ကိုယ့်ကိုကိုယ် အပြစ်တင်နေပေမယ့်လည်း လက်က ငါးအူချောင်း နောက်တစ်ချောင်းကို လှမ်းယူနေမိသည်။ စားရင်း ဟိုကြည့် ဒီကြည့်ရင်းမှ လမ်းကြားလေးထဲ မရမက အတင်းတိုးဝင်ပြီး ဖြတ်သွားဖို့ ပြင်နေတဲ့ ပြိုင်ကား အနီလေးဆီ အာရုံရောက်သွားသည်။
"အား... အမြင်မတော်လိုက်တာ... ဒီကားမောင်းတဲ့သူက ဉာဏ်မရှိဘူးလား ကြွက်တွင်းရပ်ကွက်ထဲ လာပြီး ဒီလို ပြိုင်ကားကို ဘယ်လိုတောင် ကွေ့ဖို့ ကြိုးစားနေတာလား"
ငါးအူချောင်းကို ပလုတ်ပလောင်းဝါးရင်း ငေးကာ အကဲဖြတ်နေမိသည်။ ကားတံခါးမှန်လေးချလိုက်ပြီး ခေါင်းထွက်ကာ လွှတ်မလွှတ်ကြည့်ဖို့ ထွက်လာရာမှ မြင်လိုက်ရတာ ရတဲ့ မျက်နှာကြောင့် Jimin သီးပါ သီးသွားသည်။
"ဒီကြွက်စုတ်က ဘယ်လိုလုပ် အဲ့ကားပေါ်ရောက်နေတာလဲ"
Jimin ကိုယ့်မျက်လုံးကိုယ်ပင် မယုံနိုင် မျက်စိမှိတ်ကာ ပြန်ဖွင့်ကြည့်လိုက်မိသည်။ ကားပေါ်က Taehyung ကတော့ Jimin ရှိရာအား သတိထားမိပုံမပေါ် ကား နောက်ဆုတ်ဖို့ အဆင်မပြေသည်မို့ ကားမှန်ပြန်တင်ကာ ဝူးခနဲ မောင်းထွက်သွားလေသည်။ Jimin ကြောင်ငေးကာ ငါးအူချောင်းဆိုင်လေးတွင် တစ်ယောက်ထဲ ငါးအူချောင်းလေးကိုင်ကာ ငေးကျန်နေခဲ့သည်။
"ဒီကောင် ဘာလဲ... ဆံပင်ဆိုင်ဝန်ထမ်းတောင် ပြိုင်ကားစီးနိုင်တဲ့ အခြေအနေကို ရောက်အောင်ထိ တောင်ကိုရီးယားနိုင်ငံက တိုးတက်နေပြီလား"
လက်ထဲက ငါးအူချောင်းလေးကို အမြန်စားကာ ဘီဘီ ဆံသဆိုင် လေးသို့ ပြန်လာခဲ့သည်။ ဧည့်သည်တစ်ယောက်မှ ရှိမနေသည်မို့ Hoseok တစ်ယောက် Sound box သံ အကျယ်ကြီးဖြင့် သီချင်းလေး ဖွင့်ထားရင် ဆိုင်အတွင်း သန့်ရှင်းရေးလုပ်ကာ ကနေလေသည်။ မြင်လိုက်ရတဲ့ မြင်ကွင်းကြောင့် Jimin နှာခေါင်းရှုံ့ကာ ခေါင်းခါလိုက်မိသည်။
"ဆံပင်ဆိုင်သူဌေး မရှက်ဘူးလား.. Customer တွေလာရင် ခင်ဗျားကနေတာကြည့်ပြီး ကြောက်လို့ ပြန်လှည့်သွားမှာ သေချာတယ်"
Jimin စကားကို Hoseok က ဂရုမစိုက်သလိုဟန်ဖြင့် အကမပျက်ပဲ
"Clam down Clam down JiJi... ကိုယ်ပျော်ဖို့ထက် ဘယ်အရာက ပိုအရေးကြီးမှာလဲ.. လူဆိုတာ အမြဲ ငွေနောက်လိုက်နေလို့မှ မဖြစ်တာ"
"အိုက်ဂူး... တော်လိုက်တာ အဲ့လို အတွေးအခေါ်တွေ ကြောင့် ကြွက်တွင်း ဆံပင်ဆိုင်ထဲက ရုန်းမထွက်နိုင်တာ"
BẠN ĐANG ĐỌC
Amor is so Dumm
FanfictionAmor {proper noun} god of love, son of Venus, Cupid. (Unicode +Zawgyi) Unicode; ငါရှိရမယ့် နေရာအမှန်က ဂျာမနီမှာလည်း မဟုတ်ဘူး တောင်ကိုရီးယားမှာလည်း မဟုတ်ဘူး... မင်းရဲ့ဘေးမှာ...။ Zawgyi; ငါရွိရမယ့္ ေနရာအမ...
Ep-8
Bắt đầu từ đầu
