"ငါ..ငါ မင်းကိုဘယ်တုန်းကမှ မခြိမ်းခြောက်ခဲ့ပါဘူး"
ယွီကျွင်းချန် ပြာပြာသလဲရှင်းပြနေပြီ....
"ဒီအတိုင်း...ဒီအတိုင်း မင်းငါ့ကိုကူညီပေးမယ်ဆို ကျေးဇူးပြန်ဆပ်မယ်လို့ ပြောချင်တာပါ။ငါခုနပြောခဲ့တဲ့ အာမခံချက်တွေနဲ့ ကတိတွေကို သေချာစောင့်ထိန်းပါ့မယ်။ငါ မင်းကို ခြိမ်းခြောက်နေတာမဟုတ်ရပါဘူး"
"ပြောချင်လဲ ပြောလိုက်ပေါ့..ငါဂရုမစိုက်ဘူး"
ပြောပြီးတာနဲ့ မုန့်ရန် ကားပေါ်တက်သွားလိုက်တယ်။
"မုန့်ရန်"
မုန့်ရန်ကားပေါ်တက်သွားတာကို လှမ်းတားလိုက်ချင်ပေမယ့် သက်တော်စောင့်တွေက ယွီကျွင်းချန်ကို ပိတ်ဆို့ထားတာကြောင့် ကားနားကိုလုံးဝကပ်လို့မရခဲ့ဘူး။မုန့်ရန် လိုက်ပါသွားတဲ့ ကားလေးထွက်ခွာသွားတာကို ဒီအတိုင်းကြည့်နေလိုက်ရတယ်။
ရှုမင်ဟွာနေမကောင်းဖြစ်နေပြီ...ဆယ်ပုံမှာ သုံးပုံလောက်က တကယ်နေမကောင်းတာဖြစ်ပြီး၊ခုနှစ်ပုံလောက်က ဟန်ဆောင်နေတာပါ။လော်ရှို့က သူ့လက်ထဲ ဓားတစ်ချောင်းထိုးထည့်ပြီး အသက်ကိုပါပြန်ပေးပြီး သားအမိကြားက ဆက်နွယ်မှုကို ဖြတ်တောက်ဖို့ ပြောတယ်။လော်ဆန်းက လော်ရှို့ရဲ့သားမဟုတ်ဘူး။ချန်းဖန်ဖေးက ကလဲ့စာချေချင်လို့ လော်ဆန်းကို မွေးခဲ့တယ်။သူ့သားတွေနဲ့အတူ သူ့ကိုပါ လော်ရှို့က နှင်ချနေပြီ။ထိုကဲ့သို့သော အတွဲလိုက်ရိုက်ချက်တွေကို သူ လက်ခံနိုင်ခဲ့တယ်။ဒါပေမယ့် နေမကောင်းဖြစ်နေတဲ့ အမေကို အတင်းအကြပ်နှင်မထုတ်လောက်ဘူးထင်တာကြောင့် တမင်တကာ အိပ်ရာထဲကမထဘဲ နေမကောင်းချင်ယောင်ဆောင်နေလိုက်တယ်။စကားလုံးတွေသုံးပြီး ဆက်ဆံရေးကိုဖြတ်တောက်လို့ ရမယ်တဲ့လား...
လော်ရှို့က မုန့်ရန်နဲ့ မွေးမလာသေးတဲ့သူတို့ရဲ့ရင်သွေးလေးအတွက် အနှောက်အယှက်ကင်းပြီးလုံခြုံစိတ်ချရတဲ့ ပတ်ဝန်းကျင်တစ်ခုကို ဖန်တီးပေးဖို့ အတွက် ဒီလူတွေအကုန်လုံးကိုရှင်းထုတ်ဖို့ စိတ်ပိုင်းဖြတ်ပြီးနေပြီ။အကယ်၍ ရှုမင်ဟွာ တကယ်ကြီး နေမကောင်းဖြစ်ခဲ့ရင်တောင် အဓိကစံအိမ်ပေါ်မှာ လူမမာတစ်ယောက်ကို ခေါ်တင်ထားဖို့ လော်ရှို့ လုံးဝလက်သင့်ခံမှာမဟုတ်ဘူး။
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
Chapter (58)
Start from the beginning
