🔥 تملكني بقسوته 🔥 نفس عهد ( بالدرجة المغربية)

✳ الجزء 13 ✳ ♥نـــــفــــــــس عــــــــهـــــــد♥

              ✳ الجزء 13 ✳

   ♥نـــــفــــــــس عــــــــهـــــــد♥

           ♣ تملكني بقسوته ♣

             ✏ الفصل الاول ✏

         ♟ هدوء قبل العاصفة ♟

🌸فاطمة الزهراء مبارك🌸

الاسانسور كتسناه يهبط و هو تبسم جنب جا وقف من موراها هز يديه و حطها على خصلات شعرها لكن محطش ييه و زير باش متحسش بين قرب نيفو كي تنفس عبيرها مبتاسم اما هي حسات بشي حركة من موراها دارت مخلوعة لحسن الحظ انه حس برجفتها بعد قبل ما دور

نفس(باستغراب):باغي شي حاجة اسيدي
عهد(حك قرفادتو):لا غير كنتسنا الاسانسور
نفس(خوات ليه الطريق):اوكي

دام الصمت بيناتهم حتى ولا دوا

عهد:انت جديدة اول مرة نشوفك هنا
نفس:اه اول يوم ليا في الخدمة انت خدام هنا كبحالي سمحلي حيت مكنعرف حتى حد من غير فدوى

حك مأخرة راسو و بدا كي فكر خاف يقول ليها انا مول الشركة و تصرف مهاه برسمية دابا هو مباغيش هذه الشي في هذه اللحظة غدي يتخرب ليه كلشي او نقولو عهد مزال ما عارف شنو باغي منها نهائيا لي هامو انه باغيها تكون حداه قريبة ليه هذا كي سميه هو لعب لا غير اما الحقيقة غير

نفس(باستغراب):مجوبتينيش
عهد(بعد تفكير):انا انا انا ااه انا مدير الموارد البشرية الجديد جيت هذه الصباح
نفس(صغرات عينيها):و كتسولني واش جديدة محشمتيش و انت يالله جيتي تخدم
عهد(بتاسم جنب):هذه الشي لي كاين بغيت نعيش الدور
نفس(ضحكات):مزيان اسيدي
عهد(سها في ضحكتها حتى مد يديه بلهلا يطريه ليه):انا عهد عهد المرابط
نفس(ببتسامة):نفس القدميري
عهد(داب في ابتسامتها):شرف ليا

تحل الاسانسور طلعو بجوج و صمت سيد الموقف حتى نزلو خرجو البرا شافت فيه

نفس:بسلامة
عهد:تسناي
نفس:علاش حتى انت عتركب في الطوبيس
عهد(شاف من موراها بان ليه موقف ديال الطوبيس):اااه ااه يالله عيمشي علينا
نفس(هزات كتافها):يالله

تمشاو خداو نوبة ديالهم حتى طلعو خلاصت نفس هي الاولى و حتى هو دار بحالها كانت اول مرة يركب فيها جبد بزطام و مد الشيفور 200 درهم هي لي عندو معندوش الصرف و نفس وقفة عليه حتىك كانو هما الخارا واقفين

سائق:معندكش الصرف
عهد:لا معنديش
سائق:سمح ليا غير نزل معنديش الصرف 200 درهم
نفس(بتاسمات و مدات ليه 10 دراهم): هاك قطع ليه
عهد:مشي مشكل انا نزل
نفس:لا الا نزلتي معتركب حتى 7

قطع ليها و رد ليها الصرف و دخلو خداو حوج بلايص ليهم بجوج و جلسو