LOVE ME,OK![Complete]

YOU ARE READING

Fanfiction

ZSWW[Myanmar] XiaoZhan肖战 × WangYibo王一博 XiaoZhan is a IQ160 having student.Bo Bo is a normal student.This story is painting a beauty love of between senior and junior.Containing equal solution sweet and drama.This is "Love Me,OK!" //𝐃𝐞𝐚𝐫 𝐁𝐨 𝐁�...

#zhanyi #zsww

Episode-13

Start from the beginning

by M-O-N-E

ဖန်းဝေနေရာဝင်ယူလိုက်တာနဲ့ဖေရှီးခန္ဓာကိုယ်ပါတချက်လှုပ်သွားပြီးထိုင်ခုံကသိမ့်ခနဲ။မကြာလိုက် ငြိမ့်ခနဲမောင်းထွက်လိုက်သည့်ကားကြောင့်ဖန်းဝေကျောပိုးအိပ်ထဲကမျက်နှာသစ်ဆေးဗူးလိုlotionဗူးသေးလေးကားကြမ်းပြင်ပေါ်ခလောက်ခနဲ။ဖန်းဝေရမသိလိုက်ပေမဲ့ဖေရှီးရှေ့တွင်ပြုတ်ကျသွားတာမြင်တာမို့ရှေ့ဘက်ထိုင်ခုံအောက်ရောက်နေသည့်ဗူးလေးကိုလှမ်းကောက်လိုက်တယ်။

"ခများဟာ!..."

လူကိုမကြည့်ပဲထိုးပေးလာသည့်ပစ္စည်းကြောင့်ဖန်းဝေမိမိအိပ်ထဲတချက်စစ်လိုက်မိသေး။ဟုတ်နေတာမို့ဆက်ခနဲဆွဲယူလိုက်မိတော့တချက်လှည့်ကြည့်လာပြီးဘာမှမဖြစ်သလိုရှေ့ပြန်လှည့်သွားသည့်ဖေရှီး။ဘာလဲ ဒီကောင်စုတ်လေး နေ့ချင်းညချင်းငါ့ကိုမကြိုက်တော့တာများလား။ကိုယ့်ဘာကိုယ် ဘာတွေးလိုက်မိသလဲသတိမထားမိသည့်ဖန်းဝေကထိုအတွေးကြောင့်ပဲရင်ဘတ်ထဲဂယက်အနည်းငယ်ထသွားရတယ်။

___

ခရီးမစခင်ကတည်းကပင်လယ်ဘက်သွားရမှာမို့တက်ကြွနေသည့်ကောင်လေး။ခုတော့ဖြင့်ကားစထွက်တာနဲ့မျက်လုံးတွေမှေးစင်းပြီးအိပ်ဖို့တာဆူနေတာကြောင့်ရှောင်းကျန့်ခေါင်းရမ်းရင်းသာဖွဖွရယ်နေမိတယ်။ဒီတခါတော့ မျက်ကပ်မှန်မဟုတ်ပဲ ခါတိုင်းလိုမျက်မှန်ဝိုင်းလေးသာတပ်ထားသည့်ရိပေါ်ကြောင့်ဘေးတစောင်းအနေအထားကနေ အရည်ရွှန်းပြီးစိုလဲ့နေသည့်အညိုရောက်မျက်ဝန်းတွေကိုရှောင်းကျန့်ကောင်းကောင်းမြင်နေနိုင်တယ်။ရိပေါ်ပုံစံကတအားအိပ်ချင်နေပုံ။မျက်ခမ်းဆက်မှာအရည်ကြည်လေးတွေတောင်ရစ်တွဲနေပြီမို့။

"အင့်!...အာ!..."

ငိုက်မြှည်းရင်းရှောင်းကျန့်ပုခုံးကိုနှဖူးစောင်းနဲ့တိုက်မိသွားတာကြောင့်ရိပေါ်ကခေါင်းလေးကုတ်ပြီးကိုယ်လေးမရမကပြန်မတ်တယ်။စာအုပ်တစ်အုပ်ကိုဟန်ပါပါကိုင်ထားပေမဲ့ရှောင်းကျန့်စိတ်အာရုံကတော့ပုခုံးထက်မိမိရရမှီနွဲ့လာမယ့်ခေါင်းလုံးလေးကိုမျှော်လင့်နေရင်း။ငိုက်မြှီးကျလာသည့်တိုင်သတိရှိနေတာကြောင့်ပြန်ပြန်မတ်သွားခြင်းကိုလဲစိတ်မရှည်ချင်သလို။