🔥 تملكني بقسوته 🔥 نفس عهد ( بالدرجة المغربية)

الاجزاء من 411 الى 434

              ✳ الجزء 411 ✳

   ♥نـــــفــــــــس عــــــــهـــــــد♥

           ♣ تملكني بقسوته ♣

             ✏ الفصل التاني ✏

             ⚕ صمت و اسرار ⚕

🌸فاطمة الزهراء مبارك🌸

يوم الجمعة لي مقرر انه غيمشيو يخطبو شيماء من دارهم الفرحة شاداهم كاملين و علاش لا و امين دار عقلو ناضت من حداه و دخلات الحمام دوشات و خرجت لبسات بيجامتها طبعا مستورة احتراما لحيدر و امين اما منين كدخل البيتها مع عهد فهي كاحيد الحوايج و تجلس غير بكسوة خفيفة

نشفات شعرها و خرجات طلات عليه باستو في كتفو و دوزات يديها على ضهر العريض العاري

نفس:حبيبي
عهد(زاد خشا راسو في المخدة):امم
نفس:حبيبي واش تنوض دابا
عهد (طل عليها بنص عين):واخا عنوض دابا
نفس(ببتسامة):الحمام واجد
عهد(دار عندها):عطيني بوستي ديال الصباح
نفس(ضحكات):راه بستك في ضهرك
عهد:مامحسوباش انا باغي نتبنن

نفس ضحكها بهضرتو قربات و باستو و هو حلف لا طلقها حتى قربات تجيف بعدات مخنزرة

نفس:مجعور
عهد:نوضي هبطي انا جاي
نفس(وقفات):واخا
عهد:بلاتي نشوف
نفس(وقفات قدامو):شنو
عهد(تگعد و جلس):مزيان كيف كل نهار
نفس(دوزات يديها على وجهو بحب كبير): احترام واجب احبيبي
عهد:الله يرضي عليك

ضحكات و هبطات لقات غير امين و بيسان جالسين اما حيدر في الكوزينة مع حلم كي شوف اشنو خاص

حلم:صافي التمر و الحنة و القوالب السكار نشريوهم اما الباقي كلشي موجود
حيدر:عنصيفط عليهم دابا
حلم(تنهدات):الحمد لله ولادنا كاملين رسمو حياتهم كنت ضاربة الهم لعهد كثر منهم شخصيتو صعيبة و بزااف
حيدر:لقا لي توالمو حتى نفس شخصيتها قويه و صعب منو مكتحنيش الراس
حلم: قلبو البيض و لقاه ربي مع بيض منو
حيدر:كنشبها بيك منين كنتي في عمرها
حلم(ضحكات):بصح كتشبه ليا يالله سير انا نجيب ليك دواك تشربو سمعتي شنو قال الطبيب و انت لبارح دخلتي حتى 4 الصباح راه عنتقلق و نغضب و راك عارفني كيف دايرة
حيدر(شد ليها وجها بين يديه):غضبة نهار الكسيدة معمرها تمشي من بالي وخا يدوزو اعوام و اعوام الله يخليك ليا وعد نرد البال لراسي
حلم:و يخليك تاج فوق راسنا جميع انت حامي هذه العائلة بعد الله سبحانه دراع لي نتسندو عليه عافاك سمع لمراتك و عشيرة عمرك
حيدر؛كوني هانية ا عمارت داري و جنة ولادي و حنانة حفادي

باس راسها و شفايفها خرج من تما شاف في نفس و بتاسم هبط عهد جلس معاهم و فطرو جميع حتى غمز عهد باه و ناضو بجوج المكتب اما البنات عاونو حلم في جميع الطبلة و نصيب الغدا على حقو و طريقو كيف عادتهم              ✳ الجزء 412 ✳