✳ الجزء 10 ✳
♥نـــــفــــــــس عــــــــهـــــــد♥
♣ تملكني بقسوته ♣
✏ الفصل الاول ✏
♟ هدوء قبل العاصفة ♟
🌸فاطمة الزهراء مبارك🌸
خرجات مع فدوى بعد ما فرحات ليها انها عتخدم معاهم و سنات على الكونطرا نفس رتاحت ليها حيت باينة ضريفة مشي مصطانعة حتى فدوى اول مرة تطلق في الهضرة مع شي وحدة بهذه السرعة
فدوى:فرحت ليك
نفس:و اخيرا غديا نتهنا من صداع و المشاكل ديال ديك الحومة
فدوى:انا حومة
نفس:المشروع
فدوى(حطات يديها على فمها):درب الشمكارة
نفس:واييه غير سكتي كل نهار مشكل
فدوى:باز ليك عايشة فيه والله
نفس:شنو ندير انا ساكنة مع عائلتي ختي تزوجات و عتمشي مع راجلها لطنجة
فدوى:علاش فين ساكن في طنجة
نفس:بني مكادة خدام عسكري في ديك القشلة لي كاينة تما
فدوى:اوا الله يعاونهم عتبقاي مع باباك و ماماك
نفس(تتهدات):عنبقا مع بابا ماما طلقات من بابا باش كنت صغيرة و تخلات علينا
فدوى(ضراتها في خاطرها):ميبقاش فيك لحال احبيبتي
نفس:لا بالعكس مبقاش فيا الحال
فدوى(شداتها من يديها):اجيو نشدو طاكسي
نفس:لا عنمشي في طوبيس مفيا لي يركب فشي طاكسيات بغيت نشوف الناس و نسمع صداع الدراري
فدوى(ضحكات):انت تعرف حسن مني المهم ها نمرتي عندك نتلاقاو غدا
نفس:ان شاء الله باي
مشات وقفات في بلاكة كتسنا الطوبيس جلسات و كتلعب برجليها في الارض و قلبها غدي يطير بالفرحة كتفكر في حياتها لي عتبدل هي مجرد احلام بسيطة دير دارها في بلاصة نقية بعيدة على الشماكرية و طونوبيل صغيرة تهز بيها رجليها و خدمتها تنوض ليها الصباح و ترجع في العشية و في الدارها في الويكاند تخرج تسارا مع رصاتها صافي حتى في الحلامها معندهاش شي واحد اسمو راحل لي ترسم معاه مستقبلها قاطع تفكيرها طوبيس لي جا طلعات و خلصاتو و مشات قلبات على بلاصة خاوية جلسات فيها و كتدور راسها و تشوف الناس عايشين حتى وصلات المحطتها الأخيرة دارت صاكها في كتافها و نزلات مشات الحي ديالها و دخلات ليه عوتاني نفس النگير حتى كتحس بصاك مجرور دورات راسها و هي تغوبش
نفس:منشار راك بديتي طلع ليا الدم
منشار:يطلع ليا انا و لي ما يبغيك
نفس:و فرقني عليييك
منشار:متفرقني عليك غير الموت
نفس:اووف مريض
منشار:اجي فين كنتي نهار كامل
نفس:خدامة صافي دخل سوق راسك
منشار:شناااااهووو غير صبري نهار لي تولي حلالي منخليكش تخدمي
نفس:هذاك النهار لي معمرو يكون
منشار:مقبولة منك هانيا
نفس ساطت بالسخط و مشات بحالها الدار دخلات ليها و شافت صباط اخر محطوط في الباب تبسمات و مشات دخلات لقات راجل خودتها تما تبسمات و رحبات بيه عرفات انه غدا غيمشيو بقا فيها الحال بزااف
ESTÁS LEYENDO
🔥 تملكني بقسوته 🔥 نفس عهد ( بالدرجة المغربية)
Acciónالبطل💪:راجل و نص لكن مشكلتو مشكيلة تعلق قلبو وحدة خلاه يموت عليها و طامع في حبها و قلبها يحن عليه داكشي علاش عيتصرف تصرف ما عرفو صحيح او غلاط كيفاش مع سرد القصه عنعرفو البطلة: زوينة قاريا جات الظروف تلاقا مع البطال و تخدم عندو لكن معمرها عرفاتو فاص...
