✳ الجزء 40 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
♟ هدوء قبل العاصفة ♟
🌸فاطمة الزهراء مبارك🌸
نفس مصدومة و عهد عينيه جمرة على نادر عارفو كي ستفزو و كي دور بنفس غير ضد فيه تنهد بعصبية و شاف في نفس
عهد:تسنايني حدا لوطو
نفس:عهد سمعني
عهد(دار عندها كامل):عنهضر مع سي نادر و نجي
نفس:واخا
مشات وقفات حدى لوطو و كتشوف فيهم خايفة هي فعلا عهد جا كيف رحمة سيدي ربي حيت مرتاحتش ليه و اما هو كان مشا البارطمة ديالو بدل عليه و وصلو ميساج بلي نادر تابع نفس هود كي جري و مشا عندها و لي صعرو هو منين شد نفس و جرها من دراعها تما صافي فاض الكاس و الغيرة بدأت كتحك فيه و معارفش راسو شنو كي دير
نادر(باستهزاء):خايف على كتيكيتة
عهد(جمع يديه على قبضة و كان عينزل عليه لكن تراجع لاخر لحظة):اخر مرة نقول ليك خليك بعيد على نفس راه عنخرج عليك سمعتي خليييك بعيييييد عليهاااا ا نادر
نادر:شنو خايف مزيان منين قلتي ليها اسمك الحقيقي بعدة حتى الا شي واحد قال ليك عهد مطلعش الحسبة برافو راك كتفكر
تعصب و هو يدخل فيه براس حتى رعف و هذه الشي شافتو نفس و قفزات كانت جاية عندو لكن ما ردها غير تخنزيرتو حيت عرفها عتجي
عهد(هز سبابتو بتحذير):اخر مرة ا نادر اخر مرة
نادر:غدي تندم
عهد:خليك ولد عمي زوين و كتسمع الهضرة و مديرش لبسالة حسن ما نجيبها في عضامك راك تعرفني مزيان
نادر(جبد كلينيكس و مسح نيفو من الدم):دابا نشوفو
مسمعش ليه مشا عندها و نطق بكل غضب:ركبي
نفس:عهد انا مع فدوى جيت معا***
خنزر فيها و هي تقرم طلعات بزز منها دارت سانتور و هو يدماري حتى مشات و جات و غادي مكسيري خافت منو و من نواضرو لي كي سنيو و عروقو لي بارزين عينيها دمعو
نفس:عهد نقص السرعة عافاك
عهد(صمت)
نفس:عهد عندي فوبيا من السرعة نقص عافاك
صمت و زاد كسيرا حتى شافتو خرج من المدينة تماا برد ليها الما في الركابي صافي جهدها بدا كي تسالا
نفس:عهد عافاك حبس الوطو شوف راه والله ما مشيت معاه شي بلاصة والله تلاقيتو والله حتى تلاقيت انا كنت مع فدوى ا عهد حبس عافاك حبس
صمت و محسات بلوطو حتى وقفات عاد نطق:نزلي
نفس:كيفاش
عهد(غوت):نززززليييييييي
قفزات و نزلات بزز منها و هي تشوف راسها كانت واحد الفيلا صغيرة و دايرين بيها غير الشجر معرفات راسها باش تبلات حتى لبغات تهرب معندها فين اما عهد فتح الباب و دخل و هي تبعاتو لقاتو حيد جاكيت و كي تنفس بسرعة كبيرة و هي لصقات في الحيط خوف منو
نفس:عهد انا
عهد(ضرب الطبلة برجليه):سكتيييييي
قرمات و زادت تخشات في الحيط كترعد معمرها شافت معصب كبحال هكذا هو مشا عندها و شدها من دراعها
تتمة غدا ان شاء الله
YOU ARE READING
🔥 تملكني بقسوته 🔥 نفس عهد ( بالدرجة المغربية)
Actionالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
