يا رتني ما اديت المحمول ل احمد يلعب بيه ماهو ديما مرمي تحت المخده في اوضه النوم كان زمنا دالوجتي اصرفنا و كلمنا ابوكي و لا خالك اهو أي حد يعرف يتصرف
هاله : في أمل واحد بس مش مطمنه من نحيتها
روحيه : تجصدي مين.. ستك آمنه ماهي خرچت؟!
هاله : لاه جصدي خاله هنوات لو هي سمحتلي اعمل مكالمه واحده من عندها هتتحل المشكله بس مظنش توافج ده العريس ولادها
وقفت روحيه : اني هبعت حد من العيال يشوفها لو مش تحت هطلعلها شجتها و اني عارفه هنوات اكيد مش موفجه علي اللي بيحصل ده هنوات هي داجت اللي انتي دوجتية و اني جيللها ان چدك جاري فتحتك علي ابن خالك و انك بتحبيه
هاله : و هي جالتلك إيه؟
روحيه : جالت ربنا يوفجها هي زعلت طبعاً لان هي بتحب امك و بتحبك و كان نفسها تكوني مرات والدها بس جالت عمرها ما تجبل انك تعيشي مع ولادها و انتي مغصوبه
هاله : طب كويس انها طلع عندها ضمير عنهم.. روحي شوفيها فين خالينا نتصرف جبل فوات الأوان
تحركت روحيه للخارج و أرسلت أحد أبنائها التوأم ل يرا أن كانت زوجة عمه عند جدته ام بشقتها
بالأسفل داخلت زوجة حمزه و في قمه الغضب نظرت إلى حماتها و زوجها الذي يجلس بالصاله هو و أخيه صفوت و احد اصدقائهم الذي جاء ك شاهد و تحدثت بعنف : شوفتي ياما العار اللي احنا فيه اني كنت عارفه ان البت دي مش مظبوطه
خرج صفوت و حمزه من الغرفه الموجود بها المازون و حاتم ابنه و صديقهم و اغلق الباب سريعاً قبل ان يسمع احد كلام زوجة اخيه
حسيبه : بت مين اللي مش مظبوطه؟
زوجة حمزه : هاله بنت سوسن صحيح اجلب الجدره علي فمها تطلع البت لأمها
أنت تقرأ
بنت 18 بقلم/نرمين السعيد (برنسيس N)
Romance"وجئتُ أسألها عما يكدّرها تردّ آلامها عني وتخفيها ألقتْ عليّ كلامًا لستُ أفهمهُ لكن قرأتُ بدمع العين مافيها أنا الذي لو أرى يومًا مدامعها أُقيمُ من أجلها الدنيا...
