سلالة العنفوان ..(ذنب عيناك)

البارت 19ج2

ما تستاعل الي،يصير الها شكد ما هي طيبة كلب ما عندها نفاق ودغش صافيه مثل السما شفافه مثل المي فطيره وعلئ نيتها ما بيوم زعلت منها احد او كرهت واحد بيها

انه الجاي انتقم منها ومن امها حبيتها عشكتها ساعدتني،بهواي امور تضحك الضحكتي وتحزن الحزني فعلا سوزان جوهره ثمينه وانه حضيت بيها ومستحيل استغني عنها...

دخلت عليها بالغرفه بالطوارئ شفتها متمدده والكانوله بيدها وتبجي تقربت منها وكعدت بست ايدها همست الها بحب...سوزاني يا روحي شبيج فهميني

شهكت من بين دموعها وردت عليه...فاروق اني كوولش،اسفه تعبتك ويايه وخوفتك ورعبت بس،والنبي،مو قصدي اسوي هيج ما اعرف فجاة اختنكت مو بيدي،ونبي

بست ايدها حيييل...كافي يروحي انتي لا تبجين ولا تتاسفين انه الاسف واعتذر غفلت عنج وما اهتميت الحالتج ان شاء اللة اليوم نسوي كل الفحوصات ونشوف شنو القضيه وان شاء اللة ما بيج غير العافية

كعدت وجرت نفس...فاروق بس دا احس هنا مثل العظم مال السمجه نابت هنايه مديخليني اتنفس صعوبه حتئ بالاكل « تفرك بعنقها وتمسح عليه وهي تبجي »

ردعت بستها مره ثانيه واني حاير شئ وصارت عندي ردة فعل جنت اخاف بس،لا بيها مرض خبيث او شئ ما يطمن لا سامح الله لان تغيرت سوزان هواي

ضعفت وصفرت وحتئ شعرها ضل يتساقط وشفايفها تشككت...

رديت عليها اطمنها...سوزاني يروحي ما بيج شئ وان شاء اللة ياخذون الج اشعه ونشوف شنو القضيه واني متأكد ما بيج شئ...

كالت بزعل وصوتها الانثوي الدلوع يذوب كلبي...ما عرفت شسوت بيه هاي،الدكتورة عديمة الاتكيت دخلت انبوبه بخشمي

عقدت حواجبي مستغرب...صدك عديمة الاتكيت شلون تدخل انبوبه بهل خشم الحلو

ردت عليه وهي تتنهد..دكول نعوض الج عن الاوكسجين الي،فقدتي ونسعفج بهاي الانبوبه حتئ ننعشج بالاوكسجين لان انتي كنتي بالعه لسانج

مسحت دموعها بحنان..اي هم بعد يعرفون شغلهم لا تبجين انتي ليش هيج تخافين يبا ماكم شئ

ردت عليه...دا اكولك عظم مال سمجه هنا اذا ما راح مني اني تصير بيه حاله نفسيه وأموت والله كولش قالقني حتئ مدا اكدر انام ولا اكدر اكل

استغربت من كلامها كل شويه وترجع تدقق علئ هل سالفه يعني تأكدت ان سوزان تعاني من حاله مو طبيعيه تشرب مي هواي حتئ تدفع هذا العظم الي ببلعومها بس الظاهر هو ماكو شئ هذا مجرد تخيل...

بعدها كالت...انت شلون عرفت تسعفني ههههههههههه طلعت دكتور...

ابتسمت من بين حزني وسحبت نفس،عميق...حبيبتي انتي،ما يحتاج الدكتور وبرفسور هي خطوات بسيطه ويرجع اللسان الوضعه الطبيعي...