شغفها عشقاً

البارت الثالث

_لا تهتمى سيعرف قيمتگ عند الابتعاد_،،،🥀🖤

سمر بصدمة : انت..!!!! .

أيهم بصدمة : إنتي اي اللي جابك هنا .. لحظة بس إنتي بنت (وسكت) .

سميرة : اي دا انتو تعرفوا بعض .

أيهم : آه .

سمر بتوتر : لا .. قصدي آه لا .

عامر  والد سمر : آه ولا لا انا مش فاهم حاجه .

أيهم : لا مش كدا إحنا اتقابلنا في الشركة قبل كدا ومش قادر اقولك بنتك كانت في غاية الزوق والأدب وانا معجب جدا بيها و بأدبها .

احمد والد أيهم : طب مش اي ي عامر م تورينا بيتك احنا أول مره نيجي هنا.

أم ايهم  : وانا كمان خدوني معاكوا

ابتسمت سميرة ام سمر وطلعوا من الاوضه وبقي ايهم وسمر.

سمر بغضب : وليك عين تيجي لحد هنا انا متكلمتش احتراماً للناس الكبيرة اللي كانت قاعدة بس عاوزه أقولك انا مش موافقة عليك يالا طرقنا من سكات .

أيهم بصدمة : إنتي مش موافقة عليااا !!! هو إنتي تطولي واحد زيي انا مليون واحدة تتمني نظرة مني بس .

سمر ببرود : طب روح للمليون واحدة دول ربنا يهنيك وأبعد عن طريقي .

أيهم بهدوء وغموض : طب ممكن نتكلم .

سمر : إنت غبي مبتفهمش قلتلك مفيش كلام بينا لو سمحت اطلع بره يالا .

أيهم ببرود : تمام ممكن تقعدي دقيقتين اسمعي مني وبعدين فكري مش هتخسري حاجه

سمر وهي بتقعد: قعدت عاوز تقول اي

أيهم بخبث وذكاء: طب انا هتجوزك يعني هنجوزك ووريني هتعملي اي وبعدين انتي رفضتي بدون سبب مقنع مش ممكن تكوني عجبتيني .

سمر: وانت مفكر اني هصدقك اصلا

أيهم: انا عجبني احترامك جدا علشان كدا عاوزك تكوني شريكه حياتي.

سمر: لو سمحت كفايه لعند هنا انا مش عاوزه ادي مجال لنفسي اني افكر فيك لاني كل م بفتكرك بتضايق جدا.

أيهم: مكملتش كلامي انا أيهم عندي ٢٩ سنة مهندس معماري وبابا دكتور عندنا اكبر مستشفى في مصر وانا اشتغلت كتير لحد م بنيت شركتي الخاصة وكبرتها وصاحبي دخل معايا بأسهم فيها وكبرناها وبقت من اكبر شركات العالم وخلال فتره قدرنا نفتح سلاسل شركات البحيري والشناوي في العالم وفيلتي جاهزة ومش ناقصني حاجه الحمدلله.

سمر: كل اللي قلته ميفرقش معايا

أيهم: متخليش سوء تفاهم يأثر علي قرارك اتمني تفكري كويس وصلي وأسألي عليا لو عاوزه.. دا رقمي اول م تاخدي قرارك ياريت تتصلي عليا سلام