Lectureခန်းထဲမှာထိုင်တော့လည်းတူတူ....
sizeတူဂိုက်တူ....
တစ်ယောက်မုန့်ဖိုးကုန်ရင်နောက်တစ်ယောက်ရှိတာလေးကိုလည်းတူတူမျှသုံးကြနှင့်တကယ်ကိုပျော်စရာအတိပြီးသည့်အချိန်များပင်ဖြစ်သည်။အခုတော့လည်း.....ယောက်ျားတစ်ယောက်ကြောင့် သူစိမ်းသက်သက်ပါပဲ။
“ဟိန်းထက် ဘာလာလုပ်တာလဲ”
“ဝယ်စရာရှိလို့ဝင်လာတာကိုခန့်ထည်။အစ်ကိုရော ဘာလာလုပ်တာလဲ”
လေးလွှာကMarketကိုဝင်၍ခေါင်းလျှော်ရေဗူးဝယ်ပြီးအထွက် စက်လှေကားနားမှာကိုခန့်ထည်နှင့်ဆုံလေသည်။
ကြည့်ရတာ၅လွှာကခုမှဆင်းလာသလိုပင်။“အပေါ်မှာကြက်ကြော်လာစားတာ။အဟက် သိတယ်မလားကိုယ်ကကြက်ကြော်သရဲလေ”
ကိုခန့်ထည်ကအပြောကြောင့်ဟိန်းထက်ရယ်လိုက်မိသည်။
“ဒါနဲ့ တစ်ယောက်ထဲလာစားတယ်”
“အစကဒီဒီပါတယ်။လမ်းတစ်ဝက်ရောက်မှ ဗိုက်ထဲရစ်လို့ဆိုပြီးအဆောင်ပြန်ပြေးတာ။ဟားဟား ပြောမရဘူးအခုလောက်ဆိုပန်းကမ္ဘာထဲလည်နေလောက်ပြီ”
ဟိန်းထက်မျက်လုံးတွေပိတ်အောင်ရယ်လိုက်မိသည်။အခုနေဒီဒီဖြစ်နေမယ့်ရုပ်ကြီးကိုတွေး၍အရယ်ကမရပ်နိုင်ပေ။
“ဟင်”
လက်ထဲတွင် အထုပ်တစ်ထုပ်ဆွဲလျှက်မိမိတို့ကိုကြည့်နေသည့်အရိပ်ကလေး။ဟိန်းထက်သူ့ကိုတွေ့သွားမှန်းသိတော့ ချက်ချင်းလှည့်ထွက်သွားလေသည်။
ဟိန်းထက်ပြေး၍လှည့်ထွက်သွားသူ၏လက်ကိုဆွဲထားမိသည်။ဒီတစ်ခါတော့မိုးသားအထင်လွဲလို့မဖြစ်တော့ဘူးမလား ။
ကိုခန့်ထည်ကတော့ ခုထိအခြေအနေကိုနားမလည်သလိုဖြစ်နေဟန်ပင်။“ငါ့လက်ကိုအခုလွှတ်”
မေးရိုးကြီးတွေတင်းနေအောင် အံကြိတ်၍ပြောနေသည့်မိုးသားကတကယ်ဒေါသထွက်နေဟန်။မိမိလက်ဖဝါးအောက်မှ သူ့လက်ဖျားသည်လည်းအေးစက်၍နေသည်။
“မင်းထင်နေသလိုမဟုတ်ပါဘူးမိုးသားရယ်”
“ငါ့လက်ကိုအခုလွှတ်လို့ပြောနေတယ်”
YOU ARE READING
နွေဦးလေပြေ🤍
General Fiction"အကိုကကျွန်တော့်အတွက်တော့ နွေဦးလေပြေလေးလိုပဲ။ ဘယ်ချိန်ပြန်တွေးတွေး သတတနဲ့ကြည်နူးနေမိတုန်း လွမ်းဆွတ်နေမိတုန်းပဲ" မိုးသားရောင်
နွေဦးလေပြေ🤍(အပိုင်း_၂၅)
Start from the beginning